O‘zbekiston Respublikasi Vazirlar Mahkamasining 2000-yil 2-oktabrdagi 378-55-son qaroriga muvofiq Vazirlar Mahkamasi qaror qiladi:

1. Quyidagilar:

Ugom-Chotqol Davlat milliy tabiat bog‘i to‘g‘risidagi nizom 1-ilovaga muvofiq;

Chotqol Davlat biosfera qo‘riqxonasi to‘g‘risidagi nizom 2-ilovaga muvofiq;

Ohangaron o‘rmon xo‘jaligi korxonasining ustavi 3-ilovaga muvofiq;

Burchmulla o‘rmon xo‘jaligi korxonasining ustavi 4-ilovaga muvofiq;

Ugom-Chotqol Davlat milliy tabiat bog‘i va Chotqol Davlat biosfera qo‘riqxonasi, Ohangaron va Burchmulla o‘rmon xo‘jaligi korxonalari xodimlariga ish haqi to‘lash tartibi 5-ilovaga muvofiq tasdiqlansin.

3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari T.X.Xoltoyev zimmasiga yuklansin.

1. Ugom-Chotqol Davlat milliy tabiat bog‘i (keyingi o‘rinlarda “Milliy bog‘i” deb yuritiladi) Toshkent viloyatining tabiatni muhofaza qilish, rekreatsion, ma’rifiy, ilmiy va madaniy maqsadlarda foydalanishga mo‘ljallangan hamda alohida ekologik tarixiy va estetik ahamiyatga ega bo‘lgan tabiiy obyektlarini saqlab qolish maqsadida tashkil etilgan.

2. Milliy bog‘ Burchmulla va Chirchiq o‘rmon xo‘jaliklarining o‘rmon fondi yerlarida tashkil etilgan hamda O‘zSSR Ministrlar Sovetining 1990-yil 30-iyuldagi 270-son qarori bilan belgilangan chegaralarda boshqa yer egalari va yerdan foydalanuvchilarning yerlarini ham o‘z ichiga oladi.

O‘zbekiston Respublikasi Vazirlar Mahkamasining 2000-yil 2-oktabrdagi 378-55-son qarori bilan milliy bog‘ viloyat boshqarmasiga tenglashtirilgan, Chotqol Davlat biosfera qo‘riqxonasi, Ohangaron va Burchmulla o‘rmon xo‘jaliklari uning bo‘ysunishiga kiritilgan.

3. Milliy bog‘ Toshkent viloyati hokimligi ixtiyorida, yuridik shaxs huquqiga ega bo‘lgan davlat tabiatni muhofaza qilish muassasasi hisoblanadi, banklarda hisob raqamlariga, O‘zbekiston Respublikasi Davlat gerbi tasviri tushirilgan muhrga va o‘z nomi yozilgan shtamplarga ega.

4. Milliy bog‘ o‘z faoliyatini “Alohida muhofaza etiladigan tabiiy hududlar to‘g‘risida”, “Tabiatni muhofaza qilish to‘g‘risida”, “O‘rmon to‘g‘risida”gi O‘zbekiston Respublikasi qonunlari hamda boshqa qonun hujjatlari, Toshkent viloyati hokimining qarorlari va mazkur Nizom asosida o‘z hududida joylashgan boshqa yer egalari va yerdan foydalanuvchilar bilan o‘zaro munosabatlar orqali amalga oshiradi.

Milliy bog‘ “O‘zbekiston Respublikasining Davlat chegarasi to‘g‘risida” va “Terrorizmga qarshi kurash to‘g‘risida” gi O‘zbekiston Respublikasi qonunlariga muvofiq o‘ziga qarashli hududlarga banditlar to‘dalari kirib kelishi va joylashib olishining oldini olish bo‘yicha qo‘riqlash va rejim ishlarini Davlat chegaralarini himoya qiluvchi qo‘mita, Ichki ishlar vazirligi, Milliy xavfsizlik xizmati va Mudofaa vazirligining hududiy organlari va bo‘linmalari bilan o‘zaro hamkorlikda olib boradi.

5. Milliy bog‘ o‘ziga bo‘ysunuvchi tuzilmalar tomonidan Inspektorlarning harbiylashtirilgan tuzilmalar bilan o‘zaro hamkorlik qilishi to‘g‘risidagi nizom talablariga muvofiq oldiga qo‘yilgan vazifalar bajarilishini ta’minlaydi.

6. Milliy bog‘ va unga qarashli korxonalar xodimlarining qurolli xizmat qilishi, qurolni saqlash, berish va qo‘llash tartibi qonun hujjatlari bilan belgilanadi.

7. Milliy bog‘ning davlat tilidagi to‘liq nomi: “Ugom-Chotqol Davlat milliy tabiat bog‘i”, rus tilida “Ugam-Chatkalskiy gosudarstvenniy natsionalniy prirodniy park”.

Pochta manzili: Toshkent viloyati, Bo‘stonliq tumani, G‘azalkent shahri, E. Asanov ko‘chasi, 75.

8. Quyidagilar milliy bog‘ning asosiy vazifalari hisoblanadi:

rekreatsion, ma’rifiy va ilmiy maqsadlarda foydalanish uchun tabiiy komplekslar va tarixiy-madaniy meros saqlanishini ta’minlovchi rejimni saqlab turish;

buzilgan tabiiy komplekslarni tiklash;

qishloq xo‘jaligi, sanoat ishlab chiqarishi va boshqa faoliyatda resurslarni tejovchi, ekologik toza texnologiyalar joriy etilishiga ko‘maklashish;

ilmiy tadqiqotlar o‘tkazish, tabiatni muhofaza qilish va tabiatdan oqilona foydalanish sohasida ilmiy kadrlar va mutaxassislar tayyorlashga ko‘maklashish va ularni tayyorlash;

o‘ziga qarashli o‘rmon xo‘jaliklari va qo‘riqxonada shakllangan tabiiy komplekslarni, jonsiz tabiat yodgorliklari, suv obyektlarini saqlash;

landshaftlar, o‘simlik va hayvonot dunyosining etalon va nodir uchastkalarini saqlash;

tabiiy resurslarning holatini hisobga olish va baholash, o‘ziga qarashli hududda tabiatni muhofaza qilish faoliyatining asosiy yo‘nalishlarini belgilash, hududiy ekologik dasturlarni tasdiqlash;

o‘rmon fondidan va viloyatning boshqa tabiiy resurslaridan, shuningdek o‘z hududidagi mavjud resurslaridan oqilona foydalanilishini ta’minlash;

ovchilik xo‘jaliklari ustidan davlat boshqaruvi va nazorati, Davlat tabiatni muhofaza qilish qo‘mitasi tomonidan tasdiqlangan va belgilangan kvotalarga muvofiq ov qilishga ruxsatnoma berish, Toshkent viloyatining o‘ziga qarashli o‘rmon fondi hududida ov qilish qoidalari, normalari va muddatlariga rioya etilishini ta’minlash;

ayrim fuqarolar, barcha yer egalari va yerdan foydalanuvchilar, o‘rmon fondi hududida joylashgan korxonalar, tashkilotlar tomonidan tabiatni muhofaza qilish haqidagi qonun hujjatlari, tabiatdan foydalanish normalari va qoidalariga rioya etilishi ustidan samarali nazoratni ta’minlash;

tabiatni muhofaza qilish faoliyati, ekologik nazorat va o‘rmon tuzilishi masalalari bo‘yicha o‘ziga qarashli obyektlarning Davlat tabiatni muhofaza qilish qo‘mitasi, Qishloq va suv xo‘jaligi vazirligi huzuridagi O‘rmon xo‘jaligi bosh boshqarmasi bilan samarali o‘zaro hamkorligini tashkil etish;

viloyatning chegaradosh tumanlarida xavfsizlikni ta’minlash tizimini takomillashtirish, hududni ishonchli qo‘riqlash va himoya qilish bo‘yicha takliflar ishlab chiqish;

Ichki ishlar vazirligi, Milliy xavfsizlik xizmati, Davlat chegaralarini himoya qiluvchi qo‘mita bilan birgalikda o‘ziga qarashli korxonalarda kadrlarni tanlash va ularni joy-joyiga qo‘yish;

viloyat o‘rmon fondi hududida qo‘riqlashni tashkil etish va rejim-qo‘riqlash tadbirlarini o‘tkazish, shuningdek O‘zbekiston Respublikasi Davlat chegaralarini himoya qiluvchi qo‘mitaning takliflari bo‘yicha profilaktika va chegara polosalarini o‘rmon daraxtlari va changalzorlardan tozalash;

diversiyachi-terroristik guruhlarni o‘z vaqtida aniqlash maqsadida o‘rmon fondi hududida harbiylashtirilgan tuzilmalar bo‘linmalari bilan o‘zaro hamkorlikda jinoyatchilik namoyon bo‘lishi belgilari va faktlari to‘g‘risida chegara qo‘shinlarini, ichki ishlar bo‘linmalari va organlarini tezkor xabardor qilish, banditlar to‘dalarini yo‘q qilish bo‘yicha samarali tezkor-qidiruv faoliyati o‘tkazilishiga ko‘maklashish;

chegara qo‘shinlariga hujum qilish xavfi paydo bo‘lganda, qurolli tuzilmalar o‘rmon xo‘jaligi korxonalari javobgarligi ostidagi zona doirasida Davlat chegarasi orqali yorib o‘tishga uringan hollarda chegara qo‘shinlarini mavjud kuchlar va vositalar bilan kuchaytirish;

o‘ziga qarashli korxonalarning lavozim yo‘riqnomalari va boshqa normativ hujjatlarini tasdiqlash;

turizm va dam olishni rivojlantirish uchun shart-sharoitlar yaratish;

ekologik bilimlarni targ‘ib qilish, mutaxassislar tayyorlashda va tabiatdan oqilona foydalanishda ko‘maklishish, milliy bog‘ hududida yashovchi aholi bilan ekologik ma’rifat ishlarini olib borish.

9. Milliy boqqa Toshkent viloyati hokimi tomonidan tayinlanadigan hamda milliy bog‘ va unga qarashli korxonalar faoliyati uchun to‘liq javob beradigan bosh direktor boshchilik qiladi.

10. Milliy bog‘ning bosh direktori mazkur Nizomga asosan ish ko‘radi hamda bog‘, o‘rmon xo‘jaliklari va qo‘riqxona faoliyatiga rahbarlik qilishga doir butun ishni olib boradi.

Qonunda belgilangan tartibda milliy bog‘ning mablag‘lari va mol-mulkini tasarruf etadi, bog‘, qo‘riqxona, o‘rmonlar va mol-mulk qo‘riqlanishi, hisobotlar o‘z vaqtida taqdim etilishi, smeta, moliya, shartnoma va mehnat intizomiga rioya etilishi uchun javob beradi.

11. Milliy bog‘ning bosh direktoriga quyidagilar yuklanadi:

milliy bog‘ xodimlarining lavozim yo‘riqnomalarini ishlab chiqish (vazifalarni taqsimlash) hamda o‘rmon xo‘jaliklari va qo‘riqxona xodimlarining lavozim yo‘riqnomalarini tasdiqlash;

o‘rmon xo‘jaliklari, qo‘riqxona direktorlarini viloyat hokimligi bilan kelishgan holda tayinlash;

o‘rmon xo‘jaliklari va qo‘riqxona direktorlari o‘rinbosarlari, bosh buxgalterlarining tayinlanishini va ularning ishdan bo‘shatilishini kelishib olish;

milliy bog‘da, o‘rmon xo‘jaliklari va qo‘riqxonada o‘rmon xo‘jaligi tadbirlari va boshqa tadbirlari bajarilishi tashkil etilishini nazorat qilish;

milliy bog‘ning mol-mulki, asbob-uskunalari, moddiy va boshqa boyliklari qo‘riqlanishini tashkil etish;

milliy bog‘ xodimlarini belgilangan tartibda ishga qabul qilish va ishdan bo‘shatish;

shartnomalar tuzish;

milliy bog‘ nomidan bank muassasalarida moliyaviy va pul operatsiyalarini sodir etish;

davlat organlari, sudlar va boshqa tashkilotlarda milliy bog‘, o‘rmon xo‘jaliklari va qo‘riqxona manfaatlarini ifodalash.

