Ogʻir ijtimoiy vaziyatga tushib qolgan xotin-qizlar, nogironligi boʻlgan, kam taʼminlangan, farzandlarini toʻliqsiz oilada tarbiyalayotgan va uy-joy sharoitini yaxshilashga muhtoj onalar uchun qulay sharoit yaratish borasidagi ishlarni yanada takomillashtirish maqsadida Vazirlar Mahkamasi qaror qiladi:

1. Vazirlar Mahkamasining “Ogʻir ijtimoiy vaziyatga tushib qolgan xotin-qizlarga, nogironligi boʻlgan, kam taʼminlangan, farzandlarini toʻliqsiz oilada tarbiyalayotgan va uy-joy sharoitini yaxshilashga muhtoj onalarga arzon uy-joylar berish tartibi toʻgʻrisidagi nizomni tasdiqlash haqida” 2018-yil 12-apreldagi 285-son qaroriga (Oʻzbekiston Respublikasi QT, 2018-yil, 4-son, 90-modda) ilovaga muvofiq oʻzgartirish va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — Oʻzbekiston Respublikasi transport vaziri A.J. Ramatov va Oʻzbekiston Respublikasi Bosh vazirining oʻrinbosari — Oʻzbekiston Xotin-qizlar qoʻmitasi raisi T.K. Narbayeva zimmasiga yuklansin.

1. Qaror 2-bandining “b” kichik bandida:

a) ikkinchi va uchinchi xatboshilaridagi “ikki, uch qavatli” soʻzlari “koʻp qavatli” soʻzlari bilan, “2-3 xonali bir qavatli uy-joylardan” soʻzlari “joylashtiriladigan bir qavatli 3 xonali (yonma-yon quriladigan) arzon uylardan” soʻzlari bilan almashtirilsin;

b) quyidagi mazmundagi oltinchi va yettinchi xatboshilar qoʻshilsin:

“0,02 gektarli yer uchastkalarida joylashtiriladigan bir qavatli 3 xonali (yonma-yon quriladigan) arzon uylar qurilmagan tuman (shahar)larda ularning oʻrniga koʻp qavatli uylardagi xonadonlardan (2-3 xonali);

koʻp qavatli uylar (2-3 xonali) qurilmagan tuman (shahar)larda ularning oʻrniga 0,02 gektarli yer uchastkalarida joylashtiriladigan bir qavatli 3 xonali (yonma-yon quriladigan) arzon uylardan;”.

2. Qaror 2-bandiga quyidagi mazmundagi “g” kichik band qoʻshilsin:

“tuman (shahar)larda 0,02 gektarli yer uchastkalarida joylashtiriladigan bir qavatli 3 xonali (yonma-yon quriladigan) arzon uylar hamda koʻp qavatli uylar qurilishi belgilanmagan boʻlsa yoki ajratilgan uy-joylar sonidan kam talabgorlar mavjud boʻlsa, talabgorlar koʻp boʻlgan tuman (shahar)larga toifalar boʻyicha belgilangan taqsimotga, istisno tariqasida, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlarining tegishli qarori bilan oʻzgartirish kiritiladi”.

3. Qaror 4-bandining “a” kichik bandi ikkinchi va uchinchi xatboshilaridagi “25” va “75” raqamlari tegishlicha “10” va “90” raqamlari bilan almashtirilsin.

4. Ilovaning 3-bandida:

a) ikkinchi va uchinchi xatboshilaridagi “ikki, uch qavatli” soʻzlari “koʻp qavatli” soʻzlari bilan, “2-3 xonali bir qavatli uy-joylardan” soʻzlari “joylashtiriladigan bir qavatli 3 xonali (yonma-yon quriladigan) arzon uylardan” soʻzlari bilan almashtirilsin;

b) quyidagi mazmundagi oltinchi va yettinchi xatboshilar qoʻshilsin:

“0,02 gektarli yer uchastkalarida joylashtiriladigan bir qavatli 3 xonali (yonma-yon quriladigan) arzon uylar qurilmagan tuman (shahar)larda ularning oʻrniga koʻp qavatli uylardagi xonadonlardan (2-3 xonali);

koʻp qavatli uylar (2-3 xonali) qurilmagan tuman (shahar)larda ularning oʻrniga 0,02 gektarli yer uchastkalarida joylashtiriladigan bir qavatli 3 xonali (yonma-yon quriladigan) arzon uylardan;”.