1.

Лицензия номи:

Фуқаровий ва хизмат қуролини ҳамда унинг ўқ-дориларини ишлаб чиқариш, таъмирлаш ва реализация қилиш фаолияти учун лицензия

2.

Лицензияланадиган фаолиятнинг кичик турлари:

фуқаровий ва хизмат қуролини ишлаб чиқариш;

фуқаровий ва хизмат қуролининг ўқ-дориларини ишлаб чиқариш;

фуқаровий ва хизмат қуролини таъмирлаш;

фуқаровий ва хизмат қуролини реализация қилиш;

фуқаровий ва хизмат қуролининг ўқ-дориларини реализация қилиш.

3.

Ариза берувчилар тоифаси:

Юридик шахслар

4.

Лицензияловчи орган:

Ўзбекистон Республикаси Ички ишлар вазирлиги

5.

Лицензияни олиш учун тақдим қилинадиган ҳужжатлар:

1. Лицензия олиш учун лицензия талабгори қуйидаги ҳужжатларни тақдим этади:

а) юридик шахснинг номи ва ташкилий-ҳуқуқий шакли, жойлашган жойи (почта манзили), банк ҳисобварағи, телефон рақамлари, электрон почта ва мавжуд бўлса веб-сайт манзили, ишлаб чиқарилиши, таъмирланиши ва (ёки) реализация қилиниши режалаштирилаётган фуқаровий ва хизмат қуролининг ҳамда унинг ўқ-дориларининг турлари кўрсатилган ҳолда амалга оширилиши мўлжалланаётган лицензияланадиган фаолият тури (унинг қисми), лицензияланадиган фаолият тури (унинг қисми) амалга ошириладиган жой (манзил) кўрсатилган лицензия бериш тўғрисидаги ариза;

б) лицензия талаблари ва шартларига мувофиқ лицензияланадиган фаолият турлари бўйича зарур бўлган барча ишларни амалга ошириш учун мўлжалланган моддий-техник база тўғрисида маълумотлар (махсус жиҳозланган биноларни, иншоотларни, хоналарни фойдаланишга қабул қилиш далолатномаси ёки уларни ижара олиш шартномаси, қўриқлашнинг муҳандислик-техник воситаларини ўрнатиш, ёнғинга қарши автоматика ва қўриқлаш-ёнғин сигнализацияси воситаларини монтаж қилиш далолатномалари, уларни Миллий гвардия органларининг техник қўриқлаш маркази қўриқловига олиш шартномаси);

в) лицензияланадиган фаолият турини (унинг қисмини) амалга оширишда юзага келган ёнғинни, аварияни ёки ўзга фавқулодда вазиятни бартараф этиш, унинг оқибатларини чеклаш ёки камайтириш бўйича лицензия талабгори маъмурияти ва ходимларининг ҳаракатларини белгиловчи аварияга оид ички режа;

г) юридик шахснинг раҳбарлари ва лицензияланадиган фаолият турлари билан бевосита боғлиқ ишларга жалб этилаётган ходимлари, уларнинг фамилияси, исми, отасининг исми, туғилган санаси ва жойи, доимий яшаш жойи, эгаллаб турган лавозими, лицензияланадиган фаолият тури бўйича иш стажи кўрсатилган рўйхати;

д) юридик шахс штатида руҳий ҳолати бузилганлиги, наркомания, токсикомания, алкоголизм бўйича диспансер ҳисобида турган ходимларнинг йўқлиги тўғрисидаги тегишли тиббиёт муассасалари маълумотномалари.

2. Фуқаровий ва хизмат қуролини ҳамда унинг ўқ-дориларини ишлаб чиқариш бўйича фаолиятни амалга оширишда қўшимча равишда қуйидагилар тақдим этилади:

а) лойиҳа ҳужжатларининг, бинолар ва иншоотларнинг, қўлланиладиган техника қурилмаларининг, саноат хавфсизлиги декларацияси ва фойдаланишга доир бошқа ҳужжатларнинг саноат хавфсизлиги талабларига мувофиқлиги тўғрисидаги саноат хавфсизлиги экспертизасининг хулосаси (фуқаровий ва хизмат ўқотар, пневматик ва сигнал берувчи қуролни ҳамда уларнинг ўқ-дориларини, шунингдек, ўзини ўзи ҳимоя қилиш қуролини ишлаб чиқариш бўйича фаолиятни амалга ошириш учун);

б) фуқаровий ва хизмат қуролини ҳамда унинг ўқ-дориларини ишлаб чиқаришга тааллуқли бўлган техник жиҳатдан тартибга солиш соҳасидаги норматив ҳужжатлар;

в) ишлаб чиқарилаётган маҳсулотнинг сифат назоратини таъминлаш имконини берадиган синов лабораториясининг мавжудлигини тасдиқловчи ҳужжат ёки бундай лаборатория билан синовларни ўтказишга доир ишларни амалга ошириш бўйича шартнома;

г) Миллий гвардия органларининг ёки идоравий (идорадан ташқари) ҳарбийлаштирилган қўриқлаш ёхуд идоравий қоровуллик хизматининг қўриқловини таъминлаш шартномаси;

д) мутахассисларнинг малакаси тўғрисидаги тегишли ҳужжатлар (техника, кон-техника, физика, кимёвий, ўзга тегишли (асосий) олий ва (ёки) ўрта махсус маълумот тўғрисидаги дипломларнинг, малака тоифаси берилганлиги, малакани ошириш курсларини ёки махсус тайёргарликдан ўтганлиги ҳақидаги сертификатлар ва ўзга ҳужжатларнинг нусхалари) илова қилинган маълумотлар (фуқаровий ва хизмат ўқотар, пневматик ва сигнал берувчи қуролни ҳамда уларнинг ўқ-дориларини, шунингдек, ўзини ўзи ҳимоя қилиш қуролини ишлаб чиқариш бўйича фаолиятни амалга ошириш учун).

6.

Аризани кўриб чиқиш учун тўланадиган йиғим миқдори:

Базавий ҳисоблаш миқдорининг 4 баравари

7.

Лицензия берилганлиги учун давлат божи миқдори:

Базавий ҳисоблаш миқдорининг 10 баравари

8.

Аризани кўриб чиқиш муддатлари:

30 иш кун

9.

Лицензия талаблари ва шартлари:

1. Фуқаровий ва хизмат қуролини ҳамда унинг ўқ-дориларини ишлаб чиқариш, таъмирлаш ва реализация қилиш бўйича фаолиятга қўйиладиган умумий лицензия талаблари ва шартлари:

а) лицензиат томонидан тегишли лицензияланадиган фаолият тури бўйича қонун ҳужжатларига, техник жиҳатдан тартибга солиш соҳасидаги норматив ҳужжатларга, хавфсизлик техникаси ва меҳнатни муҳофаза қилиш қоидаларига, ёнғин хавфсизлиги, атроф-муҳитни муҳофаза қилиш ва санитария-гигиена талабларига риоя қилиш;

б) аризада кўрсатилган лицензияланадиган фаолият турларини қонунчилик ҳужжатларига ҳамда техник жиҳатдан тартибга солиш соҳасидаги норматив ҳужжатлар талабларига мувофиқ тўлиқ ҳажмда амалга ошириш учун лицензия талабгорида мулк ҳуқуқи билан ёки бошқа қонуний асосда тегишли бўлган моддий-техник базанинг (махсус жиҳозланган бинолар, иншоотлар, хоналар, қўриқлашнинг муҳандислик-техник воситалари, ёнғинга қарши автоматика ва қўриқлаш-ёнғин сигнализацияси воситалари, технология асбоб-ускуналар, сейф ва металл жавонлар) мавжудлиги;

в) лицензияланадиган фаолият турини Қорақалпоғистон Республикаси Вазирлар Кенгаши, вилоятлар ва Тошкент шаҳри, туман (шаҳар) ҳокимликлари томонидан белгилаб берилган жойлардаги доимий равишда жойлашган стационар турдаги бино ва иншоотларда, шунингдек, лицензияда кўрсатилган доирада ҳамда жой (манзил) бўйича амалга ошириш;

г) фуқаровий ва хизмат қуроли ҳамда унинг ўқ-дорилари бут сақланишини таъминлаш ва улар мавжуд бўлган жойларга бегона шахсларнинг рухсатсиз киришини истисно этишга қаратилган режим чораларини кўриш, уларни ишлаб чиқариш, таъмирлаш ва реализация қилиш объектларида жисмоний ҳимоя қилиш бўйича тадбирларни амалга ошириш, уларни қўриқлашнинг муҳандислик-техник воситалари ҳамда Миллий гвардия органларининг техник қўриқлаш марказига уланган қўриқлаш-ёнғин сигнализацияси воситалари билан жиҳозлаш;

д) «Қурол тўғрисида»ги Ўзбекистон Республикаси Қонунининг 9-моддасига мувофиқ Ўзбекистон Республикаси ҳудудида муомаласи тақиқланган фуқаровий ва хизмат қуролининг ҳамда унинг ўқ-дориларининг чиқарилишига, таъмирланишига ва реализация қилинишига йўл қўймаслик;

е) ишлаб чиқарилган, таъмирланган, олинган ва реализация қилинган фуқаровий ва хизмат қуролининг ҳамда унинг ўқ-дориларининг ҳисобини юритиш, шунингдек, ҳисобга олиш ҳужжатларини ўн йил мобайнида сейфда сақлаш, ўз фаолиятини тўхтатган юридик шахслар томонидан ички ишлар органлари архивига топшириш;

ж) аварияга оид ички режани ишлаб чиқиш;

з) фавқулодда вазиятни бартараф этиш, унинг оқибатларини чеклаш ёки камайтириш, хавфли моддалар тарқалишининг (оқиб кетишининг) олдини олиш ва локаллаштириш учун зарур бўлган якка тартибдаги ва жамоавий ҳимояланиш воситаларининг, шунингдек, махсус воситаларнинг ҳисоб-китоб захираси ва турлари мавжудлиги, уларни ишчи ҳолатида сақлаш;

и) лицензияланадиган фаолият турлари билан бевосита боғлиқ ишларга қуйидаги ходимлар жалб этилмаслиги лозим:

йигирма беш ёшга тўлмаган;

доимий яшаш жойига эга бўлмаган;

руҳий ҳолати бузилганлиги, наркомания, токсикомания, алкоголизм бўйича диспансер ҳисобида турган;

«Қурол тўғрисида»ги Ўзбекистон Республикаси Қонунининг 13-моддаси ўнинчи қисмининг учинчи, бешинчи, олтинчи, еттинчи, саккизинчи, ўнинчи, ўн биринчи ва ўн иккинчи хатбошиларида белгиланган асослар мавжуд бўлган;

к) лицензияланадиган фаолият турлари билан бевосита боғлиқ ишларга жалб этилаётган ходимларни мунтазам равишда (ҳар йили) психиатрия ва наркология кўрикларидан ўтказиш;

л) лицензияловчи органга ишлаб чиқарилган, таъмирланган ва реализация қилинган фуқаровий ва хизмат қуроли ҳамда унинг ўқ-дорилари тўғрисидаги маълумотларни, шунингдек, лицензияланадиган фаолият турлари билан бевосита боғлиқ ишларга жалб этилаётган ходимларнинг рўйхатини тақдим этиш;

м) қурол тўғрисидаги қонунчилик ҳужжатларининг талабларига риоя этилишини текшириш учун Ички ишлар вазирлиги органлари ходимларининг фуқаровий ва хизмат қуроли ишлаб чиқариладиган, таъмирланадиган, реализация қилинадиган ва сақланадиган объектлар ҳудудига ҳамда жойларга соат 6-00 дан 22-00 гача монеликсиз киришини таъминлаш, танишиб чиқиш учун уларга зарур ҳужжатларни тақдим этиш;

н) лицензияланадиган фаолият турларини амалга ошириш чоғида фуқаровий ва хизмат қуроли ҳамда унинг ўқ-дорилари бут сақланишини, берилиши-қабул қилиб олинишини, ҳисобга олинишини ҳамда улардан фойдаланилишини таъминлаш мажбурияти зиммасига юкланган ходимларни белгилаш.

2. Фуқаровий ва хизмат қуролини ҳамда унинг ўқ-дориларини ишлаб чиқариш фаолиятига қўйиладиган қўшимча талаблар ва шартлари:

лицензия талабгори томонидан хавфли ишлаб чиқариш объектларининг саноат хавфсизлиги тўғрисидаги қонун ҳужжатларида белгиланган ҳолларда ва тартибда қўлланиладиган иншоотлар ва техника қурилмаларининг диагностикаси, синовлари, текшируви ўтказилишини, шунингдек, саноат хавфсизлиги экспертизасини ўтказиш тизимини жорий этиш (фуқаровий ва хизмат ўқотар, пневматик ва сигнал берувчи қуролни, уларнинг ўқ-дориларини ҳамда ўзини ўзи ҳимоя қилиш қуролини ишлаб чиқариш бўйича фаолиятни амалга ошириш учун);

техник регламентлар ёки стандартларнинг талабларига мувофиқ ишлаб чиқилган ишлаб чиқариладиган маҳсулотнинг ҳар бир тури бўйича технологик ва фойдаланишга доир ҳужжат (чизмалар, техник шартлар, технологик регламентлар, қўллаш бўйича йўриқнома)ларни юритиш;

ишлаб чиқарилаётган маҳсулотнинг сифат назоратини таъминлаш имконини берадиган синов лабораториясининг ёки бундай лаборатория билан синовларни ўтказишга доир ишларни амалга ошириш бўйича шартнома мавжудлиги;

фуқаровий ва хизмат қуролини ҳамда унинг ўқ-дориларини ишлаб чиқаришда ишлатиладиган хомашё ва компонентлар кирими ва чиқими ҳисобини юритиш;

ишлаб чиқарилган фуқаровий ва хизмат қуролини ҳамда унинг ўқ-дориларини сертификатлаштириш тартибига амал қилиш, эксплуатация қилишда хавфсизлик талабларига мувофиқлигини тасдиқловчи маркировкани, кейинчалик тамғалаш ёки унга мувофиқлик белгисини қўйиш;

ишлаб чиқариш объекти ҳудудида, ишлаб чиқариш, лаборатория ва омбор иншоотлари ҳамда хоналарида рухсат бериш ва объект ички режимини таъминлаш;

фуқаровий ва хизмат ўқотар қуролини ҳамда унинг ўқ-дориларини, оғиз қисмидаги қувват олтмиш беш жоулдан юқори ва калибри тўққиз миллиметрдан ортиқ бўлган пневматик ов қуролини ишлаб чиқариш бўйича фаолиятни амалга оширишда Миллий гвардия органларининг туну кун қуролли қўриқловини таъминлаш;

пневматик (оғиз қисмидаги қувват олтмиш беш жоулдан юқори ва калибри тўққиз миллиметрдан ортиқ бўлган пневматик ов қуролидан ташқари) ва сигнал берувчи ов қуролини, пневматик ва сигнал берувчи спорт қуролини, сигнал берувчи қуролнинг ўқ-дориларини, шунингдек, ўзини ўзи ҳимоя қилиш қуролини ишлаб чиқариш бўйича фаолиятни амалга оширишда Миллий гвардия органларининг ёки хизмат қуроли билан қуролланган идоравий (идорадан ташқари) ҳарбийлаштирилган қўриқлаш ёхуд идоравий қоровуллик хизматининг туну кун қуролли қўриқловини таъминлаш;

штатда лицензияланадиган фаолият турига (унинг қисмига) мувофиқ келадиган техника, кон-техника, физика, кимёвий, ўзига тегишли (асосий) олий ва (ёки) ўрта махсус маълумотга ҳамда малакага эга бўлган бўлган мутахассисларнинг, шунингдек, раҳбарнинг режим бўйича ўринбосари лавозими мавжудлиги (фуқаровий ва хизмат ўқотар, пневматик ва сигнал берувчи қуролни ҳамда унинг ўқ-дориларини, ўзини ўзи ҳимоя қилиш қуролини ишлаб чиқариш бўйича фаолиятни амалга оширишда);

3. Фуқаровий ва хизмат қуролини ҳамда унинг ўқ-дориларини реализация қилиш фаолиятига қўйиладиган қўшимча талаблар ва шартлари:

битта савдо залида қурол ва бошқа турдаги товарлар реализация қилинишига йўл қўймаслик, бундан спорт, ов ва балиқ овлаш ашёлари, қуролнинг эҳтиёт қисмлари ва пиротехника буюмлари мустасно;

савдо объектининг ташқи периметри ва ички ҳудудини, қуролхонани, кузатилмайдиган жойларни истисно этган ҳолда, замонавий видеокузатув тизимлари билан таъминлаш, шунингдек, ташқи периметр бўйлаб дўконга ва қуролхонага кириш эшикларининг ҳамда савдо залига ўрнатилган видеокузатув тизимларининг тасвирини Миллий гвардиянинг техник қўриқлаш марказига улаш;

бир вақтнинг ўзида сотувда мавжуд бўлган ўқотар ов қуролининг ҳар бир русумидан икки донадан кўп миқдордаги ўқотар ов қуроли ҳамда беш минг донадан ортиқ миқдордаги унинг патронлари сақланишига йўл қўймаслик, шунингдек, кўрсатилган миқдорлардан кўп миқдорлардаги ўқотар ов қуроли ва унинг патронлари шартномавий тартибда ички ишлар органларининг қуролхоналарида сақланишини ташкил этиш;

савдо объектлари ва қуролхоналарнинг кириш эшикларини қўриқлаш сигнализацияси воситалари билан таъминлаш ва уларни Миллий гвардиянинг техник қўриқлаш марказига улаш;

савдо объектида, шу жумладан, уларнинг ташқи қисмидаги қўриқлаш ва ёнғин хавфсизлиги тизимининг боғловчи электр ўтказгичлари ёпиқ тарзда ўтказилишини таъминлаш;

сотувга қўйилган ва сотилган қуролнинг электрон ҳисобини юритиш (қуролнинг русуми, серия рақами, ишлаб чиқарилган йили, ички ишлар органларининг қуролни реализация қилишга доир рухсатномаси рақами ва санаси, сотиб олган шахснинг фамилияси, исми, отасининг исми, яшаш манзили);

