Oʻzbekiston Respublikasining “Soliq va budjet siyosatining 2015-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” 2014-yil 4-dekabrdagi OʻRQ-379-son Qonuniga muvofiq Vazirlar Mahkamasi qaror qiladi:

1. 2015-yil 1-yanvardan boshlab Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Moliya vazirligi manfaatdor vazirliklar va idoralar bilan birgalikda bir oy muddatda idoraviy normativ-huquqiy hujjatlarni ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Vazirlar Mahkamasining 2010-yil 19-fevraldagi 30-son qarori (Oʻzbekiston Respublikasi QT, 2010-y., 2-son, 11-modda) bilan tasdiqlangan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi toʻgʻrisidagi nizomda:

a) 7-bandda:

quyidagi mazmundagi oltinchi xatboshi qoʻshilsin:

“Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonunining 12-moddasi “b”-”j”-bandlariga muvofiq tayinlangan imtiyozli pensiyalarni toʻlashga xarajatlarni qoplash uchun mablagʻlarni yuridik shaxslardan belgilangan tartibda undirib olishni tashkil etish”;

oltinchi xatboshi yettinchi xatboshi deb hisoblansin;

b) 8-bandining “a” kichik bandida:

quyidagi mazmundagi oltinchi xatboshi qoʻshilsin:

“Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonunining 12-moddasi “b” — “j”-bandlariga muvofiq tayinlangan imtiyozli pensiyalarni toʻlashga sarflangan mablagʻlarni yuridik shaxslardan regress daʼvolar boʻyicha belgilangan tartibda undirib oladi”;

oltinchi xatboshi yettinchi xatboshi deb hisoblansin;

v) 29-bandning birinchi xatboshidagi “Jamgʻarmaning Kuzatuvchi kengashi tomonidan” soʻzlari “Oʻzbekiston Respublikasi Moliya vazirining qaroriga muvofiq” soʻzlari bilan almashtirilsin;

g) 33-bandning oltinchi xatboshiga “boʻlimlari boshliqlarini” soʻzlaridan keyin “Qoraqalpogʻiston Respublikasi, viloyatlar va Toshkent shahar bosh tibbiy-mehnat ekspert komissiyalari raislari oʻrinbosarlarini” soʻzlari qoʻshilsin.

2. Vazirlar Mahkamasining “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonuniga hamda Oʻzbekiston Respublikasining Mehnat kodeksiga oʻzgartish va qoʻshimchalar kiritish haqida”gi Oʻzbekiston Respublikasi Qonunini amalga oshirish uchun zarur boʻlgan normativ-huquqiy hujjatlarni tasdiqlash haqida” 2011-yil 7-apreldagi 107-son qarorida (Oʻzbekiston Respublikasi QT, 2011-y., 4-son, 27-modda):

a) Bolalikdan nogironlarga va oʻn sakkiz yoshga toʻlmagan OIV infeksiyasiga chalingan shaxslarga nafaqalar tayinlash va toʻlash tartibi toʻgʻrisidagi nizomda (1-ilova):

1-bandga quyidagi mazmundagi xatboshi qoʻshilsin:

“Nafaqa Oʻzbekiston Respublikasi fuqarolariga, shuningdek Oʻzbekiston Respublikasida doimiy yashaydigan xorijiy fuqarolarga va fuqaroligi boʻlmagan shaxslarga beriladi”;

4-band quyidagi tahrirda bayon qilinsin:

“4. Nafaqa qonun hujjatlarida belgilangan miqdorda tayinlanadi. Bunda oʻn sakkiz yoshga toʻlmagan OIV infeksiyasiga chalingan shaxslarga nafaqa qonun hujjatlarida bolalikdan nogironlar uchun belgilangan miqdorda tayinlanadi.

