Soʻnggi yillarda mamlakatimizda amalga oshirilayotgan islohotlar doirasida Oʻzbekiston Respublikasi Qurolli Kuchlarining faoliyati samaradorligini oshirish boʻyicha tizimli choralar koʻrilmoqda.

Shu bilan birga, Oʻzbekiston Respublikasi Mudofaa vazirligining harbiy-tibbiy muassasalari harbiy xizmatchilari va fuqaro xodimlari samarali mehnat qilishi uchun munosib shart-sharoitlar yaratish, ularning oʻz kasbiy darajasini oshirib borishdan manfaatdorligini taʼminlash maqsadida harbiy-tibbiy muassasalarda koʻrsatiladigan pulli tibbiy xizmatlardan tushgan mablagʻlarning asosiy qismini kadrlarni moddiy jihatdan qoʻllab-quvvatlash uchun yoʻnaltirish taqozo etilmoqda.

Oʻzbekiston Respublikasi Mudofaa vazirligining harbiy-tibbiy muassasalari harbiy xizmatchilari va fuqaro xodimlarining ijtimoiy himoyasini kuchaytirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga Mudofaa vazirligining harbiy-tibbiy muassasalarida pulli tibbiy xizmatlar koʻrsatishdan tushgan mablagʻlarning 75 foizdan ortiq boʻlmagan qismini ushbu muassasalarning harbiy xizmatchilari va fuqaro xodimlarini moddiy qoʻllab-quvvatlashga, kamida 25 foizini moddiy-texnik bazasini mustahkamlashga yoʻnaltirishni nazarda tutuvchi oʻzgartirishlar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov hamda Oʻzbekiston Respublikasi mudofaa vaziri Sh.Gʻ. Xalmuxamedov zimmasiga yuklansin.

1. Vazirlar Mahkamasining 1999-yil 3-sentabrdagi 414-son qarori bilan tasdiqlangan Budjet tashkilotlarini xarajatlarini moliyalashtirish (toʻlash) tartibi 29-bandining ikkinchi va uchinchi xatboshilari quyidagi tahrirda bayon etilsin:

“tushgan barcha mablagʻlarning kamida 75 foizi (Oʻzbekiston Respublikasi Prezidenti huzuridagi Ijtimoiy himoya milliy agentligi, sogʻliqni saqlash va suv xoʻjaligi budjet tashkilotlarida, Qishloq xoʻjaligi vazirligi huzuridagi Qishloq xoʻjaligi ekinlari navlarini sinash markazida, Oʻzbekiston Respublikasi Madaniyat vazirligi tizimidagi madaniyat markazlarida va Oʻzbekiston Respublikasi Vazirlar Mahkamasi huzuridagi Oʻzbekistondagi Islom sivilizatsiyasi markazida hamda davlat teatrlarida kamida 50 foizi, Oʻzbekiston Respublikasi Mudofaa vazirligi harbiy-tibbiy muassasalarida kamida 25 foizi) moddiy-texnik bazani mustahkamlashga;

koʻpi bilan 25 foizi (Oʻzbekiston Respublikasi Prezidenti huzuridagi Ijtimoiy himoya milliy agentligi, sogʻliqni saqlash va suv xoʻjaligi budjet tashkilotlarida, Qishloq xoʻjaligi vazirligi huzuridagi Qishloq xoʻjaligi ekinlari navlarini sinash markazida, Oʻzbekiston Respublikasi Madaniyat vazirligi tizimidagi madaniyat markazlarida va Oʻzbekiston Respublikasi Vazirlar Mahkamasi huzuridagi Oʻzbekistondagi Islom sivilizatsiyasi markazida hamda davlat teatrlarida 50 foizdan ortiq boʻlmagan miqdorda, Oʻzbekiston Respublikasi Mudofaa vazirligi harbiy-tibbiy muassasalarida 75 foizdan ortiq boʻlmagan miqdorda) budjet tashkilotlari xodimlarini ijtimoiy himoya qilish va moddiy ragʻbatlantirish tadbirlariga sarflanadi”.

2. Vazirlar Mahkamasining “Oʻzbekiston Respublikasi Mudofaa vazirligi qoʻshinlarining tibbiy taʼminot tizimini yanada takomillashtirish chora-tadbirlari toʻgʻrisida” 2018-yil 7-noyabrdagi 915-son qarorining rus tilidagi matnida 3-bandning “g” kichik bandi quyidagi tahrirda bayon etilsin:

“g) sredstva, poluchennie voyenno-meditsinskimi uchrejdeniyami Ministerstva oboroni Respubliki Uzbekistan ot okazaniya platnix meditsinskix uslug posle vospolneniya sovokupnix zatrat po proizvodstvu i realizatsii dannix uslug napravlyayutsya na:

razvitiye materialno-texnicheskoy bazm, remont, zakupku oborudovaniya, lekarstvennix sredstv i izdeliy meditsinskogo naznacheniya — ne meneye 25 protsentov;

premirovaniye voyennoslujashix po kontraktu i grajdanskogo personala voyenno-meditsinskix uchrejdeniy Ministerstva oboroni Respubliki Uzbekistan — ne boleye 75 protsentov”.