12. Bosh direktorning birinchi o‘rinbosari — bosh o‘rmonchi milliy bog‘da barcha ishlab chiqarish ishlari to‘g‘ri tashkil etilishi va olib borilishi, o‘rmonlar hisobi, davlat o‘rmon kadastri yuritilishi, texnika xavfsizligi qoidalariga rioya etilishi, ilg‘or tajriba joriy etilishi, mexanizmlardan zarur darajada foydalanilishi, o‘rmonlar, o‘simlik va hayvonot dunyosini qo‘riqlashning belgilangan tadbirlari tashkil etilishi va o‘tkazilishi uchun javob beradi.

13. Milliy bog‘ bosh direktorining rejim va o‘rmon fondini qo‘riqlash bo‘yicha o‘rinbosari quyidagilar uchun javob beradi:

rejim-qo‘riqlash tadbirlarini o‘tkazish, kadrlarni to‘g‘ri tanlash va joy-joyiga qo‘yish, milliy bog‘, o‘rmon xo‘jaliklari, qo‘riqxona inspektorlari ishini, profilaktika va chegara polosasini o‘rmon daraxtlari va changalzorlardan tozalashni tashkil etish;

qurol-yarog‘, o‘q-dorilar saqlanishini va ularning to‘g‘ri qo‘llanilishini, formali kiyim-bosh, aloqa vositalari, maxsus anjomlar va boshqalar saqlanishini ta’minlash;

o‘rmonlar, qo‘riqxona saqlanishini tashkil etish va nazorat qilish, aybdorlarni javobgarlikka tortish uchun milliy bog‘ hududidagi huquqbuzarliklar to‘g‘risidagi materiallarni belgilangan tartibda tegishli organlarga berish.

14. Milliy bog‘ bosh direktorining o‘rinbosarlari bosh direktorning taqdimnomasi bo‘yicha belgilangan talablarga muvofiq Toshkent viloyati hokimi tomonidan tayinlanadi.

15. Milliy bog‘ inspektorlari quyidagi huquqlarga egadir:

xavfsizlikni ta’minlash va atrof muhitni saqlash maqsadida milliy bog‘, o‘rmon xo‘jaliklari va qo‘riqxona hududida fuqarolar va transport vositalarini tekshirish va qarab chiqish;

bog‘ hududida qoidani buzish hollari aniqlangan taqdirda ma’muriy huquqbuzarliklar to‘g‘risida bayonnomalar tuzish;

milliy bog‘, o‘rmon xo‘jaliklari va qo‘riqxona hududida shubhali shaxslar aniqlangan taqdirda Inspektorlarning harbiylashtirilgan tuzilmalar bilan o‘zaro hamkorlik qilishi to‘g‘risidagi nizom asosida ish ko‘radi.

16. Milliy bog‘ hududida tabiiy komplekslarning holati va saqlanishiga, landshaft xususiyatiga, boshqa omillarga bog‘liq ravishda qo‘riqlash va foydalanishning turli xil rejimi o‘rnatiladi.

Ushbuga muvofiq quyidagi funksional zonalar belgilanadi:

g‘arbiy zona — Chotqol davlat biosfera qo‘riqxonasi hududini o‘z ichiga oladi. Qo‘riqxonaning faoliyat ko‘rsatishi alohida nizom bilan tartibga solinadi;

chegara zonasi va chegara polosasi — O‘zbekiston Respublikasi hududida chegara rejimi to‘g‘risidagi nizom bilan tartibga solinadi;

boshqariladigan rekreatsion va xo‘jalik maqsadida foydalaniladigan tabiiy va tiklanadigan landshaftlar zonasi. Ushbu zonada buzilgan tabiiy komplekslar, tabiat, tarix, madaniyat davlat yodgorliklari saqlanishi va tiklanishi, turizm va ekskursiyalar tashkil etilishi uchun shart-sharoitlar ta’minlanadi, tabiatga zarar yetkazmagan holda xo‘jalik faoliyati amalga oshiriladi;

dam olish zonalari, pansionatlar, bolalar sog‘lomlashtirish komplekslari, turistik bazalar, sanatoriylar hududlaridan iborat faol rekreatsiya zonasi. Ushbu hududning saqlanishi muhandislik qurilmalarining yuksak darajasi va zarur tabiatni muhofaza qilish tadbirlari bajarilishi bilan ta’minlanadi.

17. Milliy bog‘ hududida ajratib ko‘rsatilgan zonalarga bog‘liq ravishda quyidagilar taqiqlanadi:

daraxt kesish (daraxtlarni sanitariya va parvarish qilish uchun kesishdan tashqari);

ekologik xavf tug‘diruvchi korxonalar faoliyati;

tuproq eroziyasini, shuningdek o‘simlik va hayvonot dunyosi degradatsiyasini keltirib chiqaruvchi xatti-harakatlar;

ko‘niktirish maqsadida jonli organizmlarni ko‘chirma qilish;

ushbu maqsadlarga mo‘ljallanmagan sanoat, xo‘jaligi obyektlari va turar joy obyektlari qurish;

foydali qazilma boyliklar qazish, tuproq qatlamini buzish va tog‘ jinslarini ochish. Qidiruv ishlarining ushbu barcha turlari bog‘ rahbariyatining ruxsatnomasi bo‘yicha olib borilishi mumkin;

ishlab chiqarish, Kimyo va radioaktiv chiqindilarni ko‘mish, zaharli ximikatlar omborlarini joylashtirish va mollarini ko‘mish;

mexanizatsiyalashtirilgan transport vositalarining harakati va to‘xtab turish joyi, shuningdek yo‘llardan tashqarida va umumiy foydalaniladigan yo‘llarda hamda ushbu joylar uchun maxsus nazarda tutilgan joylardan tashqarida mollarni haydab o‘tish;

sportchilarning ommaviy to‘xtash joylari tashkil etish, chodirlar qurish, mo‘ljallanmagan joylardan tashqarida gulxan yoqish;

sanoat maqsadida baliq ovlash, Beldorsoy ovchilik xo‘jaligi va Ohangaron tumanining Shovvozsoy uchastkasidan tashqarida ov qilish, hayvonlarni yo‘q qilish va tutish, o‘simliklar va hayvonlarning hayot kechirish sharoitlarini buzish, kolleksiyalar to‘plash;

faoliyatning bog‘ning tabiiy komplekslarini buzuvchi yoki uning hududida tabiiy va madaniy ahamiyati pasayishiga olib keluvchi boshqa turlari.

18. Milliy bog‘ni qo‘riqlash inspektorlar tomonidan amalga oshiriladi, ular O‘zbekiston Respublikasi tabiatni qo‘riqlash davlat inspektorlarining barcha huquq va imtiyozlaridan foydalanadilar.

Inspektorlar yagona namunadagi formali kiyim-bosh va farqlash belgilari bilan ta’minlanadi, tabel qurol-yarog‘ni saqlash va olib yurish belgilangan tartibda amalga oshiriladi.

Milliy bog‘ faoliyati ustidan davlat nazoratini O‘zbekiston Respublikasi Davlat tabiatni muhofaza qilish qo‘mitasi organlari o‘z vakolatiga kiruvchi masalalar doirasida amalga oshiradi.

19. Milliy bog‘ rejimini buzishda aybdor bo‘lgan shaxslar O‘zbekiston Respublikasi qonun hujjatlariga muvofiq belgilangan tartibda javobgarlikka tortiladi.

20. Aybdor shaxslardan milliy boqqa yetkazilgan zarar qonun hujjatlarida belgilangan tartibda va miqdorlarda undirib olinadi.

21. Davlat tabiatni muhofaza qilish qo‘mitasining xodimlari, inspektorlari hamda xalqaro dasturlar bo‘yicha ishlovchi mutaxassislar ilmiy-tadqiqot ishlarini olib borish, tabiatni muhofaza qilish qonunchiligini va milliy bog‘ rejimini nazorat qilish uchun milliy bog‘ rahbariyatini xabardor qilgan va maxsus jurnalda ro‘yxatdan o‘tkazilgan holda xizmat guvohnomalari bo‘yicha milliy bog‘ hududiga to‘siqsiz kirish huquqiga egadirlar.

Chegara polosasiga kiruvchi zonaga kirish belgilangan qoidalarga muvofiq Ichki ishlar vazirligi va Davlat chegaralarini himoya qiluvchi qo‘mita organlarining ruxsati bilan amalga oshiriladi.

22. Milliy bog‘ni mablag‘ bilan ta’minlash:

budjetdan ajratiladigan mablag‘lar;

rekreatsion, tabiatni muhofaza qilish, xo‘jalik, reklama-noshirlik, ma’rifatparvarlik faoliyatidan, ekologik turizmdan, O‘zbekiston Respublikasining amaldagi qonun hujjatlariga va mazkur Nizomga zid bo‘lmagan boshqa faoliyatdan olingan daromadlar;

milliy bog‘ga yetkazilgan zarar undirilishi hisobiga tushadigan tushumlar;

belgilangan tartibda undirib olinadigan jarima summalari tushumlaridan;

ovlash va baliqchilik qurollari musodara qilinishi va ular sotilishidan tushgan mablag‘lar;

beg‘araz yordam va xayriya maqsadlarida davlat, jamoat tashkilotlari, korxonalar, muassasalar va alohida fuqarolardan tushuvchi, shuningdek ov qilish va tabiatdan foydalanishga ruxsatnomalar berilganligi uchun tushuvchi mablag‘lar hisobiga amalga oshiriladi.

23. Ko‘zda tutilmagan ishlarni bajarish uchun bog‘ tabiatni qo‘riqlashning maxsus jamg‘armasi tashkil etiladi. Jamg‘arma Toshkent viloyatining mahalliy budjeti tomonidan ajratiladigan mablag‘lardan tashqari barcha moliyaviy tushumlar summasining 5 foizi unga ajratilishi hisobiga tashkil etiladi.

24. Milliy bog‘ O‘zbekiston Respublikasining amaldagi qonunchiligiga muvofiq faoliyatni amalga oshirishga doir hisob va hisobot yuritadi.

25. Milliy bog‘ o‘rmon xo‘jaliklari va qo‘riqxona faoliyati ustidan nazoratni amalga oshiradi.

26. Milliy bog‘ qonun hujjatlarida belgilangan tartibda tugatiladi va qayta tashkil etiladi.

1.Chotqol Davlat biosfera qo‘riqxonasi (keyingi o‘rinlarda “Qo‘riqxona” deb yuritiladi) tabiatni muhofaza qilish ilmiy-tadqiqot muassasasi hisoblanadi.

Qo‘riqxona g‘arbiy Tyan-shanda Toshkent viloyatining Bo‘stonliq va Parkent ma’muriy tumanlari hududida joylashgan.