Nafaqani tayinlash va toʻlash Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining tuman (shahar) boʻlimlari (keyingi oʻrinlarda Pensiya jamgʻarmasi boʻlimi deb ataladi) tomonidan amalga oshiriladi”;

13-bandga quyidagi mazmundagi xatboshi qoʻshilsin:

“Nafaqa oluvchining doimiy propiskasi boʻlmasa va u faqat vaqtincha propiska qilingan boʻlsa (Toshkent shahrida va Toshkent viloyatida kelgan joyi boʻyicha hisobga olingan boʻlsa), nafaqa vaqtinchalik propiska (Toshkent shahrida va Toshkent viloyatida kelgan joyi boʻyicha hisobga olish)ning amal qiladigan muddati mobaynida toʻlanadi. Oʻzbekiston Respublikasida doimiy yashaydigan xorijiy fuqaroga yoki fuqaroligi boʻlmagan shaxsga nafaqa yashash hujjati amal qiladigan muddat davomida toʻlanadi”;

17-bandning birinchi xatboshidagi “uch yildan” soʻzlari “oʻn ikki oydan” soʻzlari bilan almashtirilsin;

18-bandga quyidagi mazmundagi xatboshi qoʻshilsin:

“Nafaqaga yoki “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonuniga muvofiq davlat pensiyasining turlaridan biriga huquqi boʻlgan OIV infeksiyasiga chalingan va 16 yoshdan katta bolalikdan nogironga uning oʻzi tanlagan nafaqa yoki davlat pensiyasining turlaridan biri tayinlanadi”;

quyidagi mazmundagi 20¹-band qoʻshilsin:

“20¹. Nafaqadan chegirmalar “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonunining 65-moddasida nazarda tutilgan tartibda amalga oshirilishi mumkin”;

b) Pensiya tayinlash uchun zarur boʻlgan ish stajiga ega boʻlmagan qariyalarga va mehnatga layoqatsiz fuqarolarga nafaqalar tayinlash va toʻlash tartibi toʻgʻrisidagi nizomda (2-ilova):

1-bandga quyidagi mazmundagi xatboshi qoʻshilsin:

“Nafaqa Oʻzbekiston Respublikasi fuqarolariga, shuningdek Oʻzbekiston Respublikasida doimiy yashaydigan xorijiy fuqarolarga va fuqaroligi boʻlmagan shaxslarga beriladi”;

quyidagi mazmundagi 16¹-band qoʻshilsin:

“16¹. Boquvchisini yoʻqotganlik nafaqasini olish huquqiga ega boʻlgan oila aʼzolarining barchasiga ushbu Nizomda belgilangan miqdorda bitta umumiy nafaqa tayinlanadi. Oila aʼzosining talabiga koʻra uning nafaqadagi ulushi ajratiladi va unga alohida toʻlanadi. Bunda tayinlangan nafaqaning umumiy miqdori oluvchilarning umumiy soniga boʻlinadi.

Boshqa tumanda (shaharda) yashaydigan oila aʼzosi oʻziga nafaqa ulushini tayinlash yoki ajratish toʻgʻrisidagi ariza bilan murojaat qilganda, murojaat qilganning yashash joyi boʻyicha Pensiya jamgʻarmasi boʻlimi oilaning barcha aʼzolariga hujjatlarni rasmiylashtiradigan yoki ushbu oilaning amaldagi hujjatlar yigʻmajildi turgan Pensiya jamgʻarmasi boʻlimiga tegishli xabarnomani yuboradi. Xabarnomaga ariza va yangidan murojaat qilgan oila aʼzosining nafaqa olish huquqini tasdiqlaydigan hujjatlar ilova qilinadi. Ushbu holatda nafaqa boquvchisini yoʻqotganlik nafaqasidan ulush ajratib berish toʻgʻrisida murojaat qilingan oydan keyingi oyning birinchi kunidan boshlab tayinlanadi.

Yigʻmajildni rasmiylashtirishda barcha hollarda unga oila har bir aʼzosining nafaqaga boʻlgan huquqini tasdiqlaydigan barcha hujjatlar tikib qoʻyiladi.

