Oʻzbekiston Respublikasi Vazirlar Mahkamasining 2020-yil 26-avgustdagi 517-son “Respublika oliy taʼlim muassasalarining professor-oʻqituvchilari va boshqa toifadagi xodimlarini budjetdan tashqari mablagʻlar hisobidan moddiy ragʻbatlantirish tartibi toʻgʻrisidagi nizomni tasdiqlash haqida”gi qaroriga muvofiq, buyuraman:

1. Oʻzbekiston Respublikasi oliy va oʻrta maxsus taʼlim vaziri tomonidan tasdiqlangan Professor-oʻqituvchilar tarkibi va xodimlarning boshqa toifalarini budjetdan tashqari mablagʻlar hisobidan moddiy ragʻbatlantirish hamda Oʻzbekiston Respublikasi oliy oʻquv yurtlari xodimlarini moddiy ragʻbatlantirishning asosiy mezonlari toʻgʻrisidagi nizom (roʻyxat raqami 296, 1996-yil 25-dekabr) oʻz kuchini yoʻqotgan deb topilsin.

2. Mazkur buyruq Oʻzbekiston Respublikasi Moliya vazirligi, Bandlik va mehnat munosabatlari vazirligi hamda Oʻzbekiston kasaba uyushmalari Federatsiyasi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.