Кейинги таҳрирга қаранг.
Алкоголли маҳсулотлар ишлаб чиқаришга давлат монополиясини, ички бозорни, истеъмолчилар ҳуқуқларини ва аҳоли соғлигини ҳимоя қилишни таъминлаш, Ўзбекистон Республикаси божхона ҳудудига этил спиртининг ғайриқонуний олиб келинишининг олдини олиш мақсадида Вазирлар Маҳкамаси қарор қилади:
Олдинги таҳрирга қаранг.
1. Ўзбекистон Республикаси божхона ҳудудига этил спиртини транспортнинг барча турлари билан олиб келиш тақиқлансин.
Этил спиртининг Ўзбекистон Республикаси божхона ҳудуди орқали транзити фақат Вазирлар Маҳкамасининг рухсати билан амалга оширилади, ушбу банднинг учинчи хатбошида назарда тутилган ҳоллар бундан мустасно.
Этил спиртининг Ўзбекистон Республикаси божхона ҳудуди орқали учинчи мамлакатлар ҳудудидан Евро-Осиё иқтисодий ҳамжамияти аъзоси бўлган давлатлар ҳудудига ёхуд Евро-Осиё иқтисодий ҳамжамияти аъзоси бўлган давлатлар ҳудудидан учинчи мамлакатлар ҳудудига транзити фақат темир йўл транспортида амалга оширилади.
(1-банд Ўзбекистон Республикаси Вазирлар Маҳкамасининг 2007 йил 4 апрелдаги 73-сон қарори таҳририда — Ўзбекистон Республикаси қонун ҳужжатлари тўплами, 2007 й., 14-сон, 146-модда)
Кейинги таҳрирга қаранг.
Олдинги таҳрирга қаранг.
2. Ўзбекистон Республикаси Давлат божхона қўмитаси, Давлат солиқ қўмитаси Ўзбекистон Республикаси божхона ҳудудига этил спирти ғайриқонуний олиб келинганда ва транзит орқали ўтказилганда ҳамда шундай ҳоллар корхоналарда ва савдода аниқланганда спиртни қонун ҳужжатларида белгиланган тартибда давлат даромадига ўтказиш бўйича тегишли чора-тадбирлар кўрсинлар.
(2-банд Ўзбекистон Республикаси Вазирлар Маҳкамасининг 2006 йил 10 ноябрдаги 235-сонли қарори таҳририда— ЎР ҚҲТ, 2006 й., 46-47-сон, 458-модда)
3. Вазирлар Маҳкамасининг «Ўзбекистон Республикаси бож ҳудудига озиқ-овқат этил спирти олиб келтиришни тартибга солиш тўғрисида» 1998 йил 27 февралдаги 85-сон қарорининг 2 ва 3-бандлари ўз кучини йўқотган деб ҳисоблансин.