Oʻzbekiston SSJning iqtisodiy mustaqilligini va suveren huquqlarini mustahkamlashga oid aniq tadbirlarni amalga oshirish, jumhuriyat hududida yetishtiriladigan paxta, pilla, ipak, qorakoʻl, sunʼiy va sintetik tolalar hamda boshqa mahsulotlarni sotishda uning manfaatlari himoya qilinishini taʼminlash, shuningdek yengil sanoat korxonalarini xomashyo materiallari va butlovchi buyumlar bilan yanada barqaror taʼminlash maqsadida Oʻzbekiston SSJ Vazirlar Kengashi huzurida xoʻjalik hisobidagi Xom ashyo va yengil sanoat mahsulotlari taʼminoti hamda ularni sotish Bosh boshqarmasi (“Uzglavlegsnabsbit”) tashkil etilsin.

Oʻzbekiston SSJ Vazirlar Kengashi ushbu masala yuzasidan tegishli qaror qabul qilsin.