Respublika aholisiga va iqtisodiyoti tarmoqlariga tabiiy gazning uzluksiz yetkazib berilishini taʼminlashga doir ishlarni kuchaytirish, gaz tarmoqlariga noqonuniy ulanishning oldini olish va bartaraf etish, shuningdek tabiiy gaz uchun toʻliq va oʻz vaqtida hisob-kitob qilish maqsadida Vazirlar Mahkamasi qaror qiladi:

1. “Oʻzkommunxizmat” agentligi va “Oʻzbekneftgaz” milliy-xolding kompaniyasining “Oʻztransgaz” aksiyadorlik kompaniyasining “Oʻzgazsotish” shuʼba unitar korxonasini hamda uning hududiy vakolatxonalarini belgilangan tartibda “Oʻzkommunxizmat” agentligining “Boshkommungaz” korxonasi tasarrufiga tabiiy gazni sotish va uning uchun isteʼmolchilar bilan hisob-kitob qilish boʻyicha yagona tuzilma tashkil etish maqsadida berish toʻgʻrisidagi taklifi qabul qilinsin.

2. Belgilansinki:

2002-yil 1-apreldan boshlab tabiiy gazni, “Oʻztransgaz” aksiyadorlik kompaniyasining magistral gaz quvurlariga toʻgʻridan-toʻgʻri ulanadigan isteʼmolchilardan tashqari, ulgurji isteʼmolchilarga va aholiga sotish “Oʻzkommunxizmat” agentligi “Boshkommungaz” korxonasining gaz sotuvchi tashkilotlari tomonidan 1-ilovaga muvofiq amalga oshiriladi;

“Oʻztransgaz” aksiyadorlik kompaniyasi va “Boshkommungaz” korxonasi oʻrtasida tabiiy gaz uchun hisob-kitoblar magistral gaz quvurlari va gaz tarmoqlarining boʻlinish chegaralarida oʻrnatilgan hisobga olish priborlari koʻrsatkichlari boʻyicha amalga oshiriladi.

3. “Oʻzbekneftgaz” milliy-xolding kompaniyasi va “Oʻzkommunxizmat” agentligi “Boshkommungaz” korxonasi va “Oʻzulgurjisavdo” aksiyadorlik kompaniyasi oʻrtasida tuzilgan kontraktga muvofiq Ukrainadan kliring boʻyicha yetkazib berishning foydalanilmagan qoldiqlari hisobiga sotib olinadigan 501 ming AQSH dollari miqdoridagi 52 ta hamda “Oʻzbekneftgaz” milliy xolding kompaniyasining oʻz mablagʻlari hisobiga sotib olinadigan 248 ta gazni hisobga olish priborlarining 2002-yilda gaz quvurlarining boʻlinish chegaralarida almashtirilishi va oʻrnatilishini taʼminlasinlar.

4. “Oʻztransgaz” aksiyadorlik kompaniyasi va “Oʻzkommunxizmat” agentligi ulgurji isteʼmolchilar va aholining debitorlik hamda kreditorlik qarzlarini 2002-yil 1-martdagi holatiga koʻra xatlovdan oʻtkazsinlar va 2002-yil 1-aprelgacha ularni topshirish-qabul qilishni belgilangan tartibda amalga oshirsinlar.

6. “Oʻzkommunxizmat” agentligining “Boshkommungaz” korxonasi 2002-yil 1-apreldan boshlab gaz sarfini hisobga olish priborlari boʻlmagan ulgurji isteʼmolchilar bilan tabiiy gaz yetkazib berish yuzasidan mavjud shartnomalarni bekor qilsin va yangi shartnomalar tuzmasin.

7. Mintaqalar rahbarlarining Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga ajratilayotgan tabiiy gaz hajmlaridan oqilona va samarali foydalanish masalalari boʻyicha javobgarligini oshirish maqsadida ijtimoiy soha obyektlariga hamda kichik va oʻrta biznes subyektlariga (tut ipak qurti boqish, xususiy uylar hovlisidagi issiqxonalar va oziq-ovqat pishirish uchun) gazdan foydalanish uchun ruxsatnomalar berish funksiyasi Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga mintaqa uchun belgilangan limitlar doirasida yuklansin.

