Ўзбекистон Республикаси Адлия вазирининг 2000 йил 16 октябрдаги 124-сонли буйруғи билан тасдиқланган Идоравий меъёрий ҳужжатларни тайёрлаш ва қабул қилиш қоидалари (2000 йил 16 октябрь, рўйхат рақами 979)нинг 83-бандига асосан Ўзбекистон Республикаси Молия вазирлиги, Давлат солиқ қўмитаси ва Марказий банки Бошқаруви қарор қилади:

1. Ўзбекистон Республикаси Молия вазирлигининг 1999 йил 19 апрелдаги ЭГ/17-13/780-сон, Давлат солиқ қўмитасининг 1999 йил 29 апрелдаги 99-56-сон ва Марказий банкининг 1999 йил 26 апрелдаги 125-сон билан тасдиқланган «Вино-ароқ маҳсулотларини улгуржи ва чакана сотишдан тушган тушумни ҳисобга олиш ва назорат қилишнинг махсус тартиби» (1999 йил 11 май, рўйхат рақами 724 — Меъёрий ҳужжатлар ахборотномаси, 1999 й., 9-сон) ўз кучини йўқотган деб топилсин.

2. Ушбу қарор Ўзбекистон Республикаси Адлия вазирлигида давлат рўйхатига олинган кундан бошлаб ўн кундан кейин кучга киради.