фуқаровий ва хизмат қуроли, унинг ўқ-дорилари, инициацияланадиган ва оловланадиган модда ва материал (порох ва пистон)лар шунингдек, сойли стволли ов қуролининг затвор механизмларини қуролхонада бир-биридан ажратилган холда (алоҳида сейф ва металл жавонларда) сақланишини таъминлаш;

реализация қилинаётган фуқаровий ва хизмат қуроли ҳамда унинг ўқ-дориларининг ҳар бир тури бўйича уларнинг хавфсизлиги ва истеъмол хоссаларини таъминлаш учун ахборотнинг тўлиқ берилишини таъминлайдиган гувоҳномалар, сертификатлар ва қўллаш бўйича йўриқномаларнинг мавжудлиги;

фуқаровий ва хизмат қуролини ички ишлар органларининг унда кўрсатилган қуролни олишга доир рухсатномаси асосида реализация қилиш, «Қурол тўғрисида»ги Ўзбекистон Республикаси Қонунининг 11-моддаси тўртинчи қисмига мувофиқ ички ишлар органларининг рухсатномаларисиз олинадиган фуқаровий ва хизмат қуроли бундан мустасно;

фуқаровий ва хизмат қуролининг ўқ-дориларини юридик шахсларга ички ишлар органларининг қуролни олишга доир унда кўрсатилган ўқ-дориларни олиш ҳуқуқини берувчи рухсатномаси асосида жисмоний шахсларга эса — ички ишлар органларининг олинаётган ўқ-дориларга мувофиқ бўлган қуролни сақлаш ва олиб юришга доир рухсатномаси тақдим этилганда, «Қурол тўғрисида»ги Ўзбекистон Республикаси Қонунининг 11-моддаси тўртинчи қисмига мувофиқ ички ишлар органларининг рухсатномаларисиз олинадиган фуқаровий ва хизмат қуролининг ўқ-дорилари бундан мустасно;

рақами ва ишлаб чиқарувчининг тамғаси мавжуд бўлмаган қуролни, ишлаб чиқарувчининг ахборот маркировкаси мавжуд бўлмаган ўқ-дориларни, шунингдек, заводда ишлаб чиқарилмаган (қўлбола) ёки қайта ишланган қурол реализация қилинишига йўл қўймаслик;

жисмоний шахсларга реализация қилинаётган тиғли совуқ ва сигнал берувчи ов қуролининг, ўқотар ов қуролининг ўқ-дориларини овчилар жамоат бирлашмаси томонидан берилган овчилик гувоҳномасида, ўзини ўзи ҳимоя қилиш қуролини эса — фуқаровий ва хизмат қуролини ҳамда унинг ўқ-дориларини реализация қилувчи юридик шахснинг ҳисобга олиш ҳужжатларида рўйхатдан ўтказиш;

истеъмолчиларнинг манфаатлари ва ҳуқуқларини таъминлаш, уларга фуқаровий ва хизмат қуролига ҳамда унинг ўқ-дориларига хизмат кўрсатиш, уларни ташиш, сақлаш, олиб юриш ва улардан фойдаланиш шартларини мижозларга етказиш.

10.

Лицензия беришда келишиладиган органлар:

Ўзбекистон Республикаси Давлат хавфсизлик хизмати (юридик шахснинг раҳбарлари ва ходимларини лицензияланадиган фаолият турлари билан бевосита боғлиқ ишларга жалб этиш юзасидан).

11.

Лицензиянинг амал қилиш муддати:

Чекланмаган.

12.

Изоҳ.

Асосий тушунчалар:

фуқаровий ва хизмат қуролини ҳамда унинг ўқ-дориларини ишлаб чиқариш — фуқаровий ва хизмат қуролини ҳамда унинг ўқ-дориларини, шунингдек, ўқотар қуролнинг асосий қисмларини тадқиқ этиш, синовдан ўтказиш, ишлаб чиқариш, фуқаровий ва хизмат қуролини ҳамда ўқотар қуролнинг асосий қисмларини реконструкция қилиш ва бадиий безаш;

фуқаровий ва хизмат қуролини ҳамда унинг ўқ-дориларини реконструкция қилиш — фуқаровий ва хизмат қуролининг ҳамда унинг ўқ-дориларининг, шунингдек, ўқотар қуролнинг асосий қисмларининг баллистик ва бошқа техник хусусиятларини ўзгартириш мақсадида уларга конструктив ўзгартиришлар киритиш;

фуқаровий ва хизмат қуролини таъмирлаш — фуқаровий ва хизмат қуролининг ҳамда ўқотар қуролнинг асосий қисмларининг баллистик ва бошқа техник хусусиятларини тиклаш;

фуқаровий ва хизмат қуролини ҳамда унинг ўқ-дориларини реализация қилиш — сотиб олинган ёки комиссия шартномалари бўйича сотувга қўйилган фуқаровий ва хизмат қуроли ҳамда унинг ўқ-дорилари, шунингдек, ўқотар қуролнинг асосий қисмлари билан савдо қилиш.

Қуйидаги фаолият лицензияланмайди:

а) пичоқларнинг миллий турларини (пичоқлар) ишлаб чиқариш, таъмирлаш ва реализация қилиш бўйича фаолият — тиғининг фиксатори бўлмаган, узунлиги 220 мм гача ва қалинлиги 2,5 мм гача бўлган анъанавий шаклда бажарилган, сопи суяк, ёғоч, эбонит ёки пластик материал қадаб нақш солинган халқ ҳунармандчилиги буюмлари;

б) қурол эгалари шахсий фойдаланиши учун аслаҳалаш бўйича фаолият — жисмоний шахслар томонидан силлиқ стволли ов қуролини сақлаш ва олиб юришга доир рухсатнома асосида ўзларига тегишли бўлган силлиқ стволли ов қуролининг патронлари;

в) қурол эгалари томонидан қуролни таъмирлаш ҳамда унинг бутловчи қисмларини алмаштириш фаолияти — жисмоний ва юридик шахслар томонидан қуролни сақлаш ва олиб юришга, сақлашга, коллекциялаш ёки кўргазмага қўйишга доир рухсатномалар асосида ўзларига тегишли бўлган фуқаровий ва хизмат қуролини таъмирлаш ҳамда унинг бутловчи қисмларини алмаштириш;

г) қурол эгалари томонидан қуролни ҳамда унинг ўқ-дориларини реализация қилиш фаолияти — жисмоний ва юридик шахслар томонидан қурол ва унинг ўқ-дориларини реализация қилишга доир рухсатномалар асосида ўзларига қонуний асосларда тегишли бўлган фуқаровий ва хизмат қуролини ҳамда унинг ўқ-дориларини реализация қилиш.

Фуқаровий ва хизмат қуролини ҳамда унинг ўқ-дориларини ишлаб чиқариш, таъмирлаш ва реализация қилиш бўйича фаолиятни амалга ошириш учун намунавий (оддий) лицензиялар берилади. Лицензия талабгорининг аризасига биноан лицензия лицензияланаётган фаолият турининг бутун фаолият турига ёки унинг бир қисмига (қисмларига) берилиши мумкин.

».

1.

Рухсат этиш хусусиятига эга ҳужжатнинг номи:

Фуқаровий ва хизмат қуролини ҳамда унинг ўқ-дориларини олиш, реализация қилиш, сақлаш, олиб юриш, ташиш, коллекциялаш, кўргазмага қўйиш, Ўзбекистон Республикаси ҳудудига олиб кириш ҳамда Ўзбекистон Республикаси ҳудудидан олиб чиқиш, Ўзбекистон Республикаси ҳудуди орқали транзит қилишга доир рухсатнома

2.

Амалга оширилиши учун рухсат этиш хусусиятига эга ҳужжатни олиш талаб этиладиган фаолият (ҳаракатлар):

Фуқаровий ва хизмат қуролини ҳамда унинг ўқ-дориларини олиш, реализация қилиш, сақлаш, олиб юриш, ташиш, коллекциялаш, кўргазмага қўйиш, Ўзбекистон Республикаси ҳудудига олиб кириш ҳамда Ўзбекистон Республикаси ҳудудидан олиб чиқиш, Ўзбекистон Республикаси ҳудуди орқали транзит қилиш

3.

Ариза берувчилар тоифаси:

Махсус хизмат вазифаларига эга бўлган, фуқаровий ва хизмат қуролини ҳамда унинг ўқ-дориларини ишлаб чиқариш, таъмирлаш ва реализация қилиш, қуролни ва унинг ўқ-дориларини коллекциялаш ва кўргазмага қўйиш, овчилик ва отиш спорти соҳасидаги фаолият билан шуғулланувчи юридик шахслар (кейинги ўринларда — юридик шахслар)

4.

Рухсат этиш тартиб-таомиллари соҳасидаги ваколатли орган:

1. Ўзбекистон Республикаси Ички ишлар вазирлиги Жамоат хавфсизлиги департаменти Жамоат тартибини сақлаш хизмати қуйидаги рухсатномаларни бериш бўйича:

а) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудудига олиб киришга доир;

б) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудудидан олиб чиқишга доир;

в) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудуди орқали транзит қилишга доир рухсатномалар бўйича.

2. Қурол ва унинг ўқ-дориларини сақлаш жойи жойлашган ҳудуд бўйича Ўзбекистон Республикаси Ички ишлар вазирлиги Транспорт ва туризм объектларида хавфсизликни таъминлаш департаменти («Ўзбекистон темир йўллари» акциядорлик жамиятининг ва «Uzbekistan Airways» акциядорлик жамияти «Uzbekistan airways technics» масъулияти чекланган жамиятининг Тошкент шаҳар ва Тошкент вилояти ҳудудида жойлашган идоравий ҳарбийлаштирилган қўриқлаш хизмати бўлинмаларига, «Uzbekistan Airports» акциядорлик жамиятининг «И. Каримов номидаги «Тошкент» халқаро аэропорти» масъулияти чекланган жамиятнинг ўз таркибида орнитология хизматига эга бўлган рухсат бериш ва объект ички режимини назорат қилиш отрядларига нисбатан), Қорақалпоғистон Республикаси Ички ишлар вазирлигининг, Тошкент шаҳар ва Тошкент вилояти ички ишлар бош бошқармаларининг ҳамда вилоятлар ички ишлар бошқармаларининг жамоат хавфсизлиги хизмати жамоат тартибини сақлаш бошқармалари қуйидаги рухсатномаларни бериш бўйича:

а) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини олишга доир;

б) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини реализация қилишга доир;

в) фуқаровий қурол ва унинг ўқ-дориларини, хизмат қуроли ва унинг ўқ-дориларини сақлашга доир;

г) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини ташишга доир;

д) қурол ва унинг ўқ-дориларини коллекциялашга доир;

е) қурол ва унинг ўқ-дориларини кўргазмага қўйишга доир

5.

Рухсат этиш хусусиятига эга ҳужжатни олиш учун тақдим қилинадиган ҳужжатлар:

Ариза.

Аризада қуйидаги маълумотлар кўрсатилади:

юридик шахснинг номи, солиқ тўловчининг идентификация рақами (СТИР), почта манзили, телефон рақами, электрон почта манзили (агар мавжуд бўлса), хизмат кўрсатувчи банкнинг номи ва ҳисобварағи;

ариза берувчининг бажармоқчи ва (ёки) амалга оширмоқчи бўлган аниқ ҳаракатлари ва (ёки) муайян фаолияти учун рухсатнома олишдан мақсади, ушбу ҳаракатларни бажариш ва (ёки) фаолиятни амалга оширишга дахлдор қурол (тури, хили, модели, калибри ва миқдори) ва унинг ўқ-дорилари (тури, калибри ва миқдори) тўғрисида жамланма маълумотлар;

ҳаракатлар бажариладиган ва (ёки) фаолият амалга ошириладиган жой, шунингдек, қурол ва унинг ўқ-дорилари жойлаштириладиган (сақланадиган) жой (объект) (қуролхона, ўқ отиш объекти, музейбоп тарзда коллекциялаш ёки кўргазмага қўйиш объекти);

ҳаракатлар бажариладиган ва (ёки) фаолият амалга ошириладиган тахминий муддат (зарур бўлганда).

Сўралаётган рухсатнома турига қараб, аризада қўшимча равишда қуйидагилар кўрсатилади:

а) фуқаровий, хизмат ва коллекциялаш қуроли ҳамда унинг ўқ-дориларини олишда — қурол ва унинг ўқ-дориларини олиш чоғида уларнинг бут сақланишини таъминлаш вазифалари юкланган юридик шахс масъул ходимининг фамилияси, исми, отасининг исми, туғилган санаси ва жойи, доимий яшаш жойи, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва уни берган орган номи тўғрисида маълумотлар;

б) фуқаровий, хизмат ва коллекциялаш қуроли ҳамда унинг ўқ-дориларини реализация қилишда — қурол ва унинг ўқ-дориларини реализация қилиш чоғида уларнинг бут сақланишини таъминлаш вазифалари юкланган юридик шахс масъул ходимининг фамилияси, исми, отасининг исми, туғилган санаси ва жойи, доимий яшаш жойи, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва уни берган орган номи, шунингдек, реализация қилиниши режалаштирилаётган фуқаровий ва хизмат қуроли ҳамда унинг ўқ-дориларини реализация қилиниши режалаштирилаётган бундай фаолиятни амалга ошириш учун лицензияга эга бўлган юридик шахснинг номи ва унинг манзили тўғрисида маълумотлар;

в) қурол ва унинг ўқ-дориларини қуролхоналарда сақлаш, шунингдек, уларни коллекциялаш ва кўргазмага қўйишда қуйидаги маълумотлар:

қурол ва унинг ўқ-дориларининг бут сақланишини, белгиланган тартибда берилиши-қабул қилиб олинишини ва ҳисоби юритилишини таъминлаш вазифалари юкланган масъул шахснинг фамилияси, исми, отасининг исми, туғилган санаси ва жойи, доимий яшаш жойи, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва берган орган номи тўғрисида маълумотлар;

қурол тўғрисида индивидуал (тури, хили, модели, калибри, ишлаб чиқарилган йили, завод серияси ва рақами) ҳамда унинг ўқ-дорилари тўғрисида жамланма (тури, калибри, партияси ва миқдори) маълумотлар;

қурол ва унинг ўқ-дориларини сақлаш, коллекциялаш ва кўргазмага қўйиш учун мавжуд моддий-техника базаси (махсус жиҳозланган бинолар, иншоотлар, хоналар, қўриқлашнинг муҳандислик-техник, ёнғинга қарши автоматика ва қўриқлаш-ёнғин сигнализацияси воситалари, сейфлар ва металл шкафлар), қурол ва унинг ўқ-дориларини сақлаш, коллекциялаш ва кўргазмага қўйиш объекти ҳудудини иш ва ишдан ташқари вақтда қўриқлаш тартиби тўғрисида маълумотлар;

ҳар куни кўргазма иши тугагач, қурол ва унинг ўқ-дориларини топшириш учун қуролхона тўғрисида маълумотлар (қурол ва унинг ўқ-дориларини кўргазмага қўйишда — қурол ва унинг ўқ-дориларини очиқ витриналар ва стендларда кўргазмага қўйишда);

кўргазманинг чет эллик иштирокчиларига тегишли қурол ва унинг ўқ-дориларининг кўргазма объекти ҳудудига ташилишини, қабул қилиб олинишини ва жойлаштирилишини таъминлаш вазифалари юкланган юридик шахснинг масъул ходимининг фамилияси, исми, отасининг исми, туғилган санаси ва жойи, доимий яшаш жойи, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва уни берган орган номи тўғрисида маълумотлар (чет эллик иштирокчиларнинг олиб кирилган қуроли ва унинг ўқ-дориларини кўргазма қўйишда);

г) фуқаровий ва хизмат қуроли ҳамда унинг ўқ-дориларини ўқ отиш объектлари ҳудудида сақлашда қуйидаги маълумотлар:

қурол ва унинг ўқ-дориларининг бут сақланишини, белгиланган тартибда берилиши-қабул қилиб олинишини ва ҳисоби юритилишини таъминлаш вазифалари юкланган масъул шахснинг фамилияси, исми, отасининг исми, туғилган санаси ва жойи, доимий яшаш жойи, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва берган орган номи тўғрисида маълумотлар;

қурол тўғрисида индивидуал (тури, хили, модели, калибри, ишлаб чиқарилган йили, завод серияси ва рақами) ҳамда унинг ўқ-дорилари тўғрисида жамланма (тури, калибри, партияси ва миқдори) маълумотлар;

қурол ва унинг ўқ-дориларини сақлаш учун мавжуд моддий-техника базаси (махсус жиҳозланган бинолар, иншоотлар, хоналар, қўриқлашнинг муҳандислик-техник, ёнғинга қарши автоматика ва қўриқлаш-ёнғин сигнализацияси воситалари, сейфлар ва металл шкафлар), қурол ва унинг ўқ-дориларини сақлаш объекти ҳудудини иш ва ишдан ташқари вақтда қўриқлаш тартиби тўғрисида маълумотлар;

нишонни жойлаш ва узатиш ускуналари, ўқ отиш учун тўсиқлар ва бошқа ўқ отиш анжомлари тури тўғрисида;

ўқ отиш бўйича мутахассислар (тренерлар, инструкторлар)нинг фамилияси, исми, отасининг исми, туғилган санаси ва жойи, доимий яшаш жойи, мутахассислик бўйича иш стажи, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва уни берган орган номи тўғрисида маълумотлар;

д) қурол ва унинг ўқ-дориларини ташишда қуйидаги маълумотлар:

юкни жўнатувчи, қабул қилувчи ва уни ташишга тақдим этувчи ташкилот, Ўзбекистон Республикаси ҳудуди бўйлаб ташиш йўналиши, фойдаланиладиган автотранспорт тури тўғрисида (автомобиль транспортида ташишда — транспорт воситаларининг русуми ва давлат рўйхат белгилари);