“Oʻzkommunxizmat” agentligi, Oʻzbekiston Respublikasi Moliya vazirligi, Monopoliyadan chiqarish va raqobatni rivojlantirish davlat qoʻmitasi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda mintaqalar tomonidan ijtimoiy soha obyektlari hamda kichik va oʻrta biznes subyektlariga gazdan foydalanishga ruxsatnomalar berish tartibini bir oy muddatda ishlab chiqsinlar.

8. Oʻzbekiston Respublikasi Davlat mulki qoʻmitasi “Oʻzbekneftgaz” milliy xolding kompaniyasi bilan birgalikda qonunchilikda belgilangan tartibda “Oʻztransgaz” aksiyadorlik kompaniyasi ustav fondi miqdorini aksiyalarning davlat paketini “Oʻzkommunxizmat” agentligining “Boshkommungaz” korxonasiga berilayotgan “Oʻzgazsotish” shuʼba unitar korxonasi va uning hududiy vakolatxonalari mol-mulki qiymati summasiga qisqartirish hisobiga kamaytirsin.

Belgilab qoʻyilsinki, “Oʻztransgaz” aksiyadorlik kompaniyasining “Oʻzgazsotish” shuʼba korxonasining berilayotgan mol-mulki qiymati qoʻshilgan qiymat va daromad (foyda) soligʻini hisoblab chiqarishda “Oʻztransgaz” aksiyadorlik kompaniyasining hamda “Oʻzkommunxizmat” agentligi “Boshkommungaz” korxonasining soliq solinadigan bazasiga kiritilmaydi.

9. Oʻzbekiston Respublikasi Adliya vazirligi manfaatdor idoralar bilan birgalikda bir oy muddatda Vazirlar Mahkamasiga jismoniy va yuridik shaxslarning gaz tarmoqlariga oʻzboshimchalik bilan ulanib olish, tabiiy gazdan samarasiz foydalanganlik va uni oʻgʻirlaganlik uchun javobgarligini kuchaytirish yuzasidan takliflar kiritsin.

10. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari K.N. Toʻlaganov, Qoraqalpogʻiston Respublikasi Vazirlar Kengashining Raisi, viloyatlar va Toshkent shahar hokimlari zimmasiga yuklansin.

1. Oʻzbekiston Respublikasi Vazirlar Mahkamasining “Respublika xalq xoʻjaligini va aholisini gaz bilan taʼminlashni tashkil etishni yaxshilash chora-tadbirlari toʻgʻrisida” 1993-yil 2-dekabrdagi 587-son qarorida:

2-bandda “Yangi korxonalarni” va “korxonalarni gaz taʼminoti tizimiga ulash” soʻzlaridan keyin “ijtimoiy soha obyektlari hamda kichik va oʻrta biznes subyektlari (ipak qurti boqish va xususiy uylar hovlisidagi issiqxonalar hamda ovqat tayyorlash uchun) bundan mustasno” soʻzlari qoʻshilsin;

6-bandda “isteʼmolchilarni gaz taʼminoti tarmoqlariga bundan buyon ulashni toʻxtatishni” soʻzlaridan keyin “ijtimoiy soha obyektlari hamda kichik va oʻrta biznes subyektlari (ipak qurti boqish va xususiy uylar hovlisidagi issiqxonalar hamda ovqat tayyorlash uchun) bundan mustasno” soʻzlari qoʻshilsin.

2. Oʻzbekiston Respublikasi Vazirlar Mahkamasining “Tabiiy gaz yetkazib berish va uning uchun hisob-kitob qilish tizimini takomillashtirish toʻgʻrisida” 1999-yil 21-sentabrdagi 439-son qarorida (Oʻzbekiston Respublikasi QT, 1999-y., 9-son, 57-modda):

a) 1-bandda:

birinchi, toʻrtinchi va beshinchi xatboshilar chiqarib tashlansin;

oltinchi xatboshi quyidagi tahrirda bayon qilinsin:

