Oʻzbekiston Respublikasi Prezidentining “Oʻzbekiston Respublikasi Davlat oʻrmon qoʻmitasini Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasiga aylantirish toʻgʻrisida” 2000-yil 7-fevraldagi PF—2536-son Farmoniga hamda Oʻzbekiston Respublikasi Vazirlar Mahkamasining “Oʻzbekiston Respublikasi Qishloq za suv xoʻjaligi vazirligi huzuridagi Oʻrmon xoʻjaligi bosh boshqarmasi faoliyatini tashkil etish toʻgʻrisida” 2000-yil 20-martdagi 98-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga ilovaga muvofiq oʻzgartirishlar kiritilsin.

2. Oʻzbekiston Respublikasi Vazirlar Mahkamasining “Jumhuriyat oʻrmon xoʻjaligini boshqarishni takomillashtirish haqida” 1991-yil 30-apreldagi 115-son qarori oʻz kuchini yoʻqotgan deb hisoblansin.

1. Oʻzbekiston KP MK va Oʻzbekiston SSR Ministrlar Sovetining “Respublika yaylovlarini tubdan yaxshilash va ulardan oqilona foydalanish toʻgʻrisida” 1978-yil 8-fevraldagi 82-son qarori 2-bandining birinchi xat boshidagi “Oʻzbekiston Respublikasi Davlat oʻrmon qoʻmitasi” soʻzlari chiqarib tashlansin.

2. Oʻzbekiston SSR Ministrlar Sovetining 1982-yil 26-yanvardagi 51-son qarori (OʻzSSR QT, 1982-y., 1-son, 2-modda) bilan tasdiqlangan Oʻzbekiston SSRda yovvoyi hayvonlarni qoʻriqlashning sanitar zonalari toʻgʻrisida Nizomning:

2-bandidagi “Oʻzbekiston Respublikasi Davlat oʻrmon qoʻmitasini” soʻzlari “Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasini” soʻzlari bilan almashtirilsin;

3-bandidagi “Oʻzbekiston Respublikasi Davlat oʻrmon qoʻmitasi” soʻzlari “Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasi” soʻzlari bilan almashtirilsin.

3. Oʻzbekiston SSR Ministrlar Sovetining 1987-yil 9-martdagi 104-son qarori bilan tasdiqlangan Oʻrmonlarda va davlat oʻrmon fondining oʻrmon bilan qoplanmagan yerlarida yovvoyi mevalar, yongʻoqlar, rezavorlar, dorivor oʻsimliklar va texnik xomashyoni hunarmandchilik yoʻli bilan tayyorlash tartibining 7 va 18-bandlaridagi “Oʻzbekiston Respublikasi Davlat oʻrmon qoʻmitasi” soʻzlari “Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasi” soʻzlari bilan almashtirilsin.

4. Oʻzbekiston Respublikasi Prezidenti huzuridagi Vazirlar Mahkamasining “Oʻzbekiston Respublikasining Qizil kitobi toʻgʻrisida” 1992-yil 2-martdagi 109-son qarorining:

1-bandidagi “V.I. Lenin nomidagi Toshkent davlat dorilfununi, Oʻzbekiston Respublikasi Davlat oʻrmon qoʻmitasi” soʻzlari “Mirzo Ulugʻbek nomidagi Oʻzbekiston milliy universiteti, Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasi” soʻzlari bilan almashtirilsin;

5-bandidagi “SSSR va” soʻzlari chiqarib tashlansin.

5. Oʻzbekiston Respublikasi Prezidenti huzuridagi Vazirlar Mahkamasining “Oʻzbekiston Respublikasi Prezidenti huzuridagi Vazirlar Mahkamasining 1992-yil 9-martdagi 111-son qaroriga oʻzgartish kiritish toʻgʻrisida” 1992-yil 8-iyundagi 270-son qaroridagi “Oʻzbekiston Respublikasi Davlat oʻrmon qoʻmitasi” soʻzlari “Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasi” soʻzlari bilan almashtirilsin.

