Ўзбекистон Республикаси Президентининг «Ўзбекистон Республикаси энергетикасида иқтисодий ислоҳотларни чуқурлаштириш тўғрисида» 2001 йил 22 февралдаги ПФ-2812-сон Фармонини бажариш ҳамда энергетика тармоғи корхоналарини монополиядан чиқариш, хусусийлаштириш ва акциялаштириш жараёнларини янада ривожлантириш, электр энергетикаси тизимида бошқаришни ташкил этишни такомиллаштириш, электр энергетикаси ва кўмир саноати корхоналарини ривожлантириш, техника билан қайта жиҳозлаш ва замонавийлаштириш учун инвестицияларни, шу жумладан хорижий инвестицияларни кенг жалб этиш мақсадида Вазирлар Маҳкамаси қарор қилади:

1. Қуйидагилар:

«Ўзбекэнерго» ДАК бошқаруви раисига зарурат бўлганда унинг ижро этувчи аппарати тузилмасига белгиланган штатдаги ходимлар сони доирасида ўзгартириш киритишга рухсат этилсин.

2. «Ўзбекэнерго» ДАК 2001 йил 1 июлгача тармоқни монополиядан чиқариш ва электр энергияси ишлаб чиқариш, узатиш, сотиш соҳасида шуъба корхоналар ташкил этиш, шунингдек умумтармоқ функцияларини бажариш ҳамда ўз тузилмасини 1-иловага мувофиқлаштириш бўйича комплекс чора-тадбирларни белгиланган тартибда амалга оширсин.

3. Энергетика корхоналарини монополиядан чиқариш, давлат тасарруфидан чиқариш ва акциялаштириш масалалари бўйича махсус комиссия (Атаев), Ўзбекистон Республикаси Давлат мулки қўмитаси:

2001 йил 1 майгача «Ўзбекэнерго» ДАК устав жамғармасини, асосий фондларни 2001 йил 1 январдаги ҳолатига кўра қайта баҳолаб чиқишни ҳисобга олган ҳолда, 3-иловага* мувофиқ корхоналар, ташкилотлар ва таркибий бўлинмалар мулклари қиймати ҳисобига шакллантирсинлар. «Ўзбекэнерго» ДАКни белгиланган тартибда давлат рўйхатидан ўтказиш ва унинг акциялари эмиссияси проспектини рўйхатдан ўтказиш таъминлансин;

«Ўзбекэнерго» ДАК билан биргаликда 4-иловага* мувофиқ давлат район электр станциялари ва иссиқлик электр марказларининг белгиланган тартибда якка тартибдаги лойиҳалар бўйича акциялаштирилишини таъминласинлар;

«Ўзбекэнерго» ДАК билан биргаликда 5-иловага* мувофиқ корхоналар ва ташкилотларни белгиланган тартибда босқичма-босқич очиқ акциядорлик жамиятларига айлантириш тадбирларини амалга оширсинлар;

2001 йилда «Электрқишлоққурилиш», «Энергоқозонтозалаш», «Ўзқишлоқэлектрқурилиш» акциядорлик жамиятларидаги акциялар давлат улушининг бир қисмини, 25 фоиз миқдордаги акциялар пакетини давлатда сақлаб қолган ҳолда, биржа бозорида ва биржадан ташқари бозорда сотсинлар;

6-иловага* мувофиқ ижтимоий инфратузилма объектларини хусусийлаштирсинлар;

2001 йил 1 июнгача 7-иловага мувофиқ иссиқлик энергияси ишлаб чиқарувчи ва электр энергияси ишлаб чиқариш билан боғлиқ бўлмаган корхоналар акцияларининг давлат улушлари ва пакетларини тегишли ҳудудий коммунал-фойдаланиш бирлашмаларига ишончли бошқарувга берсинлар;

4. Белгилаб қўйилсинки:

«Ўзбекэнерго» ДАКни ташкил этиш жараёнида чиқарилган барча акциялар давлат мулки ҳисобланади ва сотилмайди ёки бошқача тартибда бегоналаштирилмайди, улар гаров предмети бўлиши, шунингдек иккиламчи қимматли қоғозлар чиқаришни таъминлаш учун хизмат қилиши мумкин эмас;