Oila aʼzosiga nafaqadan ulush ajratilishida ushbu Nizomning 15-bandida belgilangan talablarga rioya etiladi”;

25-bandga quyidagi mazmundagi xatboshi qoʻshilsin:

“Nafaqa oluvchining doimiy propiskasi boʻlmasa va u faqat vaqtincha propiska qilingan boʻlsa (Toshkent shahrida va Toshkent viloyatida kelgan joyi boʻyicha hisobga olingan boʻlsa), nafaqa vaqtinchalik propiska (Toshkent shahrida va Toshkent viloyatida kelgan joyi boʻyicha hisobga olish)ning amal qiladigan muddati mobaynida toʻlanadi. Oʻzbekiston Respublikasida doimiy yashaydigan xorijiy fuqaroga yoki fuqaroligi boʻlmagan shaxsga nafaqa yashash hujjati amal qiladigan muddat davomida toʻlanadi”;

28-bandning birinchi xatboshidagi “uch yildan” soʻzlari “oʻn ikki oydan” soʻzlari bilan almashtirilsin;

30-bandga quyidagi mazmundagi xatboshi qoʻshilsin:

“30. Nafaqadan chegirmalar “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonunining 65-moddasida belgilangan tartibda amalga oshirilishi mumkin”.

3. Vazirlar Mahkamasining 2011-yil 14-iyundagi 174-son qarori (Oʻzbekiston Respublikasi QT, 2011-y., 6-son, 51-modda) bilan tasdiqlangan Dafn etishga nafaqa tayinlash va toʻlash tartibi toʻgʻrisidagi nizomda:

a) 5-band quyidagi tahrirda bayon etilsin:

“5. Nafaqa:

a) davlat pensiyasi oluvchi pensioner;

b) davlat ijtimoiy nafaqasi oluvchi fuqaro;

v) xodim yoki uning qaramogʻidagi oila aʼzosi;

g) bola hayotining birinchi haftasi mobaynida vafot etganda yoki oʻlik bola tugʻilganda (perinatal oʻlim);

d) ish bilan band boʻlgan yoki band boʻlmagan shaxs, fuqarolarning ayrim toifalariga tegishli boʻlgan shaxs yoki bola;

e) Oʻzbekiston Respublikasi hududida dafn etilgan Oʻzbekiston Respublikasida doimiy yashash joyiga ega boʻlmagan chet el fuqarosi yoki fuqaroligi boʻlmagan shaxs vafot etgan taqdirda tayinlanadi”;

b) 6-bandning birinchi xatboshidagi “a”, “b”, “g” va “d” kichik bandlarida” soʻzlari “a”, “b”, “g”, “d” va “e” kichik bandlarida” soʻzlari bilan almashtirilsin;

v) 10-band quyidagi tahrirda bayon etilsin:

“10. Ushbu Nizomning 5-bandi “a” — “e” kichik bandlarida koʻrsatilgan shaxslar vafot etgan taqdirda dafn etish majburiyatini zimmasiga olgan shaxsga eng kam oylik ish haqining toʻrt baravari miqdorida nafaqa toʻlanadi”;

g) 11-band oʻz kuchini yoʻqotgan deb hisoblansin;

d) 12-banddagi “marhumning pensiyasi yoki” soʻzlari chiqarib tashlansin;

e) 16-bandning ikkinchi xatboshiga “(perinatal oʻlim)” soʻzlaridan keyin “yoxud ushbu Nizomning 5-bandi “e” kichik bandida koʻrsatilgan shaxs vafot etgan taqdirda” soʻzlari qoʻshilsin;

j) 19-bandning ikkinchi xatboshidagi “a”, “b”, “g” va “d” kichik bandlarida” soʻzlari “a”, “b”, “g”, “d” va “e” kichik bandlarida” soʻzlari bilan almashtirilsin.

