O‘zbekiston Respublikasi Prezidentining “O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasini tashkil etish to‘g‘risida” 2012-yil 13-noyabrdagi PF-4483-son Farmonini bajarish yuzasidan Vazirlar Mahkamasi qaror qiladi:

2. O‘zbekiston Respublikasi Ichki ishlar vazirligi, “Yergeodezkadastr” davlat qo‘mitasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Qimmatli qog‘ozlar markaziy depozitariysi yig‘imlar va boshqa to‘lovlar undirmasdan tegishli ravishda:

tugatilayotgan O‘zbekiston Respublikasi Davlat mulkini boshqarish davlat qo‘mitasi hamda Monopoliyadan chiqarish va raqobatni rivojlantirish davlat qo‘mitasi va ular hududiy organlarining (keyingi o‘rinlarda tugatilayotgan organlar deb ataladi) Davlat raqobat qo‘mitasi va uning hududiy organlariga o‘tayotgan avtotransport vositalarini O‘zbekiston Respublikasi Ichki ishlar vazirligi organlarida tegishli ravishda qayta ro‘yxatdan o‘tkazsin;

tugatilayotgan organlarning nomi o‘zgarishi munosabati bilan ularning ko‘chmas mulki kadastr hujjatlarini tegishli ravishda Davlat raqobat qo‘mitasi va uning hududiy organlariga qayta ro‘yxatdan o‘tkazsin;

organlarning tugatilishi munosabati bilan xo‘jalik jamiyatlarining ta’sis hujjatlariga kiritilayotgan o‘zgartirish va qo‘shimchalarni davlat ro‘yxatidan o‘tkazsin;

Qimmatli qog‘ozlar markaziy depozitariysida bo‘lgan O‘zbekiston Respublikasi Davlat mulki davlat qo‘mitasi va uning hududiy organlarining depo hisobvaraqlaridagi aksiyalar davlat paketlarini tegishli ravishda Davlat raqobat qo‘mitasi va uning hududiy organlarining depo hisobvaraqlariga o‘tkazsin.

3. Quyidagilar ma’lumot uchun qabul qilinsin:

tugatilayotgan organlar tomonidan tuzilgan barcha shartnomalar, shu jumladan davlat mulki obyektlarining oldi-sotdi shartnomalari bo‘yicha tegishli ravishda Davlat raqobat qo‘mitasi va uning hududiy organlari huquqiy voris hisoblanadilar hamda ushbu shartnomalar qayta tuzilmaydi;

tugatilayotgan O‘zbekiston Respublikasi Davlat mulkini boshqarish davlat qo‘mitasi va uning hududiy organlari tomonidan savdolarga qo‘yilgan obyektlar bo‘yicha Davlat raqobat qo‘mitasi va uning hududiy organlari sotuvchi funksiyalarini amalga oshiradilar, bunda savdolar shartlari va turlari o‘zgarishsiz qoladi, obyektlar esa O‘zbekiston Respublikasi Davlat mulkini boshqarish davlat qo‘mitasi tugatilishi munosabati bilan savdolardan olib qo‘yilishi, qayta baholanishi va takroran savdolarga qo‘yilmaydi;

tugatilayotgan organlarning budjetdan tashqari jamg‘armalaridagi pul mablag‘lari qoldiqlari to‘liq hajmda Davlat raqobat qo‘mitasining budjetdan tashqari jamg‘armasiga o‘tkaziladi;

tugatilayotgan organlar tomonidan ilgari berilgan litsenziyalar, huquq belgilovchi, ruxsat beruvchi hujjatlar hamda ular tomonidan ilgari qabul qilingan qarorlar o‘z kuchida qoladi va tugatilayotgan organlar nomi o‘zgarganligi tufayli bekor qilinmaydi yoxud o‘zgartirilmaydi.

4. Belgilab qo‘yilsinki, Davlat raqobat qo‘mitasi markaziy apparatining va uning hududiy organlarining, shuningdek tugatilayotgan organlarning ta’minoti, shu jumladan ularni tugatish bilan bog‘liq xarajatlar 2012-yil oxirigacha — tugatilayotgan organlarning budjet va budjetdan tashqari mablag‘lar bo‘yicha tasdiqlangan xarajatlar smetasida nazarda tutilgan mablag‘lar hisobiga va doirasida, 2013-yildan boshlab esa — O‘zbekiston Respublikasining Davlat budjeti parametrlarida ushbu maqsadlar uchun nazarda tutiladigan budjet mablag‘lari hisobiga amalga oshiriladi.

5. Xususiylashtirish, raqobatni rivojlantirish va korporativ boshqaruv muammolari tadqiqotlari markazi Xususiylashtirish, korporativ boshqaruvni va qimmatli qog‘ozlar bozorini rivojlantirish muammolarini tadqiq etish markazini va Monopoliyaga qarshi siyosatni takomillashtirish markazi negizida ular qo‘shib yuborish yo‘li bilan tashkil etilishi belgilab qo‘yilsin.

6. “Birja” noshirlik uyi MChJ va “Iste’molchi” MChJni qo‘shib yuborish yo‘li bilan qayta tashkil etish asosida ular negizida iqtisodiyotga oid gazeta va jurnallar nashr etish yo‘li bilan tadbirkorlarni va mamlakat aholisini tezkor va ishonchli iqtisodiy ma’lumotlar bilan ta’minlash, shuningdek internet-portalni muntazam to‘ldirib borish uchun davlat ulushi kamida 51 foizdan iborat (jamiyat qatnashchilari tarkibida birjalarni saqlab qolgan holda) “Biznes-Daily Media” MChJ tashkil etish to‘g‘risidagi Davlat raqobat qo‘mitasining taklifiga hamda jamiyat qatnashchilarining qaroriga rozilik berilsin.

7. Davlat raqobat qo‘mitasiga “Biznes-Daily Media” MChJ faoliyatini rivojlantirish uchun Davlat raqobat qo‘mitasining budjetdan tashqari jamg‘armasining 10 foizgacha mablag‘larini, keyinchalik ularni belgilangan tartibda ustav fondiga kapitallashtirgan holda yo‘naltirishga ruxsat etilsin.

8. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S.Azimov zimmasiga yuklansin.