қурол ва унинг ўқ-дориларининг бут сақланишини, кузатиб борилишини ва қўриқланишини таъминлаш вазифалари юкланган юридик шахс масъул ходимларининг лавозими, фамилияси, исми, отасининг исми, туғилган санаси ва жойи, доимий яшаш жойи, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва уни берган орган номи тўғрисида (ўн донадан кўп ўқотар қурол ёки унинг беш юз донадан ортиқ ўқ-дорилари Миллий гвардия органлари, ички ишлар органлари ёки идоравий ҳарбийлаштирилган қўриқлаш хизмати қуролли қўриқловининг кузатуви остида ташиш ҳолатлари бундан мустасно);

ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркуми ташилаётган йўлда қуролли қўриқловнинг кузатуви билан таъминлаш тўғрисида (Миллий гвардия, ички ишлар органлари ёки идоравий ҳарбийлаштирилган қўриқлаш хизмати томонидан автомобиль транспортида ташишда, «Ўзбекистон темир йўллари» АЖ ҳарбийлаштирилган қўриқлаш хизмати томонидан темир йўл транспортида ташишда);

е) фуқаровий, хизмат, коллекциялаш ва кўргазмага қўйиш қуроли ҳамда унинг ўқ-дориларини Ўзбекистон Республикаси ҳудудига олиб кириш, Ўзбекистон Республикаси ҳудудидан олиб чиқиш ва Ўзбекистон Республикаси ҳудуди орқали транзит қилишда қуйидаги маълумотлар:

юкнинг Ўзбекистон Республикаси Ташқи иқтисодий фаолият товар номенклатураси (ТИФ ТН), БМТ номенклатураси бўйича коди, юкни жўнатувчи, қабул қилувчи ва уни ташишга тақдим этувчи ташкилот, юкни жўнатиш ва Ўзбекистон Республикаси ҳудудига кириш жойлари (юкни етказиш ва Ўзбекистон Республикаси ҳудудидан чиқиш жойлари), Ўзбекистон Республикаси ҳудуди бўйлаб ташиш йўналиши, фойдаланиладиган транспорт тури (автомобиль транспортида ташишда — транспорт воситаларининг русуми ва давлат рўйхати белгилари), олиб кириш (олиб чиқиш, транзит қилиш)нинг тахминий вақти, шунингдек транзит қатнашчилари бўлган давлатлар ҳудуди бўйлаб ҳаракатланишнинг мўлжалланаётган йўналиши тўғрисида маълумотлар;

қурол ва унинг ўқ-дориларини автомобиль транспортида олиб кириш ва олиб чиқишда уларнинг бут сақланишини, кузатиб борилишини ва қўриқланишини таъминлаш вазифалари юкланган юридик шахс масъул ходимларининг лавозими, фамилияси, исми, отасининг исми, туғилган санаси ва жойи, доимий яшаш жойи, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва уни берган органи тўғрисида (олиб кирилган, олиб чиқилган ва транзит қилинган қурол ҳамда унинг ўқ-дориларини Миллий гвардия, ички ишлар органлари ёки идоравий ҳарбийлаштирилган қўриқлаш хизмати қуролли қўриқловининг ёхуд Давлат йўл ҳаракати хавфсизлиги хизмати бўлинмаларининг кузатуви остида ташиш ҳоллари бундан мустасно);

қурол ва унинг ўқ-дориларини Миллий гвардия, ички ишлар органлари ёки идоравий ҳарбийлаштирилган қўриқлаш хизмати, жумладан, «Ўзбекистон темир йўллари» АЖ ҳарбийлаштирилган қўриқлаш хизмати қуролли қўриқловининг ёхуд Давлат йўл ҳаракати хавфсизлиги хизмати бўлинмаларининг кузатуви билан таъминлаш тўғрисида.

Рухсатнома турига қараб, аризага ваколатли орган бошқа ваколатли органлардан мустақил равишда оладиган ҳужжатлардан ташқари қўшимча равишда қуйидаги ҳужжатлар илова этилади:

1. Фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини олиш учун:

а) фуқаровий ва хизмат қуроли ҳамда унинг ўқ-дориларини олишга доир контракт (шартнома);

б) қурол ва унинг ўқ-дориларини олишда уларни бут сақланишни таъминлаш вазифалари юкланган масъул ходимни тайинлаш тўғрисида юридик шахснинг буйруғи ёки фармойиш тусидаги бошқа ҳужжат нусхаси;

в) Ўзбекистон Республикаси Ички ишлар вазирлиги билан келишилган, қурол ва унинг ўқ-дорилари билан таъминлаш нормаларига мувофиқ юридик шахснинг юқори турувчи давлат ва хўжалик бошқаруви республика органлари томонидан (мавжуд бўлса) тасдиқланган қурол (хили, модели ва калибри бўйича) ва унинг ўқ-дориларига (тури ва калибри бўйича) бўлган талаб миқдорининг ҳисоби (фуқаровий ва хизмат қуроли ҳамда унинг ўқ-дориларини олишда).

Фуқаровий ва хизмат қуролининг сарфланган, йўқотилган ёки йўқ қилиш учун топширилган ўқ-дорилари ўрнига ўқ-дорилар олиш учун ўқ-дорилар ҳисобдан чиқарилганлигининг қонунийлигини тасдиқловчи ҳужжатлар (ўқ-дориларни ҳисобдан чиқариш далолатномалари, ўқув-машқ отишлари ва бошқа отишларни ўтказиш чоғида сарфланган ўқ-дориларга доир тарқатиш-топшириш қайдномалари, ўқ-дориларни йўқ қилиш учун қабул қилиб олиш (топшириш) далолатномалари) қўшимча равишда тақдим этилади.

2. Фуқаровий ва хизмат қуролини ҳамда унинг ўқ-дориларини реализация қилиш бўйича фаолиятни амалга ошириш учун лицензияга эга бўлмаган юридик шахслар томонидан фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини реализация қилиш учун:

а) фуқаровий ва хизмат қуролини ҳамда унинг ўқ-дориларини реализация қилиш учун лицензияга эга бўлган юридик шахс билан қурол ва унинг ўқ-дориларини комиссион тарзда реализация қилиш бўйича контракт (шартнома) нусхаси;

б) қурол ва унинг ўқ-дориларини реализация қилишда, уларни бут сақланишини таъминлаш вазифалари юкланган масъул ходимни тайинлаш тўғрисида юридик шахснинг буйруғи ёки фармойиш тусидаги бошқа ҳужжат нусхаси.

3. Фуқаровий қурол ва унинг ўқ-дориларини, хизмат қуроли ва унинг ўқ-дориларини сақлаш учун:

а) қурол ва унинг ўқ-дориларини сақлашга мўлжалланган бино, иншоот, хоналар ариза берувчига эгалик ёки бошқа ашёвий ҳуқуқ асосида юридик шахсга тегишли эканлигини тасдиқловчи ҳужжатлар нусхалари;

б) қўриқлаш-ёнғин сигнализацияси, ёнғинга қарши автоматика ва қўриқлашнинг муҳандислик-техник воситалари, жисмоний ҳимоянинг бошқа техник воситалари ҳамда видеокузатув тизимлари монтаж қилинганлиги юзасидан тузилган далолатномалар нусхалари;

в) қуролхона Миллий гвардия органларининг техник қўриқлаш маркази орқали қўриқловга олинганлиги тўғрисида тузилган шартнома нусхаси;

г) ўрганишлар, тадқиқотлар, кўриклар ёки бошқа илмий ва техник баҳолашлар якуни асосида хулоса (мавжуд бўлса);

д) қурол ва унинг ўқ-дорилари бут сақланишини, берилиши-қабул қилиб олинишини, ҳисобга олинишини ва улардан фойдаланилишини таъминлаш вазифалари юкланган масъул ходимни тайинлаш тўғрисида юридик шахснинг буйруғи ёки фармойиш тусидаги бошқа ҳужжат нусхаси;

е) қурол ва унинг ўқ-дорилари муомаласи соҳасида бевосита ҳаракатни амалга оширувчи ва (ёки) фаолиятни бажарувчи юридик шахснинг раҳбарлари ва ходимларининг (хизмат вазифаларига мувофиқ қурол ва унинг ўқ-дорилари билан тўғридан-тўғри ишлайдиганлар), қўриқлаш хизмати (мавжуд бўлганда) ходимларининг фамилияси, исми, отасининг исми, туғилган жойи ва санаси, доимий яшаш жойи, эгаллаб турган лавозими, мутахассислиги бўйича иш стажи кўрсатилган рўйхати;

з) қурол ва унинг ўқ-дориларини сақлаш ва улардан фойдаланиш жараёнида юзага келган ёнғинни, аварияни ёки бошқа фавқулодда вазиятни бартараф этиш, унинг оқибатларини чеклаш ёки камайтириш бўйича юридик шахс маъмурияти ва ходимларининг ҳаракатларини белгиловчи аварияга оид тасдиқланган ички режа;

и) қурол ҳамда унинг ўқ-дориларини рўйхатдан ўтказиш учун — фуқаровий ва хизмат қуроли ва унинг ўқ-дориларини реализация қилишга доир лицензияга эга бўлган юридик шахснинг олинган қурол (тури, хили, модели, калибри, ишлаб чиқарилган йили, завод серияси ва рақамини кўрсатган ҳолда) ва унинг ўқ-дорилари (тури, калибри, миқдорини кўрсатган ҳолда) тўғрисида белгиси қўйилган қурол ва унинг ўқ-дорилари олишга доир рухсатнома (сақлашга доир рухсатномани расмийлаштириш ёки унга ўзгартириш киритиш учун);

4. Фуқаровий қурол ва унинг ўқ-дориларини, хизмат қуроли ва унинг ўқ-дориларини ўқ отиш объекти ҳудудида сақлаш учун:

а) қурол ва унинг ўқ-дориларини сақлашга мўлжалланган бино, иншоот, хоналар ариза берувчига эгалик ёки бошқа ашёвий ҳуқуқ асосида юридик шахсга тегишли эканлигини тасдиқловчи ҳужжатлар нусхалари;

б) қўриқлаш-ёнғин сигнализацияси, ёнғинга қарши автоматика ва қўриқлашнинг муҳандислик-техник воситалари, жисмоний ҳимоянинг бошқа техник воситалари ҳамда видеокузатув тизимлари монтаж қилинганлиги юзасидан тузилган далолатномалар нусхалари;

в) қуролхона Миллий гвардия органларининг техник қўриқлаш маркази орқали қўриқловга олинганлиги тўғрисида тузилган шартнома нусхаси;

г) ўрганишлар, тадқиқотлар, кўриклар ёки бошқа илмий ва техник баҳолашлар якуни асосида хулоса (мавжуд бўлса);

д) қурол ва унинг ўқ-дорилари бут сақланишини, берилиши-қабул қилиб олинишини, ҳисобга олинишини ва улардан фойдаланилишини таъминлаш вазифалари юкланган масъул ходимни тайинлаш тўғрисида юридик шахснинг буйруғи ёки фармойиш тусидаги бошқа ҳужжат нусхаси;

е) қурол ва унинг ўқ-дорилари муомаласи соҳасида бевосита ҳаракатни амалга оширувчи ва (ёки) фаолиятни бажарувчи юридик шахснинг раҳбарлари ва ходимларининг (хизмат вазифаларига мувофиқ қурол ва унинг ўқ-дорилари билан тўғридан-тўғри ишлайдиганлар), қўриқлаш хизмати (мавжуд бўлганда) ходимларининг фамилияси, исми, отасининг исми, туғилган жойи ва санаси, доимий яшаш жойи, эгаллаб турган лавозими, мутахассислиги бўйича иш стажи кўрсатилган рўйхати;

з) қурол ва унинг ўқ-дориларини сақлаш ва улардан фойдаланиш жараёнида юзага келган ёнғинни, аварияни ёки бошқа фавқулодда вазиятни бартараф этиш, унинг оқибатларини чеклаш ёки камайтириш бўйича юридик шахс маъмурияти ва ходимларининг ҳаракатларини белгиловчи аварияга оид тасдиқланган ички режа;

и) қурол ҳамда унинг ўқ-дориларини рўйхатдан ўтказиш учун — фуқаровий ва хизмат қуроли ва унинг ўқ-дориларини реализация қилишга доир лицензияга эга бўлган юридик шахснинг олинган қурол (тури, хили, модели, калибри, ишлаб чиқарилган йили, завод серияси ва рақамини кўрсатган ҳолда) ва унинг ўқ-дорилари (тури, калибри, миқдорини кўрсатган ҳолда) тўғрисида белгиси қўйилган қурол ва унинг ўқ-дорилари олишга доир рухсатнома (сақлашга доир рухсатномани расмийлаштириш ёки унга ўзгартириш киритиш учун);

к) ўқ отиш объекти ҳудудидан ташқаридаги объектларга зиён етказишини истисно этувчи хавфсиз ҳудуд радиуси доирасида туташган ҳудуднинг қуйидагилар белгиси қўйилган ва тир, ўқ отиш стенди, ўқ отиш майдони ҳудудининг қуйидагилар белгиси қўйилган ҳолдаги схематик режаси (масофаларни метрда кўрсатган ҳолда):

хавфсиз ҳудуд периметри бўйлаб жойлашган ташқи тўсиқнинг тури ва баландлиги, тўсиқда мавжуд бўлган дарвоза, эшик ва дарчалар;

қўриқлаш постлари сони ва жойлашуви, улар орасидаги алоқа воситалари;

қуролхона, ўқ отиш галереяси, ўқ отиш майдончалари ва ўқ отиш жойидаги тўсиқларнинг жойлашуви;

ўқ отиш йўналишини кўрсатган ҳолда, нишонни жойлаш ва узатиш ускуналари учун миноралар ва будкаларнинг, ёпиқ турдаги хандақларнинг, бошқа ўқ отиш анжомларининг жойлашуви, тури ва номи;

ўқ ўтказмайдиган деворлар ва шип қисмида кўндаланг тарзда жиҳозланган ўқни ушлаб қолиш мосламаларининг жойлашуви (ярим очиқ турдаги ўқотар тирлари учун);

ўқ очишнинг йўналиши (нишон ҳудуди)да ва ён томонида ўқни қабул қилиш (ҳимоя қилиш) тупроқ дўнгликлари жойлашуви (очиқ турдаги ўқотар тирлари ва таркибида очиқ турдаги ўқотар тирлари бўлган ўқ отиш майдонлари учун).

Ариза берувчининг хоҳишига қараб, схематик режага тушунтириш хати илова қилиниши мумкин.

л) фойдаланиладиган ўқ отиш жиҳозлари ва анжомларнинг қисқача рўйхати ва таърифи;

м) ўқ отиш объекти ҳудудида рухсат бериш ва объект ички режимини амалга ошириш, қурол ва унинг ўқ-дориларини бут сақлаш, бериш-қабул қилиб олиш, ҳисобга олиш, олиб юриш ва улардан хавфсиз фойдаланишни таъминлаш бўйича тасдиқланган ички йўриқнома;

н) малака даражасига тааллуқли ҳужжатларни (малака ошириш курслари ёки махсус тайёргарликдан ўтганлиги, малака даражасини бериш тўғрисида диплом, сертификат ва бошқа ҳужжатлар нусхалари) илова қилган ҳолда, ўқ отиш жараёнини тўғридан-тўғри назорат қилиш, қурол ва унинг ўқ-дориларидан хавфсиз фойдаланиш қоидалари бўйича фуқаролар билан мажбурий дастлабки йўриқнома ўтказиш вазифалари юкланган ўқ отиш бўйича мутахассисларни (тренер, инструкторлар) тайинлаш тўғрисида буйруқ ёки фармойиш тусидаги бошқа ҳужжат нусхаси (буйруқда уларнинг малака даражаси кўрсатилган бўлиши лозим).

5. Фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини автомобиль транспортида ташиш учун:

а) ташилаётган қурол ва унинг ўқ-дорилари бут сақланиши, шунингдек, уларни кузатиб бориш ва қўриқловни таъминлаш мажбурияти юкланган масъул ходимларни тайинлаш тўғрисида юридик шахснинг буйруғи ёки фармойиш тусидаги бошқа ҳужжатининг нусхаси (Миллий гвардия, ички ишлар органлари ёхуд идоравий ҳарбийлаштирилган қўриқлаш хизмати ходимлари кузатуви остида ташилаётган ҳоллар бундан мустасно);

б) ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дориларини ташиш Миллий гвардия органлари, ички ишлар органлари ёки идоравий ҳарбийлаштирилган қўриқлаш хизмати ходимлари томонидан кузатиб борилишини таъминлаш тўғрисида тузилган шартноманинг нусхаси;

в) автомобиль транспортида қурол ва унинг ўқ-дориларини ташиш бўйича хизмат кўрсатишни таъминлаш тўғрисида тузилган шартнома нусхаси (ташишни ариза берувчига тегишли бўлмаган транспорт воситасида амалга оширишда).

6. Фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини темир йўл транспортида ташиш учун — ташилаётган қурол ва унинг ўқ-дорилари туркумини «Ўзбекистон темир йўллари» АЖ ҳарбийлаштирилган қўриқлаш хизмати ходимлари томонидан кузатиб боришни таъминлаш тўғрисида тузилган шартноманинг нусхаси.