4. Vazirlar Mahkamasining 2011-yil 8-sentabrdagi 252-son qarori (Oʻzbekiston Respublikasi QT, 2011-y., 9-son, 75-modda) bilan tasdiqlangan Davlat pensiyalarini tayinlash va toʻlash tartibi toʻgʻrisidagi nizomda:

a) 3-band quyidagi tahrirda bayon etilsin:

“3. Bir vaqtning oʻzida Qonun boʻyicha va Qonunning 5-moddasida nazarda tutilgan alohida toifadagi fuqarolarning pensiya taʼminoti toʻgʻrisidagi qonun hujjatlariga muvofiq pensiya olish huquqiga ega boʻlgan shaxsga pensiyaning bir turi uning tanlashi boʻyicha tayinlanadi”;

b) 12-bandga quyidagi mazmundagi “z¹” kichik band qoʻshilsin:

“z¹) Oʻzbekiston Respublikasi Tashqi ishlar vazirligi tomonidan berilgan Oʻzbekiston Respublikasining diplomatik vakolatxonalari va konsullik muassasalari xodimlarining, shuningdek Oʻzbekiston Respublikasi Tashqi ishlar vazirligi tomonidan xalqaro hukumatlararo tashkilotlarga kvota qilingan lavozimlarga xizmat safariga yuborilgan shaxslarning xotini (eri) chet elda boʻlgan vaqtini tasdiqlaydigan maʼlumotnoma”;

v) 14-bandning oʻn birinchi xatboshi quyidagi tahrirda bayon etilsin:

“fuqarolarning oʻzini oʻzi boshqarish organining vafot etgan boquvchining ota-onalari, turmush oʻrtogʻi, buvasi, buvisi, akasi (ukasi) yoki opasi (singlisi) vafot etgan boquvchining bolalari, aka-ukalari, opa-singillari yoki nabiralariga, ishlovchilarga bolaga qarash uchun ish haqi saqlanmagan taʼtilda boʻlish huquqini beradigan yoshga toʻlgunga qadar boqish bilan bandligini va ishlamayotganligini tasdiqlovchi maʼlumotnomasi”;

g) 16-bandning “d” kichik bandidagi “1941-yil 22-iyundan 1945-yil 9-maygacha Ikkinchi jahon urushi (keyingi oʻrinlarda Ikkinchi jahon urushi deb ataladi)” soʻzlari “1941 — 1945-yillardagi urush” soʻzlari bilan almashtirilsin;

d) 20-bandning birinchi xatboshi, 24-band, 39-bandning “b” kichik bandi, 75-band, 78-bandning beshinchi xatboshi va 112-bandning “j” kichik bandidagi “Ikkinchi jahon urushi” soʻzlari “1941 — 1945-yillardagi urush” soʻzlari bilan almashtirilsin;

e) 35-bandga quyidagi mazmundagi “i” kichik band qoʻshilsin:

“i) Oʻzbekiston Respublikasining diplomatik vakolatxonalari va konsullik muassasalari xodimlarining, shuningdek Oʻzbekiston Respublikasi Tashqi ishlar vazirligi tomonidan xalqaro hukumatlararo tashkilotlarga kvota qilingan lavozimlarga xizmat safariga yuborilgan shaxslarning xotini (eri) chet elda boʻlgan, lekin 10 yildan oshmagan davr”;

j) 37-bandning birinchi va ikkinchi xatboshidagi “e” — “z” kichik bandlarida” soʻzlari “d” — “i” kichik bandlarida” soʻzlari bilan almashtirilsin;

z) 48-band quyidagi tahrirda bayon etilsin:

“48. Chet elda ishlash davrlari Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga belgilangan sugʻurta badallari toʻlangan boʻlsa, ish stajiga qoʻshib hisoblanadi, ushbu bandning uchinchi xatboshida nazarda tutilgan holat bundan mustasno.

Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga sugʻurta badallari toʻlash va chet eldagi ish staji toʻgʻrisida mehnat daftarchalariga yozuvlarni kiritish tartibi Oʻzbekiston Respublikasi Vazirlar Mahkamasi tomonidan belgilanadi.

