Oʻzbekiston Respublikasining 2019-yil 28-avgustdagi OʻRQ-558-son “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Qonuni, Oʻzbekiston Respublikasi Prezidentining 2024-yil 27-dekabrdagi PF-230-son “Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi faoliyatining takomillashtirilishi munosabati bilan Oʻzbekiston Respublikasi Prezidentining ayrim hujjatlariga oʻzgartirishlar kiritish toʻgʻrisida”gi Farmoni hamda Oʻzbekiston Respublikasi Vazirlar Mahkamasining 2022-yil 8-fevraldagi 62-son “Tibbiy-ijtimoiy ekspertiza xizmati tashkiliy tuzilmasini va faoliyatini tashkil etishga oid normativ-huquqiy hujjatlarni tasdiqlash toʻgʻrisida”gi qaroriga muvofiq buyuraman:

1. Oʻzbekiston Respublikasi ichki ishlar vazirining 2019-yil 23-martdagi 67-son buyrugʻi (roʻyxat raqami 3159, 2019-yil 20-may) (Qonun hujjatlari maʼlumotlari milliy bazasi, 20.05.2019-y., 10/19/3159/3151-son) bilan tasdiqlangan Oʻzbekiston Respublikasi Ichki ishlar vazirligi tergov hibsxonalari va jazoni ijro etish muassasalarida saqlanayotgan shaxslarning tibbiy-sanitariya taʼminoti boʻyicha qoidalarga ilovaga muvofiq oʻzgartirishlar kiritilsin.

2. Mazkur buyruq Oʻzbekiston Respublikasi Sogʻliqni saqlash vazirligi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

1. 1-bandning toʻrtinchi xatboshisidagi “mahkumlarga moʻljallangan” degan soʻzlar “mahkumlar uchun” degan soʻzlar bilan almashtirilsin.

2. 8-bandning sakkizinchi xatboshisi quyidagi tahrirda bayon etilsin:

“hayot faoliyati cheklangan (shaxs tomonidan oʻziga oʻzi xizmat koʻrsatish, mustaqil harakatlanish, moʻljal olish, muloqot qilish, oʻz xulq-atvorini nazorat qilish, oʻqish yoki mehnat faoliyati bilan shugʻullanish layoqati yoki imkoniyatining toʻliq yoki qisman yoʻqolgan) (bundan buyon matnda hayot faoliyati cheklangan deb yuritiladi) va nogironligi boʻlgan shaxslarni tibbiy koʻrikdan oʻtkazish va tibbiy-ijtimoiy ekspert komissiyasi (bundan buyon matnda TIEK deb yuritiladi) tavsiyalariga rioya etilishini taʼminlash;”.

3. 57-banddagi “tibbiy-mehnat ekspert komissiyalariga” degan soʻzlar “TIEKlariga” degan soʻzlar bilan almashtirilsin.

4. 92-banddagi “Sanitariya-epidemiologik osoyishtalik va jamoat salomatligi xizmatlariga” degan soʻzlar “Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasiga” degan soʻzlar bilan almashtirilsin.

5. 129-band quyidagi tahrirda bayon etilsin:

“129. Ayollardagi bor boʻlgan kasallikni davolash-profilaktika yordamini koʻrsatish boʻlimi sharoitida davolashni imkoni boʻlmasa, ular oʻrnatilgan tartibda ixtisoslashgan kasalxonaga yoki hududiy davlat sogʻliqni saqlash tizimining davolash-profilaktika muassasalariga (jumladan, respublika ixtisoslashtirilgan ilmiy-amaliy tibbiyot markazlariga) yuboriladi.”.

6. 152-banddagi “tibbiy-mehnat ekspert komissiyasi (bundan buyon matnda TMEK deb yuritiladi)” degan soʻzlar “TIEK” degan soʻzlar bilan almashtirilsin.

7. 157-banddagi “TMEK” degan soʻzlar “TIEK” degan soʻzlar bilan almashtirilsin.

8. 158-band quyidagi tahrirda bayon etilsin:

“158. Hayot faoliyatining cheklangan bemorlarga TIEKlar tomonidan oʻrnatilgan tartibda nogironlik belgilanadi.”.

9. 159-banddagi “Bosh tibbiy-mehnat ekspert komissiyalari” degan soʻzlar “TIEKlari” degan soʻzlar bilan almashtirilsin.

10. 160-band quyidagi tahrirda bayon etilsin:

“160. TH va JIEMda saqlanayotgan shaxslarni TIEKlari tomonidan tibbiy koʻrikdan oʻtkazishning maqsadlari:

hayot faoliyati cheklanganligi holatini, nogironlikning guruhlari, sabablari, boshlangan vaqti va muddatlarini aniqlash;

mehnat faoliyatini bajarish bilan bogʻliq holda mehnatda mayib boʻlgan yoki salomatligini boshqacha tarzda shikastlangan ishlovchilarning kasbiy mehnatga layoqati yoʻqotganligi darajasini, shuningdek ularning yordamni qoʻshimcha turlariga muhtojligini aniqlash;

nogironligi boʻlgan shaxslarning salomatligi va hayot faoliyati cheklanganligi holatini hisobga olgan holda ularni tibbiy va ijtimoiy-mehnat boʻyicha reabilitatsiya qilish tadbirlarini belgilash.”.

11. 161-band quyidagi tahrirda bayon etilsin:

“161. TH va JIEMda nogironligi boʻlgan shaxslar TIEK va vrachlik-maslahat komissiyalarining xulosalari asosida zarur vositalar, shu jumladan oʻrindiqli aravacha, qoʻltiqtayoq, hassa bilan taʼminlanadi. Nogironligi boʻlgan shaxslarga mahalliy davlat hokimiyati organlari, sogʻliqni saqlash, maktabgacha va maktab taʼlimi, boshqa davlat organlari tomonidan ijtimoiy va moddiy yordam koʻrsatilishi mumkin.”.

12. 168-bandning ikkinchi xatboshisidagi “TMEKning” degan soʻzlar “TIEKning” degan soʻzlar bilan almashtirilsin.

13. 169-banddagi “TMEK” degan soʻzlar “TIEK” degan soʻzlar bilan almashtirilsin.