Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi Qonuni va Oʻzbekiston Respublikasi Prezidentining 2018-yil 9-yanvardagi PF-5296-son “Oʻzbekiston Respublikasi Markaziy bankining faoliyatini tubdan takomillashtirish chora-tadbirlari toʻgʻrisida”gi Farmoniga muvofiq Oʻzbekiston Respublikasi Markaziy banki Boshqaruvi qaror qiladi:

1. Oʻzbekiston Respublikasi Markaziy banki Boshqaruvining 2008-yil 3-maydagi 11/5-son qarori (roʻyxat raqami 1834, 2008-yil 11-iyul) (Oʻzbekiston Respublikasi qonun hujjatlari toʻplami, 2008-y., 28-son, 276-modda) bilan tasdiqlangan Oʻzbekiston Respublikasi banklarida buxgalteriya hisobini yuritish va buxgalteriya ishlarini tashkil qilish tartibi toʻgʻrisidagi yoʻriqnomaga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. Muqaddima quyidagi tahrirda bayon etilsin:

“Mazkur Yoʻriqnoma Oʻzbekiston Respublikasining Fuqarolik kodeksi, “Oʻzbekiston Respublikasining Markaziy banki toʻgʻrisida”gi, “Banklar va bank faoliyati toʻgʻrisida”gi, “Buxgalteriya hisobi toʻgʻrisida”gi, “Elektron toʻlovlar toʻgʻrisida”gi, “Elektron hujjat aylanishi toʻgʻrisida”gi, “Elektron raqamli imzo toʻgʻrisida”gi va “Bank siri toʻgʻrisida”gi qonunlariga muvofiq banklar uchun majburiy boʻlgan buxgalteriya hisobini yuritish va buxgalteriya ishlarini tashkil qilish tartibini belgilaydi.”.

2. 23-bandda:

oltinchi xatboshidagi “soat 17-00 ga” degan soʻzlar “soat 18-00 ga” degan soʻzlar bilan almashtirilsin;

yettinchi xatboshidagi “soat 15-00 ga” va “soat 16-00 ga” degan soʻzlar tegishlicha “soat 16-00 ga” va “soat 17-00 ga” degan soʻzlar bilan almashtirilsin;

sakkizinchi va toʻqqizinchi xatboshilar chiqarib tashlansin;

oʻninchi xatboshi sakkizinchi xatboshi deb hisoblansin.

3. 110-bandning birinchi xatboshisidagi “kun” degan soʻz “ish kuni” degan soʻzlar bilan almashtirilsin.

4. 144-banddagi “Axborotlash boshqaruv tizimi (bundan keyingi oʻrinlarda ABT deb yuritiladi)ga” degan soʻzlar “Bank tizimi maʼlumotlar ombori (bundan keyingi oʻrinlarda BTMO deb yuritiladi)ga” degan soʻzlar bilan almashtirilsin.

5. 145-banddagi “Buxgalteriya hisobi, hisoboti va davlat budjeti kassa ijrosi departamenti” degan soʻzlar “Buxgalteriya hisobi va hisoboti departamenti” degan soʻzlar bilan almashtirilsin.

6. 146-band quyidagi tahrirda bayon etilsin:

“146. Oʻzbekiston Respublikasi Markaziy bank balansi Buxgalteriya hisobi va hisoboti departamenti tomonidan, tijorat banklari balanslari Kredit tashkilotlari prudensial nazorati departamenti tomonidan tahlil qilinadi.”.

7. 147-banddagi “vakolatli departamentlari ABT dan” degan soʻzlar “departamentlari BTMO dan” degan soʻzlar bilan almashtirilsin.