Oʻzbekiston Respublikasi Vazirlar Mahkamasining 2009-yil 29-yanvardagi 27-sonli “Davlat aktivlarini sotish tartibini yanada takomillashtirish chora-tadbirlari toʻgʻrisida”gi (Oʻzbekiston Respublikasi qonun hujjatlari toʻplami, 2009-yil, 6-son, 51-modda) Qarorining 4-bandiga muvofiq Oʻzbekiston Respublikasi Davlat mulkini boshqarish davlat qoʻmitasi qaror qiladi:

1 Quyidagilar oʻz kuchini yoʻqotgan deb hisoblansin:

Oʻzbekiston Respublikasi Davlat mulkini boshqarish va tadbirkorlikni qoʻllab-quvvatlash davlat qoʻmitasining 2001-yil 29-martdagi 01/06-5-sonli “Xorijiy investorlar xarid qiladigan aksiyalar paketlari va obyektlar uchun haq toʻlash shakllari toʻgʻrisidagi Nizomni tasdiqlash toʻgʻrisida”gi qarori (roʻyxat raqami 1030, 2001-yil 1-may) (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 2001-y., 9-son);

Oʻzbekiston Respublikasi Davlat mulkini boshqarish va tadbirkorlikni qoʻllab-quvvatlash davlat qoʻmitasining 2001-yil 29-martdagi IU-01/116-sonli “Oʻzbekiston Respublikasi Davlat mulki qoʻmitasining “Xorijiy investorlar xarid qiladigan aksiyalar paketlari va obyektlar uchun haq toʻlash shakllari toʻgʻrisidagi Nizomni tasdiqlash toʻgʻrisida”gi qaroriga oʻzgartirishlar kiritish toʻgʻrisida”gi qarori (roʻyxat raqami 1030-1, 2002-yil 4-noyabr) (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 2002-y., 21-son).

2. Mazkur qaror Oʻzbekiston Respublikasi Moliya vazirligi va Markaziy banki bilan kelishilgan.

3. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.