2. Qo‘riqxona O‘zSSR Ministrlar Sovetining 1947-yil 20-dekabrdagi 2020-son qaroriga binoan tashkil etilgan.

Xalqaro muvofiqlashtiruvchi konsiliumning IX sessiyasida, 1986-yil 24-25-apreldagi 16732-son protokolga muvofiq Qo‘riqxonaga biosfera qo‘riqxonasi maqomi berilgan.

O‘zbekiston Respublikasi Vazirlar Mahkamasining 2000-yil 2-oktabrdagi 378-55-son qarori bilan qo‘riqxona Ugom-Chotqol Davlat milliy tabiat bog‘i tarkibiga kiritilgan.

3. Qo‘riqxona o‘z faoliyatini “Alohida muhofaza etiladigan tabiiy hududlar to‘g‘risida”, “Tabiatni muhofaza qilish to‘g‘risida” gi O‘zbekiston Respublikasi qonunlari va boshqa qonun hujjatlari, Toshkent viloyati hokimining qarorlari va mazkur Nizom asosida amalga oshiradi.

4. Qo‘riqxona yerlari tabiatni muhofaza qilish maqsadidagi yerlarga tegishlidir. Qo‘riqxona yerlarida ularning maqsadli vazifasiga zid bo‘lgan faoliyat taqiqlanadi, yer, suv, yer osti boyliklari, o‘simlik va hayvonot dunyosi qo‘riqxona muhofazasi ostidadir.

Qo‘riqxona hududi rejalar va dasturlarni, yer tuzish sxemalari va rayon rejalashtirishni, tabiiy resurslardan foydalanish va ularni qo‘riqlash bo‘yicha boshqa rejalarni ishlab chiqishda hisobga olinadi. Qo‘riqxona hududi istisno hollarida, O‘zbekiston Respublikasining qonun hujjatlarida belgilangan tartibda o‘zgartirilishi mumkin.

5. Qo‘riqxona hududi g‘arbiy Tyan-shanning tabiiy jarayonlari va hodisalarini kuzatish va ulardan foydalanish, ularning zamonaviy holatini o‘rganish, ular o‘zgarishini prognozlashtirish va mintaqada tabiiy resurslardan barqaror foydalanishga doir tavsiyalar berish uchun muhim davlat obyekti hisoblanadi.

6. Qo‘riqxona Toshkent viloyati hokimligi ixtiyoridadir, Ugom-Chotqol Davlat milliy tabiat bog‘i bevosita qo‘riqxonani boshqaradi. Qo‘riqxona yuridik shaxs hisoblanadi, davlat budjetida turadi, banklarda hisob raqamlariga, O‘zbekiston Respublikasi Davlat gerbi tasviri tushirilgan muhrga va o‘z nomi yozilgan shtampga ega.

7. “O‘zbekiston Respublikasining Davlat chegarasi to‘g‘risida” va “Terrorizmga qarshi kurash to‘g‘risida” gi O‘zbekiston Respublikasi qonunlariga muvofiq o‘ziga qarashli hududlarga banditlar to‘dalari kirib kelishi va joylashib olishining oldini olish bo‘yicha qo‘riqlash va rejim ishlarini qo‘riqxona Davlat chegaralarini himoya qiluvchi qo‘mita, Ichki ishlar vazirligi, Milliy xavfsizlik xizmati va Mudofaa vazirligining hududiy organlari va bo‘linmalari bilan o‘zaro hamkorlikda olib boradi.

Qo‘riqxona Inspektorlarning harbiylashtirilgan tuzilmalar bilan o‘zaro hamkorlik qilishi to‘g‘risidagi Nizom talablariga muvofiq oldiga qo‘yilgan vazifalar bajarilishini ta’minlaydi.

8. Qo‘riqxona xodimlarining qurolli xizmat qilishi, qurolni saqlash, berish va qo‘llash tartibi qonun hujjatlari bilan belgilanadi.

9. Qo‘riqxonaning davlat tilidagi nomi: “Chotqol Davlat biosfera qo‘riqxonasi” rus tilida “Chatkalskiy gosudarstvenniy biosferniy zapovednik”.

Pochta manzili: Toshkent viloyati, Parkent shahri, M. Mirsaidov ko‘chasi, 1.

10. G‘arbiy Tyanshanning tipik va nodir tabiiy komplekslarini va biologik rang-barangligini saqlab qolish va o‘rganish, tabiiy jarayonlar monitoringini amalga oshirish, tabiatni muhofaza qilishning va barqaror rivojlantirishning ilmiy asoslarini ishlab chiqish va joriy etish qo‘riqxonaning maqsadlari hisoblanadi.

11. Qo‘riqxonaga quyidagi vazifalarni bajarish yuklanadi:

asosiy zonada muhofaza ostiga olingan butun tabiiy kompleksni tabiiy holatda saqlash hamda bufer va oraliq zonalarda belgilangan rejimga rioya qilish;

fundamental va Amaliy ilmiy-tadqiqot ishlari olib borish;

amalga oshirilishi qo‘riqxona zonalariga salbiy ta’sir ko‘rsatishi mumkin bo‘lgan xo‘jalik obyektlari va boshqa obyektlarni joylashtirish loyihalari va sxemalarini davlat ekologiya ekspertizasi o‘tkazishda qatnashish;

tabiatni muhofaza qilish sohasida ilmiy xodimlar va mutaxassislar tayyorlashga ko‘maklashish;

ekologik bilimlarni targ‘ib qilish;

global ekologik monitoringda qatnashish;

barqaror rivojlantirish yo‘llari va usullarini ishlab chiqish;

O‘zbekiston Respublikasi va boshqa davlatlarning tegishli ilmiy-tadqiqot tashkilotlari tomonidan amalga oshirilayotgan ilmiy-tadqiqotlarni tashkil etish va muvofiqlashtirish;

o‘qitishni tashkil etish va namoyish qiluvchi loyihalar barpo etish yo‘li bilan barqaror rivojlantirish usullarini joriy etish.

12. Direktor va uning o‘rinbosarlari qo‘riqxonaga bevosita rahbarlik qiladi.

13. Qo‘riqxona direktori Toshkent viloyati hokimligi bilan kelishgan holda Ugom-Chotqol milliy tabiat bog‘i bosh direktorining buyrug‘i bilan tayinlanadi.

14. Direktor o‘rinbosari, inspeksiya boshlig‘i va bosh buxgalter Ugom-Chotqol Davlat milliy tabiat bog‘ining bosh direktori bilan kelishgan holda qo‘riqxona direktorining buyrug‘i bilan lavozimga tayinlanadi va lavozimdan bo‘shatiladi, direktorning fan bo‘yicha o‘rinbosari esa O‘zbekiston Respublikasi Davlat tabiatni muhofaza qilish qo‘mitasi bilan kelishgan holda lavozimga tayinlanadi va lavozimdan bo‘shatiladi.

15. Qo‘riqxona tarkibiga ma’muriy-xo‘jalik qismi, ilmiy bo‘lim va tabiiy hududlarni qo‘riqlash bo‘yicha maxsus inspeksiya kiradi.

16. Qo‘riqxona direktori mazkur Nizom asosida ish ko‘radi va qo‘riqxona faoliyatiga rahbarlik qiladi hamda qo‘riqxona mablag‘lari va mol-mulkini qonunda belgilangan tartibda tasarruf etadi, o‘rmonlar va mol-mulk qo‘riqlanishi, hisobotlar o‘z vaqtida taqdim etilishi, qo‘riqxonada smeta, moliya, shartnoma va mehnat intizomiga rioya etilishi uchun javob beradi.

17. Qo‘riqxona direktoriga quyidagilar yuklanadi:

Ugom-Chotqol Davlat milliy tabiat bog‘ining bosh direktori tomonidan tasdiqlanadigan qo‘riqxona xodimlarining lavozim yo‘riqnomalarini ishlab chiqish (vazifalarni taqsimlash);

ilmiy-tadqiqot tadbirlari va boshqa tadbirlar bajarilishini tashkil etish;

mol-mulk, asbob-uskunalar, qo‘riqxonaning moddiy va boshqa boyliklari qo‘riqlanishini tashkil etish;

belgilangan tartibda qo‘riqxona xodimlarini ishga qabul qilish va ishdan bo‘shatish;

shartnomalar tuzish;

bank muassasalarida qo‘riqxona nomidan barcha moliyaviy va pul operatsiyalarini sodir etish;

o‘rmonlar, hayvonot va o‘simliklar dunyosi qo‘riqlanishini tashkil etish, aybdorlarni belgilangan tartibda javobgarlikka tortish uchun materiallarni tekshirish va ularni belgilangan tartibda huquqni muhofaza qilish organlariga berish, shuningdek qo‘riqxona hududida huquqni buzish hollari bo‘yicha o‘z vakolatlari doirasida qarorlar qabul qilish;

qurol-yarog‘, o‘q-dorilar saqlanishi va ular to‘g‘ri qo‘llanilishini, formali kiyim-bosh, aloqa vositalari, maxsus anjomlar va boshqalar saqlanishini ta’minlash;

davlat, sud muassasalari va jamoat tashkilotlarida qo‘riqxona manfaatlarini ifodalash.

18. Qo‘riqxona direktorining fan bo‘yicha o‘rinbosari barcha ilmiy-tadqiqot faoliyati to‘g‘ri tashkil etilishi va o‘tkazilishi, belgilangan talablarga rioya etilishi uchun javob beradi.

19. Qo‘riqxonaning ilmiy-tadqiqot faoliyati tabiatda kechayotgan jarayonlarning ko‘p yillik turg‘un kompleks tadqiqotlarini amalga oshirish va ushbu jarayonlarni o‘rganish, tabiiy kompleksning alohida qismlari o‘rtasidagi o‘zaro aloqalarni aniqlash, biosferaning fon holati o‘zgarishini o‘rganish va uni nazorat qilish, qo‘riqxonaning tabiiy komplekslari, o‘simliklar va hayvonlarning nodir va yo‘qolib borayotgan turlari saqlanishining ilmiy asoslarini ishlab chiqish, shuningdek g‘arbiy Tyan-Shanning tabiiy resurslaridan oqilona foydalanishga doir tavsiyalar berish yo‘li bilan amalga oshiriladi.

20. Qo‘riqxonaning ilmiy-tadqiqot ishi O‘zbekiston Respublikasi Davlat tabiatni muhofaza qilish qo‘mitasi tomonidan tasdiqlangan Davlat qo‘riqxonalarida ilmiy-tadqiqot ishlari olib borish tartibi to‘g‘risidagi yo‘riqnomaga muvofiq o‘tkaziladi. Tabiat Yilnomasi bo‘yicha ishlar olib borish majburiy hisoblanadi, xalqaro loyihalar esa belgilangan tartibda tasdiqlanadigan rejalar bo‘yicha amalga oshiriladi.

21. Qo‘riqxona ilmiy-tadqiqot ishlari olib borish uchun ilmiy fondlar omborxonasiga, qo‘riqxona hududida dala bazalariga va kordonlarga ega bo‘lishi kerak. Qo‘riqxonaning ilmiy fondlari doimiy saqlanadi.

22. Qo‘riqxonada olib boriladigan ilmiy-tadqiqotlarga metodik rahbarlik qilish va ularni muvofiqlashtirish O‘zbekiston Respublikasi Fanlar akademiyasi tomonidan amalga oshiriladi.

23. Qo‘riqxonada Ilmiy kengash ta’sis etiladi. Ilmiy kengash faoliyati to‘g‘risidagi nizom va uning shaxsiy tarkibi Toshkent viloyati hokimligi bilan kelishgan holda O‘zbekiston Respublikasi Davlat tabiatni muhofaza qilish qo‘mitasi tomonidan tasdiqlanadi.

