Кейинги таҳрирга қаранг.
LexUZ шарҳи
Мазкур қарор Ўзбекистон Республикаси Президентининг 2018 йил 24 майдаги ПФ-5447-сонли «Ўзбекистон Республикаси Президенти ва Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида»ги Фармонига асосан ўз кучини йўқотган.
Халқаро, хорижий ҳукумат ташкилотлари ва ҳукуматга қарашли бўлмаган ташкилотлардан олинадиган техник кўмак, грантлар ва мурувват ёрдами молиявий маблағларини ҳисобга олиш самарадорлигини ошириш, шунингдек ноқонуний «ифлос» молиявий маблағларни ҳалоллаб олиш имкониятлари ва каналларини бартараф этиш мақсадида Вазирлар Маҳкамаси қарор қилади:
Кейинги таҳрирга қаранг.
1. 2004 йилнинг биринчи чорагидан бошлаб Ўзбекистон Республикасининг юридик ва жисмоний шахслари томонидан халқаро, хорижий ҳукумат ташкилотлари ва ҳукуматга қарашли бўлмаган ташкилотлардан олинадиган техник кўмак, грантлар ва мурувват ёрдами молиявий маблағлари (беғараз кўмак) бўйича бирхиллаштирилган давлат статистика ҳисоботи жорий қилинсин.
Ўзбекистон Республикаси Давлат статистика қўмитаси беғараз кўмак молиявий маблағларини жалб этиш, ўзлаштириш ва улардан мақсадли фойдаланиш мониторинги бўйича давлат ҳисоботи шаклини бир ҳафта муддатда ишлаб чиқсин ва белгиланган тартибда тасдиқласин.
Кейинги таҳрирга қаранг.
2. Беғараз кўмак доирасида тушадиган молиявий маблағларга банк хизмати кўрсатиш бўйича қулай шарт-шароитлар яратиш мақсадида Ўзбекистон Республикаси Ташқи ишлар вазирлиги, Ташқи иқтисодий алоқалар агентлиги, Ташқи иқтисодий фаолият миллий банки, «Асака» давлат-акциядорлик тижорат банкининг таклифига розилик берилсин ҳамда юридик ва жисмоний шахсларга — техник кўмак, грантлар ва мурувват ёрдами олувчиларга (шундай кўмак бўйича) хизмат кўрсатиш, беғараз кўмак олувчиларни банк воситачилик ҳақи тўлашдан озод қилган ҳолда, кўрсатиб ўтилган банкларнинг бўлинмаларига юклансин.
Ўзбекистон Республикаси Ташқи иқтисодий фаолият миллий банки ва «Асака» давлат-акциядорлик тижорат банки техник кўмак, грантлар ва мурувват ёрдами олувчиларнинг ҳисоб рақамларига хизмат кўрсатиш учун махсус филиалларни белгиласинлар.
Кейинги таҳрирга қаранг.
Олдинги таҳрирга қаранг.
3. Ўзбекистон Республикаси Молия вазирлиги инсонпарварлик ёрдами ва техник кўмаклашиш маблағлари олувчиларнинг Молия вазирлигининг Ғазначилиги томонидан умумлаштириладиган ҳисоботи ва статистика маълумотлари асосида Ўзбекистон Республикаси Президенти Девонига ва Ўзбекистон Республикаси Вазирлар Маҳкамасига ҳар чоракда инсонпарварлик ёрдами ва техник кўмаклашиш воситалари тушиши ва уларнинг ўзлаштирилиши тўғрисидаги ҳисоботлар ва таҳлилий маълумотларни тақдим этсин.
(3-банд Ўзбекистон Республикаси Вазирлар Маҳкамасининг 2009 йил 28 январдаги 22-сонли қарори таҳририда — ЎР ҚҲТ, 2009 й., 5-сон, 41-модда)
Кейинги таҳрирга қаранг.
4. Ўзбекистон Республикаси Адлия вазирлиги манфаатдор вазирликлар ва идоралар билан биргаликда бир ой муддатда амалдаги қонун ҳужжатларига ушбу қарордан келиб чиқадиган ўзгартиришлар ва қўшимчалар тўғрисида таклифлар киритсин.