6. Oʻzbekiston Respublikasi Prezidenti huzuridagi Vazirlar Mahkamasining “Oʻzbekiston Respublikasi oʻrmon fondi yerlarida ovchilik xoʻjaligini tashkil etish va yuritish chora-tadbirlari toʻgʻrisida” 1992-yil 12-oktabrdagi 469-son qarori:

1-bandining:

uchinchi xat boshidagi “Davlat oʻrmon qoʻmitasi huzuridagi Ovchilik bosh boshqarmasi” soʻzlari “Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasining Oʻrmon xoʻjaligi, qoʻriqxonalar va milliy parklar boshqarmasi” soʻzlari bilan almashtirilsin;

oxirgi xat boshidagi “Ovchilik bosh boshqarmasi” soʻzlari “Oʻrmon xoʻjaligi, qoʻriqxonalar va milliy parklar boshqarmasi” soʻzlari bilan almashtirilsin;

2-bandidagi “Oʻzbekiston Respublikasi Davlat oʻrmon qoʻmitasiga” soʻzlari “Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasiga” soʻzlari bilan almashtirilsin.

7. Korxonalari, tashkilotlari va muassasalarida muqobil xizmatni oʻtash amalga oshiriladigan vazirliklar, idoralar va konsernlarning roʻyxatda (Oʻzbekiston Respublikasi Vazirlar Mahkamasining 1993-yil 7-iyundagi 275-son qarori — Oʻzbekiston Respublikasi QT, 1993-y., 6-son, 21-modda) bilan tasdiqlangan Muqobil xizmatni tashkil etish va uni oʻtash tartibi toʻgʻrisida Nizomga ilovadagi “Davlat oʻrmon qoʻmitasi” soʻzlari chiqarib tashlansin, “Qishloq” soʻzidan keyin esa “va suv” soʻzlari qoʻshilsin.

8. Oʻzbekiston Respublikasi Vazirlar Mahkamasining “Tabiatni muhofaza qilish toʻgʻrisida” Oʻzbekiston Respublikasi Qonuni qabul qilinishi munosabati bilan Oʻzbekiston Respublikasi Hukumatining ayrim qarorlarini oʻz kuchini yoʻqotgan deb hisoblash va ularning ayrimlariga oʻzgartirishlar kiritish haqida” 1993-yil 8-iyundagi 278-son qarori (Oʻzbekiston Respublikasi QT, 1993-y., 6-son, 22-modda) bilan tasdiqlangan “Oʻzbekiston Respublikasi Hukumatining ayrim qarorlariga kiritilayotgan oʻzgartirishlar”ning 4-bandi oʻz kuchini yoʻqotgan deb hisoblansin.

9. Oʻzbekiston Respublikasi Vazirlar Mahkamasining “Alohida muhofaza etiladigan tabiiy hududlar toʻgʻrisida” Oʻzbekiston Respublikasi Qonuni qabul qilinishi munosabati bilan Oʻzbekiston Respublikasi Hukumatining ayrim qarorlari oʻz kuchini yoʻqotgan deb hisoblash va ularning baʼzilariga oʻzgartirishlar kiritish haqida” 1993-yil 30-avgustdagi 436-son qarori (Oʻzbekiston Respublikasi QT, 1993-y., 8-son, 33-modda) bilan tasdiqlangan 2-ilovaning 6-bandi oʻz kuchini yoʻqotgan deb hisoblansin.

10. Oʻzbekiston Respublikasi Vazirlar Mahkamasining “Yovvoyi hayvonlar va oʻsimliklarni muhofaza qilishni kuchaytirish hamda ulardan foydalanishni tartibga solish chora-tadbirlari toʻgʻrisida” 1993-yil 15-dekabrdagi 600-son qarori:

3-bandining:

birinchi xat boshidagi “Oʻzbekiston Respublikasi Davlat oʻrmon Qoʻmitasi” soʻzlari “Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasi” soʻzlari bilan almashtirilsin;

ikkinchi xat boshidagi “Oʻzbekiston Respublikasi Davlat oʻrmon Qoʻmitasi” soʻzlari “Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasi” soʻzlari bilan almashtirilsin;

yovvoyi hayvonlarni (shu jumladan, zaharlilarini) koʻpaytirish va ulardan mahsulot olish maqsadida tutqunlikda saqlash tartibining toʻrtinchi va beshinchi xat boshilaridagi “Oʻzbekiston Respublikasi Davlat oʻrmon qoʻmitasi” soʻzlari “Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasi” soʻzlari bilan almashtirilsin.