24. Qo‘riqxona o‘z ilmiy asarlarini e’lon qilish huquqiga egadir.

25. Qo‘riqxonaning asosiy va bufer zonalarida muayyan rejimlar joriy etiladi. Qo‘riqxona inspeksiyasi ushbu zonalarni qo‘riqlaydi va rejimga rioya qilinishini nazorat qiladi. Qo‘riqxona inspeksiyasi O‘zbekiston Respublikasi Davlat tabiatni muhofaza qilish qo‘mitasi tomonidan tasdiqlanadigan Davlat qo‘riqxonalarida maxsus inspeksiya ishi bo‘yicha yo‘riqnomaga muvofiq ish ko‘radi.

26. Qo‘riqxona inspektorlari quyidagi huquqlarga egadir:

atrof muhit xavfsizligini ta’minlash va saqlash maqsadida qo‘riqxona hududida fuqarolar va transport vositalarini tekshirish va nazoratdan o‘tkazish;

qoida buzishlar aniqlangan taqdirda qo‘riqxonaning o‘simlik va hayvonot dunyosiga yetkazilgan zarar uchun jarima undirish maqsadida protokollar tuzish;

qo‘riqxona hududida shubhali shaxslar aniqlangan taqdirda Inspektorlarning harbiylashtirilgan tuzilmalar bilan o‘zaro hamkorlik qilishi to‘g‘risidagi nizom asosida ish ko‘rish.

27. Qo‘riqxonaning asosiy zonasi hududida xo‘jalik faoliyati qat’iyan taqiqlanadi. Qo‘riqxona rahbariyatining ruxsati Bilan:

odamlar va hayvonlar uchun umumiy bo‘lgan xavfli kasalliklarning oldini olish uchun zarur veterinariya chora-tadbirlari;

zarur yong‘inga qarshi va sanitariya chora-tadbirlari;

ilmiy-tadqiqotlar o‘tkaziladi.

28. Bufer zona hududida xo‘jalik faoliyati taqiqlanadi. Qo‘riqxona rahbariyatining ruxsatnomasi bo‘yicha Davlat tabiatni muhofaza qilish qo‘mitasi bilan kelishgan holda:

atrof hududlardagi tabiiy komplekslar o‘zgarishining oldini olish bo‘yicha tiklash tadbirlari amalga oshiriladi;

ilmiy-tadqiqotlar olib boriladi;

o‘simliklar va hayvonlarning nodir turlari pitomniklari tashkil etiladi;

odamlar va hayvonlar uchun umumiy bo‘lgan xavfli kasalliklarning oldini olish uchun zarur veterinariya chora-tadbirlari ko‘riladi;

zarur yong‘inga qarshi va sanitariya chora-tadbirlari ko‘riladi;

qo‘riqxona asosiy vazifalarini bajarish uchun unga zarur bo‘lgan imoratlar belgilangan tartibda quriladi.

29. Qo‘riqxona hududida qo‘riqxona xodimlari hisoblanmagan fuqarolarning yoki qo‘riqxona tasarrufiga qaraydigan organlar xodimlarining bo‘lishiga ushbu organlar yoki qo‘riqxona ma’muriyatining ruxsatnomalari mavjud bo‘lgan taqdirda yo‘l qo‘yiladi.

30. Qo‘riqxona rejimi buzilishida aybdor bo‘lgan yuridik va jismoniy shaxslar belgilangan tartibda javobgarlikka tortiladi.

Aybdor shaxslardan qo‘riqxonaga yetkazilgan zarar qonun hujjatlarida belgilangan tartibda va miqdorlarda undiriladi.

31. Davlat tabiatni muhofaza qilish qo‘mitasining xodimlari, inspektorlari hamda xalqaro dasturlar bo‘yicha ishlovchi mutaxassislar ilmiy-tadqiqot ishlari olib borish, tabiatni muhofaza qilish qonunchiligini va qo‘riqxona rejimini nazorat qilish uchun qo‘riqxona rahbariyatini xabardor qilgan va maxsus jurnalda ro‘yxatdan o‘tkazilgan holda xizmat guvohnomalari bo‘yicha qo‘riqxona hududiga to‘siqsiz kirish huquqiga egadirlar.

Chegara polosasiga kiruvchi zonaga kirish belgilangan qoidalarga muvofiq Ichki ishlar vazirligi organlarining va Davlat chegaralarini himoya qiluvchi qo‘mitaning ruxsati bilan amalga oshiriladi.

32. Quyidagilar qo‘riqxonani mablag‘ bilan ta’minlash manbalari hisoblanadi:

budjetdan ajratiladigan mablag‘lar;

ilmiy, tabiatni muhofaza qilish, reklama-noshirlik va ma’rifatparvarlik faoliyatidan tushgan daromadlar;

qo‘riqxonaga yetkazilgan zarar undirilishi hisobiga tushadigan tushumlar;

belgilangan tartibda undirilib olinadigan jarima summalari tushumlari;

ovlash va baliqchilik qurollari musodara qilinishi va ular sotilishidan tushgan mablag‘lar;

beg‘araz yordam va xayriya maqsadlarida davlat, jamoat tashkilotlari, korxonalar, muassasalar va alohida fuqarolardan tushuvchi, shuningdek tabiatdan foydalanishga ruxsatnomalar berilganligi uchun tushuvchi mablag‘lar;

yuridik va jismoniy shaxslardan beg‘araz yordam tariqasida tushgan tushumlar.

33. Qo‘riqxona yuqori turuvchi tashkilot tomonidan tasdiqlanadigan xarajatlar smetalariga muvofiq mablag‘larni mustaqil tasarruf etadi.

34. Qo‘riqxona O‘zbekiston Respublikasining amaldagi qonun hujjatlariga muvofiq faoliyatni amalga oshirishga doir hisob va hisobot yuritadi.

35. Qo‘riqxona faoliyatini yuqori turuvchi tashkilot nazorat qiladi.

36. Qo‘riqxona qonun hujjatlarida belgilangan tartibda tugatiladi va qayta tashkil etiladi.

1. Ohangaron o‘rmon xo‘jaligi korxonasi (keyingi o‘rinlarda “o‘rmon xo‘jaligi” deb yuritiladi) davlat ahamiyatiga ega bo‘lgan o‘rmonlarda o‘rmon xo‘jaligini yurituvchi korxona hisoblanadi.

O‘rmon xo‘jaligi yuridik shaxs hisoblanadi, alohida mol-mulkiga ega va o‘z nomidan mulkiy va shaxsiy va shaxsiy nomulkiy huquqlarni sotib olishi va amalga oshirish, sudda da’vogar va javobgar bo‘lishi mumkin.

2. O‘rmon xo‘jaligi belgilangan tartibda xo‘jalik hisobidagi faoliyatni amalga oshiradi, xalq iste’mol tovarlari ishlab chiqarish va sotishni, yordamchi qishloq xo‘jaligi hamda o‘rmondan qo‘shimcha ravishda foydalanish mahsulotlarini sotishni tashkil etadi, shartnomalar bo‘yicha ko‘kalamzorlashtirish ishlarini bajaradi.

O‘rmon xo‘jaligi Toshkent viloyati hokimligi ixtiyoriga qaraydi, uni bevosita Ugom-Chotqol Davlat milliy tabiat bog‘i boshqaradi.

3. O‘rmon xo‘jaligi o‘z faoliyatini “O‘rmon to‘g‘risida” gi O‘zbekiston Respublikasi Qonuniga, boshqa qonun hujjatlariga, Toshkent viloyati hokimligining farmoyishlari va qarorlariga, Ugom-Chotqol Davlat milliy tabiat bog‘i buyruqlariga va mazkur Ustavga muvofiq amalga oshiradi.

“O‘zbekiston Respublikasining davlat chegarasi to‘g‘risida”, “Terrorizmga qarshi kurash to‘g‘risida” gi O‘zbekiston Respublikasi qonunlariga muvofiq o‘ziga qarashli hududlarga banditlar to‘dalari kirib kelishi va joylashib olishining oldini olish bo‘yicha qo‘riqlash va rejim ishlarini Davlat chegaralarini himoya qiluvchi qo‘mita, Ichki ishlar vazirligi, Milliy xavfsizlik xizmati va Mudofaa vazirligining hududiy organlari va bo‘linmalari bilan o‘zaro hamkorlikda olib boradi.

4. O‘rmon xo‘jaligi oldiga qo‘yilgan vazifalar Inspektorlarning harbiylashtirilgan tuzilmalar bilan o‘zaro hamkorlik qilishi to‘g‘risidagi nizom talablariga muvofiq bajarilishini ta’minlaydi.

O‘rmon xo‘jaligi xodimlarining qurolli xizmat qilishi, qurolni saqlash, berish va qo‘llash tartibi qonun hujjatlari bilan belgilanadi.

5. O‘rmon xo‘jaligi banklarda hisob raqamlariga, o‘z nomi yozilgan muhr va shtampga egadir.

6. O‘rmon xo‘jaligining davlat tilidagi to‘liq nomi: “Ohangaron o‘rmon xo‘jaligi korxonasi”, rus tilida: “Axangaranskoye lesoxozyaystvennoye predpriyatiye”.

Pochta manzili: Toshkent viloyati, Angren shahri, 2/2 mavze.

7. Quyidagilar o‘rmon xo‘jaligining asosiy vazifalari hisoblanadi:

o‘ziga qarashli hududda o‘rmon xo‘jaligiga doir barcha zarur tadbirlarni bajarish hamda o‘z xizmat vazifalarini bajarish davrida mahalliy aholini jalb qilgan holda Davlat chegarasi qo‘riqlanishiga ko‘maklashish;

fan va ilg‘or ishlab chiqarish tajribasi yutuqlarini ishlab chiqish va ishlab chiqarishga joriy etishda qatnashish;

o‘rmonni tiklash va ihota o‘rmonzorlari barpo etish tadbirlarini bajarish;

o‘ziga qarashli hududda va mulkchilik shakllaridan qat’i nazar, boshqa xo‘jaliklar yerlarida shartnomalar bo‘yicha tog‘ qiyaliklari va jarliklarda eroziyaga qarshi dov-daraxtlar barpo etish ishlarini tashkil etish;

dori-darmon va oziq-ovqat o‘simliklari, yordamchi qishloq xo‘jaligi mahsulotlari tayyorlash va ko‘paytirish ishlarini tashkil etish;

o‘rmonlarni yong‘indan, o‘zboshimchalik bilan kesishdan va boshqa o‘rmon to‘g‘risidagi qonunlar buzilishidan qo‘riqlashni, o‘rmonlarni o‘rmon zararkunandalari va kasalliklaridan himoya qilishni ta’minlash, o‘rmonni muhofaza qilishni takomillashtirish.