7. Қурол ва унинг ўқ-дориларини коллекциялаш учун:

а) қурол ва унинг ўқ-дориларини сақлашга мўлжалланган бино, иншоот, хоналар ариза берувчига эгалик ёки бошқа ашёвий ҳуқуқ асосида юридик шахсга тегишли эканлигини тасдиқловчи ҳужжатлар нусхалари;

б) қўриқлаш-ёнғин сигнализацияси, ёнғинга қарши автоматика ва қўриқлашнинг муҳандислик-техник воситалари, жисмоний ҳимоянинг бошқа техник воситалари ҳамда видеокузатув тизимлари монтаж қилинганлиги юзасидан тузилган далолатномалар нусхалари;

в) ўрганишлар, тадқиқотлар, кўриклар ёки бошқа илмий ва техник баҳолашлар якуни асосида хулоса (мавжуд бўлса);

г) қурол ва унинг ўқ-дорилари бут сақланишини, берилиши-қабул қилиб олинишини, ҳисобга олинишини ва улардан фойдаланилишини таъминлаш вазифалари зиммасига юкланган масъул ходимни тайинлаш тўғрисида юридик шахснинг буйруғи ёки фармойиш тусидаги бошқа ҳужжат нусхаси;

д) қурол ва унинг ўқ-дорилари муомаласи соҳасида бевосита ҳаракатни амалга оширувчи ва (ёки) фаолиятни бажарувчи юридик шахснинг раҳбарлари ва ходимларининг (хизмат вазифаларига мувофиқ қурол ва унинг ўқ-дорилари билан тўғридан-тўғри ишлайдиганлар), қўриқлаш хизмати (мавжуд бўлганда) ходимларининг фамилияси, исми, отасининг исми, туғилган жойи ва санаси, доимий яшаш жойи, эгаллаб турган лавозими, мутахассислиги бўйича иш стажи кўрсатилган рўйхати;

е) қурол ва унинг ўқ-дориларини сақлаш ва улардан фойдаланиш жараёнида юзага келган ёнғинни, аварияни ёки бошқа фавқулодда вазиятни бартараф этиш, унинг оқибатларини чеклаш ёки камайтириш бўйича юридик шахс маъмурияти ва ходимларининг ҳаракатларини белгиловчи аварияга оид тасдиқланган ички режа;

ж) қурол ҳамда унинг ўқ-дориларини рўйхатдан ўтказиш учун — фуқаровий ва хизмат қуроли ва унинг ўқ-дориларини реализация қилишга доир лицензияга эга бўлган юридик шахснинг олинган қурол (тури, хили, модели, калибри, ишлаб чиқарилган йили, завод серияси ва рақамини кўрсатган ҳолда) ва унинг ўқ-дорилари (тури, калибри, миқдорини кўрсатган ҳолда) тўғрисида белгиси қўйилган қурол ва унинг ўқ-дорилари олишга доир рухсатнома (сақлашга доир рухсатномани расмийлаштириш ёки унга ўзгартириш киритиш учун).

8. Қурол ва унинг ўқ-дориларини кўргазмага қўйиш учун:

а) қурол ва унинг ўқ-дориларини сақлашга мўлжалланган бино, иншоот, хоналар ариза берувчига эгалик ёки бошқа ашёвий ҳуқуқ асосида юридик шахсга тегишли эканлигини тасдиқловчи ҳужжатлар нусхалари;

б) қўриқлаш-ёнғин сигнализацияси, ёнғинга қарши автоматика ва қўриқлашнинг муҳандислик-техник воситалари, жисмоний ҳимоянинг бошқа техник воситалари ҳамда видеокузатув тизимлари монтаж қилинганлиги юзасидан тузилган далолатномалар нусхалари;

в) қуролхона Миллий гвардия органларининг техник қўриқлаш маркази орқали қўриқловга олинганлиги тўғрисида тузилган шартнома нусхаси;

г) ўрганишлар, тадқиқотлар, кўриклар ёки бошқа илмий ва техник баҳолашлар якуни асосида хулоса (мавжуд бўлса);

д) қурол ва унинг ўқ-дорилари бут сақланишини, берилиши-қабул қилиб олинишини, ҳисобга олинишини ва улардан фойдаланилишини таъминлаш вазифалари юкланган масъул ходимни тайинлаш тўғрисида юридик шахснинг буйруғи ёки фармойиш тусидаги бошқа ҳужжат нусхаси;

е) қурол ва унинг ўқ-дорилари муомаласи соҳасида бевосита ҳаракатни амалга оширувчи ва (ёки) фаолиятни бажарувчи юридик шахснинг раҳбарлари ва ходимларининг (хизмат вазифаларига мувофиқ қурол ва унинг ўқ-дорилари билан тўғридан-тўғри ишлайдиганлар), қўриқлаш хизмати (мавжуд бўлганда) ходимларининг фамилияси, исми, отасининг исми, туғилган жойи ва санаси, доимий яшаш жойи, эгаллаб турган лавозими, мутахассислиги бўйича иш стажи кўрсатилган рўйхати;

з) қурол ва унинг ўқ-дориларини сақлаш ва улардан фойдаланиш жараёнида юзага келган ёнғинни, аварияни ёки бошқа фавқулодда вазиятни бартараф этиш, унинг оқибатларини чеклаш ёки камайтириш бўйича юридик шахс маъмурияти ва ходимларининг ҳаракатларини белгиловчи аварияга оид тасдиқланган ички режа;

и) қурол ҳамда унинг ўқ-дориларини рўйхатдан ўтказиш учун — фуқаровий ва хизмат қуроли ва унинг ўқ-дориларини реализация қилишга доир лицензияга эга бўлган юридик шахснинг олинган қурол (тури, хили, модели, калибри, ишлаб чиқарилган йили, завод серияси ва рақамини кўрсатган ҳолда) ва унинг ўқ-дорилари (тури, калибри, миқдорини кўрсатган ҳолда) тўғрисида белгиси қўйилган қурол ва унинг ўқ-дорилари олишга доир рухсатнома (сақлашга доир рухсатномани расмийлаштириш ёки унга ўзгартириш киритиш учун);

к) қурол ва унинг ўқ-дориларини кўргазмага қўйиш учун хоналарни ижара олиш (ўз эгалигида бундай хоналар бўлмаганда), қуролни ва унинг ўқ-дориларини кўргазмага қўйиш тартиби, уларнинг бут сақланишини таъминлаш бўйича ушбу хоналар қўриқлашнинг муҳандислик-техник воситалари ўрнатилганлиги ҳамда қўриқлаш-ёнғин сигнализацияси ва видеокузатув тизимлари монтаж қилинганлиги тўғрисида тузилган далолатномалар нусхаларини илова қилган ҳолда шартнома, шунингдек, Миллий гвардия органларининг техник қўриқлаш маркази орқали қўриқловга олинганлиги тўғрисида тузилган шартнома нусхалари;

л) кўргазмага қўйиш режаси ва экспозицияларнинг (кўргазма объектларининг) жойлашув схемалари (келишиш учун);

м) кўргазманинг чет эллик иштирокчилари учун уларга тегишли қурол ва унинг ўқ-дориларини Ўзбекистон Республикаси ҳудудига олиб кириш, Ўзбекистон Республикаси ҳудуди бўйлаб ташишга доир рухсатномаларни олиш учун ҳужжатлар (чет эллик иштирокчилари олиб кираётган қурол ва унинг ўқ-дориларини кўргазмага қўйишда).

9. Фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини Ўзбекистон Республикаси ҳудудига автомобиль транспортида олиб кириш учун (Ўзбекистон Республикаси ҳудудига спорт тадбирларида (кўргазмада) иштирок этиш учун қайтиб олиб чиқиб кетиш шарти билан олиб кириладиган спорт ва кўргазмага қўйиш қуроли ҳамда унинг ўқ-дорилари бундан мустасно):

а) қурол ва унинг ўқ-дориларини етказиб беришга доир контракт (шартнома) нусхаси, бир нечта туркумларда олиб кирилганида, уларни олиб кириш жадвали;

б) олиб кирилаётган қурол ва унинг ўқ-дориларини ишлаб чиқарувчи томонидан берилган мувофиқлик сертификатларининг ўрнатилган тартибда давлат тилига таржима қилинган ва тасдиқланган нусхалари;

в) автомобиль транспортининг халқаро ташишларни амалга оширишга рухсат этилганлиги тўғрисида гувоҳнома нусхаси;

г) ташилаётган қурол ва унинг ўқ-дорилари бут сақланиши, шунингдек, уларни кузатиб бориш ва қўриқловни таъминлаш мажбурияти юкланган масъул ходимларни тайинлаш тўғрисида юридик шахснинг буйруғи ёки фармойиш тусидаги бошқа ҳужжатининг нусхаси (Миллий гвардия, ички ишлар органлари ёхуд идоравий ҳарбийлаштирилган қўриқлаш хизмати ходимлари кузатуви остида ташилаётган ҳоллар бундан мустасно);

д) ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дориларини ташиш Миллий гвардия органлари, ички ишлар органлари ёки идоравий ҳарбийлаштирилган қўриқлаш хизмати ходимлари томонидан кузатиб борилишини таъминлаш тўғрисида тузилган шартноманинг нусхаси;

е) автомобиль транспортида қурол ва унинг ўқ-дориларини ташиш бўйича хизмат кўрсатишни таъминлаш тўғрисида тузилган шартнома нусхаси (ташишни ариза берувчига тегишли бўлмаган транспорт воситасида амалга оширишда).

10. Фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини Ўзбекистон Республикаси ҳудудига темир йўл транспортида олиб кириш учун (Ўзбекистон Республикаси ҳудудига спорт тадбирларида (кўргазмада) иштирок этиш учун қайтиб олиб чиқиб кетиш шарти билан олиб кириладиган спорт ва кўргазмага қўйиш қуроли ҳамда унинг ўқ-дорилари бундан мустасно):

а) қурол ва унинг ўқ-дориларини етказиб беришга доир контракт (шартнома) нусхаси, бир нечта туркумларда олиб кирилганида, уларни олиб кириш жадвали;

б) олиб кирилаётган қурол ва унинг ўқ-дориларини ишлаб чиқарувчи томонидан берилган мувофиқлик сертификатларининг ўрнатилган тартибда давлат тилига таржима қилинган ва тасдиқланган нусхалари;

в) ташилаётган қурол ва унинг ўқ-дорилари туркумини «Ўзбекистон темир йўллари» АЖ ҳарбийлаштирилган қўриқлаш хизмати ходимлари томонидан кузатиб боришни таъминлаш тўғрисида тузилган шартноманинг нусхаси.

11. Кўргазмага қўйиш ва спорт қуроли ҳамда унинг ўқ-дорилари Ўзбекистон Республикаси ҳудудига спорт тадбирлари (кўргазма)да иштирок этиш учун қайтиб олиб чиқиб кетиш (спорт мусобақаларида иштирок этишда — спорт қуроли ва унинг фойдаланилмаган ўқ-дориларини) шарти билан вақтинча олиб кириш учун:

а) спорт тадбири (кўргазма) ташкилотчисининг Ўзбекистон Республикаси ҳудудида спорт тадбирлари (кўргазма)да чет эллик иштирокчилар иштирок этишлари учун таклифнома нусхаси;

б) чет эллик иштирокчиларга тегишли қурол ва унинг ўқ-дориларини ташиш, қабул қилиб олиш ҳамда объект ҳудудига жойлаштиришни таъминлаш вазифалари юкланган масъул ходим (ходимлар)ни тайинлаш тўғрисида, лавозими, фамилияси, исми, отасининг исми, туғилган жойи ва йили, доимий яшаш жойи, паспорт (идентификацияловчи ID-картаси, шахсни тасдиқловчи бошқа ҳужжат) серияси ва рақами ҳамда уни берган орган кўрсатилган ҳолдаги юридик шахснинг буйруғи ёки фармойиш тусидаги бошқа ҳужжат нусхаси (чет эллик иштирокчиларга тегишли қурол ва унинг ўқ-дориларини олиб киришда);

в) ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркумини ташишда Миллий гвардия органи, ички ишлар органлари ёки идоравий ҳарбийлаштирилган қўриқлаш хизмати (автомобиль транспортида ташилаётганда), «Ўзбекистон темир йўллари» АЖ ҳарбийлаштирилган қўриқлаш хизмати ходимлари (темир йўл транспортида ташилаётганда) томонидан кузатиб борилишини таъминлаш тўғрисида тузилган шартноманинг нусхаси.

12. Фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини Ўзбекистон Республикаси ҳудудидан автомобиль транспортида олиб чиқиш учун (хорижий давлат ҳудудида спорт тадбирларида (кўргазмада) иштирок этиш учун қайтиб олиб кириш шарти билан олиб чиқиладиган спорт ва кўргазмага қўйиш қуроли ва унинг ўқ-дорилари бундан мустасно):

а) қурол ва унинг ўқ-дориларини етказиб беришга доир контракт (шартнома) нусхаси, бир нечта туркумларда олиб чиқилганда, уларни олиб чиқиш жадвали;

б) олиб чиқилаётган қурол ва унинг ўқ-дориларини ишлаб чиқарувчи томонидан берилган мувофиқлик сертификатларининг нусхалари;

в) автомобиль транспортининг халқаро ташишларни амалга оширишга рухсат этилганлиги тўғрисида гувоҳнома нусхаси;

г) ташилаётган қурол ва унинг ўқ-дорилари бут сақланиши, шунингдек, уларни кузатиб бориш ва қўриқловни таъминлаш мажбурияти юкланган масъул ходимларни тайинлаш тўғрисида юридик шахснинг буйруғи ёки фармойиш тусидаги бошқа ҳужжатининг нусхаси (Миллий гвардия, ички ишлар органлари ёхуд идоравий ҳарбийлаштирилган қўриқлаш хизмати ходимлари кузатуви остида ташилаётган ҳоллар бундан мустасно);

д) ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дориларини ташиш Миллий гвардия органлари, ички ишлар органлари ёки идоравий ҳарбийлаштирилган қўриқлаш хизмати ходимлари томонидан кузатиб борилишини таъминлаш тўғрисида тузилган шартноманинг нусхаси;

е) автомобиль транспортида қурол ва унинг ўқ-дориларини ташиш бўйича хизмат кўрсатишни таъминлаш тўғрисида тузилган шартнома нусхаси (ташишни ариза берувчига тегишли бўлмаган транспорт воситасида амалга оширишда).

13. Фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини Ўзбекистон Республикаси ҳудудидан темир йўл транспортида олиб чиқиш учун (хорижий давлат ҳудудида спорт тадбирларида (кўргазмада) иштирок этиш учун қайтиб олиб кириш шарти билан олиб чиқиладиган спорт ва кўргазмага қўйиш қуроли ва унинг ўқ-дорилари бундан мустасно):

а) қурол ва унинг ўқ-дориларини етказиб беришга доир контракт (шартнома) нусхаси, бир нечта туркумларда олиб чиқилганда, уларни олиб чиқиш жадвали;

б) олиб чиқилаётган қурол ва унинг ўқ-дориларини ишлаб чиқарувчи томонидан берилган мувофиқлик сертификатларининг нусхалари;

в) ташилаётган қурол ва унинг ўқ-дорилари туркумини «Ўзбекистон темир йўллари» АЖ ҳарбийлаштирилган қўриқлаш хизмати ходимлари томонидан кузатиб боришни таъминлаш тўғрисида тузилган шартноманинг нусхаси.

14. Спорт қурол ва унинг ўқ-дориларини, кўргазмага қўйиш қуроли ва унинг ўқ-дориларини хорижий давлат ҳудудида спорт тадбирларида (кўргазмада) иштирок этиш учун Ўзбекистон Республикаси ҳудудидан автомобиль транспортида вақтинча олиб чиқиш учун:

а) хорижий давлат ҳудудида тадбир ташкилотчиси таклифномасининг ўрнатилган тартибда давлат тилига таржима қилинган ва тасдиқланган нусхаси;

б) спорт тадбирлари (кўргазма)да иштирок этиш учун делегациянинг юборилиши тўғрисида, делегация раҳбарини ҳамда спорт тадбирлари (кўргазма) давомида қурол ва унинг ўқ-дорилари бут сақланишини, берилиши-қабул қилиб олинишини, ҳисоби юритилишини ва улардан фойдаланишини таъминлаш вазифалари зиммасига юкланган масъул ходимни тайинлаш тўғрисида юридик шахснинг буйруғи ёки фармойиш тусидаги бошқа ҳужжатнинг нусхаси;

в) ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дориларини ташиш Миллий гвардия органлари, ички ишлар органлари ёки идоравий ҳарбийлаштирилган қўриқлаш хизмати ходимлари томонидан кузатиб борилишини таъминлаш тўғрисида тузилган шартноманинг нусхаси;

г) автомобиль транспортида қурол ва унинг ўқ-дориларини ташиш бўйича хизмат кўрсатишни таъминлаш тўғрисида тузилган шартнома нусхаси (ташишни ариза берувчига тегишли бўлмаган транспорт воситасида амалга оширишда).

15. Спорт қурол ва унинг ўқ-дориларини, кўргазмага қўйиш қуроли ва унинг ўқ-дориларини хорижий давлат ҳудудида спорт тадбир (кўргазма)ларда иштирок этиш учун Ўзбекистон Республикаси ҳудудидан темир йўл транспортида вақтинча олиб чиқиш учун:

а) хорижий давлат ҳудудида тадбир ташкилотчиси таклифномасининг ўрнатилган тартибда давлат тилига таржима қилинган ва тасдиқланган нусхаси;

б) спорт тадбир (кўргазма)ларда иштирок этиш учун делегациянинг юборилиши тўғрисида, делегация раҳбарини ҳамда спорт тадбир (кўргазма)лари давомида қурол ва унинг ўқ-дорилари бут сақланишини, берилиши-қабул қилиб олинишини, ҳисоби юритилишини ва улардан фойдаланишини таъминлаш вазифалари зиммасига юкланган масъул ходимни тайинлаш тўғрисида юридик шахснинг буйруғи ёки фармойиш тусидаги бошқа ҳужжатнинг нусхаси;

в) ташилаётган қурол ва унинг ўқ-дорилари туркумини «Ўзбекистон темир йўллари» АЖ ҳарбийлаштирилган қўриқлаш хизмати ходимлари томонидан кузатиб боришни таъминлаш тўғрисида тузилган шартноманинг нусхаси.

16. Фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудуди орқали транзит қилиш учун:

а) транзит қилинаётган қурол ва унинг ўқ-дориларини жўнатувчи давлат ҳудудидан олиб чиқиш ва қабул қилувчи давлат ҳудудига олиб киришга доир рухсатномалар нусхаларининг ўрнатилган тартибда давлат тилига таржима қилинган ва тасдиқланган нусхаси;

б) автомобиль транспортининг халқаро ташишларни амалга оширишга рухсат этилганлиги тўғрисида гувоҳнома нусхаси (автомобиль транспортида транзит қилишда);

в) қурол ва унинг ўқ-дорилари туркуми транзитини Давлат йўл ҳаракати хавфсизлиги хизмати бўлинмалари (автомобиль транспортида транзит қилишда) ёки «Ўзбекистон темир йўллари» АЖ ҳарбийлаштирилган қўриқлаш хизмати (темир йўл транспортида транзит қилишда) кузатувида амалга ошириш бўйича тузилган шартнома нусхаси (ўн дона ёки ундан кам миқдордаги ўқотар спорт қуроли ёки унинг беш юз дона ва ундан кам миқдордаги ўқ-дорилари, пневматик спорт қуроли ва унинг ўқ дорилари, тиғли совуқ спорт ва спорт улоқтириш қуролларини спорт тадбирларида иштирок этиш учун транзит қилиш ҳолатлари бундан мустасно).

