Bojxona ishini tashkil qilishni yaxshilash, yagona bojxona siyosatini oʻtkazish, respublika bojxona organlarining tezkorligini hamda ular faoliyatining samaradorligini oshirish, mamlakat iqtisodiy xavfsizligini mustahkamlashda ularning rolini kuchaytirish, shuningdek, bojxona ishi sohasidagi xalqaro hamkorlikni yanada kengaytirish maqsadida:

1. Oʻzbekiston Respublikasi Davlat soliq qoʻmitasi Bosh bojxona boshqarmasining negizida Oʻzbekiston Respublikasi Davlat bojxona qoʻmitasi tashkil qilinib, u bevosita Oʻzbekiston Respublikasi Vazirlar Mahkamasiga boʻysundirilsin.

Oʻzbekiston Respublikasi Davlat soliq qoʻmitasi Bosh bojxona boshqarmasining Qoraqalpogʻiston Respublikasi, viloyatlar va Toshkent shahrida ishlab turgan bojxona xizmatlari negizida Oʻzbekiston Respublikasi Davlat bojxona qoʻmitasining tegishli hududiy boshqarmalari tuzilsin.

4. Shu narsa belgilansinki, Oʻzbekiston Respublikasi Davlat bojxona qoʻmitasi tomonidan oʻz vakolati doirasida amaldagi qonun hujjatlariga muvofiq qabul qilingan qarorlar mulkchilik shakllaridan qatʼi nazar, barcha jismoniy va yuridik shaxslarning ijro etishlari uchun majburiydir.

6. Oʻzbekiston Respublikasi Vazirlar Mahkamasi ikki hafta muddatda Oʻzbekiston Respublikasi Davlat bojxona qoʻmitasining faoliyatini tashkil etish toʻgʻrisida qaror qabul qilsin.

7. “Oʻzbekiston Respublikasi Bosh davlat soliq boshqarmasini Oʻzbekiston Respublikasi Davlat soliq qoʻmitasiga oʻzgartirish toʻgʻrisida” Oʻzbekiston Respublikasi Prezidentining 1994-yil 18-yanvardagi Farmonining ikkinchi bandi oʻz kuchini yoʻqotgan deb hisoblansin, shuningdek, mazkur Farmonning kirish qismidagi “va bojxona” soʻzlari olib tashlansin.