Oʻzbekiston Respublikasi Oliy Kengashi qaror qiladi:

1. “Qimmatli qogʻozlar va fond birjasi toʻgʻrisida”gi Oʻzbekiston Respublikasi Qonuni 1994-yil 1-yanvardan eʼtiboran amalga kiritilsin.

2. Oʻzbekiston Respublikasi Vazirlar Mahkamasi ikki oylik muddat ichida:

Oʻzbekiston Respublikasi qonun hujjatlarini “Qimmatli qogʻozlar va fond birjasi toʻgʻrisida”gi Qonunga muvofiqlashtirish toʻgʻrisida Oʻzbekiston Respublikasi Oliy Kengashiga takliflar taqdim etsin;

Oʻzbekiston Respublikasi Hukumatining qarorlarini “Qimmatli qogʻozlar va fond birjasi toʻgʻrisida”gi Oʻzbekiston Respublikasi Qonuniga muvofiqlashtirsin hamda Oʻzbekiston Respublikasi vazirliklari, davlat qoʻmitalari va idoralari oʻz normativ hujjatlarini qarab chiqib, ushbu Qonunga zidlarini bekor qilishlarini taʼminlasin;

ushbu Qonunni roʻyobga chiqarish yuzasidan tegishli qarorlar qabul qilsin.

3. Belgilab qoʻyilsinki, ushbu Qonun 1994-yilning 1-yanvarigacha muomalaga chiqarilgan mehnat jamoalari yoki korxonalarning aksiyalariga amal qilmaydi.