Oʻzbekiston Respublikasi Adliya vazirligiga davlat reyestridan chiqarish uchun taqdim etilgan normativ-huquqiy hujjatni huquqiy ekspertiza qilish natijasi boʻyicha 2002-yil 13-sentabrdagi xulosaga muvofiq hamda Oʻzbekiston Respublikasi Vazirlar Mahkamasining 1997-yil 9-oktabrdagi 469-son “Vazirliklar, davlat qoʻmitalari va idoralar meʼyoriy hujjatlarining qonuniyligini taʼminlash chora-tadbirlari toʻgʻrisida”gi va 2000-yil 19-maydagi 197-son “Vazirliklar, davlat qoʻmitalari va idoralar meʼyoriy hujjatlarini qabul qilish tartibini takomillashtirish toʻgʻrisida”gi qarorlariga asosan

1. Oʻzbekiston Respublikasi Adliya vazirligi tomonidan 1998-yil 21-fevralda 407-son bilan davlat roʻyxatidan oʻtkazilgan “Tijorat banklari tomonidan ish haqi uchun mablagʻlar berish tartibi” davlat reyestridan chik.arilsin va bu haqda Oʻzbekiston Respublikasi vazirliklari, davlat qoʻmitalari va idoralar normativ-huquqiy hujjatlarining davlat reyestriga tegishli yozuv kiritilsin.

2. Uzbekistan Respublikasi Mehnat va aholini ijtimoiy muhofaza qilishi vazirligi, Moliya vazirligi, Markaziy banki va Makroiqtisodiyot va statistika vazirligi mazkur hujjat davlat reyestridan chiqarilganligini barcha manfaatdor shaxslarga yetkazishi lozimligi maʼlumot uchun qabul kilinsin.

3. Idoraviy meʼyoriy hujjatlarni davlat roʻyxatidan oʻtkazish boshqarmasi (M.M.Ikromov) ushbu hujjat davlat reyestridan chiqarilganligi toʻgrisidagi maʼlumot ommaviy axborot vositalarida chop etilishi hamda manfaatdor shaxslar eʼtiboriga yetkazilishi ustidan nazoratni taʼminlasin.

4. Qonun hujjatlarini turkumlash va huquqiy axborot boshqarmasi (A.J.Toshqulov) mazkur buyrukni “Oʻzbekiston Respublikasi vazirliklari, davlat qoʻmitalari va idoralari meʼyoriy hujjatlari Axborotnomasi” — “Byulleten normativnix aktov ministerstv, gosudarstvennix komitetov i vedomstv Respubliki Uzbekistan”da nashr etishni taʼminlasin.

5. Mazkur buyruqning bajarilishini nazorat qilish Qonunchilik bosh boshqarmasi boshligʻi X.M.Sodiqov zimmasiga yuklansin.