Elektr energiyasi, asbob-uskunalar, ehtiyot qismlar qiymati va pochtalarni tashish uchun tariflar oshgan sharoitlarda aloqa tarmoqlarining mo‘tadil ishlashini ta’minlash va ularni yanada rivojlantirish maqsadida Vazirlar Mahkamasi qaror qiladi:

1. 1992-yilning 1-oktabridan boshlab aholiga ko‘rsatiladigan aloqa xizmatlarining ayrim turlari bo‘yicha erkin tariflarga o‘tish amalga oshirilsin, ijtimoiy ahamiyatga ega bo‘lgan: xatlar va pochta kartochkalari, telegrammalarni jo‘natish va telefon apparati uchun abonement to‘lovi bo‘yicha tariflar bundan mustasnodir.

2. 1992-yilning 1-oktabridan boshlab aholiga cheklangan tariflar saqlanadigan aloqa xizmatlari ko‘rsatish uchun amaldagi tariflar, shu jumladan:

xatlar va pochta kartochkalarini jo‘natish uchun 4 baravar;

telegramma berish uchun 2 baravar;

telefon apparati uchun abonement to‘lovi 3 baravar oshirilsin.

3. 1993-yilning 1-oktabrigacha amalda bo‘lgan, ilgari qabul qilingan qarorlarga muvofiq respublika aholisining alohida toifalariga aloqa xizmatlari uchun to‘lovlar bo‘yicha berilgan imtiyozlar saqlab qolinsin.

4. Vazirlar Mahkamasining 1992-yil 9-yanvardagi 4-son qarori bilan tasdiqlangan aloqa xizmatlari uchun tariflarning cheklangan miqdorlari bekor qilinsin.