Ўзбекистон Республикаси Олий Кенгаши қарор қилади:

1. «Ахборотлаштириш тўғрисида»ги Ўзбекистон Республикаси Қонуни эълон қилинган кундан эътиборан амалга киритилсин.

2. Ўзбекистон Республикаси Вазирлар Маҳкамаси уч ойлик муддат ичида:

Ўзбекистон Республикасининг ахборотлаштириш концепцияси ишлаб чиқилишини ташкил этсин ва уни тасдиқласин;

Ўзбекистон Республикаси қонун ҳужжатларини «Ахборотлаштириш тўғрисида»ги Қонунга мувофиқлаштиришга оид таклифларни Ўзбекистон Республикаси Олий Кенгашига тақдим этсин;

ушбу Қонун бажарилишини таъминловчи меъёрий ҳужжатлар қабул қилсин.