“Oʻzkommunxizmat” agentligining “Boshkommungaz” korxonasi 2002-yil 1-apreldan eʼtiboran gaz sarfini hisoblash priborlariga ega boʻlmagan ulgurji isteʼmolchilar bilan tabiiy gaz yetkazib berish yuzasidan mavjud shartnomalarni bekor qilsin va yangi shartnomalar tuzmasin”;

b) 2-bandda:

ikkinchi xatboshidagi “ulgurji isteʼmolchilar tomonidan” soʻzlaridan oldin “Oʻztransgaz” aksiyadorlik kompaniyasining magistral gaz quvurlariga toʻgʻridan-toʻgʻri chiqish imkoniyatiga ega boʻlgan” soʻzlari qoʻshilsin;

uchinchi va toʻrtinchi xatboshilar chiqarib tashlansin;

beshinchi xatboshidagi “chakana isteʼmolchilar (aholi) tomonidan” soʻzlaridan oldin “Oʻztransgaz” aksiyadorlik kompaniyasining magistral gaz quvurlariga toʻgʻridan-toʻgʻri chiqish imkoniyatiga ega boʻlmagan ulgurji isteʼmolchilar va” soʻzlari qoʻshilsin;

v) 7-band oʻz kuchini yoʻqotgan deb hisoblansin;

g) 9-bandning birinchi va ikkinchi xatboshilari “Oʻztransgaz” aksionerlik kompaniyasiga” soʻzlaridan keyin “va “Boshkommungaz” korxonasiga” soʻzlari bilan toʻldirilsin.

3. Oʻzbekiston Respublikasi Vazirlar Mahkamasining 2000-yil 10-yanvardagi 8-son qarori bilan tasdiqlangan Oʻzbekiston Respublikasi isteʼmolchilariga gaz yetkazib berish qoidalarida (Oʻzbekiston Respublikasi QT, 2000-y., 1-son, 2-modda):

a) 4.1- band:

quyidagi mazmundagi ikkinchi xatboshi bilan toʻldirilsin:

“Ijtimoiy soha obyektlari hamda kichik va oʻrta biznes subyektlariga (ipak qurti boqish va xususiy uylar hovlisidagi issiqxonalar hamda ovqat tayyorlash uchun) gazdan foydalanish uchun ruxsatnoma tegishli ravishda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan mintaqa uchun belgilangan limitlar doirasida beriladi”;

ikkinchi xatboshi uchinchi xatboshi deb hisoblansin va quyidagi tahrirda bayon qilinsin:

“Vazirlar Mahkamasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan tabiiy gazdan yoqilgʻi sifatida foydalanish uchun berilgan ruxsatnoma tegishli ravishda yangidan qurilayotgan, kengaytirilayotgan, rekonstruksiya qilinayotgan va faoliyat koʻrsatayotgan ishlab chiqarish obyektlarini yoki ijtimoiy soha obyektlari hamda kichik va oʻrta biznes subyektlarini (ipak qurti boqish va xususiy uylar hovlisidagi issiqxonalar hamda ovqat tayyorlash uchun) gaz bilan taʼminlashni loyihalash uchun asos hisoblanadi.”;

b) 4.3-bandda:

ikkinchi xatboshidagi “toʻgʻridan-toʻgʻri shartnomalar boʻyicha” soʻzlaridan keyin “gaz quvurlarining boʻlinish chegarasida oʻrnatilgan gaz hisoblash priborlari boʻyicha” soʻzlari qoʻshilsin;

uchinchi xatboshi chiqarib tashlansin;

toʻrtinchi xatboshi quyidagi tahrirda bayon qilinsin:

“Boshkommungaz” korxonasining gaz sotuvchi tashkilotlariga magistral gaz quvurlari va tarmoqlarining boʻlinish chegarasida xoʻjalik hisobidagi gaz sarfini hisoblash priborlari boʻyicha uni keyinchalik “Oʻztransgaz” aksiyadorlik kompaniyasining magistral gaz tarmoqlariga toʻgʻridan-toʻgʻri chiqish imkoniyatiga ega boʻlmagan isteʼmolchilarga hamda chakana isteʼmolchilarga (aholiga) sotish uchun yetkazib beriladi”.

4. Oʻzbekiston Respublikasi Vazirlar Mahkamasining “Oʻzkommunxizmat” agentligi toʻgʻrisidagi nizomni, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining hududiy kommunal-foydalanish birlashmasi toʻgʻrisidagi Namunaviy nizomni tasdiqlash haqida” 2001-yil 13-fevraldagi 74-son qarori (Oʻzbekiston Respublikasi QT, 2001-y., 2-son, 10-modda) bilan tasdiqlangan “Oʻzkommunxizmat” agentligi toʻgʻrisidagi nizom 6-bandining oʻn birinchi xatboshi “normativlar boʻyicha” soʻzlaridan keyin “ulgurji va” soʻzlari bilan toʻldirilsin.