«Ўзбекистон ҳаво йўллари» МАКнинг молиявий барқарорлигини таъминлаш, Ўзбекистон Республикаси Тикланиш ва тараққиёт жамғармаси ҳамда Ўзбекистон Республикаси Ташқи иқтисодий фаолият миллий банки орқали қайта молиялаштирилган хорижий банклар кредитларини, шунингдек, Ўзбекистон Республикаси тижорат банкларининг Ўзбекистон Республикаси кафолати остида жалб этилган кредитларини ўз вақтида қайтариш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Экспорт қилувчи корхоналарни рағбатлантиришни кучайтириш ва рақобатбардош маҳсулотларни экспортга етказиб беришни кенгайтиришга доир қўшимча чора-тадбирлар тўғрисида» 2012 йил 26 мартдаги ПҚ-1731-сонли қарори 6-бандига мувофиқ 2012 йил 1 апрелдан бошлаб янги қурилиш, мавжуд ишлаб чиқаришларни модернизациялаш ва технологик янгилашга валюта кредитлари бўйича асосий қарзни қайтаришга жорий тўловлар бўйича йўналтириладиган валюта тушуми қисми ваколатли банкларга мажбурий сотишдан асосий қарз батамом тўлаб бўлинадиган муддатга қадар озод қилинганлиги маълумот учун қабул қилинсин.

2. «Ўзбекистон ҳаво йўллари» миллий авиакомпаниясига, истисно тариқасида:

таркибий бўлинмаларнинг хорижий валютадаги бўш маблағларини «Ўзбекистон ҳаво йўллари» МАКнинг Ўзбекистон Республикаси Ташқи иқтисодий фаолият миллий банкидаги жорий талаб қилиб олинадиган ҳисоб рақамида жамлашга рухсат берилсин;

3. Мазкур қарор ижросини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклатилсин.