Davlat chegarasi davlat mustaqilligini, suvereniteti va birligini mujassam etish hamda taʼminlashning eng muhim vositalaridan biridir. Oʻzbekiston Respublikasi Oʻzbekiston Respublikasining Davlat chegarasi va hududi daxlsizligi hamda boʻlinmasligi prinsipiga amal qiladi.

Oʻzbekiston Respublikasining Davlat chegarasini qoʻriqlash va himoya qilish Oʻzbekiston Respublikasi milliy xavfsizligini taʼminlash tizimining eng muhim tarkibiy qismidir. Oʻzbekiston Respublikasining Davlat chegarasini qoʻriqlash va himoya qilishni taʼminlash Oʻzbekiston Respublikasining Davlat chegarasini qoʻriqlash va himoya qilish uchun masʼul boʻlgan harbiy xizmatchilarning jangovar shayligiga salbiy taʼsir koʻrsatadigan omillar bartaraf etilishini talab qiladi.

Mazkur Qonun bilan Oʻzbekiston Respublikasining Maʼmuriy javobgarlik toʻgʻrisidagi kodeksiga Oʻzbekiston Respublikasi Davlat xavfsizlik xizmati Chegara qoʻshinlariga Oʻzbekiston Respublikasining Davlat chegarasini qoʻriqlash va himoya qilish bilan bogʻliq maʼmuriy huquqbuzarliklarning ayrim turlarini koʻrib chiqish, maʼmuriy yoʻl bilan ushlab turish, transport vositalarini ushlab turish va koʻrikdan oʻtkazish vakolatlari berilishini, shuningdek Oʻzbekiston Respublikasi Davlat xavfsizlik xizmatining yozma taqdimnomalarini bajarish choralarini koʻrmaganlik, qoʻriqlashning texnik vositalarini yoʻq qilganlik yoki ularga shikast yetkazganlik uchun javobgarlik belgilanishini hamda Oʻzbekiston Respublikasi Davlat xavfsizlik xizmati Chegara qoʻshinlari harbiy xizmatchilarining qonuniy talablarini bajarmaganlik yoki ularning oʻz xizmat burchini bajarishiga qarshilik koʻrsatganlik uchun javobgarlik choralari kuchaytirilishini nazarda tutuvchi tegishli qoʻshimcha va oʻzgartishlar kiritilmoqda.

Ushbu Qonun Oʻzbekiston Respublikasining Davlat chegarasini yanada ishonchli qoʻriqlash va himoya qilishni taʼminlashga, shuningdek Oʻzbekiston Respublikasi Davlat xavfsizlik xizmati Chegara qoʻshinlari harbiy xizmatchilarining vakolatlarini aniqlashtirishga xizmat qiladi.

