Oʻzbekiston Respublikasining “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” 2012-yil 29-dekabrdagi OʻRQ-345-son Qonuniga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Vazirlar Mahkamasining 1994-yil 3-noyabrdagi 533-son qarori (Oʻzbekiston Respublikasi QT, 1994-y., 11-son, 49-modda) bilan tasdiqlangan Davlat boji stavkalarida:

11-band chiqarib tashlansin;

12-band 11-band deb hisoblansin.

2. Vazirlar Mahkamasining “Qishloq xoʻjaligiga ishlab chiqarish-texnika xizmati koʻrsatish sohasida shartnoma munosabatlarini chuqurlashtirish chora-tadbirlari toʻgʻrisida” 1996-yil 6-dekabrdagi 432-son qarorining 7-bandidagi “monopoliyaga qarshi qonun hujjatlarida” soʻzlari “raqobat” soʻzi bilan almashtirilsin.

3. Vazirlar Mahkamasining 2002-yil 28-iyundagi 236-son qarori (Oʻzbekiston Respublikasi QT, 2002-y., 6-son, 36-modda) bilan tasdiqlangan Faoliyatning ayrim turlarini litsenziyalovchi organlar roʻyxatining “Oʻzbekiston Respublikasi Markaziy banki” boʻlimining beshinchi xatboshi chiqarib tashlansin.

4. Vazirlar Mahkamasining “Litsenziyalashni bekor qilish hamda isteʼmol tovarlari olib kelish va Oʻzbekiston Respublikasining ichki bozorida sotishni takomillashtirish chora-tadbirlari toʻgʻrisida” 2002-yil 20-avgustdagi 295-son qarorining 9-bandi quyidagi tahrirda bayon qilinsin (Oʻzbekiston Respublikasi QT, 2002-y., 8-son, 47-modda):

“9. Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi barcha xoʻjalik yurituvchi subyektlar tomonidan raqobat toʻgʻrisidagi qonun hujjatlariga qatʼiy rioya qilinishi, isteʼmol tovarlari bozorida raqobat munosabatlarining samarali ishlashi, narxlarning sunʼiy ravishda oshirilishiga, nohalol raqobatga, eng avvalo, tovarlarning tayyorlanish joyi, isteʼmol xususiyatlari va sifati yuzasidan isteʼmolchilarning chalgʻitilishiga yoʻl qoʻyilmasligi yuzasidan nazoratni taʼminlasin”.

5. Vazirlar Mahkamasining “Mahsulotlar, xomashyo va materiallarning yuqori likvidli turlarini sotishning bozor mexanizmlarini joriy etishni davom ettirish toʻgʻrisida” 2004-yil 5-fevraldagi 57-son qarorida (Oʻzbekiston Respublikasi QT, 2004-y., 2-son, 10-modda):

a) 2-bandning oltinchi xatboshidagi “monopoliyaga qarshi” soʻzlari “raqobat toʻgʻrisidagi” soʻzlari bilan almashtirilsin;

b) 3-ilova 7-bandining birinchi xatboshidagi “monopoliyaga qarshi” soʻzlari “raqobat toʻgʻrisidagi” soʻzlari bilan almashtirilsin.

6. Vazirlar Mahkamasining 2006-yil 20-fevraldagi 27-son qarori (Oʻzbekiston Respublikasi QT, 2006-y., 2-son, 11-modda) bilan tasdiqlangan Davlat axborot resurslari hamda ularni shakllantirish, ulardan foydalanish va ularni qoʻllab-quvvatlash uchun masʼul boʻlgan davlat organlari roʻyxatining 50-5-pozitsiyasi chiqarib tashlansin.

7. Vazirlar Mahkamasining 2007-yil 23-avgustdagi 181-son qarori (Oʻzbekiston Respublikasi QT, 2007-y., 8-son, 50-modda) bilan tasdiqlangan Bazaviy interaktiv davlat xizmatlari reyestrida:

a) 58-pozitsiyadagi “kredit uyushmalarida” soʻzlari chiqarib tashlansin;

b) 58.2-pozitsiyadagi “kredit uyushmalari” soʻzlari chiqarib tashlansin.

8. Vazirlar Mahkamasining “Jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish bilan bogʻliq axborotni taqdim etish tartibini takomillashtirish toʻgʻrisida” 2009-yil 12-oktabrdagi 272-son qarorida (Oʻzbekiston Respublikasi QT, 2009-y., 9-10-son, 66-modda):

a) Jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish bilan bogʻliq axborotni taqdim etish tartibi toʻgʻrisidagi Nizom 4-bandining ikkinchi xatboshidagi “kredit uyushmalari” soʻzlari chiqarib tashlansin;

b) Shubhali operatsiya toʻgʻrisidagi xabarnomaning namunaviy shakliga (2-ilova) ilovaning “Banklar, kredit uyushmalari va boshqa kredit tashkilotlari” boʻlimida:

boʻlim nomidagi “kredit uyushmalari” soʻzlari chiqarib tashlansin;

oʻn ikkinchi, oʻn uchinchi va oʻn toʻrtinchi xatboshilar chiqarib tashlansin.