«Ўзбекэнерго» ДАКнинг 9-иловага мувофиқ унитар корхоналари акциялаштирилмайди;

электр энергияси сотиш миқдоридан (уни етказиб бериш бўйича хизматларидан) Республика йўл жамғармасига ва Пенсия жамғармасига ҳамда Мактаб таълими жамғармасига тўловлар «Ўзбекэнерго» давлат-акциядорлик компанияси ва унинг корхоналари томонидан электр энергияси ишлаб чиқарувчилар учун белгиланган ставкалар бўйича фақат охирги истеъмолчиларга электр энергиясини сотиш миқдори қисмига амалга оширилади.

5. Ўзбекистон Республикаси Давлат мулки қўмитаси истисно тариқасида (қонунчиликка мувофиқ корхоналар ихтиёрида қолдириладиган маблағлардан ташқари):

«Электрқишлоққурилиш», «Энергияқозонтозалаш», «Ўзқишлоқэлектр-қурилиш» акциядорлик жамиятлари, шунингдек 5-илованинг 2 ва 3-бандларида кўрсатиб ўтилган акциядорлик жамиятлари акцияларининг давлатга тегишли пакетларини сотишдан тушган маблағларни «Ўзбекэнерго» ДАКга энергетика объектларининг асосий қувватларини реконструкция қилиш ва ривожлантиришда мақсадли фойдаланиш учун;

6. Белгилансинки:

Компания кенгаши «Ўзбекэнерго» ДАКнинг юқори бошқарув органи ҳисобланади. Унинг таркиби Вазирлар Маҳкамаси томонидан тасдиқланади;

«Ўзбекэнерго» ДАК бошқаруви 6 аъзодан, шу жумладан раис ва унинг 5 нафар ўринбосаридан иборат бўлади. Раис, унинг ўринбосарлари Компания кенгаши тақдимномасига биноан Ўзбекистон Республикаси Вазирлар Маҳкамаси томонидан тасдиқланади. «Ўзбекэнерго» ДАК бошқаруви раиси маиший таъминот, тиббий ва транспорт хизмати кўрсатиш шароитларига кўра вазирга, биринчи ўринбосари — вазирнинг биринчи ўринбосарига, раис ўринбосарлари эса — вазир ўринбосарларига тенглаштирилади.

7. «Ўзбекэнерго» ДАК Ўзбекистон Республикаси Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда 2002 йил 1 январгача уй-жой фондининг ва коммунал соҳа муҳандислик коммуникацияларининг қабул қилиш-топшириш далолатномалари асосида белгиланган тартибда маҳаллий ҳокимият ва бошқарув органлари балансига берилишини таъминласин.

8. «Ўзбекэнерго» ДАК аппарати Тошкент шаҳар, Хоразм кўчаси, 6-уйга жойлаштирилсин.

9. Ўзбекистон ССЖ Вазирлар Кенгашининг «Ўзбекистон ССЖ Энергетика ва электрлаштириш вазирлигини ташкил этиш ҳақида» 1990 йил 2 октябрдаги 322-сон қарори ўз кучини йўқотган деб ҳисоблансин.

10. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари В.Ю.Атаев ва Ў.Қ.Исмоилов зиммасига юклансин.

Ўзбекистон Республикаси Вазирлар Маҳкамаси вакили

Ўзбекистон Республикаси Марказий банки вакили

Давлат мулки қўмитаси вакили

Макроиқтисодиёт ва статистика вазирлиги вакили

Молия вазирлиги вакили

Адлия вазирлиги вакили

Монополиядан чиқариш ва рақобатни ривожлантириш давлат қўмитаси вакили

Ўзбекистон Республикаси Ҳукуматининг ваколатли вакиллари:

«Ўзбекнефтгаз» миллий холдинг компаниясидан

Қишлоқ ва сув хўжалиги вазирлигидан

«Ўзкимёсаноат» уюшмасидан

«Ўзқурилишматериаллари» акциядорлик компаниясидан