Oʻzbekiston Respublikasi Vazirlar Mahkamasining 2009-yil 8-apreldagi 102-sonli “Davlat mulkini ijaraga berish tartibini takomillashtirish chora-tadbirlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2009-yil, 15-son, 186-modda) muvofiq Oʻzbekiston Respublikasi Moliya vazirligi va Davlat mulkini boshqarish davlat qoʻmitasi qaror qiladilar:

1. Quyidagilar oʻz kuchini yoʻqotgan deb hisoblansin:

Oʻzbekiston Respublikasi Moliya vazirligi, Davlat mulkini boshqarish va tadbirkorlikni qoʻllab-quvvatlash davlat qoʻmitasi tomonidan 1999-yil 23-noyabrdagi 88-son va 1999-yil 29-noyabrdagi 17-son bilan tasdiqlangan “Budjet tashkilotlari tomonidan vaqtincha foydalanilmayotgan davlat mulkini boshqa korxona va tashkilotlarga ijaraga berish tartibi toʻgʻrisida”gi nizom (roʻyxat raqami 869, 2000-yil 7-yanvar) (Meʼyoriy hujjatlari axborotnomasi, 2000-yil, 1-son);

Oʻzbekiston Respublikasi Moliya vazirligi va Davlat mulkini boshqarish va tadbirkorlikni qoʻllab-quvvatlash davlat qoʻmitasining 2001-yil 6-sentabrdagi 102 va 10-1-262-son “Budjet tashkilotlari tomonidan vaqtincha foydalanilmayotgan davlat mulkini boshqa korxona va tashkilotlarga ijaraga berish tartibi toʻgʻrisida”gi nizomga oʻzgartirish va qoʻshimchalar kiritish toʻgʻrisidagi qarori (roʻyxat raqami 869-1, 2001-yil 10-sentabr) (Meʼyoriy hujjatlari axborotnomasi 2001-yil, 17-son).

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.