8. O‘rmon xo‘jaligi quyidagi ishlarni amalga oshiradi:

o‘rmon xo‘jaligi hududida va o‘ziga qarashli uchastkalarda o‘rmon fondini hisobga olish, navbatdagi o‘rmon tuzilishiga tayyorgarlik ishlari bajarilishini tashkil etish, amalga oshirilayotgan ishlar o‘rmon tuzilishi va o‘rmonlarni taqiq etish qoidalariga muvofiqligini muntazam ravishda tekshirish va ko‘rsatib o‘tilgan ishlarni qabul qilish, shuningdek tabiiy resurslar holatini hisobga olish va baholash;

o‘rmonlarning holatini yaxshilash va ularning samaradorligini oshirish, Ushbu maqsadda parvarish qilish uchun o‘rmonlarni kesish va sanitariya kesishlarini, o‘rmonni kesilgandan keyin qoldiqlar va axlatlardan tozalash ishlarini olib borish, shuningdek o‘rmon-melioratsiya ishlarini (quritish, sug‘orish), o‘rmonlarning suvni qo‘riqlash va boshqa himoya funksiyalari holati saqlab qolinishi va yaxshilanishi tadbirlarini o‘tkazish;

o‘rmon xo‘jaligi to‘g‘ri yuritilishini ta’minlash, o‘rmon resurslaridan oqilona foydalanilishi, o‘rmonni tiklash, o‘rmonlarni parvarish qilish va ularning unumdorligini oshirish, eroziyaga qarshi ihota daraxtlari barpo etish ishlarini amalga oshirish;

daraxt urug‘chiligi va o‘rmon pitomniklari ishlarini tashkil etish va rivojlantirish;

daraxt-buta navlari urug‘lari tayyorlashni ta’minlash, ham o‘z ehtiyojlari uchun, ham sotish uchun ekish materiali etishtirish;

o‘rmon xo‘jaligi hududida va o‘ziga qarashli uchastkalarda pichanzorlar va yaylovlardan belgilangan tartibda foydalanishni tashkil etish va boshqa qo‘shimcha foydalanishlarni tashkil etish, tegishli nazoratni amalga oshirish;

o‘rmon xo‘jaligi tomonidan o‘rmonda daraxt kesish ishlarini amalga oshirishda tayyorlangan, shuningdek daraxt tayyorlash va olib chiqishning amaldagi qoidalari buzilganligi uchun daraxt tayyorlovchilardan olib qo‘yilgan hamda o‘rmon xo‘jaligi ixtiyoriga berilgan yog‘ochni belgilangan tartibda sotish.

9. Banditlar to‘dalarini tugatishga doir maxsus operatsiyalar o‘tkazilishi davrida o‘rmondan foydalanish o‘rmon xo‘jaligi xodimlari xavfsizligini ta’minlashga va maxsus operatsiya vazifalarini bajarishga yo‘naltiriladi.

10. O‘rmon xo‘jaligi, agar buni sanitariya holati, daraxtlar va butazorlar talab etsa, O‘zbekiston Respublikasi Vazirlar Mahkamasining 1999-yil 22-noyabrdagi 506-son qarori bilan tasdiqlangan o‘rmonda daraxt kesish qoidalariga muvofiq daraxtlarni sanitariya tartibida kesadi. O‘rmon xo‘jaligida inshootlar va kommunikatsiyalar qurilishi tufayli kelib chiqqan ishlab chiqarish-texnik zaruriyat taqozo etgan hollarda daraxtlar va butazorlar kesilishiga yo‘l qo‘yilishi mumkin. Bunday kesish amalga oshiriladigan joylar va uning hajmi Qishloq va suv xo‘jaligi vazirligi huzuridagi O‘rmon xo‘jaligi bosh boshqarmasi tomonidan tasdiqlanadi.

11. O‘rmon xo‘jaligi:

ovlash-sanoat faunasi qo‘riqlanishini, ovlash qoidalari va muddatlariga rioya etilishini nazorat qiladi, brakonyerlarga qarshi kurashadi, o‘rmon xo‘jaligi hududida ovchilik xo‘jaligi bo‘yicha tadbirlarni amalga oshiradi;

ekologiya sohasida ilmiy-tadqiqot ishlarini, hayvonot va o‘simliklar dunyosining holatini o‘rganishni amalga oshiradi, o‘rmon xo‘jaligining tabiat alohida muhofaza qilinadigan hududda biologik xilma-xillik saqlab qolinishiga doir xalqaro loyihalarni amalga oshiradi;

o‘rmon xo‘jaligi hududida barcha ovchilik tadbirlari o‘tkazilishi ustidan nazorat qiladi.

12.O‘rmon xo‘jaligining binolari, inshootlari, asbob-uskunalari va transport vositalarini to‘g‘ri saqlash va ulardan foydalanish ishlab chiqarish va turar joy binolari, o‘rmon kordonlari, kichik ko‘priklar, yong‘in minoralari qurilish va ularni ta’mirlashning, o‘rmon yo‘llarini zarur tartibda qurish va saqlashning, mehnatni muhofaza qilishni ta’minlashning, texnika xavfsizligi qoidalariga va ishlab chiqarish sanitariyasiga rioya qilishning tasdiqlangan loyihalari va smetalariga muvofiq o‘tkaziladi.

13. O‘rmon xo‘jaligi o‘rmon xo‘jaligining xodimlariga ishlab chiqarish malakasi oshirishni, ushbu maqsadlar uchun kurs tadbirlari va texnik o‘qishlar o‘tkazilishini ta’minlaydi hamda o‘rmon xo‘jaligi xodimlari uy-joy maydoni va madaniy-maishiy shart-sharoitlar bilan ta’minlanishiga ko‘maklashadi.

14. O‘rmon xo‘jaligi quyidagi huquqlarga ega:

yog‘och-taxtadan belgilangan tartibda va xo‘jalik asosida xalq iste’mol tovarlari ishlab chiqarish va ularni sotish, o‘rmon xo‘jaligida mollar bosh sonini o‘zi ozuqa bilan ta’minlashi asosida yordamchi xo‘jalik yuritish, o‘rmon xo‘jaligi resurslari va chiqindilarni tayyorlash, olib chiqish va tegishli shartnomalar bo‘yicha yetkazib berish;

dam oluvchilar va sayyohlarning o‘rmon xo‘jaligi hududiga kirishiga belgilangan tartibda ruxsat berish;

dam oluvchilar va sayyohlarni joyni o‘zgartirish yo‘nalishlari, sanitariya normalariga muvofiq dam olish joylari bilan ta’minlash hamda ularning o‘rmon xo‘jaligida belgilangan qoidalariga rioya qilishlari ustidan nazorat qilish;

mol boqishdan tushgan mablag‘larni belgilangan tartibda o‘z hisob raqamlariga o‘tkazish, o‘rmon to‘g‘risidagi qonunlar talablari buzilganligi uchun zararni qoplash.

15. O‘rmon xo‘jaligi xodimlar, sayyohlar va dam oluvchilar uchun normal maishiy sharoitlar yaratish maqsadida oziq-ovqat mahsulotlari sotib oladi va sotadi.

16. O‘rmon xo‘jaligi shartnomaga muvofiq boshqa yerdan foydalanuvchilar hududida qumlar, jarliklarni mustahkamlash, o‘rmonzorlashtirish bo‘yicha dalani himoya qilish ishlarini amalga oshiradi.

17. O‘rmon xo‘jaligi yerlarining davlat, jamoat ehtiyojlari va boshqa ehtiyojlar uchun yerdan foydalanuvchilarga berilishi belgilangan tartibda amalga oshiriladi.

18. O‘rmon xo‘jaligi direktori o‘rmon xo‘jaligiga bevosita rahbarlik qiladi, uning ikki nafar o‘rinbosari bo‘ladi.

19. O‘rmon xo‘jaligi direktori viloyat hokimligi bilan kelishgan holda Ugom-Chotqol Davlat milliy tabiat bog‘i bosh direktorining buyrug‘i bilan tayinlanadi.

20. Direktor o‘rinbosarlari, bosh buxgalter Ugom-Chotqol Davlat milliy tabiat bog‘i bosh direktori bilan kelishgan holda o‘rmon xo‘jaligi direktorining buyrug‘i bilan tayinlanadi va ishdan bo‘shatiladi.

21. O‘rmon xo‘jaligi direktori mazkur Ustav asosida ish ko‘rib o‘rmon xo‘jaligiga rahbarlik qiladi va o‘rmon xo‘jaligi mablag‘lari va mol-mulkini qonunda belgilangan tartibda tasarruf etadi, o‘rmonlar va mol-mulk qo‘riqlanishi, hisobotlar o‘z vaqtida taqdim etilishi, o‘rmon xo‘jaligida smeta, moliya, shartnoma va mehnat intizomiga rioya etilishi uchun javob beradi.

22. O‘rmon xo‘jaligi direktoriga quyidagilar yuklanadi:

Ugom-Chotqol Davlat milliy tabiat bog‘i bosh direktori tomonidan tasdiqlanadigan ishlab chiqish (vazifalarni taqsimlash);

o‘rmon xo‘jaligi tadbirlari va boshqa tadbirlar bajarilishini tashkil etish;

o‘rmon xo‘jaligining mol-mulki, asbob-uskunalari, moddiy boyliklari va boshqa boyliklari qo‘riqlanishini tashkil etish;

o‘rmon xo‘jaligi xodimlarini belgilangan tartibda ishga qabul qilish va ishdan bo‘shatish;

shartnomalar tuzish;

o‘rmon xo‘jaligi nomidan bank muassasalarida barcha moliyaviy va pul operatsiyalarini sodir etish;

o‘rmonlarni qo‘riqlashni tashkil etish, aybdorlarni javobgarlikka tortish uchun o‘rmon xo‘jaligi hududidagi huquqbuzarliklarni tekshirish va materiallarni belgilangan tartibda tegishli organlarga berish;

davlat organlarida, sud organlarida va boshqa muassasalar va jamoat tashkilotlarida o‘rmon xo‘jaligi manfaatlarini ifodalash.

23. Direktor o‘rinbosari — bosh o‘rmonchi xo‘jaligida barcha ishlab chiqarish ishlari to‘g‘ri tashkil etilishi va o‘tkazilishi, o‘rmon kadastri bo‘yicha hisobga olish yuritilishi, texnika xavfsizligi qoidalariga rioya etilishi, ilg‘or tajriba joriy etilishi, mexanizmlardan zarur darajada foydalanilishi, o‘rmon xo‘jaligida o‘rmonlarni qayta tiklash va qo‘riqlash bo‘yicha belgilangan barcha tadbirlar tashkil etilishi va o‘tkazilishi uchun javob beradi.

24. O‘rmon xo‘jaligi direktori o‘rinbosari:

rejim-qo‘riqlash tadbirlari o‘tkazilishi, kadrlar to‘g‘ri tanlanishi va joy-joyiga qo‘yilishi, o‘rmonni qo‘riqlash inspektorlari ishi tashkil etilishi, profilaktika va chegara polosalari dov-daraxtlar va butazorlardan tozalanishi;

qurol-yarog‘, o‘q-dorilar saqlanishi va ular to‘g‘ri qo‘llanilishini ta’minlash, o‘rmon xo‘jaligi xodimlari formali kiyim-bosh, aloqa vositalari, maxsus anjomlar va hokazolar bilan ta’minlanishi uchun javob beradi.

25. Muhandis-mexanik ishlab chiqarish jarayonlarini mexanitsiyalashtirish bo‘yicha o‘rmon xo‘jaligining texnik rahbari sifatida tegishli ishlab chiqarish vazifalari bajarilishi, mexanizatsiyalashtirish bo‘yicha o‘rmon xo‘jaligining texnik rahbari sifatida tegishli ishlab chiqarish vazifalari bajarilishi, mexanizatsiyalashtirish ishlari belgilangan normalar va qoidalarga rioya etgan holda to‘g‘ri tashkil etilishi va o‘tkazilishi, mexanizmlarning saqlanishi va ulardan oqilona foydalanish, ilg‘or tajriba va fan yutuqlari joriy etilishi uchun javob beradi.

