Ўзбекистон Республикаси Президентининг «Иқтисодий ислоҳотларни янада чуқурлаштириш, хусусий мулк манфаатларини ҳимоя қилиш ва тадбиркорликни ривожлантириш чора-тадбирлари тўғрисида» 1994 йил 21 январдаги Фармонини ижро этиш юзасидан Вазирлар Маҳкамаси қарор қилади:
1. Ўзбекистон Республикаси Давлат мулки қўмитаси, «Ўздавнефтмаҳсулот» бирлашмаси ва Тошкент шаҳар ҳокимлигининг Тошкент шаҳридаги аҳолига нақд пулга автомобиль ёнилғиси сотадиган ишлаб турган 5 та, лойиҳалаштирилаётган ва қурилаётган 4 та автомобиль ёнилғиси қуйиш шохобчаларини 1994 йил мобайнида эксперимент тариқасида хусусийлаштириш тўғрисидаги таклифи қабул қилинсин.
2. «Ўздавнефтмаҳсулот» бирлашмаси Ўзбекистон Республикаси Давлат мулки қўмитаси ва Тошкент шаҳар ҳокимлиги билан келишган ҳолда сотиладиган автомобиль ёнилғиси қуйиш шохобчаларининг рўйхатини ва уларни сотиш шартларини белгиласин.
3. Ўзбекистон Республикаси Давлат мулки қўмитаси «Ўздавнефтмаҳсулот» бирлашмаси ва Тошкент шаҳар ҳокимлиги билан биргаликда автомобиль ёнилғиси қуйиш шохобчаларини жисмоний юридик шахсларга, шу жумладан, хорижий жисмоний ва юридик шахсларга пул маблағлари манбалари тўғрисида декларация талаб қилмасдан кимошди савдолари ва танлов асосида хусусий мулк қилиб сотишни амалга оширсинлар. Хусусийлаштирилган автомобиль ёнилғиси қуйиш шохобчаларининг ер майдонлари амалдаги қонун ҳужжатларига мувофиқ узоқ муддатли ижарага берилсин.
4. Автомобиль ёнилғиси қуйиш шохобчаларини сотишдан тушган маблағлар Вазирлар Маҳкамасининг 1994 йил 29 апрелдаги 228-сон қарори билан тасдиқланган кимошди савдоси ва танловлар орқали сотилган давлат мулки қийматини тўлаш, бундай савдодан тушган маблағларини тақсимлаш ва улардан фойдаланиш тўғрисидаги Вақтинчалик низомга мувофиқ, сотилган нархнинг бутун суммасини тўлаш учун бир ой муддат белгиланган ҳолда, тақсимлансин.
5. Белгилаб қўйилсинки, хусусийлаштирилган автомобиль ёнилғиси қуйиш шохобчаларида уларнинг эгалари томонидан бевосита шартномалар бўйича Ўзбекистон Республикаси ташқарисидан келтириладиган ёки товар-хом ашё биржаларида харид қилинган нефть маҳсулотлари сотилади.
Кейинги таҳрирга қаранг.
6. «Ўздавнефтмаҳсулот» бирлашмаси ва унинг таркибига кирувчи корхоналар ва ташкилотларнинг 1995 йилдан бошлаб хусусийлаштирилган автомобиль ёнилғиси қуйиш шохобчалари эгаларига нефть маҳсулотлари бериши тақиқлансин.
Кейинги таҳрирга қаранг.
7. Хусусийлаштирилган автомобиль ёнилғиси қуйиш шохобчаларининг эгаларига Ўзбекистон Республикаси ташқарисидан белгиланган тартибда харид қилинадиган нефть маҳсулотларини муомала чиқимларини ва рентабелликни 30 фоиз миқдоридаги чекланган даражасини ҳисобга олган ҳолда харид нархлари бўйича сотишга рухсат берилсин.
Кейинги таҳрирга қаранг.
8. Ўзбекистон Республикаси Молия вазирлиги Давлат солиқ қўмитаси билан биргаликда бир ой муддатда хусусийлаштирилган автомобиль ёнилғиси қуйиш шохобчалари даромадларига солиқ солиш тартибини ишлаб чиқсин ва тасдиқласин.
9. Хусусийлаштирилган хусусий автомобиль ёнилғиси қуйиш шохобчаларининг ишлаш тартиби тўғрисидаги Вақтинчалик низом иловага мувофиқ тасдиқлансин.
10. «Ўзулгуржибиржасавдо» уюшмаси «Ўздавнефтмаҳсулот» бирлашмаси билан биргаликда бир ой муддатда нефть маҳсулотларини товар-хом ашё биржасига савдога қўйиш ва сотиш тартибини ишлаб чиқсин.
11. Белгилаб қўйилсинки, янги автомобиль ёнилғиси қуйиш шохобчалари қурилиши фақат «Ўздавнефтмаҳсулот» бирлашмасининг рухсатига кўра Тошкент шаҳар ҳокимлиги билан келишган ҳолда амалга оширилади.
Кейинги таҳрирга қаранг.
12. Давлат солиқ қўмитаси (Гатаулин), Ички ишлар вазирлиги (Алматов), Давлат табиатни муҳофаза қилиш қўмитаси (Ҳабибулин), «Ўздавстандарт» маркази(Асриянц) хусусийлаштирилган автомобиль ёнилғиси қуйиш шохобчалари эгалари томонидан нефть маҳсулотларини сотиб олиш, қабул қилиш, сақлаш, сотиш ва ҳисобга олиш, техника ва ёнғин хавфсизлиги, атроф муҳит муҳофазаси, сотиладиган нефть маҳсулотлари сифати қоидаларига ҳамда хусусийлаштирилган автомобиль ёнилғиси қуйиш шохобчалари тўғрисидаги низомга риоя қилиниши устидан қатъий назоратни амалга оширсинлар.
