Oʻzbekiston Respublikasining 1994-yil 5-mayda qabul qilingan “Xalq deputatlari viloyat, tuman va shahar Kengashlariga saylov toʻgʻrisida”gi Qonuniga (Oʻzbekiston Respublikasi Oliy Kengashining Axborotnomasi, 1994-yil, № 5, 125-modda; Oʻzbekiston Respublikasi Oliy Majlisining Axborotnomasi, 1998-yil, № 3, 38-modda; 1999-yil, № 1, 20-modda, № 9, 206-modda; 2000-yil, № 5-6, 153-modda) quyidagi oʻzgartishlar va qoʻshimchalar kiritilsin:

1) 2-moddaning:

birinchi qismi quyidagi tahrirda bayon etilsin:

“Xalq deputatlari viloyat, tuman va shahar Kengashlariga deputatlar saylovi umumiydir. Saylov kuni oʻn sakkiz yoshga toʻlgan Oʻzbekiston Respublikasi fuqarolari saylash huquqiga egadirlar. Saylov kuni yigirma bir yoshga toʻlgan hamda kamida besh yil Oʻzbekiston Respublikasi hududida muqim yashayotgan Oʻzbekiston fuqarolari saylanish huquqiga egadirlar”;

uchinchi qismi chiqarib tashlansin;

2) 3-moddaning ikkinchi qismi quyidagi tahrirda bayon etilsin:

“Oʻzbekiston Respublikasi fuqarolari jinsi, irqiy va milliy mansubligi, tili, dinga munosabati, ijtimoiy kelib chiqishi, eʼtiqodi, shaxsiy va ijtimoiy mavqeyi, maʼlumoti, mashgʻulotining turi va xususiyatidan qatʼi nazar, teng saylov huquqiga egadirlar”;

3) 6-moddaning:

toʻrtinchi qismi quyidagi tahrirda bayon etilsin:

“Saylovga tayyorgarlik koʻrish va uni oʻtkazishga doir barcha tadbirlarda, shuningdek saylov kuni ovoz berish xonalarida va ovozlarni sanab chiqishda deputatlikka nomzodlar koʻrsatgan siyosiy partiyalardan, fuqarolarning oʻzini oʻzi boshqarish organlaridan, saylovchilar tashabbuskor guruhlaridan bittadan kuzatuvchi, ommaviy axborot vositalarining vakillari, boshqa davlatlar, xalqaro tashkilotlar va harakatlardan kuzatuvchilar qatnashish huquqiga egadirlar. Ularning vakolatlari tegishli hujjatlar bilan tasdiqlangan boʻlishi kerak”;

yettinchi qismining oltinchi xatboshisidagi “yuqori komissiyaga” degan soʻzlar “yuqori saylov komissiyasiga” degan soʻzlar bilan almashtirilsin;

sakkizinchi qismining:

ikkinchi xatboshisidagi “ovoz berish kabinasida” degan soʻzlar “yashirin ovoz berish kabinasida yoki xonasida” degan soʻzlar bilan almashtirilsin;

toʻrtinchi xatboshisidagi “byulletenga” degan soʻz “saylov byulleteniga” degan soʻzlar bilan almashtirilsin;

4) 7-modda:

birinchi qismining ikkinchi va uchinchi xatboshilaridagi “60” va “30” raqamlari tegishincha “oltmish” va “oʻttiz” degan soʻzlar bilan almashtirilsin;

beshinchi qismidagi “saylov tayinlanganidan keyin kechi bilan oʻn besh kun ichida” degan soʻzlar “saylovdan kamida yetmish besh kun oldin” degan soʻzlar bilan almashtirilsin;

5) 8-moddaning:

uchinchi qismidagi “hokimlarining” degan soʻz “hokimliklarining” degan soʻz bilan almashtirilsin;

toʻrtinchi qismidagi “saylov tayinlanganidan keyin oʻttiz kundan kechikmay” degan soʻzlar “saylovdan kamida oltmish kun oldin” degan soʻzlar bilan almashtirilsin;

beshinchi qismidagi “kamida 20 nafar va koʻpi bilan 3000 nafar” degan soʻzlar “kamida yigirma nafar va koʻpi bilan uch ming nafar” degan soʻzlar bilan almashtirilsin;

6) 10-moddaning birinchi qismi quyidagi tahrirda bayon etilsin:

