Oʻzbekiston Respublikasi Prezidentining quyidagi farmonlariga oʻzgartirishlar kiritilsin:

1. “Eksport-import operatsiyalari boʻyicha valyuta nazoratini taʼminlash chora-tadbirlari toʻgʻrisida” Oʻzbekiston Respublikasi Prezidentining 1994-yil 20-apreldagi PF-837-son Farmonida:

2-bandidagi “Tashqi iqtisodiy aloqalar vazirligi” soʻzlari “Tashqi iqtisodiy aloqalar agentligi” deb oʻzgartirilsin;

ilovaning 3-bandidagi “(ishlar, xizmatlar)” soʻzlari olib tashlansin, “Tashqi iqtisodiy aloqalar vazirligida” soʻzlari esa “Tashqi iqtisodiy aloqalar agentligida” deb oʻzgartirilsin;

ilovaning 4-bandidagi va 13-bandining ikkinchi xatboshidagi “Tashqi iqtisodiy aloqalar vazirligida” va “Tashqi iqtisodiy aloqalar vazirligining” soʻzlari tegishli ravishda “Tashqi iqtisodiy aloqalar agentligida” va “Tashqi iqtisodiy aloqalar agentligining” deb oʻzgartirilsin.

2. “Oʻzbekiston shartnomalar va savdo boʻyicha davlat-aksionerlik uyushmasi “Oʻzshartnomasavdo”ni tugatish hamda Oʻzbekiston ulgurji va birja savdosi boʻyicha respublika aksionerlik uyushmasi “Oʻzulgurjibirjasavdo”ni taʼsis etish toʻgʻrisida” Oʻzbekiston Respublikasi Prezidentining 1994-yil 28-fevraldagi PF–772-son Farmonida:

4-bandidagi “Istiqbolni belgilash va statistika davlat qoʻmitasi” soʻzlari “Iqtisodiyot vazirligi” deb oʻzgartirilsin;

5-bandning birinchi va ikkinchi xatboshidagi “Tashqi iqtisodiy aloqalar vazirligining” va “Oʻzistiqbolstat” soʻzlari tegishli ravishda “Tashqi iqtisodiy aloqalar agentligining” va “Iqtisodiyot vazirligi” deb oʻzgartirilsin.

3. “Eksport-import operatsiyalarini tartibga keltirish borasidagi qoʻshimcha chora-tadbirlar toʻgʻrisida” Oʻzbekiston Respublikasi Prezidentining 1995-yil 11-apreldagi PF–1096-son Farmonida:

4-bandidagi “Tashqi iqtisodiy aloqalar vazirligida” va “Davlat soliq qoʻmitasi tomonidan belgilanadigan tartibda Bosh bojxona boshqarmasida hisobga olinishi” soʻzlari tegishli ravishda “Tashqi iqtisodiy aloqalar agentligida” va “Davlat bojxona qoʻmitasi tomonidan belgilanadigan tartibda hisobga olinishi” deb oʻzgartirilsin;

6-bandidagi “Davlat soliq qoʻmitasining, Tashqi iqtisodiy aloqalar vazirligining” soʻzlari “Davlat bojxona qoʻmitasining, Tashqi iqtisodiy aloqalar agentligining” deb oʻzgartirilsin.

4. “Oʻzbekiston Respublikasi milliy valyutasining ichki erkin almashtirilishini yanada kengaytirish chora-tadbirlari toʻgʻrisida” Oʻzbekiston Respublikasi Prezidentining 1995-yil 27-iyundagi PF–1193-son Farmonida:

2-bandining uchinchi xatboshidagi “Tashqi iqtisodiy aloqalar vazirligining markazlashtirilgan eksport roʻyxatiga kiritilgan” soʻzlari “eksport prognoziga kiritilgan” deb oʻzgartirilsin;

8-bandining uchinchi xatboshidagi “Tashqi iqtisodiy aloqalar vazirligi” soʻzlari “Tashqi iqtisodiy aloqalar agentligi” deb oʻzgartirilsin.

5. “Tovarlar (ishlar, xizmatlar) eksportini ragʻbatlantirish boʻyicha qoʻshimcha chora-tadbirlar toʻgʻrisida” Oʻzbekiston Respublikasi Prezidentining 1997-yil 10-oktabrdagi PF–1871-son Farmoniga 1-ilova sarlavhasidagi “Tashqi iqtisodiy aloqalar vazirligi” soʻzlari “Tashqi iqtisodiy aloqalar agentligi” deb oʻzgartirilsin.

6. “Xorijiy investitsiyalar ishtirokidagi loyihalarni amalga oshirish mexanizmini takomillashtirish chora-tadbirlari toʻgʻrisida” Oʻzbekiston Respublikasi Prezidentining 1998-yil 9-fevraldagi PF–1924-son Farmonida:

2, 3 va 6-bandlaridagi “Investitsiya dasturlari” soʻzlari “Tashqi iqtisodiy aloqalar va xorijiy investitsiyalar” deb oʻzgartirilsin;

5-bandining ikkinchi xatboshidagi “Tashqi iqtisodiy aloqalar vazirligida” soʻzlari “Tashqi iqtisodiy aloqalar agentligida” deb oʻzgartirilsin.

7. “Import operatsiyalarini tartibga solishga doir qoʻshimcha chora-tadbirlar toʻgʻrisida” Oʻzbekiston Respublikasi Prezidentining 1998-yil 18-fevraldagi PF–1930-son Farmoni 1 va 3-bandlaridagi, 5-bandining uchinchi xatboshidagi “Tashqi iqtisodiy aloqalar vazirligi”, “Tashqi iqtisodiy aloqalar vazirligida”, “Tashqi iqtisodiy aloqalar vazirligi” soʻzlari tegishli ravishda “Tashqi iqtisodiy aloqalar agentligi”, “Tashqi iqtisodiy aloqalar agentligida”, “Tashqi iqtisodiy aloqalar agentligi” deb oʻzgartirilsin.