6.

Аризани кўриб чиқиш учун тўланадиган йиғим миқдори:

7.

Рухсат этиш хусусиятига эга ҳужжат берилганлиги учун ундириладиган йиғим:

Йиғим ундирилмайди

8.

Аризани кўриб чиқиш муддати:

1. 30 иш куни:

а) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини олиш учун;

б) фуқаровий қурол ва унинг ўқ-дориларини, хизмат қуроли ва унинг ўқ-дориларини сақлаш учун;

в) фуқаровий қурол ва унинг ўқ-дориларини, хизмат қуроли ва унинг ўқ-дориларини ўқ отиш объекти ҳудудида сақлаш учун;

в) қурол ва унинг ўқ-дориларини коллекциялаш учун;

г) қурол ва унинг ўқ-дориларини кўргазмага қўйиш учун.

2. 10 иш куни:

а) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини реализация қилиш учун;

б) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини ташиш учун;

в) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудудига олиб кириш, Ўзбекистон Республикаси ҳудудидан олиб чиқиш ҳамда Ўзбекистон Республикаси ҳудуди орқали транзит қилиш учун

9.

Рухсат беришга оид талаб ва шартлар:

1. Қурол ва унинг ўқ-дорилари муомаласи соҳасида ҳаракатларни бажариш ва (ёки) фаолиятни амалга ошириш учун рухсат беришга доир умумий талаблар ва шартлар:

а) фуқароларнинг ҳаёти ва соғлиғини ҳимоя қилиш, жамоат тартиби ва жамоат хавфсизлигини таъминлаш соҳасидаги қонун ва норматив ҳужжатларга, ёнғинга қарши, экология, санитария қоидалари, нормалари ва гигиена нормативларига риоя этилишини таъминлаш;

б) қурол ва унинг ўқ-дориларининг бут сақланишини, сақлашда уларнинг хавфсизлигини ва мақсадли фойдаланилишини таъминлаш, белгиланган вазифаларни бажаришда фойдаланилгандан сўнг уларни қуролхонага жойлаштириш, шунингдек, қурол ва унинг ўқ-дориларидан бегона шахслар фойдаланишини истисно этишга қаратилган режим ва бошқа чораларни кўриш;

в) қуйидагилар муомаласи соҳасида ҳаракатларни бажаришга ва (ёки) фаолиятни амалга оширишга йўл қўймаслик:

«Қурол тўғрисида»ги Ўзбекистон Республикаси Қонунининг 7 ва 9-моддаларига мувофиқ Ўзбекистон Республикаси ҳудудида муомаласи тақиқланган фуқаровий ва хизмат қуроли ҳамда унинг ўқ-дорилари;

шикастловчи таъсири радиоактив нурланиш, кимёвий ва биологик (бактериологик) омиллардан фойдаланишга ёки электромагнит, нур, иссиқлик, инфратовуш, ультратовуш нурланишдан фойдаланишга асосланган коллекциялаш ва кўргазмага қўйиш қуроли ҳамда унинг ўқ-дорилари;

г) рухсатномада кўрсатилган қурол ва унинг ўқ-дорилари доирасида, шунингдек, рухсатномада кўрсатилган қурол ва унинг ўқ-дориларига нисбатан ҳаракатларни бажариш ва (ёки) фаолиятни амалга ошириш;

д) қуролнинг индивидуал (тури, хили, модели, завод серияси ва рақами, чиқарилган йили), унинг ўқ-дориларининг эса жамланма (тури, калибри, партияси ва миқдори бўйича) ҳисобини юритиш, уларнинг мавжудлигини, кирим-чиқими ҳамда фойдаланиш учун бериш-қабул қилиб олишни назорат қилиб бориш, шунингдек, ҳисобга олиш ҳужжатларини ўн йил мобайнида сақлаш;

е) қурол ва унинг ўқ-дорилари соҳасида ҳаракатларни бажариш ва (ёки) фаолиятни амалга оширишга бевосита боғлиқ ишларга жалб этилаётган ходимлар орасида қуйидаги шахслар бўлмаслигини таъминлаш:

ўн саккиз ёшга тўлмаганлар;

доимий яшаш жойига эга бўлмаганлар;

«Қурол тўғрисида»ги Ўзбекистон Республикаси Қонунининг 13-моддаси ўнинчи қисмининг учинчи, бешинчи — саккизинчи, ўнинчи — ўн учинчи хатбошиларида белгиланган асослар мавжуд бўлганлар;

ж) юридик шахснинг буйруғи ёки фармойиш тусидаги бошқа ҳужжатлари билан зиммасига қуйидаги мажбуриятлар юкланган ходимларни белгилаш:

рухсатномада кўрсатилган тегишли (сақлаш, коллекциялаш ёки кўргазмага қўйиш) фаолият турини амалга оширишда қурол ва унинг ўқ-дорилари бут сақланиши, белгиланган тартибда берилиши-қабул қилиб олинишини ва ҳисобга олинишини таъминлаш бўйича;

рухсатномада кўрсатилган тегишли (олиш, реализация қилиш, автомобиль транспортида ташиш, Ўзбекистон Республикаси ҳудудига олиб кириш, Ўзбекистон Республикаси ҳудудидан олиб чиқиш ва Ўзбекистон Республикаси ҳудуди орқали транзит қилиш) ҳаракатни бажаришда қурол ва унинг ўқ-дорилари бут сақланишини таъминлаш бўйича;

з) қурол ва унинг ўқ-дорилари бут сақланишини, берилиши-қабул қилиб олинишини ҳамда ҳисобга олинишини таъминлаш мажбурияти зиммасига юклатилган ёхуд хизмат қуролини олиб юриш ва ундан фойдаланиш ҳуқуқига эга бўлган ходимларни қуролни сақлашга ва (ёки) олиб юришга доир рухсатномаларни олишда ҳамда уларнинг амал қилиш муддатини узайтиришда доимий яшаш жойи бўйича ёхуд юридик шахс ва тиббиёт муассасаси ўртасидаги шартномага мувофиқ белгиланган давлат соғлиқни сақлаш органларининг тиббиёт муассасаларида қуролга эгалик қилишга қарши кўрсатмалар мавжуд эмаслиги юзасидан тиббий текширувдан ўтказишни ташкил этиш;

и) ҳисобот йилидан кейинги йилнинг биринчи ойи ўнинчи санасидан кечиктирмай қурол ва унинг ўқ-дорилари муомаласи соҳасида ҳаракатларни бажариш ва (ёки) фаолиятни амалга оширишга бевосита боғлиқ ишларга жалб этилган, шунингдек қўриқлаш (хавфсизлик) хизмати (мавжуд бўлса) ходимларининг рўйхатини ваколатли органга тақдим этиш;

к) қурол ва унинг ўқ-дориларини олиш, сақлаш, коллекциялаш ёки кўргазмага қўйишга доир рухсатноманинг амал қилиш муддатини узайтириш учун зарур бўлган ҳужжатларни рухсатноманинг амал қилиш муддати тугашидан камида ўттиз иш кунидан олдин, қурол ва унинг ўқ-дориларини реализация қилиш, ташиш, Ўзбекистон Республикаси ҳудудига олиб кириш, Ўзбекистон Республикаси ҳудудидан олиб чиқиш ва Ўзбекистон Республикаси ҳудуди орқали транзит қилишга доир рухсатномалар муддатини узайтириш учун зарур бўлган ҳужжатларни эса уларнинг муддати тугашидан камида ўн иш кунидан олдин ваколатли органга тақдим этиш;

л) ваколатли орган ёки суднинг рухсатноманинг амал қилишини тугатиш ёки бекор қилиш тўғрисидаги қарори олинган кундан эътиборан ўн кун ичида қурол ва унинг ўқ-дорилари муомаласи соҳасидаги рухсатномаларни ваколатли органга қайтариш;

м) қурол тўғрисидаги қонун ҳужжатларининг талабларига риоя этилишини текшириш учун ваколатли органлар ходимларининг қурол ва унинг ўқ-дорилари сақланадиган объектлар ҳудудига ҳамда жойларга соат 6-00 дан 22-00 гача монеликсиз киришини таъминлаш, танишиб чиқиш учун уларга зарур ҳужжатларни тақдим этиш.

2. Фуқаровий, хизмат ва коллекциялаш қуроли ҳамда унинг ўқ-дориларини олиш учун рухсат беришга доир қўшимча талаблар ва шартлар:

Ўзбекистон Республикаси ҳудудида фуқаровий, хизмат ва коллекциялаш қуроли ҳамда унинг ўқ-дориларини фақат фуқаровий ва хизмат қуроли ҳамда унинг ўқ-дориларини реализация қилиш бўйича фаолиятни амалга ошириш учун лицензияга эга бўлган юридик шахслар орқали олиш;

қурол ва унинг ўқ-дорилари олингандан сўнг ўн кун муддатда уларни сақлаш, коллекциялаш ёки кўргазмага қўйишга доир рухсатномаларни расмийлаштириш (қурол ва унинг ўқ-дориларини рўйхатдан ўтказиш) учун зарур бўлган ҳужжатларни ваколатли органга тақдим этиш.

3. Фуқаровий, хизмат ва коллекциялаш қуроли ҳамда унинг ўқ-дориларини реализация қилиш учун рухсат беришга доир қўшимча талаблар ва шартлар:

Ўзбекистон Республикаси ҳудудида фуқаровий, хизмат ва коллекциялаш қуроли ҳамда унинг ўқ-дориларини фуқаровий ва хизмат қуроли ҳамда унинг ўқ-дориларини реализация қилиш бўйича фаолиятни амалга ошириш учун лицензияга эга бўлган юридик шахслар орқали реализация қилиш;

қурол ва унинг ўқ-дорилари реализация қилингандан сўнг ўн кун муддатда уларни сақлаш, коллекциялаш ёки кўргазмага қўйишга доир рухсатномага ўзгартиришлар киритиш учун тегишли ҳужжатларни (қисман реализация қилинганда), шунингдек, қурол ва унинг ўқ-дориларини сақлаш, коллекциялаш ёки кўргазмага қўйишга доир рухсатноманинг аслини (тўлиқ реализация қилинганда) ваколатли органга тақдим этиш.

4. Фуқаровий ва хизмат қуроли ҳамда унинг ўқ-дориларини қуролхонада сақлаш учун рухсат беришга доир қўшимча талаблар ва шартлар:

фуқароларнинг ҳаёти ва соғлиғини ҳимоя қилиш, жамоат тартиби ва жамоат хавфсизлигини, портлаш ва ёнғин хавфсизлигини таъминлаш талабларига мувофиқ эгалик ёки бошқа ҳуқуқ асосида юридик шахсга тегишли моддий-техник базанинг (махсус жиҳозланган бино, иншоот, хона, қўриқлашнинг муҳандислик-техник воситалари, ёнғинга қарши автоматика ва қўриқлаш-ёнғин сигнализацияси ҳамда видеокузатув тизимлари, сейфлар ва металл шкафлар) мавжудлиги;

қуролхоналарни жисмоний ҳимоя қилиш бўйича тадбирларни амалга ошириш, уларни қўриқлашнинг муҳандислик-техник воситалари билан жиҳозлаш ва ўрнатилган қўриқлаш-ёнғин сигнализацияси воситаларининг Миллий гвардия органларининг техник қўриқлаш марказига уланишини таъминлаш;

қурол ва унинг ўқ-дориларини Қорақалпоғистон Республикаси Вазирлар Кенгаши, вилоятлар ва Тошкент шаҳри, туман (шаҳар) ҳокимликлари томонидан белгилаб берилган жойлардаги доимий равишда жойлашган стационар турдаги бино ва иншоотларда ҳамда рухсатномада кўрсатилган жойда (манзилда) сақлаш;

қурол ва унинг ўқ-дориларини қулфланадиган сейфларда ёки металл шкафларда ўқсизлантирилган ҳолда сақлаш;

қуролни, унинг ўқ-дориларидан алоҳида (алоҳида сейф ёки металл шкафларда) сақлаш, махсус хизмат вазифаларига эга бўлган юридик шахслар бундан мустасно;

қурол ва унинг ўқ-дориларини сақлаш ва улардан фойдаланиш жараёнида юзага келган ёнғинни, аварияни ёки бошқа фавқулодда вазиятни бартараф этиш, унинг оқибатларини чеклаш ёки камайтириш бўйича юридик шахс маъмурияти ва ходимларининг ҳаракатларини белгиловчи аварияга оид ички режани ишлаб чиқиш.

5. Фуқаровий ва хизмат қуроли ҳамда унинг ўқ-дориларини ўқ отиш объекти ҳудудида сақлаш учун рухсат беришга доир қўшимча талаблар ва шартлар:

фуқароларнинг ҳаёти ва соғлиғини ҳимоя қилиш, жамоат тартиби ва жамоат хавфсизлигини, портлаш ва ёнғин хавфсизлигини таъминлаш талабларига мувофиқ эгалик ёки бошқа ҳуқуқ асосида юридик шахсга тегишли моддий-техник базанинг (махсус жиҳозланган бино, иншоот, хона, қўриқлашнинг муҳандислик-техник воситалари, ёнғинга қарши автоматика ва қўриқлаш-ёнғин сигнализацияси ҳамда видеокузатув тизимлари, сейфлар ва металл шкафлар) мавжудлиги;

қуролхоналарни жисмоний ҳимоя қилиш бўйича тадбирларни амалга ошириш, уларни қўриқлашнинг муҳандислик-техник воситалари билан жиҳозлаш ва ўрнатилган қўриқлаш-ёнғин сигнализацияси воситаларининг Миллий гвардия органларининг техник қўриқлаш марказига уланишини таъминлаш;

қурол ва унинг ўқ-дориларини Қорақалпоғистон Республикаси Вазирлар Кенгаши, вилоятлар ва Тошкент шаҳри, туман (шаҳар) ҳокимликлари томонидан белгилаб берилган жойлардаги доимий равишда жойлашган стационар турдаги бино ва иншоотларда ҳамда рухсатномада кўрсатилган жойда (манзилда) сақлаш;

қурол ва унинг ўқ-дориларини қулфланадиган сейфларда ёки металл шкафларда ўқсизлантирилган ҳолда сақлаш;

қуролни, унинг ўқ-дориларидан алоҳида (алоҳида сейф ёки металл шкафларда) сақлаш, махсус хизмат вазифаларига эга бўлган юридик шахслар бундан мустасно;

қурол ва унинг ўқ-дориларини сақлаш ва улардан фойдаланиш жараёнида юзага келган ёнғинни, аварияни ёки бошқа фавқулодда вазиятни бартараф этиш, унинг оқибатларини чеклаш ёки камайтириш бўйича юридик шахс маъмурияти ва ходимларининг ҳаракатларини белгиловчи аварияга оид ички режани ишлаб чиқиш;

ўқ отиш объектини унда фойдаланиладиган фуқаровий ва хизмат қуроли ҳамда унинг ўқ-дориларининг тури, хили ва калибрининг ўқ отиш узоқлигини инобатга олган ҳолда, фуқаролар хавфсизлигини ва улар мол-мулкининг ҳимоясини таъминловчи ҳамда объект ҳудудидан ташқаридаги объектларга зиён етказишини истисно этувчи (хавфсиз ҳудудда) аҳоли яшаш жойларидан, яшаш, маъмурий, ишлаб чиқариш бинолари, иншоотлари ва иморатларидан тегишли масофасида жойлаштириш;

фойдаланиладиган фуқаровий ва хизмат қуроли ҳамда унинг ўқ-дорилари тури, хили ва калибрининг тактик-техник тавсифларини инобатга олган ҳолда ўқ отиш объектини қуйидагилар билан жиҳозлаш:

ўқ ўтказмайдиган деворлар ва шифтлар (ёпиқ турдаги тирлар учун);

ўқ ўтказмайдиган деворлар ва шифт қисмида кўндаланг тарзда жиҳозланган ўқни ушлаб қолиш мосламалари (ярим очиқ турдаги тирлар учун);

ўқ отиш йўналишида (нишон ҳудудида) ва ён томонида уларнинг ортидаги шахсларга ўқ тегишининг олдини олувчи ўқни қабул қилиш (ҳимоя қилиш) тупроқ дўнгилиги (очиқ турдаги тирлар ва ўқ отиш стендлари учун);

хавфсиз ҳудуд бўйлаб ташқи тўсиқлар (очиқ турдаги тирлар ва ўқ отиш стендлари учун);

халқаро ва миллий спорт федерациялари (ташкилотлари) стандартларига мувофиқ техник тавсифларга эга нишонни жойлаш ва узатиш ускуналари, ўқ отиш жойидаги тўсиқлар ва бошқа ўқ отиш анжомларидан фойдаланиш;

фойдаланиладиган фуқаровий ва хизмат қуролининг тури, хили ва калибрини ҳамда ўқ-дориларнинг тури ва калибрини ваколатли орган билан келишиш;

ўқ отиш объекти ҳудудида рухсат бериш ва объект ички режимининг амалга оширилишини, қурол ва унинг ўқ-дорилари бут сақланишини, бериш-қабул қилиб олинишини, ҳисоби юритилишини, олиб юрилишини ва хавфсиз фойдаланишини таъминлаш тартибига оид ички йўриқнома ишлаб чиқиш;

ўқ отиш объекти ҳудудида рухсат бериш ва объект ички режимини амалга ошириш;

сойли стволли спорт ўқотар қуролидан ёки оғиз қисмидаги қувват 3 жоулдан юқори ва калибри 4,5 миллиметрдан ортиқ бўлган пневматик спорт қуролидан, пневматик калта стволли қуролдан, ташқи томондан автоматик қурол нусха (реплика)ларига ўхшаш пневматик қуролдан, шунингдек, тиғли совуқ спорт қуролидан ҳамда спорт улоқтириш қуролидан ўқ отиш объектларидан ташқарида фойдаланишни истисно этиш, ҳайвонот дунёси объектларини ҳаракатсизлантириш ва эмлаш билан боғлиқ илмий-тадқиқот ҳамда профилактика ишларини амалга ошириш учун камонлар ва арбалетлардан фойдаланиш бундан мустасно;

спорт ўқотар қуролини, шу жумладан сойли стволли спорт ўқотар қуролини ва унинг ўқ-дориларини, оғиз қисмидаги қувват 3 жоулдан юқори ва калибри 4,5 миллиметрдан ортиқ бўлган пневматик спорт қуролини, пневматик калта стволли қуролни, ташқи томондан автоматик қурол нусха (реплика)ларига ўхшаш пневматик қуролни, шунингдек, тиғли совуқ спорт ва спорт улоқтириш қуролини ўқ отиш объектлари ҳудудида жиҳозланган қуролхоналардаги қулфланадиган сейфларда ёки металл шкафларда сақлаш;

штатда халқаро ва миллий спорт федерация (ташкилот)лари малака талабларига жавоб берадиган, фойдаланиладиган қурол турларидан отиш бўйича шу йўналишдаги маълумотга эга бўлган мутахассисларнинг (тренерлар, инструкторларнинг) мавжудлиги;

қурол ва унинг ўқ-дориларидан хавфсиз фойдаланиш қоидаларига риоя қилиш бўйича фуқаролар билан мажбурий дастлабки йўриқнома ўтказиш (спорт ташкилотларида отиш спорти соҳасидаги фаолият билан шуғулланувчи шахслар бундан мустасно);

спорт ташкилотларида отиш спорти соҳасидаги фаолият билан шуғулланувчи шахсларни қурол ва унинг ўқ-дориларидан хавфсиз фойдаланиш қоидалари бўйича ўқитиш ҳамда ушбу қоидаларни билиши юзасидан тегишли текширувдан ўтганлиги тўғрисида ҳужжат бериш (спорт қуроли учун).