“Viloyat, tuman, shahar saylov komissiyasi tegishli xalq deputatlari Kengashi tomonidan saylovga kamida sakson kun qolganida komissiyaning raisi va olti — oʻn toʻrt nafar boshqa aʼzosidan iborat tarkibda tuziladi hamda oʻz vakolatlarini tegishli xalq deputatlari Kengashlariga saylov yuzasidan navbatdagi saylov kampaniyasi boshlanganligi eʼlon qilingunga qadar amalga oshiradi”;

7) 11-moddaning:

5-bandidagi “hokimiyatning vakillik organlaridan” degan soʻzlar chiqarib tashlansin;

10-bandi “jamoat birlashmalari vakillarining” degan soʻzlardan keyin “hamda korxonalar, muassasalar va tashkilotlar rahbarlarining” degan soʻzlar bilan toʻldirilsin;

8) 12-moddaning matni quyidagi tahrirda bayon etilsin:

“Okrug saylov komissiyasi tegishli viloyat, tuman, shahar saylov komissiyasi tomonidan saylovga kamida yetmish kun qolganida komissiyaning raisi, rais oʻrinbosari, kotibi va olti — sakkiz nafar boshqa aʼzosidan iborat tarkibda tuziladi”;

9) 13-moddaning 7-bandi quyidagi tahrirda bayon etilsin:

“7) siyosiy partiyalar, fuqarolarning oʻzini oʻzi boshqarish organlari, jamoat birlashmalari vakillarining, korxonalar, muassasalar va tashkilotlar rahbarlarining saylovga tayyorgarlik koʻrish hamda uni oʻtkazish bilan bogʻliq masalalar yuzasidan axborotlarini eshitadi”;

10) 14-moddaning birinchi qismi quyidagi tahrirda bayon etilsin:

“Uchastka saylov komissiyasi tuman, shahar saylov komissiyasi tomonidan saylovga kamida qirq kun qolganida besh — oʻn toʻqqiz nafar aʼzodan, shu jumladan rais, rais oʻrinbosari va kotibdan iborat tarkibda tuziladi. Agar komissiya yetti nafargacha aʼzodan iborat tarkibda tuzilsa, rais va kotib saylanadi”;

11) 17-moddaning beshinchi qismidagi “bepul berib turadilar” degan soʻzlar “bepul berib turishlari shart” degan soʻzlar bilan almashtirilsin;

12) 18-moddaning matnidagi “hokimiyatning vakillik organlari” degan soʻzlar chiqarib tashlansin;

13) IV bobning nomi quyidagi tahrirda bayon etilsin:

“IV. Saylov kampaniyasi boshlanganligini eʼlon qilish. Xalq deputatlari viloyat, tuman, shahar kengashlari deputatligiga nomzodlar koʻrsatish va ularni roʻyxatga olish”;

14) 19-modda quyidagi tahrirda bayon etilsin:

Xalq deputatlari viloyat, tuman, shahar Kengashlariga saylov yuzasidan saylov kampaniyasi boshlanganligi deputatlarning vakolat muddati tugashidan kamida uch oy oldin Oʻzbekiston Respublikasi Markaziy saylov komissiyasi tomonidan ommaviy axborot vositalarida eʼlon qilinadi”;

15) 20-moddaning:

birinchi qismidagi “xalq deputatlari tuman va shahar Kengashlari” degan soʻzlar chiqarib tashlansin;

uchinchi qismidagi “saylov tayinlangan kundan” degan soʻzlar “saylov kampaniyasi boshlanganligi eʼlon qilingan kundan” degan soʻzlar bilan almashtirilsin;

16) 21-modda:

birinchi qismining:

birinchi xatboshisidagi “saylov tayinlanganidan keyin yigirma kun ichida” degan soʻzlar “saylovga kamida yetmish kun qolganida” degan soʻzlar bilan almashtirilsin;

uchinchi xatboshisidagi “saylov tayinlangan kundan” degan soʻzlar “saylov kampaniyasi boshlanganligi eʼlon qilingan kundan” degan soʻzlar bilan almashtirilsin;

ikkinchi qismidagi “Mazkur hujjatlar” degan soʻzlar “Ushbu moddaning birinchi qismida koʻrsatilgan hujjatlar” degan soʻzlar bilan almashtirilsin;

17) 22-modda quyidagi tahrirda bayon etilsin:

Xalq deputatlari viloyat, tuman va shahar Kengashlarining deputatligiga nomzodlar koʻrsatish saylovga oltmish besh kun qolganida boshlanadi va saylovga qirq besh kun qolganida tugallanadi.