Pensiyani hisoblash uchun Oʻzbekiston Respublikasining diplomatik vakolatxonalari va konsullik muassasalari xodimlarining, shuningdek, Oʻzbekiston Respublikasi Tashqi ishlar vazirligi tomonidan xalqaro hukumatlararo tashkilotlarga kvota qilingan lavozimlarga xizmat safariga yuborilgan shaxslarning 2015-yil 1-yanvarga qadar chet elda ishlagan davri mehnat stajiga qoʻshib hisoblanadi. Oʻzbekiston Respublikasining diplomatik vakolatxonalari va konsullik muassasalari xodimlarining, shuningdek Oʻzbekiston Respublikasi Tashqi ishlar vazirligi tomonidan xalqaro hukumatlararo tashkilotlarga kvota qilingan lavozimlarga xizmat safariga yuborilgan shaxslarning 2015-yil 1-yanvarga qadar chet elda ishlagan davri pensiyani hisoblash uchun qabul qilinadigan ish haqini aniqlashda mehnat faoliyatining oxirgi oʻn yillik davriga kiritilmaydi. Bunda Oʻzbekiston Respublikasining diplomatik vakolatxonalari va konsullik muassasalari xodimlari, Oʻzbekiston Respublikasi Tashqi ishlar vazirligi tomonidan xalqaro hukumatlararo tashkilotlarga kvota qilingan lavozimlarga xizmat safariga yuborilgan shaxslar, shuningdek ularning xotini (eri)ga 2015-yil 1-yanvarga qadar tayinlangan pensiyalar ushbu Nizom va Qonunning 51-moddasi talablari hisobga olingan holda qayta hisoblab chiqilishi lozim”;

i) 49-bandga quyidagi mazmundagi xatboshi qoʻshilsin:

“Misol. Chet el fuqarosining umumiy ish staji 40 yilni tashkil etadi, shundan 21 yili Oʻzbekiston Respublikasi hududiga, 19 yili esa xorijiy davlat hududiga toʻgʻri keladi. Ushbu holatda chet el fuqarosining xorijiy davlatdagi ish staji pensiyani hisoblash uchun 7 yil (21 yil/3) doirasida qabul qilinadi va umumiy ish staji 28 yilni (21 + 7) tashkil etadi”;

k) 87-bandning birinchi va ikkinchi xatboshidagi “d”, “e”, “j” va “z” kichik bandlarida” soʻzlari “d” — “i” kichik bandlarida” soʻzlari bilan almashtirilsin;

l) 90-bandga quyidagi mazmundagi xatboshi qoʻshilsin:

“Bunda Oʻzbekiston Respublikasining diplomatik vakolatxonalari va konsullik muassasalari xodimlari, shuningdek Oʻzbekiston Respublikasi Tashqi ishlar vazirligi tomonidan xalqaro hukumatlararo tashkilotlarga kvota qilingan lavozimlarga xizmat safariga yuborilgan shaxslar uchun sugʻurta badallarining soliq solish obyekti ularning Oʻzbekiston Respublikasidan tashqariga ishlash uchun yuborilguniga qadar oxirgi ish joyi boʻyicha olingan, Oʻzbekiston Respublikasida budjet tashkilotlari xodimlari uchun ish haqi oshirilishi hisobga olingan holda qayta hisoblanadigan mehnatga haq toʻlash tarzidagi daromadlardan kelib chiqqan holda aniqlanadi”;

m) 107-bandning “a” — “g” kichik bandlaridagi “eng kam oylik ish haqining” soʻzlari “yoshga doir eng kam pensiyaning” soʻzlari bilan almashtirilsin;

n) 113-band quyidagi tahrirda bayon etilsin:

“113. Ustamalar tayinlanadigan pensiyalar turidan qatʼi nazar, tayinlanadi. Agar pensiya tayinlashni soʻrab murojaat qilgan ushbu Nizomning 112-bandida nazarda tutilgan bir necha ustama haqni bir vaqtda olish huquqiga ega boʻlsa, u holda ustama haqlar quyidagi hollarda bir vaqtning oʻzida tayinlanishi mumkin:

a) pensiya tayinlashni soʻrab murojaat qilgan shaxsga ushbu Nizomning 112-bandi “a” yoki “b”-bandlarida nazarda tutilgan ustama haq bilan bir vaqtda ushbu Nizomning 112-bandi “z” — “l” kichik bandlarida koʻrsatilgan ustama haqlardan biri qoʻshib hisoblanishi mumkin;

