O‘zbekiston Respublikasi Oliy Kengashi qaror qiladi:

1. “Mahalliy davlat hokimiyati to‘g‘risida”gi O‘zbekiston Respublikasi Qonuni e’lon qilingan kundan boshlab amalga kiritilsin.

2. O‘zbekiston Respublikasining Vazirlar Mahkamasi Hukumat qarorlarini “Mahalliy davlat hokimiyati to‘g‘risida”gi O‘zbekiston Respublikasi Qonuniga muvofiqlashtirsin.

3. Quyidagilar o‘z kuchini yo‘qotgan deb hisoblansin:

1971-yil 16-iyulda qabul qilingan “O‘zbekiston Respublikasi xalq deputatlari rayon Soveti to‘g‘risida”gi (Qonunning 1980-yil 14-martdagi tahriri) O‘zbekiston Respublikasining Qonuni (O‘zbekiston Respublikasi Oliy Sovetining Vedomostlari, 1980-yil № 9, 106-modda);

1971-yil 16-iyulda qabul qilingan “O‘zbekiston Respublikasi xalq deputatlari shahar, shahardagi rayon Soveti to‘g‘risida”gi (Qonunning 1980-yil 14-martdagi tahriri) O‘zbekiston Respublikasining Qonuni (O‘zbekiston Respublikasi Oliy Sovetining Vedomostlari, 1980-yil, № 9, 107-modda);

1980-yil 12-noyabrda qabul qilingan “O‘zbekiston Respublikasi xalq deputatlari oblast Soveti to‘g‘risida”gi O‘zbekiston Respublikasining Qonuni (O‘zbekiston Rsspublikasi Oliy Sovetining Vedomostlari, 1980-yil, № 32, ilova);

Viloyatlar, nohiyalar va shaharlarning hokimlari hamda ularning hokimiyat vakillik idoralari — xalq deputatlari Kengashlari bilan o‘zaro munosabatlari asoslari to‘g‘risidagi Muvaqqat nizomni (O‘zbekiston Respublikasi Oliy Kengashining Axborotnomasi, 1992-yil, № 4, 215-modda) tasdiqlash haqidagi O‘zbekiston Respublikasi Oliy Kengashi Rayosatining 1992-yil 27-fevraldagi Qarori.