O‘zbekiston Respublikasi Prezidentining “O‘zbekiston Tovar ishlab chiqaruvchilar va tadbirkorlar palatasini tashkil etish to‘g‘risida”gi Farmoniga muvofiq Vazirlar Mahkamasi qaror qiladi:

1. Belgilab qo‘yilsinki, O‘zbekiston Tovar ishlab chiqaruvchilar va tadbirkorlar palatasi Tovar ishlab chiqaruvchilar va tadbirkorlar hududiy palatalari tomonidan tashkil etiladi.

2. Ma’lumot uchun qabul qilinsinki, Palata raisi va uning o‘rinbosarlari Tovar ishlab chiqaruvchilar va tadbirkorlar palatasining yuqori organi — syezd tomonidan saylanadilar, Palataning ijro etuvchi apparatini mablag‘ bilan ta’minlash esa Palata qatnashchilari badallari, shuningdek uning o‘z mablag‘lari hisobiga amalga oshiriladi.

3. Tovar ishlab chiqaruvchilar va tadbirkorlar palatasi o‘ziga yuklangan funksiyalar va vazifalarni amalga oshirish doirasida quyidagi huquqlarga egadir:

Palata a’zolariga konsalting, auditorlik, yuridik, axborot xizmatlari, shuningdek kadrlar tayyorlash va ularning malakasini oshirishga doir xizmatlar ko‘rsatish bo‘yicha xo‘jalik hisobidagi tashkilotlar (markazlar, xizmatlar, firmalar) tashkil etish;

keyinchalik soliq va boshqa organlarga taqdim etish uchun Palata a’zolari topshirig‘iga binoan buxgalteriya va moliya hisobotlari tuzish;

iqtisodiy tusdagi bahslar va nizolarni hal etuvchi komissiyalarga ega bo‘lish.

4. Belgilab qo‘yilsinki, Tovar ishlab chiqaruvchilar va tadbirkorlar hududiy palatalari:

Tovar ishlab chiqaruvchilar va tadbirkorlar tuman (shahar) palatalarini birlashtiradilar, o‘zlariga berilgan funksiyalarning bajarilishi yuzasidan o‘z a’zolari oldida javob beradilar;

O‘zbekiston Tovar ishlab chiqaruvchilar va tadbirkorlar palatasi tarkibiga yuridik shaxs huquqi bilan kirgan holda, o‘z faoliyatini viloyat konferensiyasi tomonidan tasdiqlanadigan hududiy palata Ustaviga muvofiq amalga oshiradilar.

Hududiy palatalar raislari O‘zbekiston Tovar ishlab chiqaruvchilar va tadbirkorlar palatasi prezidiumi bilan kelishgan holda konferensiyalarda saylanadilar.

5. Kichik o‘rta va xususiy tadbirkorlikni qo‘llab-quvvatlashning asosiy bo‘g‘ini sifatida yuridik shaxs huquqlariga ega bo‘lgan Tovar ishlab chiqaruvchilar va tadbirkorlarning tuman (shahar) palatalari tashkil etilsin.

6. Belgilab qo‘yilsinki:

Tovar ishlab chiqaruvchilar va tadbirkorlar tuman (shahar) palatalari tarkibiga ishlab chiqarish va boshqa tadbirkorlik faoliyatini amalga oshiruvchi kichik, o‘rta va xususiy tadbirkorlikning xo‘jalik yurituvchi subyektlari kiradilar;

ijro etuvchi apparatni mablag‘ bilan ta’minlash, Tovar ishlab chiqaruvchilar va tadbirkorlar tuman (shahar) palatalari tomonidan boshqaruv funksiyalarini bajarish bilan bog‘liq boshqa xarajatlarni qoplash uning qatnashchilarining a’zolik badallari, shuningdek o‘z mablag‘lari hisobiga amalga oshiriladi;

8. O‘zbekiston Respublikasi Davlat mulki qo‘mitasi “Biznes-fond” va “Madad” agentligi bilan birgalikda:

O‘zbekiston Tovar ishlab chiqaruvchilar va tadbirkorlar palatasining ta’sis syezdini o‘tkazsin, unda respublika palatasi kengashi va prezidiumi tarkibini tasdiqlasin;

bir hafta muddatda Tovar ishlab chiqaruvchilar va tadbirkorlar hududiy palatalarining namunaviy ustavlarini ishlab chiqsin.

9. Moliya vazirligi, Davlat soliq qo‘mitasi “O‘zistiqbolstat” davlat qo‘mitasi bilan birgalikda kichik va xususiy tadbirkorlik subyektlari uchun soliq solish, hisobga olish va hisobotning soddalashtirilgan tartibini joriy etish bo‘yicha Hukumat qarori loyihasini 15 kun muddatda ishlab chiqsinlar va ko‘rib chiqish uchun Vazirlar Mahkamasiga kiritsinlar.

10. Toshkent shahar hokimligi O‘zbekiston Tovar ishlab chiqaruvchilar va tadbirkorlar palatasining ijro etuvchi apparatini Toshkent shahar, Furqat ko‘chasidagi 1-uyga joylashtirsin.

11. O‘zbekiston Respublikasi Aloqa vazirligi Tovar ishlab chiqaruvchilar va tadbirkorlar palatasini telefon va teleks aloqasi, shu jumladan hukumat ATSi aloqasi bilan ta’minlasin.

12. Yuqorida qayd etilgan Farmonning 4-bandiga muvofiq:

Vazirlar Mahkamasining 1995-yil 31-iyuldagi 273-f-son farmoyishi bilan tasdiqlangan Davlat mulki davlat tasarrufidan chiqarilganda va xususiylashtirilganda, obyektlar kimoshdi savdolarida, tanlovlar va birja savdolarida sotilganda haq to‘lashning, tushgan mablag‘larni taqsimlash va hisobga olishning, ushbu mablag‘larning tushishi va ulardan foydalanish ustidan nazorat qilishning Yagona tartibi 3-ilovasiga;

Vazirlar Mahkamasining 1996-yil 29-yanvardagi 54-f-son farmoyishining 2 va 3-ilovalariga qisman o‘zgartirishlar kiritilsin.

13. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari V.A. Chjen va M.Z. Usmonov zimmasiga yuklansin.

Qarorning qanday bajarilayotganligi 1996-yil iyul oyida va yil yakuni bo‘yicha ko‘rib chiqilsin.