Тошкент шаҳрида Православ Черковининг Тошкент ва Ўрта Осиё епархиясининг 125 йиллиги юбилейига белгиланган диний-маъмурий марказ қурилишини тезлаштириш мақсадида Вазирлар Маҳкамаси қарор қилади:

1. Православ Черковининг Тошкент ва Ўрта Осиё епархияси Тошкент шаҳрида ўзининг диний-маъмурий маркази қурилиши даврида қурилиш материаллари сотиб олиш ва қурилиш ишларига ҳақ тўлаш учун қўшилган қиймат солиғи ва солиқ солишнинг бошқа шаклларидан истисно тариқасида озод қилинсин.

2. Ўзбекистон Республикаси Молия вазирлиги Давлат солиқ қўмитаси билан биргаликда кўрсатиб ўтилган солиққа оид имтиёзларни бериш тартибини кўриб чиқсин.