Oʻzbekiston Respublikasi Vazirlar Mahkamasining “Din sohasidagi maʼnaviy-maʼrifiy, taʼlim ishlarini va faoliyatni yanada takomillashtirishda ijtimoiy koʻmak va imtiyozlar berish toʻgʻrisida” 2003-yil 22-avgustdagi 364-son qarorining 3-bandini bajarish maqsadida:

1. Belgilab qoʻyilsinki, Oʻzbekiston Respublikasi hududidagi diniy tashkilotlar 2003-yilning 1-sentabridan boshlab ularga koʻrsatiladigan kommunal xizmatlar (tabiiy gaz, ichimlik suvi, issiqlik energiyasi, elektr energiyasi, telefon, oqova suv va maishiy chiqindilarni tashish)ga toʻlovlarni aholi uchun belgilangan tariflar boʻyicha toʻlaydilar.

2. Mazkur farmoyishning bajarilishini nazorat qilish Oʻzbekiston Respublikasining Bosh vaziri Oʻ. Sultonov zimmasiga yuklansin.