Xalq deputatlari viloyat Kengashlari deputatligiga nomzodlar siyosiy partiyalarning viloyat organlari tomonidan koʻrsatiladi.

Xalq deputatlari tuman va shahar Kengashlari deputatligiga nomzodlar siyosiy partiyalarning tegishli tuman, shahar organlari tomonidan hamda fuqarolar yigʻinlarida (vakillari yigʻilishlarida) koʻrsatiladi.

Siyosiy partiyalar, fuqarolarning oʻzini oʻzi boshqarish organlari tegishli hududda joylashgan har bir saylov okrugidan bittadan deputatlikka nomzod koʻrsatishga vakolatlidir. Agar tegishli xalq deputatlari tuman, shahar Kengashiga saylov oʻtkazuvchi saylov okrugi hududida fuqarolarning ikki va undan ortiq oʻzini oʻzi boshqarish organi joylashgan boʻlsa, deputatlikka nomzod fuqarolar vakillarining yigʻilishlarida koʻrsatiladi. Yigʻilishda ishtirok etadigan vakillar normasini tegishli tuman, shahar saylov komissiyasi belgilaydi.

Deputatlikka, qoida tariqasida, tegishli viloyat, tuman yoki shahar hududida ishlovchi yoki yashovchi fuqarolar nomzod etib koʻrsatiladi. Bir shaxs tegishli xalq deputatlari viloyat, tuman, shahar Kengashiga saylov oʻtkazuvchi faqat bitta saylov okrugidan deputatlikka nomzod etib koʻrsatilishi mumkin. Deputatlikka nomzodlar tanlash tartibini siyosiy partiyalarning va fuqarolarning oʻzini oʻzi boshqarish organlarining oʻzlari belgilaydilar.

Siyosiy partiyalar faqat oʻz partiyasi aʼzolarini yoki partiyasizlarni deputatlikka nomzod etib koʻrsatishga vakolatlidir, fuqarolarning oʻzini oʻzi boshqarish organlari esa shaxslarni u yoki bu partiyaga mansubligidan qatʼi nazar, deputatlikka nomzod etib koʻrsatishga haqlidir. Deputatlikka nomzodlar koʻrsatilganligi toʻgʻrisida bayonnoma tuziladi”;

18) 22-1-moddaning:

ruscha matni birinchi qismidagi “sootvetstvuyuщego okruga” degan soʻzlar “sootvetstvuyuщego izbiratelnogo okruga” degan soʻzlar bilan almashtirilsin;

ikkinchi qismi birinchi xatboshisidagi “vakili” degan soʻz “vakolatli vakili” degan soʻzlar bilan almashtirilsin;

ruscha matni ikkinchi qismining toʻrtinchi xatboshisidagi “god” degan soʻz “data” degan soʻz bilan almashtirilsin;

toʻrtinchi qismidagi “vakolatli vakilga” degan soʻzlar “uning vakolatli vakiliga” degan soʻzlar bilan almashtirilsin;

oltinchi qismi quyidagi mazmundagi jumla bilan toʻldirilsin:

“Bu sanaga qadar toʻplangan imzolar hisobga olinmaydi”;

oʻn ikkinchi qismidagi “ikki kunlik muddat” degan soʻzlar “uch kunlik muddat” degan soʻzlar bilan almashtirilsin;

19) 22-2-moddaning:

birinchi qismi quyidagi tahrirda bayon etilsin:

“Siyosiy partiya tegishli organining, fuqarolarning oʻzini oʻzi boshqarish organining rahbari, saylovchilar tashabbuskor guruhining vakolatli vakili deputatlikka nomzodlarni roʻyxatga olishni iltimos qilib, tegishli viloyat, tuman, shahar saylov komissiyasiga ariza bilan murojaat etadi. Arizaga quyidagilar ilova qilinadi:

siyosiy partiya tegishli organining, fuqarolar yigʻinining (vakillari yigʻilishining), saylovchilar tashabbuskor guruhi yigʻilishining deputatlikka nomzodlar koʻrsatish toʻgʻrisidagi qarori;

siyosiy partiya tegishli organi majlisining, fuqarolar yigʻini (vakillari yigʻilishi), saylovchilar tashabbuskor guruhi yigʻilishining deputatlikka nomzodlar koʻrsatish toʻgʻrisidagi bayonnomasi, unda deputatlikka nomzodning familiyasi, ismi, otasining ismi, tugʻilgan sanasi, kasbi, lavozimi (mashgʻulotining turi), ish va yashash joyi, partiyaga mansubligi, shuningdek saylov okrugining nomi va tartib raqami koʻrsatiladi;