26. O‘rmonchilik o‘rmon xo‘jaligining ishlab-chiqarish hududiy qismi hisoblanadi. O‘rmonchi — katta inspektorga quyidagilar yuklanadi:

o‘rmon xo‘jaligining ishlab chiqarish rejasiga muvofiq o‘rmon xo‘jaligi hududida o‘rmon xo‘jaligi ishlari va boshqa ishlarni amalga oshirish, o‘rmonlarni yong‘inlar, o‘rmonlarni buzishlar va brakonyerlikdan qo‘riqlash, baliq ovlash tashkilotlariga yordam berish, daraxt tayyorlovchilar ishi ustidan nazorat qilish, daraxt kesish joylarini belgilash va tayyorlangan yog‘och-taxtani topshirish, ishlab chiqarishni yuritishda xo‘jaliklar va tashkilotlarga yordam berish;

o‘rmon chegara zonalari qo‘riqlanishi uchun javobgarlik;

daraxt kesish chiptalariga asosan va ular doirasida daraxt kundalarini tashkilotlarga va alohida fuqarolarga berish;

belgilangan tovar-moddiy boyliklar, mol-mulk hisobini yuritish.

27. O‘rmonchi o‘rmonchilik ishiga rahbarlik qiladi hamda o‘rmonchilikka yuklangan vazifalar tashkil etilishi va bajarilishi, mol-mulk, asbob-uskunalar, moddiy boyliklar va o‘rmonchilikning boshqa boyliklari saqlanishi uchun javob beradi.

28. O‘rmon xo‘jaligi o‘rmonlar va hududni qo‘riqlashga doir quyidagi ishlarni yuritadi:

o‘rmon yong‘inlariga qarshi barcha zarur yong‘inga qarshi choralarni amalga oshiradi;

o‘rmonlarni o‘zboshimchalik bilan kesish, shikast yetkazish va boshqa o‘rmonni buzishlardan qo‘riqlaydi, mahalliy aholi o‘rtasida o‘rmonlarni qo‘riqlash masalalari bo‘yicha tushuntirish ishlari olib boradi;

o‘rmonlarni zararli hasharotlar va kasalliklardan himoya qiladi, ushbu maqsadlarda tegishli sanitariya-sog‘lomlashtirish tadbirlari o‘tkazadi, o‘rmon fondi yerlarini o‘zboshimchalik bilan egallab olish, ulardan foydalanish, ularga imoratlar qurish, ularni shudgorlash to‘g‘risida belgilangan tartibda axborot beradi;

o‘rmon hududida chegara belgilari qo‘riqlanishini amalga oshiradi va chegaralar, o‘rmon so‘qmoqlari, yong‘inga qarshi handaqlar qazilishini tasdiqlaydi;

o‘rmon xo‘jaligi hududini unga banditlar to‘dalari yorib kirishidan qo‘riqlashni ta’minlaydi;

tasdiqlangan ekologiya dasturlari asosida o‘rmon xo‘jaligining tabiatni muhofaza qilish faoliyatining asosiy yo‘nalishlarini hamda o‘ziga qarashli hududda ularning amalga oshirilishini belgilaydi;

atrof muhitning holati va qo‘riqlanishi, o‘rmon xo‘jaligi hududida unumdor yerlar, suvlar, o‘rmonlar, o‘simliklar va hayvonot dunyosidan oqilona foydalanilishi va ularning tiklanishi ustidan idoraviy nazoratni amalga oshiradi;

ayrim fuqarolar, o‘rmon xo‘jaligi hududida joylashgan barcha yer egalari va yerdan foydalanuvchilar tomonidan tabiatni muhofaza qilish to‘g‘risidagi qonunlar talablariga, tabiatdan foydalanish normalari va qoidalariga rioya etilishi nazorat qilinishini ta’minlaydi.

29. O‘rmonchilar va o‘rmonni qo‘riqlash inspektorlari quyidagi huquqlarga egadir:

formali kiyim-bosh kiyib yurish va tabel qurol-yarog‘ taqish, xavfsizlik va atrof muhitni saqlashni ta’minlash maqsadida o‘rmon xo‘jaligi hududida fuqarolar va transport vositalarini tekshirish va qarab chiqish;

o‘rmonni buzish hollari aniqlangan taqdirda o‘rmon xo‘jaligining o‘simlik va hayvonot dunyosiga yetkazilgan zarar uchun jarima undirish uchun dalolatnomalar tuzish;

o‘rmon xo‘jaligi hududida shubhali shaxslar aniqlangan taqdirda Inspektorlarning harbiylashtirilgan tuzilmalar bilan o‘zaro hamkorlik qilishi to‘g‘risidagi nizom asosida ish ko‘radi.

30. Quyidagilar o‘rmon xo‘jaligini mablag‘ bilan ta’minlash manbalari hisoblanadi:

budjetdan ajratiladigan mablag‘lar;

yuridik va jismoniy shaxslardan beg‘araz yordam tariqasida tushadigan tushum;

xo‘jalik faoliyatidan tushadigan mablag‘lar va boshqa tushumlar.

Ko‘rsatib o‘tilgan manbalar bo‘yicha mablag‘ bilan ta’minlash miqdori yuqori turuvchi tashkilot tomonidan tasdiqlanadigan o‘rmon xo‘jaligining biznes-rejasiga va xarajatlar smetasiga muvofiq belgilanadi.

31. O‘rmon xo‘jaligining ilmiy-tadqiqot instituti tajriba-tadqiqot ishlarini amalga oshirish va oliy o‘quv yurtlari talabalari va kollejlarning o‘quvchilarining o‘quv-ishlab chiqarish amaliyotini ta’minlash bo‘yicha alohida xarajatlar Ilmiy-tadqiqot instituti, oliy o‘quv yurtlari va kollejlarning tasdiqlangan smetalari bo‘yicha amalga oshiriladi.

32. O‘rmon xo‘jaligi xo‘jalik faoliyatini biznes-rejaga muvofiq amalga oshiradi.

33. Xo‘jalik faoliyatidan tushgan mablag‘lar O‘zbekiston Respublikasida amal qiluvchi normativ hujjatlarga muvofiq ish haqi to‘lashga, ajratmalarga, soliqlarga, bir yo‘la beriladigan nafaqalar va moddiy yordam to‘lashga, kadrlar tayyorlashga, ishlab chiqarishni kengaytirish va texnika bilan jihozlashni yaxshilashga, budjetni to‘ldirishga sarflanadi.

34. O‘rmon xo‘jaligi foydasini taqsimlash O‘zbekiston Respublikasining qonun hujjatlariga muvofiq amalga oshiriladi.

35. O‘rmon xo‘jaligi egerlar, o‘rmonchilar, inspektorlar xizmatni o‘tash uchun jo‘nab ketishida ularni payok yoki eng kam ish haqining uch baravari miqdorida har oyda pul ekvivalenti bilan ta’minlaydi.

36. O‘rmon xo‘jaligi foyda hisobiga avtotransport, traktorlar va ularga mexanizmlar, ko‘chmas mulk hamda boshqa zarur mol-mulk sotib olish huquqiga egadir.

37. O‘rmon xo‘jaligi O‘zbekiston Respublikasining amaldagi qonun hujjatlariga muvofiq faoliyatni amalga oshirish bo‘yicha hisob va hisobotni yuritadi.

38. O‘rmon xo‘jaligi faoliyati ustidan yuqori turuvchi organ nazorat qiladi.

39. O‘rmon xo‘jaligi qonun hujjatlarida belgilangan tartibda tugatiladi va qayta tashkil etiladi.

1. Burchmulla o‘rmon xo‘jaligi korxonasi (keyingi o‘rinlarda “o‘rmon xo‘jaligi” deb yuritiladi) davlat ahamiyatiga ega bo‘lgan o‘rmonlarda o‘rmon xo‘jaligini yurituvchi korxona hisoblanadi.

O‘rmon xo‘jaligi yuridik shaxs hisoblanadi, alohida mol-mulkiga ega va o‘z majburiyatlari bo‘yicha Ushbu mol-mulk bilan javob beradi, o‘z nomidan mulkiy va shaxsiy nomulkiy huquqlarni sotib olishi va amalga oshirishi, sudda da’vogar va javobgar bo‘lishi mumkin.

2. O‘rmon xo‘jaligi belgilangan tartibda xo‘jalik hisobidagi faoliyatni amalga oshiradi, xalq iste’mol tovarlari ishlab chiqarish va sotishni, yordamchi qishloq xo‘jaligi mahsulotlarini sotishni hamda o‘rmondan qo‘shimcha ravishda foydalanishni tashkil etadi, shartnomalar bo‘yicha ko‘kalamzorlashtirish ishlarini bajaradi.

O‘rmon xo‘jaligi Toshkent viloyati hokimligi ixtiyoriga qaraydi, uni bevosita Ugom-Chotqol Davlat milliy tabiat bog‘i boshqaradi.

3. O‘rmon xo‘jaligi o‘z faoliyatini “O‘rmon to‘g‘risida” gi O‘zbekiston Respublikasi Qonuniga, boshqa qonun hujjatlariga, Toshkent viloyati hokimligining farmoyishlari va qarorlariga, Ugom-Chotqol Davlat milliy tabiat bog‘i buyruqlariga va mazkur Ustavga muvofiq amalga oshiradi.

“O‘zbekiston Respublikasining Davlat chegarasi to‘g‘risida”, “Terrorizmga qarshi kurash to‘g‘risida” gi O‘zbekiston Respublikasi qonunlariga muvofiq o‘ziga qarashli hududlarga banditlar to‘dalari kirib kelishi va joylashib olishining oldini olish bo‘yicha qo‘riqlash va rejim ishlarini Davlat chegaralarini himoya qiluvchi qo‘mita, Ichki ishlar vazirligi, Milliy xavfsizlik xizmati va Mudofaa vazirligining hududiy organlari va bo‘linmalari bilan o‘zaro hamkorlikda olib boradi.

4. O‘rmon xo‘jaligi oldiga qo‘yilgan vazifalar Inspektorlarning harbiylashtirilgan tuzilmalar bilan o‘zaro hamkorlik qilishi to‘g‘risidagi nizom talablariga muvofiq bajarilishini ta’minlaydi.

O‘rmon xo‘jaligi xodimlarining qurolli xizmat qilishi, qurolni saqlash, berish va qo‘llash tartibi qonun hujjatlari bilan belgilanadi.

5. O‘rmon xo‘jaligi banklarda hisob raqamlariga, o‘z nomi yozilgan muhr va shtampga egadir.

6. O‘rmon xo‘jaligining davlat tilidagi to‘liq nomi: “Burchmulla o‘rmon xo‘jaligi korxonasi”, rus tilida: “Burchmullinskoye lesoxozyaystvennoye predpriyatiye”.

Pochta manzili: Toshkent viloyati, Bo‘stonliq tumani, Burchmulla qishlog‘i.

7. Quyidagilar o‘rmon xo‘jaligining asosiy vazifalari hisoblanadi:

o‘ziga qarashli hududda o‘rmon xo‘jaligiga doir barcha zarur tadbirlarni bajarish hamda o‘z xizmat vazifalarini bajarish davrida mahalliy aholini jalb qilgan holda Davlat chegarasi qo‘riqlanishiga ko‘maklashish;

fan va ilg‘or ishlab chiqarish tajribasi yutuqlarini ishlab chiqish va ishlab chiqarishga joriy etishda qatnashish;

o‘rmonni tiklash va ihota o‘rmonzorlari barpo etish tadbirlarini bajarish;

o‘ziga qarashli hududda va mulkchilik shakllaridan qat’i nazar, boshqa xo‘jaliklar yerlarida shartnomalar bo‘yicha tog‘ qiyaliklari va jarliklarda eroziyaga qarshi dov-daraxtlar barpo etish ishlarini tashkil etish;

dori-darmon va oziq-ovqat o‘simliklari, yordamchi qishloq xo‘jaligi mahsuloti tayyorlash va ko‘paytirish ishlarini tashkil etish;

o‘rmonlarni yong‘indan, o‘zboshimchalik bilan kesishdan va boshqa o‘rmon to‘g‘risidagi qonunlar buzilishidan qo‘riqlashni, o‘rmonlarni o‘rmon zararkunandalari va kasalliklaridan himoya qilishni ta’minlash, o‘rmonni muhofaza qilishni takomillashtirish.

