Oʻzbekiston Respublikasi Prezidentining “Oʻzbekiston Respublikasida ichimlik suvi taʼminoti va kanalizatsiya tizimlarini rivojlantirish boʻyicha qoʻshimcha chora-tadbirlar toʻgʻrisida” 2018-yil 30-noyabrdagi PQ-4040-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Uy-joy kommunal xizmat koʻrsatish vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — Oʻzbekiston Respublikasi transport vaziri A.J. Ramatov va Oʻzbekiston Respublikasi uy-joy kommunal xizmat koʻrsatish vaziri M.X. Saliyev zimmasiga yuklansin.

1. Vazirlar Mahkamasining “Kommunal xoʻjaligi tizimida tabiatni muhofaza qilish faoliyatini yaxshilashga doir qoʻshimcha chora-tadbirlar toʻgʻrisida” 2010-yil 3-fevraldagi 11-son qarorida (Oʻzbekiston Respublikasi QT, 2010-y., 2-son, 4-modda):

a) 3-bandning uchinchi-toʻrtinchi xatboshilari quyidagi mazmundagi uchinchi — beshinchi xatboshilar bilan almashtirilsin:

“2019-yil 1-yanvardan boshlab, atrof-muhitni ifloslantirish va Oʻzbekiston Respublikasi hududida chiqindilarni joylashtirish uchun kompensatsiya toʻlovlarining kanalizatsiya tashlanmalariga taalluqli qismi Oʻzbekiston Respublikasi Uy-joy kommunal xizmat koʻrsatish vazirligi tomonidan undiriladi hamda quyidagi tarzda taqsimlanadi:

74 foizi — Oʻzbekiston Respublikasi Uy-joy kommunal xizmat koʻrsatish vazirligining Uy-joy kommunal xoʻjaligini rivojlantirish jamgʻarmasiga;

26 foizi — Oʻzbekiston Respublikasi respublika budjetiga”;

b) 1-ilovada:

2-bandning toʻrtinchi xatboshi quyidagi tahrirda bayon qilinsin:

“Oʻzbekiston Respublikasi Uy-joy kommunal xizmat koʻrsatish vazirligi tomonidan atrof-muhitni ifloslantirish va Oʻzbekiston Respublikasi hududida chiqindilarni joylashtirish uchun kompensatsiya toʻlovlarining kanalizatsiya tashlanmalariga taalluqli qismini undirishda”;

30-band quyidagi tahrirda bayon qilinsin:

“30. Suv quvurlari-kanalizatsiya korxonalari har oyda, hisobot davridan keyingi oyning 5-kunigacha abonentlar tomonidan ishlab chiqarish oqova suvlarini kommunal kanalizatsiya tarmogʻiga qabul qilib olish qoidalariga rioya qilinmaganligi toʻgʻrisidagi axborotni ushbu Qoidalarga 4-ilovaga muvofiq shaklda tayyorlaydilar”;

31-banddagi “Davlat ekologiya qoʻmitasining hududiy organlari suv quvurlari-kanalizatsiya korxonalarining taqdimnomalariga binoan” soʻzlari “Suv quvurlari-kanalizatsiya korxonalari ushbu axborotlar asosida” soʻzlari bilan almashtirilsin;

32-band quyidagi tahrirda bayon qilinsin:

“32. Hisobot davri yakunlari boʻyicha suv quvurlari-kanalizatsiya korxonalari ifloslantiruvchi moddalarni ochiq suv havzalariga yoki joy relyefiga chiqarib tashlaganlik uchun kompensatsiya toʻlovlarini hisoblaydi va ularning toʻlanishini amalga oshiradi, bunda ifloslantiruvchi moddalarni kommunal kanalizatsiya tarmoqlariga normativdan ortiqcha oqizganlik uchun ularning abonentlariga hisoblab yozilgan toʻlovlarning toʻlangan summasini chegirib tashlaydilar”;

41-banddagi “Davlat ekologiya qoʻmitasining hududiy organlari” soʻzlari “Suv quvurlari-kanalizatsiya korxonalari” soʻzlari bilan almashtirilsin;

2. Vazirlar Mahkamasining 2017-yil 2-iyundagi 340-son qarori (Oʻzbekiston Respublikasi QT, 6-son, 87-modda) bilan tasdiqlangan Oʻzbekiston Respublikasi Uy-joy kommunal xizmat koʻrsatish vazirligi toʻgʻrisidagi nizom 10-bandining “v” kichik bandiga quyidagi mazmundagi xatboshi qoʻshilsin:

“atrof-muhitni ifloslantirish va Oʻzbekiston Respublikasi hududida chiqindilarni joylashtirish uchun kompensatsiya toʻlovlarining kanalizatsiya tashlanmalariga taalluqli qismini undiradi”.

3. Vazirlar Mahkamasining 2017-yil 15-iyundagi 375-son qarori (Oʻzbekiston Respublikasi QHT, 2017-y., 24-son, 502-modda) bilan tasdiqlangan Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomning 3-bandida:

uchinchi xatboshi chiqarib tashlansin;

toʻrtinchi — oʻn toʻrtinchi xatboshilar tegishli ravishda uchinchi — oʻn uchinchi xatboshilar deb hisoblansin.

4. Vazirlar Mahkamasining “2017 — 2022-yillarda yer osti chuchuk suvlarini ishlatishni kengaytirish hisobiga Fargʻona vodiysi aholisini toza ichimlik suvi bilan taʼminlash tizimini takomillashtirishning qoʻshimcha chora-tadbirlari toʻgʻrisida” 2017-yil 30-sentabrdagi 779-son qarorining rus tili matnidagi 2-bandining uchinchi xatboshidagi “Chistaya pityevaya voda” soʻzlari “razvitiya sistem vodosnabjeniya i kanalizatsii” soʻzlari bilan almashtirilsin.

6. Vazirlar Mahkamasining “Tabiatni muhofaza qilishni taʼminlashning iqtisodiy mexanizmlarini yanada takomillashtirish chora-tadbirlari toʻgʻrisida” 2018-yil 11-oktabrdagi 820-son qarorining 2-bandida:

“b” kichik banddagi “undiriladi” soʻzidan keyin “(kommunal kanalizatsiya tarmoqlariga ifloslantiruvchi moddalarning normativdan ortiqcha oqizilganligi uchun kompensatsiya toʻlovlari bundan mustasno)” soʻzlari qoʻshilsin;

quyidagi mazmundagi “v” kichik band qoʻshilsin:

“v) atrof-muhitni ifloslantirish va Oʻzbekiston Respublikasi hududida chiqindilarni joylashtirish uchun kompensatsiya toʻlovlarining kanalizatsiya tashlanmalariga taalluqli qismi Oʻzbekiston Respublikasi Uy-joy kommunal xizmat koʻrsatish vazirligi tomonidan undiriladi hamda quyidagi tarzda taqsimlanadi:

74 foizi — Oʻzbekiston Respublikasi Uy-joy kommunal xizmat koʻrsatish vazirligining Uy-joy kommunal xoʻjaligini rivojlantirish jamgʻarmasiga;

26 foizi — Oʻzbekiston Respublikasi respublika budjetiga”.