«Маҳсулот тақсимотига оид битим шартлари асосида Ўзбекистон Республикасининг Сурхондарё вилоятида газ-кимё комплекси қурилиши билан «Мустақилликнинг 25 йиллиги» конини қўшимча разведка қилиш ва ишлатиш» инвестиция лойиҳасини амалга оширишни жадаллаштириш мақсадида Вазирлар Маҳкамаси қарор қилади:

1. Маълумот учун қабул қилинсинки, Ўзбекистон Республикаси Президентининг «Ўзбекистон мустақиллиги» инвестиция блокида геология-қидирув ишларини олиб бориш, «Мустақилликнинг 25 йиллиги» конини қўшимча разведка қилиш ва ишлатиш, Ўзбекистон Республикасининг Сурхондарё вилоятида газ-кимё комплексини қуриш тўғрисида» 2017 йил 3 майдаги ПҚ-2948-сон қарорига мувофиқ:

2017 йил 5 октябрда «Ўзбекистон Республикаси Сурхондарё вилоятида газ-кимё мажмуаси қурилиши билан «Мустақилликнинг 25 йиллиги» конини қайта қидириш ва ишлатиш билан «Ўзбекистон Мустақиллиги» инвестиция блокига нисбатан Маҳсулот тақсимотига оид битим (кейинги ўринларда Маҳсулот тақсимотига оид битим деб аталади;

«Мустақилликнинг 25 йиллиги» конида баҳолаш қудуғини бурғилаш, халқаро консультантлар билан биргаликда маркетинг тадқиқотларини тайёрлаш, шунингдек, лойиҳани концептуал ишлаб чиқиш ва лойиҳавий молиялаштириш шартлари асосида халқаро банклар қарзларини жалб қилишни ташкил этиш учун кон захираларини аудит қилиш ишлари олиб борилмоқда.

2. «Ўзбекнефтгаз» АЖ ва «Gas Project Development Central Asia AG» (Швейцария), «Altmax Nolding LTD» (Кипр) компаниялари ва «Ўзнефтгазқазибчиқариш» АЖдан иборат инвесторлар консорциумининг:

а) «Маҳсулот тақсимотига оид битим шартлари асосида Ўзбекистон Республикасининг Сурхондарё вилоятида газ-кимё комплекси қурилиши билан «Мустақилликнинг 25 йиллиги» конини разведка қилиш ва қазиб олиш» инвестиция лойиҳасини икки босқичга бўлиш:

биринчи босқич — «Мустақилликнинг 25 йиллиги» конини жиҳозлаш ва йилига 5 млрд куб метр табиий газни қайта ишлаш қувватига эга газни қайта ишлаш заводини қуриш (2018 — 2022-йиллар);

иккинчи босқич — лойиҳа ҳужжатларини ишлаб чиқиш ва тасдиқлаш, молиялаштиришни (2020 — 2023 йиллар) ва газ-кимё мажмуаси қурилишини (2023 — 2025 йиллар) ташкил этиш;

б) 2018 йил июнь ойида Маҳсулот тақсимотига оид битим доирасида лойиҳавий молиялаштиришни жалб қилиш учун Махсус лойиҳа компаниясини ташкил этиш, кейинчалик Маҳсулот тақсимотига оид битимга қўшимча битим имзолаш.

3. «Ўзбекнефтгаз» АЖ «Gas Project Development Central Asia AG» (Швейцария), «Altmax Nolding LTD» (Кипр) компаниялари ва «Ўзнефтгазқазибчиқариш» АЖдан иборат инвесторлар консорциуми билан биргаликда 2018 йил 20 июнгача бўлган муддатда инвестиция лойиҳасининг биринчи босқичи дастлабки техник-иқтисодий асосланишини экспертизадан ўтказиш учун «Ўзбекистон Республикаси Президенти ҳузуридаги Лойиҳа бошқаруви миллий агентлиги қошидаги Лойиҳалар ва импорт контрактларини комплекс экспертиза қилиш маркази» ДУКга киритилишини таъминласин.

4. «Ўзбекнефтгаз» АЖ Маҳсулот тақсимотига оид битимга мувофиқ инвестиция лойиҳасини амалга ошириш доирасида нефт-газ операцияларининг белгиланган муддатлари ва ҳажмларига риоя этилиши устидан доимий мониторинг олиб борилишини таъминласин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — «Ўзбекнефтгаз» АЖ бошқаруви раиси А.С. Султанов ва Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмурадов зиммасига юклансин.