Ўзбекистон Республикаси Президентининг «2009 — 2014 йилларда ишлаб чиқаришни модернизация қилиш, техникавий ва технологик қайта жиҳозлаш бўйича энг муҳим лойиҳаларни амалга ошириш чора-тадбирлари Дастури тўғрисида» 2009 йил 12 мартдаги ПҚ—1072-сонли қарорига мувофиқ ҳамда «Ўзбекэнерго» ДАК генерация қувватларини янада ривожлантириш, республика энергетика тармоғига янги технологияларни жорий этиш ва Тошкент шаҳри истеъмолчиларининг иссиқлик ва электр таъминоти ишончлилигини ошириш мақсадида:

1. Маълумот учун қабул қилинсинки:

Ўзбекистон Республикаси Ҳукумати билан Янги энергетика ва саноат технологияларини ривожлантириш ташкилоти (Япония) ўртасида «Юқори унумдорликка эга когенерацион газ турбинаси технологиясини жорий этган ҳолда Тошкент ИЭМда энергия самарадорлигини ошириш» модель лойиҳаси бўйича Ўзбекистон Республикаси Ҳукумати билан Янги энергетика ва саноат технологияларини ривожлантириш ташкилоти ўртасида ўзаро англашув тўғрисидаги Меморандум имзоланди;

«Тошкент ИЭМда юксак самарали когенерацион газ турбинаси технологиясини жорий этиш ҳисобига энергия ҳосил қилиш самарадорлигини ошириш модель лойиҳаси» инвестиция лойиҳасининг дастлабки техник-иқтисодий асосланиши белгиланган тартибда тасдиқланди;

Янги энергетика ва саноат технологияларини ривожлантириш ташкилоти етказиб берадиган асосий ускуналарни ўрнатиш бўйича пудратчи этиб Япония тарафидан Япониянинг «TOHOKU Electric Power Co., Inc» компанияси белгиланди;

«Ўзбекэнерго» ДАК билан Япониянинг «TOHOKU Electric Power Co., Inc» компанияси ўртасида Тошкент ИЭМда юксак самарали когенерацион газ турбинаси технологиясини жорий этиш ҳисобига энергия ҳосил қилишни кўпайтириш бўйича модель лойиҳасини амалга ошириш тўғрисидаги ҳужжат имзоланди.

3. Тошкент ИЭМда юксак самарали когенерацион газ турбинаси технологиясини жорий этиш ҳисобига энергия ҳосил қилишни ошириш борасидаги модель лойиҳаси бўйича қуйидагилар:

буюртмачи этиб — «Ўзбекэнерго» ДАКка қарашли «Тошкент ИЭМ» ОАЖ;

бош лойиҳачи этиб — «Иссиқликэлектрлойиҳа» ОАЖ;

4. «Ўзбекэнерго» ДАК ваколатли экспертиза органлари билан биргаликда 2010 йилнинг 31 декабригача модель лойиҳасининг техник-иқтисодий асосланишини, белгиланган тартибда Ўзбекистон Республикаси Вазирлар Маҳкамасига тасдиқлаш учун киритилишини таъминласин, объектнинг 2013 йил 1 июлгача фойдаланишга топширилиши назарда тутилсин.

5. Истисно тариқасида мазкур модель лойиҳаси амалга оширилишини тезлаштириш мақсадида «Ўзбекэнерго» ДАК ва Япониянинг «TOHOKU Electric Power Co., Inc» компаниясига лойиҳанинг техник-иқтисодий асосланиши тасдиқлангунга қадар лойиҳа-смета ҳужжатларини ишлаб чиқиш билан бир вақтда қурилиш-монтаж ишларини амалга оширишга рухсат этилсин.

6. Ушбу модель лойиҳасини амалга ошириш доирасида 2013 йилнинг 1 июлигача қуйидагилар:

«Ўзбекэнерго» ДАК ва Япониянинг «TOHOKU Electric Power Co., Inc» компанияси олиб келадиган, шу жумладан Ўзбекистон Республикаси Вазирлар Маҳкамаси томонидан тасдиқланадиган рўйхатлар бўйича «вақтинча олиб кириш» режимида олиб келинадиган ускуналар, материаллар, бутловчи буюмлар ва эҳтиёт қисмлар, шунингдек автотранспорт воситалари божхона тўловларидан (божхона расмийлаштируви йиғимларидан ташқари);

Япониянинг « TOHOKU Electric Power Co., Inc» компанияси ва субпудратчиларнинг транспорт ташкилотлари Ўзбекистон Республикаси ҳудудига кириш учун олинадиган йиғимдан, шунингдек оғир юкли ҳамда катта ҳажмли транспорт воситаларининг умум фойдаланадиган йўллардан ўтиш ҳақини тўлашдан;