1-modda. Oʻzbekiston Respublikasining 1994-yil 22-sentabrda qabul qilingan 2015-XII-sonli Qonuni bilan tasdiqlangan Oʻzbekiston Respublikasining Maʼmuriy javobgarlik toʻgʻrisidagi kodeksiga (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 23-modda, № 9-10, 165, 182-moddalar; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda, № 9-10, 149-modda; 2004-yil, № 1-2, 18-modda, № 5, 90-modda, № 9, 171-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 9, 312-modda, № 12, 413, 417, 418-moddalar; 2006-yil, № 6, 261-modda, № 9, 498-modda, № 10, 536-modda, № 12, 656, 659-moddalar; 2007-yil, № 4, 158, 159, 164, 165-moddalar, № 9, 416, 421-moddalar, № 12, 596, 604, 607-moddalar; 2008-yil, № 4, 181, 189, 192-moddalar, № 9, 486, 488-moddalar, № 12, 640, 641-moddalar; 2009-yil, № 1, 1-modda, № 9, 334, 335, 337-moddalar, № 10, 380-modda, № 12, 462, 468, 470, 472, 474-moddalar; 2010-yil, № 5, 175, 179-moddalar, № 6, 231-modda, № 9, 335, 339, 341-moddalar, № 10, 380-modda, № 12, 468, 473, 474-moddalar; 2011-yil, № 1, 1-modda, № 4, 104, 105-moddalar, № 9, 247, 252-moddalar, № 12/2, 365-modda; 2012-yil, № 4, 108-modda, № 9/1, 242-modda, № 12, 336-modda; 2013-yil, № 4, 98-modda, № 10, 263-modda; 2014-yil, № 1, 2-modda, № 5, 130-modda, № 9, 244-modda, № 12, 341, 343-moddalar; 2015-yil, № 6, 228-modda, № 8, 310, 312-moddalar, № 12, 452-modda; 2016-yil, № 1, 2-modda, № 4, 125-modda, № 9, 276-modda, № 12, 383, 385-moddalar; 2017-yil, № 4, 137-modda, № 6, 300-modda, № 9, 510-modda, № 10, 605-modda; 2018-yil, № 1, 1, 4, 5-moddalar, № 4, 224-modda, № 7, 430, 431, 432-moddalar, № 10, 671, 673, 679-moddalar; 2019-yil, № 1, 1, 3, 5-moddalar, № 2, 47-modda, № 3, 161, 165, 166-moddalar, № 5, 259, 261, 267, 268-moddalar, № 7, 386-modda, № 8, 469, 471-moddalar, № 9, 591, 592-moddalar, № 10, 674, 676-moddalar, № 11, 787, 791-moddalar, № 12, 880, 891-moddalar; 2020-yil, № 1, 4-modda, № 3, 203, 204-moddalar, № 7, 449-modda, № 9, 539, 540-moddalar, № 10, 593, 596-moddalar, № 11, 651-modda, № 12, 691-modda; 2021-yil, № 1, 5, 7, 12, 13, 14-moddalar, № 2, 142-modda, № 3, 217-modda, № 4, 290, 293-moddalar, 4-songa ilova, № 8, 800, 802, 803-moddalar, № 9, 903-modda, № 10, 966, 967, 968, 973-moddalar, № 11, 1066-modda; 2022-yil, № 1, 1, 2-moddalar, № 2, 80, 81-moddalar, № 3, 215, 216-moddalar, № 4, 337-modda, № 5, 464, 465, 466, 467-moddalar, № 8, 787-modda, № 10, 981, 984-moddalar, № 12, 1188-modda) quyidagi qoʻshimcha va oʻzgartishlar kiritilsin:

1) 14-modda ikkinchi qismining:

birinchi jumlasi “194¹” raqamidan keyin “196¹” raqami bilan toʻldirilsin;

ikkinchi jumlasidagi “194 va 194¹-moddalarida” degan soʻzlar “194, 194¹ va 196¹-moddalarida” degan soʻzlar bilan almashtirilsin;

2) 196-moddaning:

nomidagi “Oʻzbekiston Respublikasi Milliy gvardiyasi” degan soʻzlar “Oʻzbekiston Respublikasi Davlat xavfsizlik xizmati, Milliy gvardiyasi” degan soʻzlar bilan almashtirilsin;

dispozitsiyasidagi “Oʻzbekiston Respublikasi Milliy gvardiyasi” degan soʻzlar “Oʻzbekiston Respublikasi Davlat xavfsizlik xizmati, Milliy gvardiyasi” degan soʻzlar bilan almashtirilsin;

3) 196¹-modda quyidagi tahrirda bayon etilsin:

Oʻzbekiston Respublikasi Davlat xavfsizlik xizmati Chegara qoʻshinlari harbiy xizmatchisining huquqbuzarliklarni toʻxtatish, hujjatlarni tekshirish uchun taqdim etish, koʻrsatilgan muddatda Oʻzbekiston Respublikasi Davlat xavfsizlik xizmati Chegara qoʻshinlari boʻlinmalariga (huquqni muhofaza qiluvchi organlarga) borish yoki ushbu boʻlinmalarda hozir boʻlish toʻgʻrisidagi qonuniy talablarini uzrli sabablarsiz bajarmaslik, transport vositasini toʻxtatish, jabrlanuvchilarga yordam koʻrsatish haqidagi qonuniy talablarini bajarmaslik yoxud Oʻzbekiston Respublikasi Davlat xavfsizlik xizmati Chegara qoʻshinlari harbiy xizmatchisining qonuniy talablariga boshqacha tarzda boʻysunmaslik, —

bazaviy hisoblash miqdorining bir baravaridan oʻn ikki baravarigacha miqdorda jarima solishga sabab boʻladi.