b) pensiya tayinlashni soʻrab murojaat qilgan shaxsning tanlovi boʻyicha ushbu Nizomning 112-bandi “v”, “g” yoki “d” bandlarida nazarda tutilgan ustama haq bilan bir vaqtda ushbu Nizomning 112-bandi “e” — “l” kichik bandlarida koʻrsatilgan ustama haqlardan biri qoʻshib hisoblanishi mumkin;

o) 122-bandda:

beshinchi xatboshidagi “uch yoshga” soʻzlari “ikki yoshga” soʻzlari bilan almashtirilsin;

quyidagi mazmundagi xatboshi qoʻshilsin:

“Misol. Boquvchi vafot etgandan (2010-yil 10-iyun) keyin tugʻilgan bolaning (2010-yil 6-avgust) boquvchisini yoʻqotganlik pensiyasiga huquqi tugʻilgan kunidan boshlab paydo boʻladi. Tegishli ravishda, boquvchining vafotidan keyin tugʻilgan bolaga boquvchisini yoʻqotganlik pensiyasini tayinlashni soʻrab 2010-yil 10-dekabrga (murojaat qilishning oxirgi kuni 2010-yil 9-dekabr) qadar murojaat etilganda pensiya 2010-yil 6-avgustdan tayinlanadi”;

p) 169-band quyidagi tahrirda bayon qilinsin:

“169. Pensioner tomonidan oʻz vaqtida talab qilib olinmagan pensiyaning hisoblangan summasi oʻtgan vaqt uchun Oʻzbekiston Respublikasi Prezidentining farmonlariga muvofiq pensiyalar miqdorlari oshirilishi hisobga olingan holda bir yoʻla toʻlanadi, biroq pensiya olish uchun murojaat qilishdan oldingi oʻn ikki oydan ortiq vaqt uchun emas.

Pensiya jamgʻarmasi boʻlimining aybi bilan oʻz vaqtida olinmagan pensiya summasi oʻtgan vaqt uchun Oʻzbekiston Respublikasi Prezidentining farmonlariga muvofiq pensiyalar miqdorlari oshirilishi hisobga olingan holda, muddat cheklanmasdan bir yoʻla toʻlanadi”;

r) 170-bandning ikkinchi xatboshidagi “boshlab” soʻzidan keyin “lekin uning tomonidan hisobga qoʻyish maqsadida murojaat etilgandan oldingi oʻn ikki oydan oshmagan davr uchun” soʻzlari qoʻshilsin;

s) Nizomga 1-ilovada:

birinchi xatboshidagi “1941-yil 22-iyundan 1945-yil 9-maygacha Ikkinchi jahon urushi (keyingi oʻrinlarda Ikkinchi jahon urushi deb ataladi)” soʻzlari “1941 — 1945-yillardagi urush” soʻzlari bilan almashtirilsin;

“b” banddagi “Ikkinchi jahon urushi va fuqarolar urushi” soʻzlari “1941 — 1945-yillardagi urush” soʻzlari bilan almashtirilsin;

“v” banddagi “Ikkinchi jahon urushi yillarida” soʻzlari “1941 — 1945-yillardagi urush davrida” soʻzlari bilan almashtirilsin;

“g”, “d” va “j” bandlaridagi “Ikkinchi jahon urushi” soʻzlari “1941 — 1945-yillardagi urush” soʻzlari bilan almashtirilsin;

t) Nizomga 2-ilovada:

birinchi xatboshidagi “1941-yil 22-iyundan 1945-yil 9-maygacha Ikkinchi jahon urushi (keyingi oʻrinlarda Ikkinchi jahon urushi deb ataladi)” soʻzlari “1941 — 1945-yillardagi urush” soʻzlari bilan almashtirilsin;

“v”, “g” va “e” bandlardagi “Ikkinchi jahon urushi” soʻzlari “1941 — 1945-yillardagi urush” soʻzlari bilan almashtirilsin.