Oʻzbekiston Respublikasi Oliy Kengashi qaror qiladi:

1. “Mahsulotlar va xizmatlarni sertifikatlashtirish toʻgʻrisida”gi Oʻzbekiston Respublikasi Qonuni eʼlon qilingan kundan eʼtiboran amalga kiritilsin.

2. Oʻzbekiston Respublikasi Oliy Kengashining 1992-yil 14-yanvarda qabul qilingan qarori bilan tasdiqlangan “Mulkchilikning barcha shaklidagi korxonalar, (tashkilotlar), shu jumladan chet el korxonalari va qoʻshma korxonalar faqat maxsus ruxsatnoma (litsenziya) asosidagina shugʻullanishga haqli boʻlgan faoliyat turlarining roʻyxati” (Oʻzbekiston Respublikasi Oliy Kengashining Axborotnomasi, 1992-yil, 4-son, 182-modda) quyidagi mazmundagi xatboshi bilan toʻldirilsin:

“Mahsulotlar va xizmatlarni sertifikatlashtirish”.

3. Oʻzbekiston Respublikasi Vazirlar Mahkamasi uch oylik muddat ichida:

Oʻzbekiston Respublikasining qonunlarini “Mahsulotlar va xizmatlarni sertifikatlashtirish toʻgʻrisida”gi Oʻzbekiston Respublikasi Qonuniga muvofiq holga keltirish haqidagi takliflarni Oʻzbekiston Respublikasi Oliy Kengashiga taqdim etsin;

Oʻzbekiston Respublikasi Hukumatining qarorlarini “Mahsulotlar va xizmatlarni sertifikatlashtirish toʻgʻrisida”gi Oʻzbekiston Respublikasi Qonuniga muvofiqlashtirsin;

vazirliklar, davlat qoʻmitalari, idoralar oʻzlarining ushbu Qonunga zid keluvchi normativ hujjatlarini qayta koʻrib chiqishlari va bekor qilishlarini taʼminlasin;

majburiy sertifikatlashtirilishi lozim boʻlgan mahsulotlar roʻyxatini hamda ularni Oʻzbekiston Respublikasidan chetga olib chiqib ketish tartibini ishlab chiqsin va tasdiqlasin.