6. Фуқаровий, хизмат, коллекциялаш ва кўргазмага қўйиш қуроли ҳамда унинг ўқ-дориларини автомобиль транспортида ташиш учун рухсат беришга доир қўшимча талаблар ва шартлар:

қурол ва унинг ўқ-дориларини шаҳар жамоат транспортида, шунингдек, шаҳар атрофидаги, шаҳарлараро ва халқаро автомобиль транспортида ташишга йўл қўймаслик;

ташиш учун тузилиши юкни бегона шахсларнинг кўриши ва унга кириши имкониятини истисно этадиган техник жиҳатдан соз транспорт воситаларини ажратиш;

қуролни ва унинг ўқ-дориларини завод ўровида ёхуд сўрғичланган ёки пломбаланган махсус (мослаштирилган) идишда ташиш;

қуролни ўқ-дориларидан алоҳида, ўқсизлантирилган ҳолатда ташиш;

ташилаётган қурол ва унинг ўқ-дориларини йўналишда бут сақланишини таъминлаш вазифалари юкланган юридик шахснинг масъул ходимлари томонидан кузатиб бориш (Миллий гвардия, ички ишлар органлари ёки идоравий ҳарбийлаштирилган қўриқлаш хизмати қуролли қўриқловининг кузатуви остида ташиш бундан мустасно);

ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркуми ташилаётганда, уларнинг Миллий гвардия, ички ишлар органларининг ёки идоравий ҳарбийлаштирилган қўриқлаш бўлинмаларининг қуролли қўриқлови остида кузатиб борилишини таъминлаш.

7. Фуқаровий, хизмат, коллекциялаш ва кўргазмага қўйиш қуроли ва унинг ўқ-дориларини темир йўл транспортида ташиш учун рухсат беришга доир қўшимча талаблар ва шартлар:

қурол ва унинг ўқ-дориларини йўловчи поезд (вагон)ларда ташишга йўл қўймаслик;

ташилаётган қурол ва унинг ўқ-дориларини «Ўзбекистон темир йўллари» АЖ ҳарбийлаштирилган қўриқлаш хизмати қуролли қўриқловининг кузатуви билан таъминлаш.

8. Қурол ва унинг ўқ-дориларини коллекциялаш учун рухсат беришга доир қўшимча талаблар ва шартлар:

фуқароларнинг ҳаёти ва соғлиғини ҳимоя қилиш, жамоат тартиби ва жамоат хавфсизлигини, портлаш ва ёнғин хавфсизлигини таъминлаш талабларига мувофиқ эгалик ёки бошқа ҳуқуқ асосида юридик шахсга тегишли моддий-техник базанинг (махсус жиҳозланган бино, иншоот, хона, қўриқлашнинг муҳандислик-техник воситалари, ёнғинга қарши автоматика ва қўриқлаш-ёнғин сигнализацияси ҳамда видеокузатув тизимлари, сейфлар ва металл шкафлар) мавжудлиги;

қурол ва унинг ўқ-дориларини Қорақалпоғистон Республикаси Вазирлар Кенгаши, вилоятлар ва Тошкент шаҳри, туман (шаҳар) ҳокимликлари томонидан белгилаб берилган жойлардаги доимий равишда жойлашган стационар турдаги бино ва иншоотларда ҳамда рухсатномада кўрсатилган жой (манзил)да сақлаш;

қуролни, унинг ўқ-дориларидан алоҳида (алоҳида сейф ёки металл шкафларда) сақлаш;

қурол ва унинг ўқ-дориларини сақлаш ва улардан фойдаланиш жараёнида юзага келган ёнғинни, аварияни ёки бошқа фавқулодда вазиятни бартараф этиш, унинг оқибатларини чеклаш ёки камайтириш бўйича юридик шахс маъмурияти ва ходимларининг ҳаракатларини белгиловчи аварияга оид ички режани ишлаб чиқиш;

қурол ва унинг ўқ-дориларини қуролхонадаги қулфланадиган сейфларда ёки металл шкафларда сақлаш (музейбоп тарзда коллекциялаш бундан мустасно), бунда қуролнинг ўқсизлантирилган ҳолатда сақланишини таъминлаш;

музейбоп тарзда коллекциялашда қурол ва унинг ўқ-дориларини ана шу мақсадлар учун мўлжалланган алоҳида, махсус хоналарда сақлаш, бунда ўқотар қурол махсус таъмирлаш ишларисиз отишни истисно қиладиган яроқсиз ҳолатга келтирилишини таъминлаш;

қуролхоналар ва музейбоп тарзда коллекциялаш учун ажратилган хоналарни жисмоний ҳимоя қилиш бўйича тадбирларни амалга ошириш, уларни қўриқлашнинг муҳандислик-техник ва видеокузатув воситалари билан жиҳозлаш ҳамда ўрнатилган қўриқлаш-ёнғин сигнализацияси воситаларини Ўзбекистон Республикаси Миллий гвардияси органларининг техник қўриқлаш марказига уланишини таъминлаш.

9. Қурол ва унинг ўқ-дориларини кўргазмага қўйиш учун рухсат беришга доир қўшимча талаблар ва шартлар:

қурол ва унинг ўқ-дориларини кўргазмага қўйиш учун бино (хона)ларни ижарага олиш (ўз эгалигида бундай хоналар бўлмаганда), қуролни ва унинг ўқ-дориларини кўргазмага қўйиш тартиби, уларнинг бут сақланишини таъминлаш бўйича шартномалар тузиш;

кўргазмани қўриқлашнинг муҳандислик-техник ҳамда видеокузатув воситалари билан жиҳозланган ҳамда ўрнатилган қўриқлаш-ёнғин сигнализацияси воситалари Миллий гвардия органларининг техник қўриқлаш марказига уланган стационар турдаги бинолар (хоналар)да ўтказиш;

кўргазмага қўйилган (шу жумладан, чет эллик иштирокчилар томонидан) қурол ва унинг ўқ-дориларининг бут сақланиши ва сақлаш хавфсизлигини таъминлаш, қурол ва унинг ўқ-дорилари жойлаштирилган ва сақланадиган жойларга кираётган шахсларни бевосита кузатиш, назорат қилиш ҳамда бегона шахсларнинг рухсатсиз киришига йўл қўймасликка қаратилган чораларни кўриш;

кўргазмага қўйиш режаларини ва экспозиция (кўргазма объект)ларини жойлаштириш схемаларини ишлаб чиқиш ҳамда кўргазма ўтказиладиган жойдаги ваколатли органларга келишиб олиш учун тақдим этиш;

қурол ва унинг ўқ-дориларининг бошқа предметлар билан бирга кўргазмага қўйилишини истисно этиш, қуролни ишлаб чиқариш, унга техник хизмат кўрсатиш ва таъмирлаш учун мўлжалланган қурилмалар ва асбоблар, спорт, ов ва балиқ овлаш ашёлари ҳамда қуролнинг эҳтиёт қисмлари, шунингдек, тарихий-маданий кўргазмалар экспонатлари бундан мустасно;

қуролни музей биноларидан ташқарида кўргазмага қўйишни фақат ўрнатилган қўриқлаш-ёнғин сигнализацияси воситалари Ўзбекистон Республикаси Миллий гвардияси органларининг техник қўриқлаш марказига ёки ички қўриқлаш постига уланган ёпиқ (қулфланадиган) витриналар ва стендларда амалга ошириш;

қурол ва унинг ўқ-дорилари экспозициялари очиқ витриналар ва стендларда жойлаштирилган тақдирда, қурол ва унинг ўқ-дориларини ҳар куни кўргазма иши тугагач, жисмоний ҳимоя қилиш бўйича тадбирлар амалга оширилган, қўриқлашнинг муҳандислик-техник воситалари билан жиҳозланган ва ўрнатилган қўриқлаш-ёнғин сигнализацияси воситаларини Ўзбекистон Республикаси Миллий гвардияси органларининг техник қўриқлаш марказига уланган қуролхоналарда сақлаш учун топшириш;

қуролни ўқсизлантирилган ҳолатда кўргазмага қўйиш;

кўргазманинг чет эллик иштирокчилари учун уларга тегишли қурол ва унинг ўқ-дориларини Ўзбекистон Республикаси ҳудудига олиб кириш ҳамда Ўзбекистон Республикаси ҳудуди бўйлаб ташишга доир ваколатли органнинг рухсатномасини олиш, уларни ташиш, кўргазма ўтказилаётган объект ҳудудида қабул қилиш ва жойлаштириш бўйича чораларни кўриш (чет эллик иштирокчиларнинг олиб кирилаётган қурол ва унинг ўқ-дориларини кўргазмага қўйишда).

10. Фуқаровий, хизмат, коллекциялаш ва кўргазмага қўйиш қуроли ва унинг ўқ-дориларини Ўзбекистон Республикаси ҳудудига олиб кириш ва уларни Ўзбекистон Республикаси ҳудудидан олиб чиқиш учун рухсат беришга доир қўшимча талаблар ва шартлар:

а) автомобиль транспортида олиб киришда:

қурол ва унинг ўқ-дориларини шаҳар жамоат транспортида, шунингдек шаҳар атрофидаги, шаҳарлараро ва халқаро автомобиль транспортида ташишга йўл қўймаслик;

ташиш учун тузилиши юкни бегона шахсларнинг кўриши ва унга кириши имкониятини истисно этадиган техник жиҳатдан соз транспорт воситаларини ажратиш;

қуролни ва унинг ўқ-дориларини завод ўровида ёхуд сўрғичланган ёки пломбаланган махсус (мослаштирилган) идишда ташиш;

қуролни ўқ-дориларидан алоҳида, ўқсизлантирилган ҳолатда ташиш;

ташилаётган қурол ва унинг ўқ-дориларини йўналишда бут сақланишини таъминлаш вазифалари юкланган юридик шахснинг масъул ходимлари томонидан кузатиб бориш (Миллий гвардия, ички ишлар органлари ёки идоравий ҳарбийлаштирилган қўриқлаш хизмати қуролли қўриқловининг кузатуви остида ташиш бундан мустасно);

ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркуми ташилаётганда, уларнинг Миллий гвардия, ички ишлар органларининг ёки идоравий ҳарбийлаштирилган қўриқлаш бўлинмаларининг қуролли қўриқлови остида кузатиб борилишини таъминлаш;

автомобиль транспортида халқаро ташувларни амалга оширишга рухсат этилганлиги тўғрисида гувоҳномага эга бўлган транспорт воситаларини ажратиш (автомобиль транспортида олиб кириш учун);

Ўзбекистон Республикаси ҳудудига олиб кирилган спорт қуроли ҳамда унинг фойдаланилмаган ўқ-дориларини, кўргазмага қўйиш қуроли ва унинг ўқ-дориларини спорт мусобақаларида қатнашиш ёки кўргазмага қўйиш учун таклифномаларда белгиланган муддатларда Ўзбекистон Республикаси ҳудудидан олиб чиқиш (спорт мусобақалари ва кўргазмаларнинг чет эллик иштирокчилари учун);

Ўзбекистон Республикаси ҳудудидан олиб чиқилган спорт қуроли ҳамда унинг фойдаланилмаган ўқ-дориларини, кўргазмага қўйиш қуроли ва унинг ўқ-дориларини спорт мусобақаларида қатнашиш ёки кўргазмага қўйиш учун таклифномаларда белгиланган муддатларда Ўзбекистон Республикаси ҳудудига олиб кириш (хорижий давлатларда ўтказиладиган спорт мусобақалари ва кўргазмаларда иштирок этувчи юридик шахсларнинг делегациялари учун);

б) темир йўл транспортида олиб киришда:

қуролни ва унинг ўқ-дориларини завод ўровида ёхуд сўрғичланган ёки пломбаланган махсус (мослаштирилган) идишда ташиш;

қуролни ўқ-дориларидан алоҳида, ўқсизлантирилган ҳолатда ташиш;

қурол ва унинг ўқ-дориларини йўловчи поезд (вагон)ларда ташишга йўл қўймаслик;

ташилаётган қурол ва унинг ўқ-дориларини «Ўзбекистон темир йўллари» АЖ ҳарбийлаштирилган қўриқлаш хизмати қуролли қўриқловининг кузатуви билан таъминлаш;

Ўзбекистон Республикаси ҳудудига олиб кирилган спорт қуроли ҳамда унинг фойдаланилмаган ўқ-дориларини, кўргазмага қўйиш қуроли ва унинг ўқ-дориларини спорт мусобақаларида қатнашиш ёки кўргазмага қўйиш учун таклифномаларда белгиланган муддатларда Ўзбекистон Республикаси ҳудудидан олиб чиқиш (спорт мусобақалари ва кўргазмаларнинг чет эллик иштирокчилари учун);

Ўзбекистон Республикаси ҳудудидан олиб чиқилган спорт қуроли ҳамда унинг фойдаланилмаган ўқ-дориларини, кўргазмага қўйиш қуроли ва унинг ўқ-дориларини спорт мусобақаларида қатнашиш ёки кўргазмага қўйиш учун таклифномаларда белгиланган муддатларда Ўзбекистон Республикаси ҳудудига олиб кириш (хорижий давлатларда ўтказиладиган спорт мусобақалари ва кўргазмаларда иштирок этувчи юридик шахсларнинг делегациялари учун).

11. Фуқаровий, хизмат, коллекциялаш ва кўргазмага қўйиш қуроли ва унинг ўқ-дориларини Ўзбекистон Республикаси ҳудуди орқали автомобиль транспортида транзит қилиш учун рухсат беришга доир қўшимча талаблар ва шартлар:

транзит қилинаётган қурол ва унинг ўқ-дориларини жўнатувчи давлат ҳудудидан олиб чиқишга ва қабул қилувчи давлат ҳудудига олиб киришга доир рухсатномаларни тақдим этиш;

қурол ва унинг ўқ-дориларини шаҳар жамоат транспортида, шунингдек шаҳар атрофидаги, шаҳарлараро ва халқаро автомобиль транспортида ташишга йўл қўймаслик;

ташиш учун тузилиши юкни бегона шахсларнинг кўриши ва унга кириши имкониятини истисно этадиган техник жиҳатдан соз транспорт воситаларини ажратиш;

қуролни ва унинг ўқ-дориларини завод ўровида ёхуд сўрғичланган ёки пломбаланган махсус (мослаштирилган) идишда ташиш;

қуролни ўқ-дориларидан алоҳида, ўқсизлантирилган ҳолатда ташиш;

автомобиль транспортида халқаро ташувларни амалга оширишга рухсат этилганлиги тўғрисида гувоҳномага эга бўлган транспорт воситаларини ажратиш;

ташилаётган қурол ва унинг ўқ-дориларини йўналишда бут сақланишини таъминлаш вазифалари юкланган юридик шахснинг масъул ходимлари томонидан кузатиб бориш;

ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркуми транзитини Давлат йўл ҳаракати хавфсизлиги хизмати бўлинмаларининг кузатувида амалга оширилишини таъминлаш.

12. Фуқаровий, хизмат, коллекциялаш ва кўргазмага қўйиш қуроли ва унинг ўқ-дориларини Ўзбекистон Республикаси ҳудуди орқали темир йўл транспортида транзит қилиш учун рухсат беришга доир қўшимча талаблар ва шартлар:

қурол ва унинг ўқ-дориларини йўловчи поезд (вагон)ларда ташишга йўл қўймаслик;

транзит қилинаётган қурол ва унинг ўқ-дориларини жўнатувчи давлат ҳудудидан олиб чиқишга ва қабул қилувчи давлат ҳудудига олиб киришга доир рухсатномаларни тақдим этиш;

ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркуми транзитини «Ўзбекистон темир йўллари» АЖ ҳарбийлаштирилган қўриқлаш хизмати бўлинмалари қуролли қўриқловининг кузатуви остида амалга ошириш.

10.

Рухсат этиш хусусиятига эга ҳужжатни беришда келишиладиган органлар:

Мавжуд эмас

11.

Рухсат этиш хусусиятига эга ҳужжатнинг амал қилиш муддати:

1. 3 йил:

а) фуқаровий қурол ва унинг ўқ-дориларини, хизмат қуроли ва унинг ўқ-дориларини сақлаш учун;

б) фуқаровий қурол ва унинг ўқ-дориларини, хизмат қуроли ва унинг ўқ-дориларини ўқ отиш объекти ҳудудида сақлаш учун;

в) қурол ва унинг ўқ-дориларини коллекциялаш учун.

