Ozodlikdan mahrum etish joylarida vaziyatni barqarorlashtirish, Oʻzbekiston Respublikasi Ichki ishlar vazirligining axloq tuzatish-mehnat muassasalari ishlab chiqarish bazasini rivojlantirish va hukm etilganlarni ijtimoiy-foydali mehnatga jalb etish maqsadida Vazirlar Mahkamasi qaror qiladi:

1. Oʻzbekiston Respublikasi istiqbolni belgilash va statistika davlat qoʻmitasi 1994-yilning IV choragidan boshlab viloyatlar hokimliklariga va Oʻzbekiston Respublikasi Ichki ishlar vazirligiga axloq tuzatish-mehnat muassasalarining ishlab chiqarish zonalarini loyihalashtirish va qurishga ilovaga* muvofiq kapital mablagʻlar ajratishni belgilangan tartibda nazarda tutsin.

2. Oʻzbekiston Respublikasi Moliya vazirligi hokimliklar va Oʻzbekiston Respublikasi Ichki ishlar vazirligining buyurtnomalari boʻyicha axloq tuzatish-mehnat muassasalari ishlab chiqarish zonalarini loyihalashtirish va qurish uchun pul mablagʻlariga boʻlgan ehtiyojni belgilangan tartibda taʼminlasin.

3. Oʻzbekiston Respublikasi Ichki ishlar vazirligi axloq tuzatish-mehnat muassasalari qurilishi tugallangandan keyin ozodlikdan mahrum etish joylari qoʻriqlanishi va hukm etilganlar ustidan nazorat amalga oshirilishi taʼminlanishi uchun qoʻshimcha ravishda ichki qoʻshinlar xodimlari ajratish toʻgʻrisidagi hisob-kitoblarni Vazirlar Mahkamasiga taqdim etsin.

4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar, idoralar, korporatsiyalar, konsernlar, uyushmalar va ularning idoraviy boʻlinmalari jazoni ijro etuvchi muassasalarning korxonalariga davlat ehtiyojini qondirish uchun mahsulotlar va xizmatlarning muayyan turlariga buyurtma bersinlar.