8. O‘rmon xo‘jaligi quyidagi ishlarni amalga oshiradi:

o‘rmon xo‘jaligi hududida va o‘ziga qarashli uchastkalarda o‘rmon fondini hisobga olish, navbatdagi o‘rmon tuzilishiga tayyorgarlik ishlari bajarilishini tashkil etish, amalga oshirilayotgan ishlar o‘rmon tuzilishi va o‘rmonlarni tadqiq etish qoidalariga muvofiqligini muntazam ravishda tekshirish va ko‘rsatib o‘tilgan ishlarni qabul qilish, shuningdek tabiiy resurslar holatini hisobga olish va baholash;

o‘rmonlarning holatini yaxshilash va ularning samaradorligini oshirish, Ushbu maqsadda parvarish qilish uchun o‘rmonlarni kesish va sanitariya kesishlarini, o‘rmonni kesilgandan keyin qoldiqlar va axlatlardan tozalash ishlarini olib borish, shuningdek o‘rmon-melioratsiya ishlarini (quritish, sug‘orish), o‘rmonlarning suvni qo‘riqlash va boshqa himoya funksiyalari holati saqlab qolinishi va yaxshilanishi tadbirlarini o‘tkazish;

o‘rmon xo‘jaligi to‘g‘ri yuritilishini ta’minlash, o‘rmon resurslaridan oqilona foydalanilishi, o‘rmonni tiklash, o‘rmonlarni parvarish qilish va ularning unumdorligini oshirish, eroziyaga qarshi ihota daraxtlari barpo etish ishlarini amalga oshirish;

daraxt urug‘chiligi va o‘rmon pitomniklari ishlarini tashkil etish va rivojlantirish;

daraxt-buta navlari urug‘lari tayyorlashni ta’minlash, ham o‘z ehtiyojlari uchun, ham sotish uchun ekish materiali etishtirish;

o‘rmon xo‘jaligi hududida va o‘ziga qarashli uchastkalarda pichanzorlar va yaylovlardan belgilangan tartibda foydalanishni tashkil etish va boshqa qo‘shimcha foydalanishlarni tashkil etish, tegishli nazoratni amalga oshirish;

o‘rmon xo‘jaligi tomonidan o‘rmonda daraxt kesish ishlarini amalga oshirishda tayyorlangan, shuningdek daraxt tayyorlash va olib chiqishning amaldagi qoidalari buzilganligi uchun daraxt tayyorlovchilardan olib qo‘yilgan hamda o‘rmon xo‘jaligi ixtiyoriga berilgan yog‘ochni belgilangan tartibda sotish.

9. Banditlar to‘dalarini tugatishga doir maxsus operatsiyalar o‘tkazilishi davrida o‘rmondan foydalanish o‘rmon xo‘jaligi xodimlari xavfsizligini ta’minlashga va maxsus operatsiya vazifalarini bajarishga yo‘naltiriladi.

10. O‘rmon xo‘jaligi, agar buni sanitariya holati, daraxtlar va butazorlar talab etsa, O‘zbekiston Respublikasi Vazirlar Mahkamasining 1999-yil 22-noyabrdagi 506-son qarori bilan tasdiqlangan o‘rmonda daraxt kesish qoidalariga muvofiq daraxtlarni sanitariya tartibida kesadi. O‘rmon xo‘jaligida inshootlar va kommunikatsiyalar qurilishi tufayli kelib chiqqan ishlab chiqarish texnik zaruriyat taqozo etgan hollarda daraxtlar va butazorlar kesilishiga yo‘l qo‘yilishi mumkin. Bunday kesish amalga oshiriladigan joylar va uning hajmi Qishloq va suv xo‘jaligi vazirligi huzuridagi O‘rmon xo‘jaligi bosh boshqarmasi tomonidan tasdiqlanadi.

11. O‘rmon xo‘jaligi:

ovlash-sanoat faunasi qo‘riqlanishini, ovlash qoidalari va muddatlariga rioya etilishini nazorat qiladi, brakonyerlarga qarshi kurashadi, o‘rmon xo‘jaligi hududida ovchilik xo‘jaligi bo‘yicha tadbirlarni amalga oshiradi;

ekologiya sohasida ilmiy-tadqiqot ishlarini, hayvonot va o‘simlik dunyosining holatini o‘rganishni amalga oshiradi, o‘rmon xo‘jaligining tabiat alohida muhofaza qilinadigan hududida biologik xilma-xillik saqlab qolinishiga doir xalqaro loyihalarni amalga oshiradi;

o‘rmon xo‘jaligi hududida barcha ovchilik tadbirlari o‘tkazilishi ustidan nazorat qiladi.

12. O‘rmon xo‘jaligining binolari, inshootlari, asbob-uskunalari va transport vositalarini to‘g‘ri saqlash va ulardan foydalanish ishlab chiqarish va turarjoy binolari, o‘rmon kordonlari, kichik ko‘priklar, yong‘in minoralari qurilishi va ularni ta’mirlashning, o‘rmon yo‘llarini zarur tartibda qurish va saqlashning, mehnatni muhofaza qilishni ta’minlashning, texnika xavfsizligi qoidalariga va ishlab chiqarish sanitariyasiga rioya qilishning tasdiqlangan loyihalari va smetalariga muvofiq o‘tkaziladi.

13. O‘rmon xo‘jaligi o‘rmon xo‘jaligining xodimlariga ishlab chiqarish malakasini oshirishni, ushbu maqsadlar uchun kurs tadbirlari va texnik o‘qishlar o‘tkazilishini ta’minlaydi hamda o‘rmon xo‘jaligi xodimlari uy-joy maydoni va madaniy-maishiy shart-sharoitlar bilan ta’minlanishiga ko‘maklashadi.

14. O‘rmon xo‘jaligi quyidagi huquqlarga ega:

yog‘och-taxtadan belgilangan tartibda va xo‘jalik hisobi asosida xalq iste’mol tovarlari ishlab chiqarish va ularni sotish, o‘rmon xo‘jaligida mollar bosh sonini o‘zi ozuqa bilan ta’minlashi asosida yordamchi xo‘jalik yuritish, o‘rmon xo‘jaligi resurslari va chiqindilarini tayyorlash, olib chiqish va tegishli shartnomalar bo‘yicha yetkazib berish;

dam oluvchilar va sayyohlarning o‘rmon xo‘jaligi hududiga kirishiga belgilangan tartibda ruxsat berish;

dam oluvchilar va sayyohlarni joyni o‘zgartirish yo‘nalishlari, sanitariya normalariga muvofiq dam olish joylari bilan ta’minlash hamda ularning o‘rmon xo‘jaligida belgilangan qoidalarga rioya qilishlari ustidan nazorat qilish;

mol boqishdan tushgan mablag‘larni belgilangan tartibda o‘z hisob raqamlariga o‘tkazish, o‘rmon to‘g‘risidagi qonunlar talablari buzilganligi uchun zararni qoplash.

15. O‘rmon xo‘jaligi xodimlar, sayyohlar va dam oluvchilar uchun normal maishiy sharoitlar yaratish maqsadida oziq-ovqat mahsulotlari sotib oladi va sotadi.

16. O‘rmon xo‘jaligi shartnomaga muvofiq boshqa yerdan foydalanuvchilar hududida qumlar, jarliklarni mustahkamlash, o‘rmonzorlashtirish bo‘yicha dalani himoya qilish ishlarini amalga oshiradi.

17. O‘rmon xo‘jaligi yerlarining davlat, jamoat ehtiyojlari va boshqa ehtiyojlar uchun yerdan foydalanuvchilarga berilishi belgilangan tartibda amalga oshiriladi.

18. O‘rmon xo‘jaligi direktori o‘rmon xo‘jaligiga bevosita rahbarlik qiladi, uning ikki nafar o‘rinbosari bo‘ladi.

19. O‘rmon xo‘jaligi direktori viloyat hokimligi bilan kelishgan holda Ugom-Chotqol Davlat milliy tabiat bog‘i bosh direktorining buyrug‘i bilan tayinlanadi.

20. Direktor o‘rinbosarlari, bosh buxgalter Ugom-Chotqol Davlat milliy tabiat bog‘i bosh direktori bilan kelishgan holda o‘rmon xo‘jaligi direktorining buyrug‘i bilan tayinlanadi va ishdan bo‘shatiladi.

21.O‘rmon xo‘jaligi direktori mazkur Ustav asosida ish ko‘rib o‘rmon xo‘jaligiga rahbarlik qiladi va o‘rmon xo‘jaligi mablag‘lari va mol-mulkini qonunda belgilangan tartibda tasarruf etadi, o‘rmonlar va mol-mulk qo‘riqlanishi, hisobotlar o‘z vaqtida taqdim etilishi, o‘rmon xo‘jaligida smeta, moliya shartnoma va mehnat intizomiga rioya etilishi uchun javob beradi.

22. O‘rmon xo‘jaligi direktoriga quyidagilar yuklanadi:

Ugom-Chotqol Davlat milliy tabiat bog‘i bosh direktori tomonidan tasdiqlanadigan o‘rmon xo‘jaligi xodimlarining lavozim yo‘riqnomalarini ishlab chiqish (vazifalarni taqsimlash);

o‘rmon xo‘jaligi tadbirlari va boshqa tadbirlar bajarilishini tashkil etish;

o‘rmon xo‘jaligining mol-mulki, asbob-uskunalari, moddiy boyliklari va boshqa boyliklari qo‘riqlanishini tashkil etish;

o‘rmon xo‘jaligi xodimlarini belgilangan tartibda ishga qabul qilish va ishdan bo‘shatish;

shartnomalar tuzish;

o‘rmon xo‘jaligi nomidan bank muassasalarida barcha moliyaviy va pul operatsiyalarini sodir etish;

o‘rmonlarni qo‘riqlashni tashkil etish, aybdorlarni javobgarlikka tortish uchun o‘rmon xo‘jaligi hududidagi huquqbuzarliklarni tekshirish va materiallarni belgilangan tartibda tegishli organlarga berish;

davlat organlarida, sud organlarida va boshqa muassasalar va jamoat tashkilotlarida o‘rmon xo‘jaligi manfaatlarini ifodalash.

23. Direktor o‘rinbosari — bosh o‘rmonchi xo‘jaligida barcha ishlab chiqarish ishlari to‘g‘ri tashkil etilishi va o‘tkazilishi, o‘rmon kadastri bo‘yicha hisobga olish yuritilishi, texnika xavfsizligi qoidalariga rioya etilishi, ilg‘or tajriba joriy etilishi, mexanizmlardan zarur darajada foydalanilishi, o‘rmon xo‘jaligida o‘rmonlarni qayta tiklash va qo‘riqlash bo‘yicha belgilangan barcha tadbirlar tashkil etilishi va o‘tkazilishi uchun javob beradi.