2. 90 кун:

а) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини олиш учун;

б) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини автомобиль, темир йўл ва ҳаво транспортида ташиш учун;

в) фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудуди орқали транзит қилиш учун.

3. Қурол ва унинг ўқ-дориларини кўргазмага қўйиш учун — кўргазма давомида, бироқ 90 кундан ортиқ бўлмаган муддатга — қурол ва унинг ўқ-дориларини кўргазмага қўйиш учун.

4. Фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудудига олиб кириш учун (кўргазмага қўйиш ва спорт қуроли ҳамда унинг ўқ-дориларини Ўзбекистон Республикаси ҳудудига спорт тадбирларида (кўргазмада) иштирок этиш учун — тадбир давомида, бироқ 90 кундан ортиқ бўлмаган муддатга);

5. Фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудудидан олиб чиқиш учун (хорижий давлат ҳудудида спорт тадбирларида (кўргазмада) иштирок этиш учун — тадбир давомида, бироқ 90 кундан ортиқ бўлмаган муддатга);

6. 30 кун — фуқаровий қурол ва унинг ўқ-дориларини, хизмат қуроли ва унинг ўқ-дориларини, коллекциялаш қуроли ва унинг ўқ-дориларини реализация қилиш учун

12.

Изоҳ:

1. Коллекциялаш қуроли ва унинг ўқ-дорилари — коллекциялаш объектлари ҳисобланган ўқотар, пневматик, газли, сигнал берувчи, совуқ ва бошқа қурол ҳамда унинг ўқ-дорилари.

2. Кўргазмага қўйиш қуроли ва унинг ўқ-дорилари — кўргазма объектлари ҳисобланган ўқотар, пневматик, газли, сигнал берувчи, совуқ ва бошқа қурол ҳамда унинг ўқ-дорилари.

3. Қуролхона — қурол ва унинг ўқ-дориларини сақлашга мўлжалланган, техник жиҳатдан мустаҳкамланган, қўриқлаш-ёнғиндан сақлаш сигнализацияси ҳамда қўриқлашнинг муҳандислик-техник воситалари ва жисмоний ҳимоянинг бошқа воситалари билан махсус жиҳозланган алоҳида иншоот (омбор, хона).

4. Тир — спорт мусобақаларини, ўқув-машқ йиғинлари ва ўқув-ўқ отиш машқларини ўтказишга, қуролни текширишга, шунингдек, кўнгилочар мақсадларда фуқаровий ва хизмат ўқотар қуролидан, пневматик ов қуролидан, пневматик спорт қуролидан, спорт улоқтириш қуролидан ҳаракатланмайдиган ҳамда ҳаракатланувчи нишонларга қарата ўқ отиш учун махсус мўлжалланган (жиҳозланган) муҳандислик-қурилиш иншооти;

5. Ўқ отиш стенди — спорт мусобақалари ва ўқув-машқ йиғинларини ўтказишга, шунингдек кўнгилочар мақсадларда силлиқ стволли ўқотар ов ва силлиқ стволли ўқотар спорт қуролидан учар нишонларга қарата ўқ отиш учун махсус мўлжалланган (жиҳозланган) муҳандислик-қурилиш иншооти.

6. Ўқ отиш майдони — бир неча тир ва (ёки) ўқ отиш стендларидан ташкил топган мажмуа.

7. Қуйидагилар ички ишлар органларининг рухсатномаларисиз амалга оширилади:

а) пневматик ов қуролининг ҳамда пневматик спорт қуролининг ўқ-дорилари муомаласи соҳасида ҳаракатларни ва (ёки) фаолиятни амалга ошириш;

б) қуйидагиларни олиш ва сақлаш:

сигнал берувчи қуролни ва тиғли совуқ ов қуролини — махсус хизмат вазифаларига эга бўлган юридик шахслар ва овчилик соҳасида фаолият юритувчи юридик шахслар томонидан;

сигнал берувчи қуролни, тиғли совуқ ов қуролини ҳамда тиғли совуқ ва улоқтириш спорт қуролини — фуқаровий ва хизмат қуроли ҳамда унинг ўқ-дориларини реализация қилиш бўйича фаолиятни амалга ошириш учун лицензияга эга бўлган юридик шахслар томонидан;

тиғли совуқ ва улоқтириш спорт қуролини — отиш спорти соҳасидаги фаолият билан шуғулланувчи юридик шахслар томонидан;

в) фуқаровий ва хизмат қуроли ҳамда унинг ўқ-дориларини реализация қилиш — фуқаровий ва хизмат қуролини ҳамда унинг ўқ-дориларини реализация қилиш бўйича фаолиятни амалга ошириш учун лицензияга эга бўлган юридик шахслар томонидан;

г) қуйидагиларни ташиш:

ваколатли органларда рўйхатга олинган қурол ва унинг ўқ-дориларини — Қорақалпоғистон Республикаси, вилоятлар ва Тошкент шаҳри ҳудуди доирасида, мазкур қурол ва унинг ўқ-дориларини ваколатли органлар рўйхатга олган жойда;

ваколатли органда рўйхатга олинмайдиган қурол ва унинг ўқ-дориларини — сигнал берувчи қуролни, тиғли совуқ ов қуролини, тиғли совуқ ва улоқтириш спорт қуролини, пневматик ов қуролининг ҳамда пневматик спорт қуролининг ўқ-дориларини;

д) фуқаровий ва хизмат қуролини ҳамда унинг ўқ-дориларини ишлаб чиқариш, таъмирлаш ва реализация қилиш бўйича фаолиятни амалга ошириш учун лицензияга эга бўлган юридик шахслар томонидан ишлаб чиқариш ҳудудларида жойлашган хоналар, савдо залларида, шунингдек, Ўзбекистон Республикаси Президенти ёки Ўзбекистон Республикаси Вазирлар Маҳкамаси қарорларига мувофиқ ўтказиладиган кўргазмаларда қурол ва унинг ўқ-дориларини кўргазмага қўйиш.

Жўнатувчилари ёки олувчилари чет эл давлатларининг Мудофаа вазирлиги, Ички ишлар вазирлигининг, чегара хизматлари, хавфсизлик органлари ва бошқа ҳарбийлаштирилган давлат тузилмалари бўлган фуқаровий, хизмат, коллекциялаш ва кўргазмага қўйиш қуроли ҳамда унинг ўқ-дориларини транзит қилиш махсус юклар ва ҳарбий таркибларнинг транзити тўғрисидаги қонун ҳужжатларига мувофиқ амалга оширилади.

пневматик ов қуролининг ҳамда пневматик спорт қуролининг ўқ-дорилари муомаласи соҳасида ҳаракатларни ва (ёки) фаолиятни амалга ошириш;

8. Фуқаровий (хизмат, коллекциялаш ва кўргазмага қўйиш) қурол ва унинг ўқ-дориларини Ўзбекистон Республикаси ҳудудига олиб киришга, уларни Ўзбекистон Республикаси ҳудудидан олиб чиқишга доир рухсатномалар берилганда, ушбу қурол ва унинг ўқ-дориларини ташишга доир алоҳида рухсатномалар берилмайди ҳамда уларни Ўзбекистон Республикаси ҳудуди бўйлаб ташиш қурол ва ўқ-дориларни олиб киришга ёки олиб чиқишга доир берилган рухсатномалар асосида амалга оширилади.

9. Қўпол равишда бузиш деб ҳисобланадиган рухсат беришга доир талаб ва шартларга қуйидагилар киради:

а) рухсат беришга доир талаблар ва шартларга риоя этилиши юзасидан ваколатли орган томонидан белгиланган тартибда ўтказиладиган текширувлардан бош тортиш;

б) рухсатнома белгиланган ҳаракатларни бажариш ва (ёки) фаолиятни амалга ошириш натижасида фуқароларнинг ҳаёти ва соғлиғига, жамоат хавфсизлигига зиён ҳамда атроф-муҳитга зарар етказилишига олиб келган бўлса;

в) қурол ва унинг ўқ-дорилари бут сақланишини таъминлаш чораларининг кўрилмаслиги уларнинг йўқолиши ёки талон-торож қилиниши хавфини туғдирса;

г) қуйидаги ҳаракатларни бажариш ва (ёки) фаолиятни амалга ошириш:

тури, хили, модели, калибри ва сони рухсатномада кўрсатилмаган қурол ва унинг ўқ-дорилари билан;

қурол ва унинг ўқ-дориларини бут сақлаш, белгиланган тартибда бериш-қабул қилиб олиш ва ҳисобини юритиш (қурол ва унинг ўқ-дориларини сақлаш, коллекциялаш ёки кўргазмага қўйиш фаолиятини амалга оширишда) ёхуд қурол ва унинг ўқ-дорилари бут сақланишини таъминлаш (қурол ва унинг ўқ-дориларини олиш, реализация қилиш, автомобиль транспортида ташиш, Ўзбекистон Республикаси ҳудудига олиб кириш, Ўзбекистон Республикаси ҳудудидан олиб чиқиш, Ўзбекистон Республикаси ҳудуди орқали транзит қилиш бўйича ҳаракатларни бажаришда) вазифалари рухсатномада кўрсатилмаган шахслар томонидан бажарилиши;

д) ушбу паспортда белгиланган ҳолатларда қурол ва унинг ўқ-дориларини Миллий гвардия, ички ишлар органлари, идоравий ҳарбийлаштирилган қўриқлаш хизмати, жумладан, «Ўзбекистон темир йўллари» АЖ ҳарбийлаштирилган қўриқлаш хизмати қуролли қўриқловининг ёхуд Давлат йўл ҳаракати хавфсизлиги хизмати бўлинмаларининг кузатуви остида ташилишини таъминламаслик (ташиш, Ўзбекистон Республикаси ҳудудига олиб кириш, Ўзбекистон Республикаси ҳудудидан олиб чиқиш, Ўзбекистон Республикаси ҳудуди орқали транзит қилиш бўйича ҳаракатларни бажаришда);

е) рухсатномада белгиланган ташиш йўналишига амал қилмаслик, шунингдек, қурол ва унинг ўқ-дориларини ташишга рухсатномада кўрсатилмаган автотранспорт воситаларини жалб қилиш (автомобиль транспортида ташиш, Ўзбекистон Республикаси ҳудудига олиб кириш, Ўзбекистон Республикаси ҳудудидан олиб чиқиш, Ўзбекистон Республикаси ҳудуди орқали транзит қилиш бўйича ҳаракатларни бажаришда);

ж) қурол ва унинг ўқ-дориларини рухсатномада кўрсатилмаган жой (манзил)да сақлаш ва улардан фойдаланиш (сақлаш, коллекциялаш ёки кўргазмага қўйиш фаолиятини амалга оширишда).

1.

Рухсат этиш хусусиятига эга ҳужжатнинг номи:

Фуқаровий қуролни ва унинг ўқ-дориларини олиш, реализация қилиш, сақлаш, олиб юриш, ташиш, коллекциялаш, кўргазмага қўйиш, Ўзбекистон Республикаси ҳудудига олиб кириш ҳамда Ўзбекистон Республикаси ҳудудидан олиб чиқиш, Ўзбекистон Республикаси ҳудуди орқали транзит қилишга доир рухсатнома

2.

Амалга оширилиши учун рухсат этиш хусусиятига эга ҳужжатни олиш талаб этиладиган фаолият (ҳаракатлар):

Фуқаровий қуролни ва унинг ўқ-дориларини олиш, реализация қилиш, сақлаш, олиб юриш, ташиш, коллекциялаш, кўргазмага қўйиш, Ўзбекистон Республикаси ҳудудига олиб кириш ҳамда Ўзбекистон Республикаси ҳудудидан олиб чиқиш, Ўзбекистон Республикаси ҳудуди орқали транзит қилиш

3.

Ариза берувчилар тоифаси:

Ўзбекистон Республикаси фуқаролари, чет эл фуқаролари ва фуқаролиги бўлмаган шахслар (кейинги ўринларда — жисмоний шахслар)

4.

Рухсат этиш тартиб-таомиллари соҳасидаги ваколатли орган:

1. Ўзбекистон Республикаси Ички ишлар вазирлиги Жамоат хавфсизлиги департаменти жамоат тартибини сақлаш хизмати — қуйидаги рухсатномаларни бериш бўйича:

а) сойли стволли ўқотар ов қуролини, шу жумладан аралаш ўқотар қуролни, ярим автомат силлиқ стволли ўқотар ов қуролини, ўқдон (барабан) сиғими тўрт дона патрондан ортиқ бўлган силлиқ стволли ўқотар ов қуролини, оғиз қисмидаги қувват 65 жоулдан юқори ва калибри 9 миллиметрдан ортиқ бўлган пневматик ов қуролини олишга доир;

б) фуқаровий қурол ва унинг ўқ-дориларини, мукофот қилинган қурол ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудудига олиб киришга доир;

в) фуқаровий қурол ва унинг ўқ-дориларини, мукофот қилинган қурол ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудудидан олиб чиқишга доир;

г) фуқаровий қурол ва унинг ўқ-дориларини, мукофот қилинган қурол ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудуди орқали транзит қилишга доир.

2. Қорақалпоғистон Республикаси Ички ишлар вазирлигининг, Тошкент шаҳар ва Тошкент вилояти ички ишлар бош бошқармаларининг ҳамда вилоятлар ички ишлар бошқармаларининг жамоат хавфсизлиги хизмати жамоат тартибини сақлаш бошқармалари — қуйидаги рухсатномаларни бериш бўйича:

а) қурол ва унинг ўқ-дориларини коллекциялашга доир;

б) қурол ва унинг ўқ-дориларини кўргазмага қўйишга доир;

3. Жисмоний шахснинг доимий яшаш жойи бўйича туман ва шаҳарлар ички ишлар бошқарма (бўлим)лари — қуйидаги рухсатномаларни бериш бўйича:

а) фуқаровий қуролни, коллекциялаш қуроли ва унинг ўқ-дориларини олишга доир (сойли стволли ўқотар ов қуролини, шу жумладан аралаш ўқотар қуролни, ярим автомат силлиқ стволли ўқотар ов қуролини, ўқдон (барабан) сиғими тўрт дона патрондан ортиқ бўлган силлиқ стволли ўқотар ов қуролини, оғиз қисмидаги қувват 65 жоулдан юқори ва калибри 9 миллиметрдан ортиқ бўлган пневматик ов қуролини олишга доир рухсатномалардан ташқари);

б) фуқаровий қуролни, мукофот қилинган қурол ва унинг ўқ-дориларини, коллекциялаш қуроли ва унинг ўқ-дориларини реализация қилишга доир;

в) фуқаровий қуролни, мукофот қилинган қуролни сақлаш ва олиб юришга доир;

г) спорт ўқотар қуролини, оғиз қисмидаги қувват 3 жоулдан юқори ва калибри 4,5 миллиметрдан ортиқ бўлган пневматик спорт қуролини, пневматик калта стволли қуролни, ташқи томондан автоматик қурол нусха (реплика)ларига ўхшаш пневматик қуролни, тиғли совуқ спорт қуролини, улоқтириш спорт қуролини сақлашга доир;

д) сойли стволли спорт ўқотар қуролини ва унинг ўқ-дориларини, тиғли совуқ спорт қуролини, улоқтириш спорт қуролини, коллекциялаш қуроли ва унинг ўқ-дориларини, кўргазмага қуйиш қуроли ва унинг ўқ-дориларини ташишга доир.

5.

Рухсат этиш хусусиятига эга ҳужжатни олиш учун тақдим қилинадиган ҳужжатлар:

Ариза.

Аризада қуйидаги маълумотлар кўрсатилади:

фамилияси, исми, отасининг исми, фуқаролиги, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва уни берган орган ёки жисмоний шахснинг шахсий идентификация рақами (ЖШШИР), туғилган санаси ва жойи, доимий яшаш жой манзили, мурожаат учун телефон рақамлари, мавжуд бўлса — электрон почта манзили;

бажармоқчи ва (ёки) амалга оширмоқчи бўлган аниқ ҳаракатлари ва (ёки) муайян фаолияти учун рухсатнома олишдан мақсади, ушбу ҳаракатларни бажариш ва (ёки) фаолиятни амалга оширишга дахлдор қурол (тури, хили, модели ва калибри) ва унинг ўқ-дорилари (тури, калибри);

ҳаракатлар бажариладиган ва (ёки) фаолият амалга ошириладиган жой, шунингдек, қурол ва унинг ўқ-дорилари жойлаштириладиган (сақланадиган) жой;

ҳаракатлар бажариладиган ва (ёки) фаолият амалга ошириладиган тахминий муддат (зарур бўлганда).

