Innovatsion gʻoyalar va texnologiyalarni joriy etishga qaratilgan dasturlar va tadbirlarni sifatli ishlab chiqish uchun zarur sharoitlarni yaratish, shuningdek, Oʻzbekiston Respublikasi Innovatsion rivojlanish vazirligining markaziy apparati samarali faoliyat yuritishini tashkil etish maqsadida Oʻzbekiston Respublikasi Vazirlar Mahkamasi qaror qiladi:

1. Oʻzbekiston Respublikasi Innovatsion rivojlanish vazirligi, Oliy va oʻrta maxsus taʼlim vazirligi, Iqtisodiyot vazirligi, Oʻzbekiston Respublikasi Davlat arxitektura va qurilish qoʻmitasi hamda Toshkent shahri hokimiyatining quyidagi takliflariga rozilik berilsin:

2018-2019-yillarda Oʻzbekiston Respublikasi Innovatsion rivojlanish vazirligining maʼmuriy binosini qurish va innovatsion parkni tashkil etish (keyingi oʻrinlarda — obyektlar);

obyektlarni qurish uchun Toshkent shahri, Olmazor tumani, Universitet koʻchasida joylashgan 3,0 gektar maydondagi yer uchastkasini ajratish.

2. Quyidagilar obyektlar boʻyicha belgilansin:

buyurtmachi — Toshkent shahri hokimiyati huzuridagi “Yagona buyurtmachi xizmati” injiniring kompaniyasi;

bosh loyihalovchi tashkilot — MCHJ “Arhidea pro”;

bosh pudratchi tashkilot — MCHJ “Qurilish Universal Kompakt Servis”.

3. Istisno tariqasida quyidagilarga ruxsat berilsin:

obyektlarning loyiha-smeta hujjatlarini ishlab chiqish bilan bir vaqtda qurilish-montaj ishlarini 2019-yil 1-yanvarga qadar amalga oshirish;

obyektlarni jihozlash uchun zarur boʻlgan va Oʻzbekiston Respublikasida ishlab chiqarilmaydigan texnologik va laboratoriya uskunalari hamda xoʻjalik inventarlarini tanlov savdolari (tenderlar) oʻtkazmasdan, xorijiy ishlab chiqaruvchilar (yetkazib beruvchilar) bilan toʻgʻridan-toʻgʻri shartnomalar tuzish yoʻli bilan eng yaxshi takliflarni tanlab olish asosida xarid qilish va ularni 2019-yil 1-iyunga qadar bojxona toʻlovlaridan (bojxona rasmiylashtiruvi yigʻimlaridan tashqari) ozod qilish.

4. Obyektlarni qurish, moddiy-texnik bazasini takomillashtirish va jihozlash bilan bogʻliq xarajatlarni moliyalashtirish manbalari sifatida quyidagilar belgilansin:

a) loyiha-smeta hujjatlarini ishlab chiqish va qurilish:

30,0 mlrd. soʻm — “Oʻzbekneftgaz” AJ maxsus hisobidan (2018-yilning II, III va IV choraklarida har biri 10,0 mlrd. soʻmdan teng ulushlarda) va ushbu mablagʻlar Oʻzbekiston Respublikasi Moliya vazirligi huzuridagi orolboʻyi mintaqasini rivojlantirish jamgʻarmasiga yoʻnaltiriladi;

yetishmayotgan qismi — Oʻzbekiston Respublikasining yillik davlat rivojlantirish dasturlarida Oʻzbekiston Respublikasi Innovatsion rivojlanish vazirligi uchun ajratiladigan kapital qoʻyilmalar limitlari;

b) moddiy-texnik bazani takomillashtirish va jihozlash — Oʻzbekiston Respublikasi Davlat budjeti mablagʻlari, Innovatsion rivojlanish vazirligi xodimlarini moddiy ragʻbatlantirish jamgʻarmasi mablagʻlari, xalqaro moliya institutlari grantlari va qonunchilikda taqiqlanmagan boshqa manbalar;

v) atrof-muhitni obodonlashtirish hamda suv taʼminoti va kanalizatsiya tarmoqlarini qurish — Toshkent shahri mahalliy budjetining qoʻshimcha manbalari va qonunchilikda taqiqlanmagan boshqa manbalar;

g) tashqi elektr, gaz taʼminoti va aloqa tarmoqlarini qurish hamda ularning uzluksiz ishlashini taʼminlash — tegishli ravishda “Oʻzbekenergo” AJ, “Oʻztransgaz” AJ va “Oʻzbektelekom” AKning oʻz mablagʻlari hisobidan.

