Oʻzbekiston Respublikasi Prezidentining “Neft va gaz geologiya-qidiruv ishlarini tashkil etish va olib borish tizimini takomillashtirish chora-tadbirlari toʻgʻrisida” 2019-yil 18-noyabrdagi PQ-4522-son qaroriga muvofiq Vazirlar Mahkamasi qaror qiladi:

1. Vazirlar Mahkamasining 2018-yil 27-apreldagi 315-son qarori (Oʻzbekiston Respublikasi QT, 2018-y., 4-son, 96-modda) bilan tasdiqlangan Oʻzbekiston Respublikasi Davlat geologiya va mineral resurslar qoʻmitasi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Davlat geologiya va mineral resurslar qoʻmitasi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining sanoatni va kooperatsiya aloqalarini rivojlantirish masalalari kotibiyatiga hamda Oʻzbekiston Respublikasi Davlat geologiya va mineral resurslar qoʻmitasi raisi B.F. Islomov zimmasiga yuklansin.

1. 10-bandning uchinchi xatboshidagi “uranning” soʻzidan keyin “shuningdek, uglevodorod xom ashyosining” soʻzlari qoʻshilsin.

2. 11-bandda:

a) “b” kichik bandda:

birinchi xatboshidagi “uranning” soʻzidan keyin “shuningdek, uglevodorod xom ashyosining” soʻzlari qoʻshilsin;

ikkinchi — uchinchi xatboshilar quyidagi tahrirda bayon qilinsin:

“Oʻzbekiston Respublikasi Energetika vazirligi, Iqtisodiy taraqqiyot va kambagʻallikni qisqartirish vazirligi hamda Moliya vazirligi bilan kelishgan holda mineral-xom ashyo bazani rivojlantirish va qayta toʻldirishning uzoq muddatli (5 yil va undan ortiq davrga) va oʻrtacha muddatli (5 yilgacha davrga) davlat dasturlarini ishlab chiqadi va tasdiqlash uchun Vazirlar Mahkamasiga kiritadi;

mineral-xom ashyo bazani rivojlantirish va qayta toʻldirishning uzoq muddatli va oʻrtacha muddatli davlat dasturlarini amalga oshirish doirasida mineral-xom ashyo bazani rivojlantirish va qayta toʻldirish yillik davlat dasturlarini Oʻzbekiston Respublikasi Energetika vazirligi, Iqtisodiy taraqqiyot va kambagʻallikni qisqartirish vazirligi hamda Moliya vazirligi bilan kelishgan holda ishlab chiqadi va tasdiqlaydi”;

toʻrtinchi xatboshidagi “(uglevodorodlardan tashqari)” soʻzlari chiqarib tashlansin;

b) “v” kichik bandda:

ikkinchi xatboshidagi “va uran” soʻzlari “uran va uglevodorod xom ashyo” soʻzlari bilan almashtirilsin;

quyidagi mazmundagi beshinchi xatboshi qoʻshilsin:

“neft va gaz geologiya-qidiruv ishlarini olib borayotgan yer qaʼri foydalanuvchilari uchun umuman respublika mineral-xom ashyo bazasini mutanosib rivojlantirish va qayta tiklashni taʼminlashni hisobga olgan holda, uglevodorod xom ashyo zaxiralarini koʻpaytirish boʻyicha vazifalarni belgilaydi”;

beshinchi — yettinchi xatboshilar tegishli ravishda oltinchi — sakkizinchi xatboshilar deb hisoblansin;

v) “g” kichik bandda:

quyidagi mazmundagi uchinchi xatboshi qoʻshilsin:

“Oʻzbekneftgaz” AJ tomonidan amalga oshirilayotgan loyihalardan tashqari salohiyatli xorijiy investorlar ishtirokida neft va gaz istiqbolli tuzilmalarini geologik oʻrganish sohasida investitsiya loyihalarini amalga oshiradi va muvofiqlashtiradi”;

uchinchi — beshinchi xatboshilar tegishli ravishda toʻrtinchi — oltinchi xatboshilar deb hisoblansin;

g) “e” kichik bandda:

toʻrtinchi xatboshidagi “(uglevodorodlardan tashqari)” soʻzlari chiqarib tashlansin;

quyidagi mazmundagi xatboshi qoʻshilsin:

“Oʻzbekiston Respublikasi respublika budjetidan ajratilgan mablagʻlarning ishlatilganligi hamda erishilgan natijalar toʻgʻrisidagi hisobotni har yili Oʻzbekiston Respublikasi Oliy Majlisiga taqdim etadi”;

d) “j” kichik bandda:

ikkinchi xatboshi quyidagi tahrirda bayon qilinsin:

“yer osti boyliklari davlat fondini tasarruf etadi, qonun hujjatlariga muvofiq tadbirkorlik tavakkalchiligi shartlarida geologik oʻrganish, foydali qazilmalarni qazib olish, qimmatbaho metallarni oltin izlovchilar usulida qazib olish, texnogen mineral hosilalardan foydalanish, muhofaza etiladigan geologik obyektlarni tashkil etish va qoʻriqlanadigan geologik obyektlarni barpo qilish va yarqiramatosh xom ashyolari, paleontologik qoldiqlar va boshqa kolleksion geologik namunalarni toʻplash uchun yer qaʼri uchastkalaridan foydalanish huquqiga litsenziyalar beradi (foydali qazilmalarni qazib olish bilan bogʻliq boʻlmagan yer osti inshootlari qurish va ulardan foydalanish uchun yer qaʼri uchastkalaridan foydalanish huquqiga litsenziyalar bundan mustasno)”;

yettinchi xatboshi quyidagi tahrirda bayon qilinsin:

“keng tarqalgan foydali qazilmalarning roʻyxatini tasdiqlaydi”;

quyidagi mazmundagi sakkizinchi xatboshi qoʻshilsin:

“keng tarqalgan foydali qazilmalarni oʻz ichiga olgan yer qaʼri uchastkalaridan foydalanish tartibini belgilaydi”;

sakkizinchi — oʻn birinchi xatboshilar tegishli ravishda toʻqqizinchi — oʻn ikkinchi xatboshilar deb hisoblansin.

3. 12-bandning “2)” kichik bandi ikkinchi xatboshidagi “va uranning” soʻzidan keyin “shuningdek, uglevodorod xom ashyosining” soʻzlari qoʻshilsin.

4. 15-bandning “5)” kichik bandi oʻz kuchini yoʻqotgan deb xisoblansin.