Mamlakatimizda madaniyat, sanʼat va sport sohalarini izchil rivojlantirish, kadrlar salohiyatini mustahkamlash, madaniyat, sanʼat va sport yoʻnalishlari boʻyicha respublika va xalqaro tanlovlar, sport musobaqalari gʻoliblariga oliy taʼlim muassasalariga kirish uchun belgilangan imtiyozlarni optimallashtirish hamda mazkur sohalar boʻyicha raqobatbardosh kadrlar tayyorlash uchun qoʻshimcha shart-sharoitlar yaratish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga qoʻshimchalar kiritilsin.

2. Oʻzbekiston Respublikasi Madaniyat vazirligi boshqa manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — turizm va sport vaziri A.A. Abduxakimov zimmasiga yuklansin.

1. Vazirlar Mahkamasining “Oʻzbekiston iqtidorli yoshlarini taqdirlash va moddiy ragʻbatlantirish toʻgʻrisida” 2008-yil 13-oktabrdagi 226-son qarorida:

a) 4-ilovaning 4-bandi oʻn birinchi xatboshisidagi “musiqa” soʻzidan keyin “raqs, teatr, folklor yoʻnalishlari” soʻzlari qoʻshilsin;

b) 5-ilovada:

1-banddagi “sportning olimpiya turlari, shu jumladan sportning texnik va amaliy turlari, “Kurash” milliy sport turi, shaxmat, shashka, avtomobil va mototsikl sporti, sportning aviamodel va raketamodel” soʻzlari “Olimpiya va Paralimpiya oʻyinlari dasturlariga kiritilgan sportning olimpiya va paralimpiya turlari boʻyicha faqat oliy taʼlim muassasalarining jismoniy tarbiya va sport sohasidagi taʼlim yoʻnalishlariga” soʻzlari bilan almashtirilsin;

2-band quyidagi tahrirda bayon qilinsin:

“2. Respublika (1-oʻrin) va xalqaro tanlovlar va sport musobaqalarining (Olimpiya va Paralimpiya oʻyinlari dasturlariga kiritilgan sportning olimpiya va paralimpiya turlari boʻyicha Olimpiya va Paralimpiya, Osiyo va Paraosiyo oʻyinlari, jahon va Osiyo chempionatlarida oxirgi toʻrt yilda hamda respublika chempionatlarida oxirgi bir yilda gʻolib va sovrindor (1 — 3 oʻrin)) individual turlarida gʻolib chiqqan akademik litseylar, professional taʼlim muassasalari va umumtaʼlim maktablarining bitiruvchilari oliy taʼlim muassasasiga test sinovlarisiz va qoʻshimcha imtihonsiz qabul qilinadilar, musiqa, raqs, teatr, folklor, shuningdek tasviriy va amaliy sanʼat hamda dizayn, yoʻnalishlaridagi tanlovlar bundan mustasno.”;

2¹-band quyidagi tahrirda bayon qilinsin:

“2¹. Kattalar va yoshlar oʻrtasida Olimpiya va Paralimpiya oʻyinlari dasturlariga kiritilgan sportning olimpiya va paralimpiya turlari boʻyicha Olimpiya va Paralimpiya, Osiyo va Paraosiyo oʻyinlari, jahon va Osiyo chempionatlarida oxirgi toʻrt yilda hamda respublika chempionatlarida oxirgi bir yilda gʻolib va sovrindor (1 — 3 oʻrin) boʻlgan umumiy oʻrta taʼlim maktablari, oʻrta maxsus professional taʼlim muassasalarining bitiruvchilari oliy taʼlim muassasalariga oʻqishga kirish uchun hujjatlar qabul qilish boshlanguniga qadar oliy taʼlim muassasalarining jismoniy tarbiya va sport sohasidagi taʼlim yoʻnalishlariga qoʻshimcha davlat granti asosida kunduzgi, sirtqi, kechki taʼlim shakllariga imtihon sinovlarisiz qabul qilinadilar.”;

2² -bandi “Tasviriy va amaliy sanʼat hamda dizayn” soʻzlaridan oldin “Musiqa, raqs, teatr, folklor, shuningdek” soʻzlari qoʻshilsin;

3-banddagi “musobaqalarning (Olimpiya oʻyinlarida, Osiyo oʻyinlarida, jahon chempionatida va Osiyo chempionatida 1 — 3-oʻrinlar)” soʻzlari “sport musobaqalarining (Olimpiya va Paralimpiya oʻyinlari dasturlariga kiritilgan sportning olimpiya va paralimpiya turlari boʻyicha Olimpiya va Paralimpiya, Osiyo va Paraosiyo oʻyinlari, jahon va Osiyo chempionatlarida oxirgi toʻrt yilda hamda respublika chempionatlarida oxirgi bir yilda gʻolib va sovrindor (1 — 3 oʻrin) boʻlgan)” soʻzlari bilan almashtirilsin.

2. Vazirlar Mahkamasining 2017-yil 20-iyundagi 393-son qarori bilan tasdiqlangan Oliy taʼlim muassasalarining bakalavriatiga talabalarni oʻqishga qabul qilish tartibi toʻgʻrisida nizomning 23-bandi oʻn ikkinchi xatboshidagi “Badiiy akademiyaning” soʻzlaridan oldin “Madaniyat vazirligining musiqa, raqs, teatr, folklor, shuningdek” soʻzlari qoʻshilsin.

3. Vazirlar Mahkamasining “Oʻzbekiston Respublikasida badminton sport turini rivojlantirish chora-tadbirlari toʻgʻrisida” 2020-yil 11-martdagi 143-son qarorida:

8-band quyidagi tahrirda bayon qilinsin:

“8. Quyidagilar:

“Davr bank” XATBning (keyingi oʻrinlarda bank deb ataladi) Toshkent shahar, Yakkasaroy tumani, Muqimiy koʻchasi, 7/3-uy manzilida joylashgan Oʻzbekiston badminton federatsiyasiga operativ boshqaruv huquqi asosida tegishli boʻlgan 0,3 ga yer uchastkasida joylashgan maʼnan eskirgan ikki qavatli binoni bank tomonidan buzgan xolda (liter 0002) bankning mablagʻlari hisobidan zamonaviy koʻp qavatli binolarni (keyingi oʻrinlarda bino deb ataladi) 2023-yil yakuniga kadar bank mulki sifatida qurish;

qurib bitkazilgan va belgilangan tartibda foydalanishga topshirilgandan soʻng binoni bir qismini (1100 kv.m) homiylik koʻrinishida Oʻzbekiston badminton federatsiyasi balansiga begʻaraz asosda badmintonchilar uchun yotoqxona sifatida oʻtkazish;

“Kapital bank” ATB va “Davr bank” XATBni Oʻzbekiston badminton federatsiyasiga bosh homiy sifatida biriktirish toʻgʻrisidagi takliflariga rozilik berilsin.”;

Quyidagi tahrirdagi 8¹-band qoʻshilsin:

“8¹. Belgilansinki, qarorning 8-bandi ikkinchi xatboshisida nazarda tutilgan bino foydalanishga topshirilgandan soʻng, bankka mulk huquqi, u joylashgan yer uchastkasi ijara huquqi asosida rasmiylashtiriladi, binoni bir qismi (1100 kv.m) bundan mustasno”.