Oʻzbekiston Respublikasining “Rieltorlik faoliyati toʻgʻrisida” 2010-yil 22-dekabrdagi OʻRQ-269-sonli Qonuniga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Vazirlar Mahkamasining “Musodara qilingan, egasiz mol-mulkni, vorislik huquqi boʻyicha davlat ixtiyoriga oʻtgan mol-mulkni va xazinalarni hisobga olish, baholash va sotish tartibi haqidagi Nizomni tasdiqlash toʻgʻrisida” 1993-yil 22-martdagi 151-son qaroriga (Oʻzbekiston Respublikasi QT, 1993-y., 3-son, 11-modda) ilovaning 8-bandidagi “Respublika koʻchmas mulk birjasiga” soʻzlari “rieltorlik tashkilotlariga” soʻzlari bilan almashtirilsin.

2. Vazirlar Mahkamasining “Korxonalarning bankrotligi toʻgʻrisidagi qonunchilikni amalga oshirishga doir qoʻshimcha chora-tadbirlar haqida” 1999-yil 26-iyuldagi 362-son qarori (Oʻzbekiston Respublikasi QT, 1999-y., 7-son, 42-modda) 4-bandining uchinchi xatboshi quyidagi tahrirda bayon qilinsin:

“tugatilayotgan korxonalarning mol-mulkini sotish boʻyicha kimoshdi savdolarining muntazam oʻtkazilishini taʼminlasin”.

3. Vazirlar Mahkamasining “Sudlar va adliya organlarini rivojlantirish jamgʻarmasini tashkil etish toʻgʻrisida” 2003-yil 18-martdagi 147-son qarorida (Oʻzbekiston Respublikasi QT, 2003-y., 3-son, 26-modda):

a) 2-bandning oʻninchi xatboshidagi “baholash tashkilotlari, savdo tashkilotlari” soʻzlari “baholash, ixtisoslashtirilgan savdo va rieltorlik tashkilotlari” soʻzlari bilan almashtirilsin;

b) 1-ilovada:

2-bandning oʻninchi xatboshidagi “baholash tashkilotlari, savdo tashkilotlari” soʻzlari “baholash, ixtisoslashtirilgan savdo va rieltorlik tashkilotlari” soʻzlari bilan almashtirilsin;

4-bandning oʻn yettinchi xatboshidagi “baholash tashkilotlari, savdo tashkilotlari” soʻzlari “baholash, ixtisoslashtirilgan savdo va rieltorlik tashkilotlari” soʻzlari bilan almashtirilsin.

4. Vazirlar Mahkamasining “Amalga oshirilayotgan iqtisodiy nochor korxonalarni tarkibiy oʻzgartirish va moliyaviy sogʻlomlashtirish samaradorligini oshirish chora-tadbirlari toʻgʻrisida” 2003-yil 18-apreldagi 188-son qarorida (Oʻzbekiston Respublikasi QT, 2003-y., 4-son, 31-modda):

a) 4-bandning birinchi xatboshidagi “birja” soʻzi chiqarib tashlansin;

b) 1-ilovaning 13-bandida:

uchinchi xatboshi chiqarib tashlansin;

toʻrtinchi va beshinchi xatboshilar tegishli ravishda uchinchi va toʻrtinchi xatboshilar deb hisoblansin.

5. Vazirlar Mahkamasining 2009-yil 8-maydagi 132-son qarori (Oʻzbekiston Respublikasi QT, 2009-y., 5-son, 36-modda) bilan tasdiqlangan Sud hujjatlari va boshqa organlar hujjatlarini majburiy ijro etishda xatlangan va olib qoʻyilgan mol-mulkni saqlash tartibi hamda shartlari toʻgʻrisidagi Nizomning 9-bandi uchinchi xatboshidagi “birjalarda” va “birjaga” soʻzlari tegishli ravishda “ixtisoslashtirilgan savdo tashkilotlarida” va “unga” soʻzlari bilan almashtirilsin.

6. Vazirlar Mahkamasining 2009-yil 24-iyundagi 177-son qarori (Oʻzbekiston Respublikasi QT, 2009-y., 6-son, 51-modda) bilan tasdiqlangan Ish beruvchining fuqarolik javobgarligini majburiy sugʻurta qilish qoidalariga 9-ilovadagi Ish beruvchining faoliyati turlari xavfliligi darajalari tasnifi va ish beruvchining fuqarolik javobgarligini majburiy sugʻurta qilish boʻyicha sugʻurta tariflari koeffitsiyentlarining 10-bandidagi “koʻchmas mulk birjalari, brokerlik idoralari va agentliklar” soʻzlari “rieltorlik tashkilotlari” soʻzlari bilan almashtirilsin.

7. Vazirlar Mahkamasining “Davlat daromadiga oʻtkaziladigan mol-mulkni olib qoʻyish, sotish yoki yoʻq qilib tashlash tartibini takomillashtirish toʻgʻrisida” 2009-yil 15-iyuldagi 200-son qaroriga (Oʻzbekiston Respublikasi QT, 2009-y., 7-son, 56-modda) 1-ilovada:

a) 17-bandning ikkinchi xatboshidagi “birjalar tomonidan” soʻzlari chiqarib tashlansin;

b) 29-bandning birinchi xatboshidagi “maxsus ajratilgan savdo maydonchalarida birjalar” soʻzlari “ixtisoslashtirilgan savdo tashkilotlari” soʻzlari bilan almashtirilsin;

v) 37-banddagi “savdo tashkilotlari va birjalar” soʻzlari “ixtisoslashtirilgan savdo va rieltorlik tashkilotlari” soʻzlari bilan almashtirilsin;

g) 42-bandning uchinchi xatboshidagi “birjalarga” soʻzi “ixtisoslashtirilgan savdo tashkilotlariga” soʻzlari bilan almashtirilsin.

8. Vazirlar Mahkamasining 2010-yil 2-apreldagi 62-son qarori (Oʻzbekiston Respublikasi QT, 2010-y., 4-son, 14-modda) bilan tasdiqlangan Vazirliklar va idoralarning budjetdan tashqari jamgʻarmalariga yoʻnaltirilayotgan davlat bojlari, yigʻimlar va soliq boʻlmagan toʻlovlardan, maʼmuriy va moliyaviy jazolardan ajratmalar miqdorlari 12-bandining “Shakllantirish manbai” ustunining toʻqqizinchi pozitsiyasidagi “baholash tashkilotlariga, savdo tashkilotlariga” soʻzlari “baholash, ixtisoslashtirilgan savdo va rieltorlik tashkilotlariga” soʻzlari bilan almashtirilsin.