11. Oʻzbekiston Respublikasi Vazirlar Mahkamasining “Sanoat terakchiligini rivojlantirish va boshqa tez oʻsuvchi yogʻochbop daraxtzorlarni barpo etishga oid chora-tadbirlar toʻgʻrisida” 1994-yil 8-fevraldagi 62-son qarorining:

1-bandidagi “Davlat oʻrmon qoʻmitasi” soʻzlari “Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasi” soʻzlari bilan almashtirilsin;

5-bandidagi “Oʻzbekiston Respublikasi Davlat oʻrmon qoʻmitasi” soʻzlari “Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasi” soʻzlari bilan almashtirilsin;

7-bandidagi “Oʻzbekiston Respublikasi Davlat oʻrmon xoʻjaligi qoʻmitasiga” soʻzlari “Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasiga” soʻzlari bilan almashtirilsin.

12. Oʻzbekiston Respublikasi Vazirlar Mahkamasining “Oʻzbekiston Respublikasida qizilmiya yetishtirishni koʻpaytirish chora-tadbirlari toʻgʻrisida” 1995-yil 7-dekabrdagi 453-son qarorining 7-bandidagi “Oʻzbekiston Respublikasi Davlat oʻrmon qoʻmitasi” soʻzlari “Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasi” soʻzlari bilan almashtirilsin.

13. Oʻzbekiston Respublikasi Vazirlar Mahkamasining “Oʻzbekiston Respublikasi Vazirlar Mahkamasining “Oʻzbekiston Respublikasi Qishloq va suv xoʻjaligi vazirligi faoliyatini tashkil etish masalalari toʻgʻrisida” 1996-yil 26-noyabrdagi 419-son va “Oʻzbekiston Respublikasi Vazirlar Mahkamasi huzuridagi Oʻzbekiston Qishloq xoʻjaligi ilmiy-ishlab chiqarish markazi faoliyatini tashkil etish masalalari” haqida 1997-yil 12-martdagi 136-son qarorlariga oʻzgartirishlar kiritish toʻgʻrisida” 1997-yil 4-noyabrdagi 502-son qarorining 4-bandi ikkinchi jumlasidagi “Davlat oʻrmon qoʻmitasi raisi” soʻzlari “Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasi boshligʻi” soʻzlari bilan almashtirilsin.

14. Oʻzbekiston Respublikasi Vazirlar Mahkamasining “Hukumatining ayrim qarorlariga oʻzgartirish va qoʻshimchalar kiritish va ayrim qarorlarini oʻz kuchini yoʻqotgan deb hisoblash toʻgʻrisida” 1999-yil 21-iyuldagi 356-son qaroriga 1-ilovaning 2-bandi oʻz kuchini yoʻqotgan deb hisoblansin.

15. Oʻzbekiston Respublikasi Vazirlar Mahkamasining “Respublika oʻrmonlarini himoya qilish boʻyicha ayrim meʼyoriy hujjatlarni tasdiqlash toʻgʻrisida” 1999-yil 22-noyabrdagi 506-son qarori (Oʻzbekiston Respublikasi QT, 1999-y., 11-son, 68-modda)ning:

2-bandidagi “Davlat oʻrmon qoʻmitasi” soʻzlari chiqarib tashlansin;

ushbu qaror bilan tasdiqlangan Oʻzbekiston Respublikasi oʻrmonlarida yongʻin xavfsizligi qoidalari:

2-bandining birinchi xat boshidagi “Oʻzbekiston Respublikasi Davlat oʻrmon qoʻmitasi”, “Davlat oʻrmon qoʻmitasi amalga oshiradi” soʻzlari “Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasi”, “Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasi amalga oshiradi” soʻzlari bilan almashtirilsin;

6-bandining “v” kichik bandi birinchi xat boshidagi “Davlat Oʻrmon qoʻmitasi” soʻzlari “Oʻzbekiston Respublikasi Qishloq va suv xoʻjaligi vazirligi huzuridagi Oʻrmon xoʻjaligi bosh boshqarmasi” soʻzlari bilan almashtirilsin.