5. Oʻzbekiston Respublikasi Investitsiyalar boʻyicha davlat qoʻmitasi manfaatdor vazirlik va idoralar bilan birgalikda tasdiqlangan loyiha-smeta hujjatlari asosida obyektlarni qurish uchun Oʻzbekiston Respublikasining davlat rivojlantirish dasturlari doirasida markazlashtirilgan manbalar hisobidan kapital qoʻyilmalar limitlarini taʼminlasin.

6. Toshkent shahri hokimiyati:

Oʻzbekiston Respublikasi Davlat arxitektura va qurilish qoʻmitasi, Oʻzbekiston Respublikasi yer resurslari, geodeziya, kartografiya va davlat kadastri boʻyicha davlat qoʻmitasi hamda bosh loyihalovchi tashkilot bilan birgalikda obyektlarni qurish uchun yer uchastkasining chegaralarini aniqlash va ajratilishini taʼminlasin;

manfaatdor vazirlik va idoralar bilan hamkorlikda obyektlarni qurish, tashqi muhandislik va transport kommunikatsiyalarini tortish bilan bogʻliq tashkiliy va texnik masalalarni hal etsin;

buyurtmachi va bosh pudratchi tashkilot bilan hamkorlikda obyektlarni 2019-yil 21-martga qadar foydalanishga topshirilishini taʼminlasin.

7. Oʻzbekiston Respublikasi Davlat arxitektura va qurilish qoʻmitasi tasdiqlangan tartibda loyiha-smeta hujjatlarining davlat ekspertizasini oʻtkazsin va obyektlarda qurilish-montaj ishlarining sifatini nazorat qilish maqsadida davlat arxitektura-qurilish nazoratini oʻrnatsin.

8. Oʻzbekiston Respublikasi Innovatsion rivojlanish vazirligi, Oliy va oʻrta maxsus taʼlim vazirligi hamda Oʻzbekiston Respublikasi Fanlar akademiyasining Innovatsion rivojlanish vazirligi huzurida Innovatsion ishlanmalarni tatbiq etishning ilmiy-amaliy markazini tashkil etish haqidagi taklifiga rozilik berilsin (keyingi oʻrinlarda — Markaz).

9. Markaz faoliyatini moliyalashtirish manbalari sifatida quyidagilar belgilansin:

Oʻzbekiston Respublikasi Davlat budjeti mablagʻlari;

Markaz rezidentlariga xizmat koʻrsatishdan olingan daromadlar;

taʼsischi mablagʻlari;

xalqaro moliya institutlari, xorijiy hukumat va nodavlat tashkilotlarning begʻaraz texnik koʻmagi (grantlar);

qonunchilikda taqiqlanmagan boshqa manbalar.

14. Oʻzbekiston Respublikasi Vazirlar Mahkamasining 2017-yil 5-sentabrdagi “Oʻzbekiston Respublikasi Oliy va oʻrta maxsus taʼlim vazirligi huzurida Talabalar ilmiy-maʼrifiy markazini tashkil etish toʻgʻrisida”gi 697-son qarori oʻz kuchini yoʻqotgan deb hisoblansin.

15. Ushbu qaror ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov, Oʻzbekiston Respublikasi Bosh vazirining oʻrinbosari — moliya vaziri D.A. Kuchkarov va Oʻzbekiston Respublikasi Bosh vazirining oʻrinbosari — Investitsiyalar boʻyicha davlat qoʻmitasi raisi S.R. Xolmuradov zimmasiga yuklansin.