Vazirlar Mahkamasining “Tovarlarning O‘zbekiston Respublikasi chegarasi orqali noqonuniy olib o‘tilishini bartaraf etishga doir faoliyatni rag‘batlantirish to‘g‘risida” 2004-yil 25-oktabrdagi 498-son qarorini bajarish yuzasidan Vazirlar Mahkamasi qaror qiladi:

Vazirlar Mahkamasining 2004-yil 25-martdagi 140-son qarori (O‘zbekiston Respublikasi QT, 3-son, 35-modda) bilan tasdiqlangan Davlat daromadiga o‘tkaziladigan mol-mulkni olib qo‘yish, sotish yoki yo‘q qilib tashlash tartibi to‘g‘risidagi nizomning 53-bandi quyidagi mazmundagi xatboshilar bilan to‘ldirilsin:

“Tovarlar yoki boshqa boyliklarning O‘zbekiston Respublikasi chegarasi orqali noqonuniy olib o‘tilganligi natijasida bojxona organlari va chegarachilar tomonidan olib qo‘yilgan hamda qonun hujjatlarida belgilangan tartibda davlat daromadiga o‘tkazilgan tovarlar yoki boshqa boyliklarni sotishdan sud ijrochilari tegishli bo‘linmalarining maxsus hisobvarag‘iga tushgan pul mablag‘lari uch bank kuni mobaynida quyidagi tartibda taqsimlanadi:

70 foizi — tegishli mahalliy budjetga;

20 foizi — budjetdan tashqari yagona Ijtimoiy rivojlantirish va tovarlarning chegara orqali qonuniy olib o‘tilishini ta’minlovchi xodimlarni moddiy rag‘batlantirish jamg‘armasiga;

10 foizi — Sudlar va adliya organlarini rivojlantirish jamg‘armasiga”.