deputatlikka nomzodning oʻz nomzodi tegishli saylov okrugidan ovozga qoʻyilishiga rozi ekanligi toʻgʻrisidagi arizasi;

ushbu Qonun 23-moddasining ikkinchi qismida koʻrsatib oʻtilgan shaxslarning, basharti ular deputat etib saylangudek boʻlsalar, egallab turgan lavozimlaridan boʻshash toʻgʻrisidagi arizalari”;

toʻrtinchi qismi quyidagi tahrirda bayon etilsin:

“Viloyat, tuman, shahar saylov komissiyasi roʻyxatga olish uchun taqdim etilgan hujjatlarda aniqlangan nomuvofiqliklar va ushbu Qonun talablaridan chetga chiqish hollari toʻgʻrisida tegishli siyosiy partiyalarning, fuqarolarning oʻzini oʻzi boshqarish organlarining rahbarlariga va saylovchilar tashabbuskor guruhlarining vakolatli vakillariga belgilangan tartibda maʼlum qiladi”;

20) 23-modda birinchi qismining ikkinchi va uchinchi xatboshilari quyidagi tahrirda bayon etilsin:

“sodir etilgan jinoyati uchun sudlanganlik holati tugallanmagan yoki sudlanganligi olib tashlanmagan shaxslar;

saylov kuniga qadar soʻnggi besh yil mobaynida Oʻzbekiston Respublikasi hududida muqim yashamagan shaxslar”;

21) 24-moddaning:

birinchi qismidagi “xalq deputatlari tuman, shahar Kengashlaridan” degan soʻzlar chiqarib tashlansin;

toʻrtinchi qismidagi “nomzod etib koʻrsatgan organning nomini qayd etgan holda” degan soʻzlar “nomzod etib koʻrsatgan siyosiy partiyani yoki fuqarolarning oʻzini oʻzi boshqarish organini yoxud saylovchilar tashabbuskor guruhini koʻrsatgan holda” degan soʻzlar bilan almashtirilsin;

22) 25-moddaning:

ikkinchi qismi quyidagi tahrirda bayon etilsin:

“Deputatlikka nomzodlarga, siyosiy partiyalarga, mustaqil tashabbuskor guruhlarga tegishli viloyat, tuman, shahar saylov komissiyasi tomonidan belgilanadigan tartibda ommaviy axborot vositalaridan foydalanishda teng huquq beriladi. Saylovchilarning yigʻilishlari uchastka saylov komissiyasi tomonidan barcha nomzodlar uchun mutlaq teng sharoitlarga rioya etilgan holda tashkil qilinadi. Mahalliy hokimiyat organlari va jamoat tashkilotlari, shuningdek fuqarolarning oʻzini oʻzi boshqarish organlari deputatlikka nomzodlarga yigʻilishlar oʻtkazish uchun jihozlangan binolar ajratishlari, deputatlikka nomzodlarga saylovchilar bilan uchrashuvlar oʻtkazishni tashkil etishda, zarur maʼlumot va axborot materiallari olishda yordam koʻrsatishlari shart”;

toʻrtinchi qismi chiqarib tashlansin;

beshinchi qismidagi “respublikaning” degan soʻz “davlatning” degan soʻz bilan almashtirilsin;

23) Qonun quyidagi mazmundagi 26-1-modda bilan toʻldirilsin:

Deputatlikka nomzod etib roʻyxatga olingan shaxs saylovchilar bilan uchrashuvlar oʻtkazish, saylovoldi yigʻilishlarida soʻzga chiqish, televideniye koʻrsatuvlari va radio eshittirishlarida qatnashish vaqtida, oʻrtacha oylik ish haqi saylov oʻtkazish uchun ajratiladigan mablagʻlar hisobidan saqlangan holda, ishlab chiqarish yoki xizmat vazifalarini bajarishdan ozod boʻlish huquqiga ega”;

24) 28-moddaning birinchi qismidagi “xalq deputatlari tuman, shahar Kengashi” degan soʻzlar chiqarib tashlansin;

25) 29-moddaning:

birinchi qismidagi “18” raqami “oʻn sakkiz” degan soʻzlar bilan almashtirilsin;

sakkizinchi qismidagi “manzili” degan soʻz “yashash joyi manzili” degan soʻzlar bilan almashtirilsin;