Япония тарафи жалб этадиган хорижий фуқаролар жисмоний шахсларнинг даромад солиғини тўлашдан;

Янги энергетика ва саноат технологияларини ривожлантириш ташкилоти (Япония), Япониянинг «TOHOKU Electric Power Co., Inc» компанияси ва бошқа хорижий юридик шахслар Ўзбекистон Республикаси ҳудудида олинган даромадлари бўйича юридик шахсларнинг фойда солиғини тўлашдан;

Янги энергетика ва саноат технологияларини ривожлантириш ташкилоти томонидан берилган маблағлар ҳисобига «Тошкент ИЭМ» оладиган ускуналар, бутловчи буюмлар ва эҳтиёт қисмларнинг қиймати фойда солиғидан;

буюртмачи, бош лойиҳачи ва бош пудратчи томонидан амалга ошириладиган лойиҳа-қидирув, қурилиш-монтаж, ишга тушириш-созлаш ишлари, қўлдан-қўлга ўтган,шу жумладан Ўзбекистон Республикаси ҳудудида харид қилинадиган ускуналар, материаллар, эҳтиёт қисмлар қўшилган қиймат солиғидан ва бюджетдан ташқари Таълим ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармасига тўланадиган мажбурий ажратмалардан озод этилсин.

7. «Ўзстандарт» агентлиги «Тошкент ИЭМ» ОАЖнинг буюртмаларига биноан, мажбурий сертификациядан ўтиши керак бўлган ускуналар ва бутловчи буюмларнинг ўз вақтида сертификациядан ўтказилишини таъминласин.

8. «Ўзбекистон темир йўллари» ДАК Япониянинг « TOHOKU Electric Power Co., Inc» компанияси томонидан мазкур модель лойиҳаси доирасида олиб келинадиган ускуналар, материаллар, бутловчи буюмлар ва эҳтиёт қисмларни Ўзбекистон Республикаси ҳудуди бўйлаб темир йўл орқали ташишни ташкил этишда ҳисоб-китобларни Ўзбекистон Республикаси резидентлари учун қўлланиладиган тарифларга мувофиқ амалга оширсин.

9. Белгилансинки, Соф ривожланиш механизми СРМ доирасида мазкур модель лойиҳасини амалга ошириш БМТнинг ҳадли Конвенцияси Ижроия қўмитасида белгиланган тартибда маъқулланган тақдирда модель лойиҳасини амалга ошириш натижасида ҳавога чиқариладиган моддаларнинг сертификатланган қисқартирилиши умумий ҳажми тасдиқланган бутун кредит даврида Янги энергетика ва саноат технологияларини ривожлантириш ташкилоти фойдасига беғараз бериб борилади.

10. Ўзбекистон Республикаси Давлат архитектура ва қурилиш қўмитаси модель лойиҳаси бўйича лойиҳа-смета ҳужжатларининг давлат экспертизасидан ўтказилишини таъминласин, шунингдек бажарилаётган қурилиш ишларининг сифати устидан давлат архитектура-қурилиш назоратини ўрнатсин.

11. Ўзбекистон Республикаси Иқтисодиёт вазирлиги, Молия вазирлиги ҳамда Ташқи иқтисодий алоқалар, инвестициялар ва савдо вазирлиги мазкур модель лойиҳасини белгиланган тартибда Ўзбекистон Республикасининг 2011 йил ва ундан кейинги йиллардаги Инвестиция дастурига киритсин.

12. Ўзбекистон Республикаси Ташқи ишлар вазирлиги «Ўзбекэнерго» ДАК талабномаларига кўра модель лойиҳасини амалга оширишда иштирок этаётган хорижий мутахассисларнинг, шунингдек уларнинг оила аъзоларининг кўп марталик кириш визаларини консуллик йиғими ва бошқа йиғимлар ундириб олинмасдан белгиланган тартибда расмийлаштирилишини таъминласин.

13. Ўзбекистон Республикаси Ички ишлар вазирлиги «Ўзбекэнерго» ДАК талабномаларига кўра, модель лойиҳасини амалга оширишда иштирок этаётган хорижий мутахассисларга кўп марталик визалар бериш ва уларнинг муддатини узайтириш, шунингдек муваққат яшаш жойида вақтинча рўйхатда туриш ва унинг муддатини узайтиришни таъминласин ҳамда улар давлат божи тўлашдан озод қилинсин.

14. Мазкур .қарорнинг ижросини назорат қилиш Ўзбекистон Республикасининг Бош вазири Ш.М. Мирзиёев зиммасига юклансин.