24. O‘rmon xo‘jaligi direktori o‘rinbosari:

rejim-qo‘riqlash tadbirlari o‘tkazilishi, kadrlar to‘g‘ri tanlanishi va joy-joyiga qo‘yilishi, o‘rmonni qo‘riqlash inspektorlari ishi tashkil etilishi, profilaktika va chegara polosalari dov-daraxtlar va butazorlardan tozalanishi;

qurol-yarog‘, o‘q-dorilar saqlanishi va ular to‘g‘ri qo‘llanilishini ta’minlash, o‘rmon xo‘jaligi xodimlari formali kiyim-bosh, aloqa vositalari, maxsus anjomlar va hokazolar bilan ta’minlanishi uchun javob beradi.

25. Muhandis-mexanik ishlab chiqarish jarayonlarini mexanizatsiyalashtirish bo‘yicha o‘rmon xo‘jaligining texnik rahbari sifatida tegishli ishlab chiqarish vazifalari bajarilishi, mexanizatsiyalashtirish ishlari belgilangan normalar va qoidalarga rioya etgan holda to‘g‘ri tashkil etilishi va o‘tkazilishi, mexanizmlarning saqlanishi va ulardan oqilona foydalanish, ilg‘or tajriba va fan yutuqlari joriy etilishi uchun javob beradi.

26. O‘rmonchilik o‘rmon xo‘jaligining ishlab-chiqarish hududiy qismi hisoblanadi. O‘rmonchi — katta inspektorga quyidagilar yuklanadi:

o‘rmon xo‘jaligining ishlab chiqarish rejasiga muvofiq o‘rmon xo‘jaligi hududida o‘rmon xo‘jaligi ishlari va boshqa ishlarni amalga oshirish, o‘rmonlarni yong‘inlar, o‘rmonlarni buzishlar va brakonyerlikdan qo‘riqlash, baliq ovlash tashkilotlariga yordam berish, daraxt tayyorlovchilar ishi ustidan nazorat qilish, daraxt kesish joylarini belgilash va tayyorlangan yog‘och-taxtani topshirish, ishlab chiqarishni yuritishda xo‘jaliklar va tashkilotlarga yordam berish;

o‘rmon chegara zonalari qo‘riqlanishi uchun javobgarlik;

daraxt kesish chiptalariga asosan va ular doirasida daraxt kundalarini tashkilotlarga va alohida fuqarolarga berish;

belgilangan tovar-moddiy boyliklar, mol-mulk hisobini yuritish.

27. O‘rmonchi o‘rmonchilik ishiga rahbarlik qiladi hamda o‘rmonchilikka yuklangan vazifalar tashkil etilishi va bajarilishi, mol-mulk, asbob-uskunalar, moddiy boyliklar va o‘rmonchilikning boshqa boyliklari saqlanishi uchun javob beradi.

28. O‘rmon xo‘jaligi o‘rmonlar va hududni qo‘riqlashga doir quyidagi ishlarni yuritadi:

o‘rmon yong‘inlariga qarshi barcha zarur yong‘inga qarshi choralarni amalga oshiradi;

o‘rmonlarni o‘zboshimchalik bilan kesish, shikast yetkazish va boshqa o‘rmonni buzishlardan qo‘riqlaydi, mahalliy aholi o‘rtasida o‘rmonlarni qo‘riqlash masalalari bo‘yicha tushuntirish ishlari olib boradi;

o‘rmonlarni zararli hasharotlar va kasalliklardan himoya qiladi, Ushbu maqsadlarda tegishli sanitariya-sog‘lomlashtirish tadbirlari o‘tkazadi, o‘rmon fondi yerlarini o‘zboshimchalik bilan egallab olish, ulardan foydalanish, ularga imoratlar qurish, ularni shudgorlash to‘g‘risida belgilangan tartibda axborot beradi;

o‘rmon xo‘jaligi hududida chegara belgilari qo‘riqlanishini amalga oshiradi va chegaralar, o‘rmon so‘qmoqlari, yong‘inga qarshi handaqlar qazilishini tasdiqlaydi;

o‘rmon xo‘jaligi hududini unga banditlar to‘dalari yorib kirishidan qo‘riqlashni ta’minlaydi;

tasdiqlangan ekologiya dasturlari asosida o‘rmon xo‘jaligining tabiatni muhofaza qilish faoliyatining asosiy yo‘nalishlarini hamda o‘ziga qarashli hududda ularning amalga oshirilishini belgilaydi;

atrof muhitning holati va qo‘riqlanishi, o‘rmon xo‘jaligi hududida unumdor yerlar, suvlar, o‘rmonlar, o‘simliklar va hayvonot dunyosidan oqilona foydalanilishi va ularning tiklanishi ustidan idoraviy nazoratni amalga oshiradi;

ayrim fuqarolar, o‘rmon xo‘jaligi hududida joylashgan barcha yer egalari va yerdan foydalanuvchilar tomonidan tabiatni muhofaza qilish to‘g‘risidagi qonunlar talablariga, tabiatdan foydalanish normalari va qoidalariga rioya etilishi nazorat qilinishini ta’minlaydi.

29. O‘rmonchilar va o‘rmonni qo‘riqlash inspektorlari quyidagi huquqlarga egadir:

formali kiyim-bosh kiyib yurish va tabel qurol-yarog‘ taqish, xavfsizlik va atrof muhitni saqlashni ta’minlash maqsadida o‘rmonlar xo‘jaligi hududida fuqarolar va transport vositalarini tekshirish va qarab chiqish;

o‘rmonni buzish hollari aniqlangan taqdirda o‘rmon xo‘jaligining o‘simlik va hayvonot dunyosiga yetkazilgan zarar uchun jarima undirish uchun dalolatnomalar tuzish;

o‘rmon xo‘jaligi hududida shubhali shaxslar aniqlangan taqdirda Inspektorlarning harbiylashtirilgan tuzilmalar bilan o‘zaro hamkorlik qilishi to‘g‘risidagi nizom asosida ish ko‘radi.

30. Quyidagilar o‘rmon xo‘jaligini mablag‘ bilan ta’minlash manbalari hisoblanadi:

budjetdan ajratiladigan mablag‘lar:

yuridik va jismoniy shaxslardan beg‘araz yordam tariqasida tushadigan tushum;

xo‘jalik faoliyatidan tushadigan mablag‘lar va boshqa tushumlar.

Ko‘rsatib o‘tilgan manbalar bo‘yicha mablag‘ bilan ta’minlash miqdori yuqori turuvchi tashkilot tomonidan tasdiqlanadigan o‘rmon xo‘jaligining biznes-rejasiga va xarajatlar smetasiga muvofiq belgilanadi.

31. O‘rmon xo‘jaligining ilmiy-tadqiqot instituti tajriba-tadqiqot ishlarini amalga oshirish va oliy o‘quv yurtlari talabalari va kollejlarining o‘quvchilarning o‘quv-ishlab chiqarish amaliyotini ta’minlash bo‘yicha alohida xarajatlar Ilmiy-tadqiqot instituti, oliy o‘quv yurtlari va kollejlarning tasdiqlangan smetalari bo‘yicha amalga oshiriladi.

32. O‘rmon xo‘jaligi xo‘jalik faoliyatini biznes-rejaga muvofiq amalga oshiradi.

33. Xo‘jalik faoliyatidan tushgan mablag‘lar O‘zbekiston Respublikasida amal qiluvchi normativ hujjatlarga muvofiq ish haqi to‘lashga, ajratmalarga, soliqlarga, bir yo‘la beriladigan nafaqalar va moddiy yordam to‘lashga, kadrlar tayyorlashga, ishlab chiqarishni kengaytirish va texnika bilan jihozlashni yaxshilashga, budjetni to‘ldirishga sarflanadi.

34. O‘rmon xo‘jaligi foydasini taqsimlash O‘zbekiston Respublikasining qonun hujjatlariga muvofiq amalga oshiriladi.

35. O‘rmon xo‘jaligi egerlar, o‘rmonchilar, inspektorlar xizmatni o‘tash uchun jo‘nab ketishida ularni payok yoki eng kam ish haqining uch baravari miqdorida har oyda pul ekvivalenti bilan ta’minlaydi.

36. O‘rmon xo‘jaligi foyda hisobiga avtotransport, traktorlar va ularga mexanizmlar, ko‘chmas mulk hamda boshqa zarur mol-mulk sotib olish huquqiga egadir.

37. O‘rmon xo‘jaligi O‘zbekiston Respublikasining amaldagi qonun hujjatlariga muvofiq faoliyatni amalga oshirish bo‘yicha hisob va hisobotni yuritadi.

38. O‘rmon xo‘jaligi faoliyati ustidan yuqori turuvchi organ nazorat qiladi.

39. O‘rmon xo‘jaligi qonun hujjatlarida belgilangan tartibda tugatiladi va qayta tashkil etiladi.

1. Ugom-Chotqol Davlat milliy tabiat bog‘i, Chotqol Davlat biosfera qo‘riqxonasi, Ohangaron va Burchmulla o‘rmon xo‘jaligi korxonalari xodimlariga har oyda budjet mablag‘lari hisobidan quyidagi to‘lovlar to‘lanadi:

tarif setkasi va shtat jadvaliga muvofiq holda qat’iy belgilangan nisbatan quyidagi miqdorda ustamalar:

belgilangan xizmat muddati uchun qat’iy belgilangan lavozim maoshiga nisbatan quyidagi miqdorda ustamalar:

1 dan 3 yilgacha — 5 foiz

3 dan 5 yilgacha — 10 foiz

5 dan 8 yilgacha — 15 foiz

8 dan 10 yilgacha — 20 foiz

10 dan 15 yilgacha — 25 foiz

15 dan 20 yilgacha — 30 foiz

20 dan 25 yilgacha — 35 foiz

25 yildan ortiq — 40 foiz.

2. Inspektorlar tarkibiga xizmat vazifalariga ko‘ra doimiy yashash joyidan boshqa joyda bo‘lganligi uchun qo‘shimcha ravishda eng kam oylik ish haqining uch baravari miqdorida qo‘shimcha haq to‘lanadi.

3. Baland tog‘li sharoitda ishlaganligi uchun dengiz sathidan balandlik darajasiga qarab ish haqiga quyidagi miqdorlarda koeffitsiyentlar belgilanadi:

1500 dan 1700 metrgacha — 1,1;

1701 dan 2000 metrgacha — 1,15;

2000 dan 3000 metrgacha — 1,3;

3001 metrdan yuqori — 1,4.

4. Xo‘jalik hisobidagi faoliyat natijalariga ko‘ra milliy bog‘, qo‘riqxona va o‘rmon xo‘jaliklari rahbariyati kasaba uyushmasi tashkiloti bilan kelishgan holda xodimlarga yuqori tashkilot tomonidan tasdiqlangan, moliya organlari bilan kelishilgan Xo‘jalik hisobidagi daromaddan foydalanish to‘g‘risidagi nizomga muvofiq qo‘shimcha to‘lovlarni amalga oshirish huquqiga ega.

5. Xodim xizmat burchini bajarish vaqtida, jangovar harakatlarda, shuningdek o‘rmonlarda yong‘inni o‘chirishda qatnashish jarayonida halok bo‘lgan, jarohat olgan yoki mayib bo‘lgan hollarda uning oilasiga O‘zbekiston Respublikasi Vazirlar Mahkamasining 1994-yil 1-fevraldagi 48-son qaroriga muvofiq yillik o‘rtacha ish haqining kamida olti baravari miqdorida bir yo‘la beriladigan moddiy yordam ko‘rsatiladi.