26) 31-moddaning birinchi qismidagi “yigirma toʻrt” degan soʻzlar “24” raqami bilan almashtirilsin;

27) 32-moddaning birinchi qismidagi “organning nomi” degan soʻzlar “siyosiy partiya yoki fuqarolarning oʻzini oʻzi boshqarish organi yoxud saylovchilar tashabbuskor guruhi” degan soʻzlar bilan almashtirilsin;

28) 38-moddaning:

ikkinchi qismi quyidagi tahrirda bayon etilsin:

“Saylovda saylovchi oʻzi qarshi ovoz berayotgan deputatlikka nomzodlarning saylov byulletenidagi familiyasini oʻchiradi”;

uchinchi qismidagi “byulletenni” degan soʻz “saylov byulletenini” degan soʻzlar bilan almashtirilsin;

29) 39-moddaning:

ikkinchi qismidagi “taqiqlanadi” degan soʻz “qatʼiyan taqiqlanadi” degan soʻzlar bilan almashtirilsin;

beshinchi qismi birinchi xatboshisidagi “komissiya” degan soʻz “uchastka saylov komissiyasi” degan soʻzlar bilan almashtirilsin;

oltinchi qismidagi “byulletenlarga va saylov” degan soʻzlar “saylov byulletenlari va” degan soʻzlar bilan almashtirilsin;

yettinchi qismining birinchi jumlasi quyidagi tahrirda bayon etilsin:

“Belgilanmagan namunadagi saylov byulletenlari va varaqalari, shuningdek ovoz berish chogʻida bittadan ortiq deputatlikka nomzodning familiyasi qoldirilgan saylov byulletenlari va varaqalari haqiqiy emas deb topiladi”;

sakkizinchi qismidagi “rais, rais oʻrinbosari, komissiya kotibi, komissiyaning boshqa aʼzolari” degan soʻzlar “saylov komissiyasining raisi, rais oʻrinbosari, kotibi va boshqa aʼzolari” degan soʻzlar bilan almashtirilsin;

30) 40-modda birinchi qismining birinchi xatboshisi quyidagi tahrirda bayon etilsin:

“Saylov okruglari boʻyicha saylov natijalari faqat uchastka saylov komissiyalarining taqdim etilgan bayonnomalari asosida aniqlanadi. Okrug saylov komissiyasi:”;

31) 41-moddaning:

uchinchi qismidagi “yarmidan kami” degan soʻzlar “oʻttiz uch foizidan kami” degan soʻzlar bilan almashtirilsin;

ruscha matni beshinchi qismidagi “po otdelnim uchastkam” degan soʻzlar “po otdelnim izbiratelnim uchastkam” degan soʻzlar bilan almashtirilsin;

32) 48-moddaning:

birinchi qismidagi “Oʻzbekiston Respublikasining” degan soʻzlar chiqarib tashlansin;

ikkinchi qismi “siyosiy partiyalari” degan soʻzlardan keyin “va boshqa” degan soʻzlar bilan toʻldirilsin;

33) 49-moddadagi “Saylovchilarning” degan soʻz “Fuqarolarning” degan soʻz bilan almashtirilsin;

34) Qonunning ruscha matni nomidagi, 1-moddasining birinchi va ikkinchi qismlaridagi, 4, 5-moddalaridagi, 6-moddasining birinchi qismidagi, 7-moddasi birinchi qismining ikkinchi va uchinchi xatboshilaridagi, ikkinchi, uchinchi va oltinchi qismlaridagi, 9-moddasining ikkinchi, uchinchi va toʻrtinchi xatboshilaridagi, 11-moddasining 2, 3, 6, 9, 11, 12-bandlaridagi, 16-moddasining birinchi, ikkinchi va oltinchi qismlaridagi, 20-moddasining birinchi va ikkinchi qismlaridagi, 22-1-moddasining birinchi qismidagi, 26-moddasining birinchi qismidagi, 27-moddasidagi, 39-moddasining toʻrtinchi qismidagi, 44-moddasidagi, 45-moddasining ikkinchi qismidagi, 46, 47-moddalaridagi, 48-moddasining birinchi qismidagi, 49-moddasining nomidagi “Soveti”, “Sovetov”, “Sovet”, “Soveta”, “Sovetom” degan soʻzlar tegishincha “Kengashi”, “Kengashey”, “Kengash”, “Kengasha”, “Kengashem” degan soʻzlar bilan almashtirilsin.