Import operatsiyalarini boj-tarif bilan batartib boshqarishni takomillashtirish, tovarlarning ayrim turlarini Oʻzbekiston Respublikasi hududiga olib kirishni yanada tartibga solish, mahalliy raqobatbardosh mahsulot ishlab chiqarishni kengaytirish uchun qulay shart-sharoitlar yaratish maqsadida:

2. Belgilansinki, 2005-yilning 1-apreligacha bojxonaning “vaqtincha saqlash” rejimiga joylashtirilgan tovarlarni erkin muomalaga chiqarish chogʻida Vazirlar Mahkamasining “Oʻzbekiston Respublikasining 2005-yilgi Davlat budjeti parametrlari toʻgʻrisida” 2004-yil 28-dekabrdagi 610-sonli va “Boj-tarif bilan tartibga solishni yanada takomillashtirish chora-tadbirlari toʻgʻrisida” 2004-yil 7-yanvardagi 4-sonli qarorlari bilan tasdiqlangan stavkalar 2005-yilning 1-mayiga qadar qoʻllaniladi.

3. Belgilansinki, isteʼmolda boʻlgan mashinalar, uskunalar va mexanizmlarning TIF TN guruhlari boʻyicha eksporti, qonun hujjatlarida belgilangan tartibda, Oʻzbekiston Respublikasi Hukumatining qarorlari boʻyicha quyidagi shartlarda amalga oshiriladi, ustav jamgʻarmasida (ustav kapitalida) davlat ulushi boʻlmagan yuridik shaxslar tomonidan amalga oshiriladigan eksport bundan mustasno:

mashinalar, asbob-uskunalar va mexanizmlarning toʻliq eskirishi;

mashinalar, asbob-uskunalar va mexanizmlarning eksport qiluvchi korxona tomonidan sotib olinganiga 5 yil toʻlishi.

4. Ushbu qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari E.M. Gʻaniyev zimmalariga yuklatilsin.