Oʻzbekiston Respublikasi Prezidentining “Oʻzbekiston Respublikasi Madaniyat va sport ishlari vazirligi markaziy apparatining tuzilmasini tasdiqlash toʻgʻrisida” 2014-yil 14-martdagi PQ-2146-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.

1. Vazirlar Mahkamasining “Estrada qoʻshiqchilik sanʼatini yanada rivojlantirish toʻgʻrisida” 2001-yil 26-iyundagi 272-son qarorida (Oʻzbekiston Respublikasi QT, 2001-y., 6-son, 32-modda):

a) 3-bandda:

beshinchi xatboshidagi “Kengashga” soʻzi “Oʻzbekiston Respublikasi Madaniyat va sport ishlari vazirligiga” jumlasi bilan almashtirilsin;

oltinchi xatboshi quyidagi tahrirda bayon qilinsin:

“Oʻzbeknavo” estrada birlashmasi bosh direktori Oʻzbekiston Respublikasi Madaniyat va sport ishlari vazirining oʻrinbosari hisoblanadi va belgilangan tartibda tayinlanadi”;

b) 4-ilovada:

ilovaning nomlanishi quyidagi tahrirda bayon qilinsin:

“Oʻzbeknavo” estrada birlashmasining Nizomi”;

1.1-band quyidagi tahrirda bayon qilinsin:

“1.1. “Oʻzbeknavo” estrada birlashmasi estrada sanʼatini rivojlantirishga qaratilgan tashkiliy-ijodiy ishlarni amalga oshiruvchi Oʻzbekiston Respublikasi Madaniyat va sport ishlari vazirligi tizimidagi tashkilot hisoblanadi”.

1.2-band quyidagi tahrirda bayon qilinsin:

“1.2. “Oʻzbeknavo” estrada birlashmasi Oʻzbekiston Respublikasining Konstitutsiyasi va qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari, qarorlari, farmoyishlari, Vazirlar Mahkamasining qarorlari va farmoyishlari, Milliy estrada sanʼatini rivojlantirish va muvofiqlashtirish Kengashining qaror va tavsiyalari hamda Oʻzbekiston Respublikasi Madaniyat va sport ishlari vazirining buyruqlari, yoʻriqnomalari, koʻrsatmalariga, ushbu Nizomga hamda boshqa qonun hujjatlariga muvofiq faoliyat koʻrsatadi, oʻz faoliyati toʻgʻrisida Oʻzbekiston Respublikasi Madaniyat va sport ishlari vazirligiga hisobot beradi”;

3.1-bandda:

ikkinchi xatboshiga “Kengashi” soʻzidan keyin “tavsiyasiga asosan Oʻzbekiston Respublikasi Madaniyat va sport ishlari vazirligi tomonidan” soʻzlari qoʻshilsin;

sakkizinchi xatboshiga “rahbarligiga” soʻzidan keyin “Oʻzbekiston Respublikasi Madaniyat va sport ishlari vazirligi bilan kelishgan holda” soʻzlari qoʻshilsin;

4.2 va 4.3-bandlardagi “Milliy estrada sanʼatini rivojlantirish va muvofiqlashtirish Kengashi” soʻzlari “Oʻzbekiston Respublikasi Madaniyat va sport ishlari vazirligi” soʻzlari bilan almashtirilsin;

5.1-band quyidagi tahrirda bayon qilinsin:

“5.1. “Oʻzbeknavo” estrada birlashmasi faoliyatiga bosh direktor rahbarlik qiladi”;

5.3-band quyidagi tahrirda bayon qilinsin:

“5.3. Birlashma bosh direktori Oʻzbekiston Respublikasi Prezidenti tomonidan lavozimiga tayinlanadi va lavozimdan ozod qilinadi”;

5.5-band quyidagi tahrirda bayon qilinsin:

“5.5. Birlashma bosh direktorining oʻrinbosari bosh direktorning tavsiyasiga koʻra Oʻzbekiston Respublikasi Madaniyat va sport ishlari vaziri tomonidan lavozimiga tayinlanadi va lavozimidan ozod qilinadi”;

6.1-band quyidagi tahrirda bayon qilinsin:

“6.1. “Oʻzbeknavo” estrada birlashmasi qonun hujjatlarida belgilangan tartibda qayta tashkil qilinadi yoki tugatiladi”.

2. Vazirlar Mahkamasining “Oʻzbekiston Respublikasi Madaniyat va sport ishlari vazirligi toʻgʻrisidagi nizomni tasdiqlash haqida” 2005-yil 5-apreldagi 96-son qarorida (Oʻzbekiston Respublikasi QT, 2005-y., 3-4-son, 20-modda):

a) 1-ilovaning 13-bandi ikkinchi xatboshidagi “uch” soʻzi “toʻrt” soʻzi bilan almashtirilsin.

b) 2-ilova matni quyidagi tahrirda bayon qilinsin:

1. “Oʻzbekteatr” ijodiy-ishlab chiqarish birlashmasi.

2. “Oʻzbeknavo” estrada birlashmasi.

3. “Sharq taronalari” xalqaro musiqa festivali direksiyasi

4. Orkestr (simfonik, kamerli, xalq cholgʻu asboblari).

6. “Oʻzbekraqs” milliy raqs birlashmasi.

7. “Oʻzbeksirk” respublika birlashmasi.

8. Oʻzbekiston davlat sanʼat va madaniyat instituti, Oʻzbekiston davlat konservatoriyasi, Toshkent davlat milliy raqs va xoreografiya oliy maktabi.

9. Oʻrta maxsus taʼlim muassasalari.

10. Respublika metodika va axborot markazi.

11. Xalq ijodiyoti va madaniy-maʼrifiy ishlar respublika ilmiy-metodik markazi.

12. Madaniy meros obyektlarini muhofaza qilish va ulardan foydalanish ilmiy-ishlab chiqarish bosh boshqarmasi.

13. Badiiy ekspertiza boshqarmasi.

14. “Oʻzbekmuzey” respublika jamgʻarmasi, respublika muzeylari.

15. “Guliston”, “Teatr”, “Moziydan sado” jurnallari tahririyatlari.

16. Respublika markaziy koʻzi ojizlar kutubxonasi.

17. Oʻzbekiston badiiy jamoalari ijodiy birlashmasi.

18. Respublika madaniy-maʼrifiy muassasalari.

19. Oʻzbekiston davlat jismoniy tarbiya instituti.

20. Olimpiya zaxiralari kollejlari.

21. Sport turlari boʻyicha respublika oliy sport mahorati maktablari.

22. “Sertifikatlash va kompyuterlashtirish markazi” davlat korxonasi.

23. “Sport” gazetasi tahririyati.

24. Olimpiya shon-shuhrati muzeyi.

25. Badiiy gimnastika boʻyicha bolalar-oʻsmirlar ixtisoslashtirilgan respublika olimpiya zaxirasi sport maktabi.

26. Respublika olimpiya zaxiralari tennis maktabi.

27. Ixtisoslashtirilgan suv sportini rivojlantirish respublika markazi.

28. Sportning eshkak eshish turlari boʻyicha respublika ixtisoslashtirilgan bolalar-oʻsmirlar olimpiya zaxiralari sport maktabi.

29. Federatsiyalar va assotsiatsiyalar.