Кейинги таҳрирга қаранг.
13. Мазкур қарорнинг бажарилишини назорат қилиш Бош вазир ўринбосарлари Қ.Ж. Ҳаққулов ва В.А. Чжен зиммасига юклансин.
1. Хусусийлаштирилган хусусий автоёнилғи қуйиш шохобчалари (кейинги ўринларда АЁҚШ деб аталади) автомобилларни ва бошқа хусусий машина эгаларининг транспорт воситаларини ёнилғи-мойлаш материаллари билан таъминлаш корхонаси ҳисобланади. Бу ерда автомобиль ёнилғиси ва мойлаш материаллари фақат нақд пулга сотилади.
АЁҚШда мой, қуюқ ва суюқ, (консистент) мойлар, автомобиллар ва бошқа транспорт воситалари учун эҳтиёт қисмлар ва жиҳозлар сотиш, хусусий транспорт эгаларидан ишлатилган мойлар ва нефть маҳсулотларидан бўшаган кичик ҳажмдаги идишларни қабул қилиш, шунингдек, техник хизмат кўрсатиш ва автомобилларни ювиш ишлари ташкил этилиши мумкин.
2. Хусусийлаштирилган автоёнилғи қуйиш шохобчаларида тўғридан-тўғри тузилган шартномалар бўйича, бошқа хорижий давлатлардан нақд пулга, нақд пулсиз сотиб олиш ва бартер битимлари тузиш ҳисобига келтирилган нефть маҳсулотлари сотилади.
Тўғридан-тўғри олинган нефть маҳсулотларини қабул қилиб олиш ва сақлаш учун АЁҚШ эгалари томонидан «Ўздавнефтмаҳсулот» бирлашмасининг махсус ажратилган нефть базаси ижарага олинади.
Кейинги таҳрирга қаранг.
3. Нефть маҳсулотларини АЁҚШга келтириш АЁҚШ эгаларининг ўз машиналари ёки бошқа идораларнинг хавфсизлик шартларига мувофиқ келадиган транспорт воситалари билан шартнома шартларида амалга оширилади.
4. АЁҚШни ўлчов воситалари билан жиҳозлаш, техник хизмат кўрсатиш, улардан фойдаланиш тартиби, уларни сақлаш ва эҳтиётлаш, шунингдек, хизмат кўрсатиш маданияти амалдаги қоидаларга мувофиқ амалга оширилиши керак.
АЁҚШ тегишли витриналар, рекламалар, кўргазмали тарғибот воситалари билан жиҳозланган бўлиши керак. АЁҚШнинг бетонланган ва асфалтланган ҳудуди ҳамда автомагистраллардан кириш йўлларида ҳеч қандай камчиликлар бўлмаслиги керак. AЁҚШ майдончалари текис бўлиши ва колонналарга ва қуйиш қурилмаларига автомашиналарнинг эркин кириб келишини таъминлаши керак. AЁҚШ бинолари, иншоотлари, майдонлари, шунингдек, уларга ёндош жойлар санитария-маиший, эстетик, ёнғинга қарши ва экология талабларига жавоб бериши керак.
АЁҚШда фойдаланиладиган асбоб-ускуналар, автоёнилғи қуйиш техникаси тегишли нормаларга жавоб бериши, атроф-муҳитни ифлослантирмаслиги керак.
5. АЁҚШ атрофи куннинг қоронғи вақтларида амалдаги нормаларга мувофиқ ёритилган бўлиши керак. Ёнилғи ва нефть маҳсулотлари қуйиш жойларининг ёритилишига алоҳида эътибор берилиши керак.
7. АЁҚШ орқали сотиладиган нефть маҳсулотларининг сифати белгиланган Давлат стандартларига ва техник шартларга жавоб бериши керак.
Кейинги таҳрирга қаранг.
8. Ҳар бир АЁҚШда нефть маҳсулотларини ҳисобга олиш ва ўлчовларнинг ишончлилигини ҳамда бир хиллигини таъминлаш, шунингдек, уларнинг сифатини назорат қилиш учун зарур асбоб-ускуналар ва ўлчов воситалари бўлиши керак. Улар «Ўздавстандарт» маркази томонидан қўллашга рухсат этилган ва Давлат метрология хизматининг тамғасига ёки текширилганлиги тўғрисидаги гувоҳномага эга бўлишлари керак.
11. AЁҚШ ходимлари «Ўзбекнефтгаз» корпорациясининг корхоналари билан тузилган шартномаларга мувофиқ тайёргарликдан, қайта тайёргарликдан ўтишлари, малакаларини оширишлари, техника ва ёнғин хавфсизлигига оид билимларини текширувдан ўтказишлари керак. "Ўзбекнефтгаз" корпорациясининг тегишли гувоҳномаси бўлганда уларга ишлаш учун рухсат этилади.
Кўрсатиб ўтилган талабларни бажармаганлик учун АЁҚШ эгалари ва ходимлари мазкур фаолият билан шуғулланишларини тақиқлашгача бўлган жавобгарликка тортиладилар.