Xuddi shunday huquqbuzarlik maʼmuriy jazo chorasi qoʻllanilganidan keyin bir yil ichida takror sodir etilgan boʻlsa, —

bazaviy hisoblash miqdorining oʻn ikki baravaridan oʻn besh baravarigacha miqdorda jarima solishga yoki oʻn besh sutkagacha muddatga maʼmuriy qamoqqa olishga sabab boʻladi”;

4) quyidagi mazmundagi 196²-modda bilan toʻldirilsin:

Oʻzbekiston Respublikasi Davlat xavfsizlik xizmati Chegara qoʻshinlari harbiy xizmatchisining oʻz xizmat vazifalarini bajarishi bilan bogʻliq qonuniy talablarini bajarmaslikka omma oldida har qanday shaklda daʼvatlar qilish, xuddi shuningdek Oʻzbekiston Respublikasi Davlat xavfsizlik xizmati Chegara qoʻshinlari harbiy xizmatchilariga ommaviy ravishda boʻysunmaslikni keltirib chiqarish maqsadida bila turib soxta uydirmalarni tarqatish, —

bazaviy hisoblash miqdorining uch baravaridan yigirma baravarigacha miqdorda jarima solishga yoki oʻn besh sutkagacha muddatga maʼmuriy qamoqqa olishga sabab boʻladi”;

5) 224²-moddaning nomi va birinchi qismining dispozitsiyasi quyidagi tahrirda bayon etilsin:

Oʻzbekiston Respublikasining Davlat chegarasida barpo etilgan muhandislik-texnika inshootlarini va toʻsiqlarni, shuningdek Oʻzbekiston Respublikasining Davlat chegarasini qoʻriqlash va himoya qilish uchun qoʻllaniladigan qoʻriqlashning texnik vositalarini yoʻq qilish yoki ularga shikast yetkazish”;

6) 245-moddaning birinchi qismi “196¹” raqamidan keyin “196²” raqami bilan toʻldirilsin;

7) 247-moddaning matnidagi “194 va 194¹-moddalarida” degan soʻzlar “194, 194¹ va 196¹-moddalarida” degan soʻzlar bilan almashtirilsin;

8) 248²-moddaning birinchi qismidagi “224-moddasida va 224¹-moddasining birinchi qismida” degan soʻzlar “224-moddasida, 224¹-moddasining birinchi qismida, 225-moddasining birinchi, ikkinchi va uchinchi qismlarida” degan soʻzlar bilan almashtirilsin;

9) 287-moddaning 2-bandidagi “184², 184³, 196¹, 224-moddalarida, 224¹-moddasining birinchi va ikkinchi qismlarida, 224²-moddasida” degan soʻzlar “184², 184³, 196¹, 196², 224-moddalarida, 224¹-moddasining birinchi va ikkinchi qismlarida, 224²-moddasida, 225-moddasining birinchi, ikkinchi va uchinchi qismlarida” degan soʻzlar bilan almashtirilsin;

10) 291-modda birinchi qismining “e” bandidagi “196¹, 224-moddalarida, 224¹-moddasining birinchi va ikkinchi qismlarida, 224²-moddasida” degan soʻzlar “196¹, 196², 224-moddalarida, 224¹-moddasining birinchi va ikkinchi qismlarida, 224²-moddasida, 225-moddasining birinchi, ikkinchi va uchinchi qismlarida” degan soʻzlar bilan almashtirilsin;

11) 305-moddaning ikkinchi qismidagi “Ushbu Kodeksning 51², 51³, 51⁴, 51⁵, 51⁶, 51⁷, 51⁸, 51⁹, 170, 180, 181, 183, 187, 194, 194¹-moddalarida” degan soʻzlar “Ushbu Kodeksning 51², 51³, 51⁴, 51⁵, 51⁶, 51⁷, 51⁸, 51⁹, 170, 180, 181, 183, 187, 194, 194¹, 196¹-moddalarida” degan soʻzlar bilan almashtirilsin.

2-modda. Oʻzbekiston Respublikasi Davlat xavfsizlik xizmati va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

3-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

4-modda. Ushbu Qonun rasmiy eʼlon qilingan kundan eʼtiboran kuchga kiradi.