Рухсатнома турига қараб, аризада қўшимча равишда қуйидагилар кўрсатилади:

а) фуқаровий қуролни, коллекциялаш қуроли ва унинг ўқ-дориларини реализация қилишда — реализация қилиниши режалаштирилаётган фуқаровий ва хизмат қуроли ҳамда унинг ўқ-дориларини реализация қилиниши режалаштирилаётган бундай фаолиятни амалга ошириш учун лицензияга эга бўлган юридик шахснинг номи ва манзили тўғрисида маълумотлар;

б) спорт ўқотар қуролини, оғиз қисмидаги қувват 3 жоулдан юқори ва калибри 4,5 миллиметрдан ортиқ пневматик спорт қуролини, пневматик калта стволли қуролни, ташқи томондан автоматик қурол нусхаларига (репликаларига) ўхшаш пневматик қуролни, тиғли совуқ спорт қуролини, спорт улоқтириш қуролини сақлашда — спорт ўқ отиш объектининг номи ва жойлашган жойи тўғрисида маълумотлар;

в) сойли стволли спорт ўқотар қуроли ва унинг ўқ-дориларини, тиғли совуқ спорт қуролини, улоқтириш спорт қуролини ташишда:

спорт мусобақалари ва ўқув-машқ йиғинлари ташкилотчиси ва ўтказиш жойи, Ўзбекистон Республикаси ҳудуди бўйлаб ташиш йўналиши, фойдаланиладиган транспорт тури (автомобиль транспортида ташишда — ташиш учун жалб қилинган транспорт воситасининг русуми ва давлат рўйхат белгилари) тўғрисида маълумотлар;

ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркумини қуролли қўриқловининг кузатуви билан таъминлаш тўғрисида (Миллий гвардия, ички ишлар органлари ёки идоравий ҳарбийлаштирилган қўриқлаш хизмати томонидан автомобиль транспортида ташишда, «Ўзбекистон темир йўллари» АЖ ҳарбийлаштирилган қўриқлаш хизмати томонидан темир йўл транспортида ташишда);

г) қурол ва унинг ўқ-дориларини кўргазмага қўйишда — кўргазма жойи, шунингдек, ҳар куни кўргазма иш вақти тугагач, қурол ва унинг ўқ-дориларини топшириш учун улар бут сақланишини таъминлайдиган қуролхона тўғрисида маълумотлар (кўргазмага қўйиш учун мўлжалланган қурол ва унинг ўқ-дорилари очиқ витрина ва стендларга жойлаштирилган ҳолларда);

д) фуқаровий, коллекциялаш ва кўргазмага қўйиш қуроли ҳамда унинг ўқ-дориларини Ўзбекистон Республикаси ҳудудига олиб киришда, Ўзбекистон Республикаси ҳудудидан олиб чиқишда, Ўзбекистон Республикаси ҳудуди орқали транзит қилишда — юкни жўнатиш ва Ўзбекистон Республикаси ҳудудига кириш жойлари (юкни етказиш ва Ўзбекистон Республикаси ҳудудидан чиқиш жойлари), Ўзбекистон Республикаси ҳудуди бўйлаб ташиш йўналиши, фойдаланиладиган транспорт тури (автомобиль транспортида ташишда — транспорт воситаларининг русуми ва давлат рўйхат белгилари), олиб киришнинг (олиб чиқишнинг, транзит қилишнинг) тахминий санаси, шунингдек, транзит қатнашчилари бўлган давлатлар ҳудуди бўйлаб ҳаракатланишнинг мўлжалланаётган йўналиши тўғрисида маълумотлар (транзит қилишда);

ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркуми транзитини «Ўзбекистон темир йўллари» АЖ ҳарбийлаштирилган қўриқлаш хизмати қуролли қўриқловининг (темир йўл транспортида ташишда) ёки Давлат йўл ҳаракати хавфсизлиги хизмати бўлинмаларининг (автомобиль транспортида ташишда) кузатуви билан таъминлаш тўғрисида.

Рухсатнома турига қараб, аризага ваколатли орган бошқа ваколатли органлардан мустақил равишда оладиган ҳужжатлардан ташқари қўшимча равишда қуйидагилар илова этилади:

I. Ўзбекистон Республикасида доимий яшовчи Ўзбекистон Республикаси фуқаролари, чет эл фуқаролари ва фуқаролиги бўлмаган шахслар учун:

1. Фуқаровий қуролни олиш учун:

а) биринчи марта қуролни (бундан ўзини ўзи ҳимоя қилиш қуроли мустасно) олаётган фуқаролар учун — овчилар жамоат бирлашмаси томонидан (ов қуролини олиш учун) ҳамда отиш спорти соҳасидаги фаолият билан шуғулланувчи юридик шахслар томонидан (спорт қуролини олиш учун) қуролдан хавфсиз фойдаланиш қоидаларини билиш юзасидан текширувдан ўтказилганлиги тўғрисидаги гувоҳномалар;

б) овчилар жамоат бирлашмаси томонидан берилган овчилик гувоҳномаси (ов қуролини олиш учун);

в) овчилар жамоат бирлашмасининг тавсияномаси (сойли стволли ўқотар ов қуролини, ярим автомат силлиқ стволли ўқотар ов қуролини, ўқдон (барабан) сиғими тўрт дона патрондан ортиқ бўлган силлиқ стволли ўқотар ов қуролини, шунингдек, оғиз қисмидаги қувват 65 жоулдан юқори ва калибри 9 миллиметрдан ортиқ бўлган пневматик ов қуролини олиш учун);

г) отиш спорти соҳасидаги фаолият билан шуғулланувчи юридик шахс томонидан берилган, спорт қуролидан фойдаланиш билан боғлиқ спорт тури кўрсатилган спортчи гувоҳномаси (спорт қуролини олиш учун).

Махсус органлар ва ҳарбий тузилмаларнинг ҳарбий хизматчилари ҳамда ходимлари қуролни олишда мазкур банднинг «б», «в», «г» кичик бандларида назарда тутилган ҳужжатларни, шунингдек, махсус орган ёки ҳарбий тузилмаларда хизматни ўтаётганликлари, ҳарбий ёки махсус унвонини ҳамда адлия малака даражасини тасдиқловчи ҳужжатларни тақдим этади.

2. Фуқаровий қуролни сақлаш ва олиб юриш учун:

а) фуқаровий қуролни рўйхатдан ўтказишда ёки қўшимча тарзда фуқаровий қурол олинганлиги муносабати билан қайта рўйхатдан ўтказишда — фуқаровий ва хизмат қуроли ва унинг ўқ-дориларини реализация қилиш бўйича фаолиятни амалга ошириш учун лицензияга эга бўлган юридик шахснинг олинган қуролнинг тури, хили, модели, калибри, завод серияси ва рақами тўғрисидаги белгиси қўйилган қуролни олишга доир рухсатнома (сақлаш ва олиб юришга доир рухсатномани расмийлаштириш ёки унга ўзгартириш киритиш учун);

б) ўрнатилган тартибда давлат тилига таржимаси тасдиқланган фуқаровий қуролнинг мувофиқлик сертификати (қурол Ўзбекистон Республикаси ҳудудидан ташқарида олинган тақдирда).

3. Мукофот қилинган қуролни сақлаш ва олиб юриш учун:

а) мукофотлашга оид ҳужжатлар ёки уларни берган орган томонидан ўрнатилган тартибда тасдиқланган кўчирма (махсус орган ёки ҳарбий тузилма раҳбарининг буйруғи, Ўзбекистон Республикаси Президенти ва Ўзбекистон Республикаси Вазирлар Маҳкамасининг қарорлари, хорижий давлатлар раҳбарларининг ҳамда хорижий давлатлар ҳукуматлари раҳбарларининг мукофотлашга оид ҳужжатлари);

б) мукофот қилинган қурол белгиланган талабларга мос келишини аниқлаш юзасидан кўздан кечириш учун қурол ва унинг ўқ-дорилари (хорижий давлатлар раҳбарларининг ҳамда хорижий давлатлар ҳукуматлари раҳбарларининг мукофотлашга оид ҳужжатлари асосида олинган қурол ва унинг ўқ-дорилари учун).

4. Спорт ўқотар қуролини, оғиз қисмидаги қувват 3 жоулдан юқори ва калибри 4,5 миллиметрдан ортиқ бўлган пневматик спорт қуролини, пневматик калта стволли қуролни, ташқи томондан автоматик қурол нусха (реплика)ларига ўхшаш пневматик қуролни, тиғли совуқ спорт қуролини, улоқтириш спорт қуролини сақлаш учун:

а) спорт қуролини рўйхатдан ўтказишда ёки қўшимча тарзда спорт қурол олинганлиги муносабати билан қайта рўйхатдан ўтказишда — фуқаровий ва хизмат қуроли ва унинг ўқ-дориларини реализация қилиш бўйича фаолиятни амалга ошириш учун лицензияга эга бўлган юридик шахснинг олинган қуролнинг тури, хили, модели, калибри, завод серияси ва рақами тўғрисидаги белгиси қўйилган қуролни олишга доир рухсатномаси (сақлашга доир рухсатномани расмийлаштириш ёки унга ўзгартириш киритиш учун).

б) ўрнатилган тартибда давлат тилига таржимаси тасдиқланган спорт қуролининг мувофиқлик сертификати (қурол Ўзбекистон Республикаси ҳудудидан ташқарида олинган тақдирда);

в) отиш спорти соҳасидаги фаолият билан шуғулланувчи юридик шахс томонидан берилган ўқ отиш объекти ҳудудидаги қуролхонада спорт қуроли ва унинг ўқ-дорилари сақланишини таъминлаш тўғрисидаги ҳужжат (тасдиқлов).

5. Сойли стволли спорт ўқотар қуроли ва унинг ўқ-дориларини, тиғли совуқ спорт қуролини, улоқтириш спорт қуролини ташиш учун — отиш спорти соҳасидаги фаолият билан шуғулланувчи юридик шахснинг спорт тадбирлари ёки ўқув-машқ отишлари ва бошқа отишларни ўтказиш тўғрисидаги ҳужжати (буйруқ, тақвимий режа-жадвал ёки улардан кўчирма, спорт тадбирида иштирок этиш учун ташкилотчининг таклифномаси).

6. Коллекциялаш қуроли ва унинг ўқ-дориларини ташиш учун — ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркуми ташилаётган йўлда Миллий гвардия, ички ишлар органлари ёки идоравий ҳарбийлаштирилган қўриқлаш хизмати (автомобиль транспортида ташишда), «Ўзбекистон темир йўллари» АЖ ҳарбийлаш тирилган қўриқлаш хизматининг (темир йўл транспортида ташишда) қуролли қўриқловида кузатиб борилишини таъминлаш тўғрисида тузилган шартноманинг нусхаси.

7. Кўргазмага қўйиш қуроли ва унинг ўқ-дориларини ташиш учун:

а) кўргазмада иштирок этиш учун ташкилотчининг таклифномаси;

б) ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркуми ташилаётган йўлда Миллий гвардия, ички ишлар органлари ёки идоравий ҳарбийлаштирилган қўриқлаш хизмати (автомобиль транспортида ташишда), «Ўзбекистон темир йўллари» АЖ ҳарбийлаштирилган қўриқлаш хизматининг (темир йўл транспортида ташишда) қуролли қўриқловида кузатиб борилишини таъминлаш тўғрисида тузилган шартноманинг нусхаси.

8. Қурол ва унинг ўқ-дориларини коллекциялаш учун:

а) қуролни сақлашга мўлжалланган хонада қўриқлаш-ёнғин сигнализацияси воситалари монтаж қилинганлиги юзасидан тузилган далолатнома нусхаси;

б) қуролни сақлашга мўлжалланган хона Миллий гвардия органларининг техник қўриқлаш маркази орқали қўриқловга олинганлиги юзасидан тузилган шартнома нусхаси.

9. Қурол ва унинг ўқ-дориларини кўргазмага қўйиш учун:

а) қурол ва унинг ўқ-дориларини кўргазмага қўйиш учун хоналарни ижарага олиш (ўз эгалигида бундай хоналар бўлмаганда), қуролни ва унинг ўқ-дориларини кўргазмага қўйиш тартиби, уларнинг бут сақланишини таъминлаш, бут сақланишини таъминлаш бўйича ушбу хоналарга қўриқлашнинг муҳандислик-техник воситалари ўрнатилганлиги ҳамда қўриқлаш-ёнғин сигнализацияси ва видео-кузатув тизимлари монтаж қилинганлиги тўғрисида тузилган далолатномалар нусхаларини илова қилган ҳолда шартнома, шунингдек, Миллий гвардия органларининг техник қўриқлаш маркази орқали қўриқловга олинганлиги тўғрисида тузилган шартнома нусхалари;

б) кўргазмага қўйиш режаларини ва экспозицияларни жойлаштириш схемалари (келишиш учун);

в) кўргазманинг чет эллик иштирокчилари учун уларга тегишли қурол ва унинг ўқ-дориларини Ўзбекистон Республикаси ҳудудига олиб кириш, Ўзбекистон Республикаси ҳудуди бўйлаб ташишга доир рухсатномаларни олиш учун ҳужжатлар (чет эллик иштирокчилар олиб кираётган қурол ва унинг ўқ-дориларини кўргазмага қўйишда).

10. Фуқаровий қурол ва унинг ўқ-дориларини олиб кириш учун (Ўзбекистон Республикаси ҳудудига ов қилиш, спорт тадбирларида иштирок этиш ёки кўргазмага қўйиш учун қайтиб олиб чиқиб кетиш шарти билан ов, спорт ва кўргазмага қўйиш қуроли ҳамда унинг ўқ-дорилари бундан мустасно) — олиб кирилаётган фуқаровий қурол ва унинг ўқ-дориларини ишлаб чиқарувчи томонидан берилган мувофиқлик сертификатларининг ўрнатилган тартибда давлат тилига таржимаси тасдиқланган нусхалари.

11. Мукофот қилинган қурол ва унинг ўқ-дориларини олиб кириш учун — ўрнатилган тартибда давлат тилига таржимаси тасдиқланган хорижий давлатлар раҳбарлари ва хорижий давлатлар ҳукуматлари раҳбарларининг мукофотлашга оид ҳужжатлари ёки уларни берган орган томонидан тасдиқланган кўчирмалари.

12. Кўргазмага қўйиш қуроли ва унинг ўқ-дориларини олиб кириш учун — ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркуми ташилаётган йўлда Миллий гвардия, ички ишлар органлари ёки идоравий ҳарбийлаштирилган қўриқлаш хизмати (автомобиль транспортида ташишда), «Ўзбекистон темир йўллари» АЖ ҳарбийлаштирилган қўриқлаш хизматининг (темир йўл транспортида ташишда) қуролли қўриқловида кузатиб борилишини таъминлаш тўғрисида тузилган шартноманинг нусхаси.

13. Доимий яшашга чиқиб кетаётган шахслар томонидан фуқаровий ва мукофот қилинган қурол ҳамда унинг ўқ-дориларини олиб чиқиш учун — қурол ҳисобдан чиқарилганлиги тўғрисида белги қўйилган ваколатли органининг қуролни сақлаш ва олиб юришга доир рухсатномаси.

14. Доимий яшашга чиқиб кетаётган шахслар томонидан коллекциялаш учун қурол ва унинг ўқ-дориларини олиб чиқиш учун:

а) қурол ҳисобдан чиқарилганлиги тўғрисида белги қўйилган ваколатли органнинг қуролни сақлаш ва олиб юришга доир рухсатномаси;

б) ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркуми ташилаётган йўлда Миллий гвардия, ички ишлар органлари ёки идоравий ҳарбийлаштирилган қўриқлаш хизмати (автомобиль транспортида ташишда), «Ўзбекистон темир йўллари» АЖ ҳарбийлаштирилган қўриқлаш хизматининг (темир йўл транспортида ташишда) қуролли қўриқловида кузатиб борилишини таъминлаш тўғрисида тузилган шартноманинг нусхаси.

15. Хорижий давлат ҳудудида ов қилиш, спорт тадбирларида иштирок этиш ёки кўргазмага қўйиш мақсадларида ов, спорт ва кўргазмага қўйиш учун қуролни ҳамда унинг ўқ-дориларини (ов қилиш, спорт тадбирларида — ов ва спорт қуроли ҳамда унинг фойдаланилмаган ўқ-дорилари) қайтиб олиб кириш шарти билан олиб чиқиш:

а) чет эллик юридик шахс билан ов қилиш учун тузилган шартнома нусхаси (спорт тадбирлари, кўргазмада иштирок этиш учун ташкилотчининг таклифномаси);

б) ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркуми ташилаётган йўлда Миллий гвардия, ички ишлар органлари ёки идоравий ҳарбийлаштирилган қўриқлаш хизмати (автомобиль транспортида ташишда), «Ўзбекистон темир йўллари» АЖ ҳарбийлаштирилган қўриқлаш хизматининг (темир йўл транспортида ташишда) қуролли қўриқловида кузатиб борилишини таъминлаш тўғрисида тузилган шартноманинг нусхаси.

II. Ўзбекистон Республикаси ҳудудида вақтинча турган чет эл фуқаролари томонидан фуқаровий қурол ва унинг ўқ-дориларини олиш учун:

а) ариза берувчи ўзи фуқароси бўлган хорижий давлатнинг Ўзбекистон Республикасида аккредитация қилинган дипломатик ваколатхонаси, консуллик муассасаси ва уларга тенглаштирилган ташкилотнинг илтимосномаси;

б) ариза берувчи ўзи фуқароси бўлган хорижий давлатнинг ваколатли органининг қуролни олишга ва ушбу хорижий давлат ҳудудига олиб киришга доир рухсатномаси.

III. Ўзбекистон Республикаси ҳудудида вақтинча турган чет эл фуқаролари томонидан Ўзбекистон Республикаси ҳудудида олинган фуқаровий қурол ва унинг ўқ-дориларини олиб чиқиш учун — фуқаровий ва хизмат қуроли ва унинг ўқ-дориларини реализация қилиш бўйича фаолиятни амалга ошириш учун лицензияга эга бўлган юридик шахснинг олинган қуролнинг тури, хили, модели, калибри, завод серияси ва рақами, ўқ-дориларнинг тури, калибри ва миқдори тўғрисидаги белгиси қўйилган қурол олишга доир рухсатномаси.

IV. Ўзбекистон Республикаси ҳудудида вақтинча турган чет эл фуқаролари ва фуқаролиги бўлмаган шахслар томонидан ов қилиш, спорт тадбирларида иштирок этиш ёки кўргазмага қўйиш мақсадида ов қуроли ва унинг ўқ-дориларини, спорт қуроли ва унинг ўқ-дориларини, кўргазмага қўйиш қуролини ва унинг ўқ-дориларини (ов қилиш, спорт тадбирларида — қурол ва унинг фойдаланилмаган ўқ-дориларини) қайтиб олиб чиқиш шарти билан олиб кириш учун:

а) ов қилиш фаолиятини амалга ошириш ҳуқуқига эга бўлган юридик шахс билан ов қилиш учун тузилган шартнома нусхаси (спорт тадбирлари, кўргазмада иштирок этиш учун ташкилотчининг таклифномаси);

б) ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркуми ташилаётган йўлда Миллий гвардия, ички ишлар органлари ёки идоравий ҳарбийлаштирилган қўриқлаш хизмати (автомобиль транспортида ташишда), «Ўзбекистон темир йўллари» АЖ ҳарбийлаштирилган қўриқлаш хизматининг (темир йўл транспортида ташишда) қуролли қўриқловида кузатиб борилишини таъминлаш тўғрисида тузилган шартноманинг нусхаси.

V. Чет эл фуқаролари ва фуқаролиги бўлмаган шахслар томонидан фуқаровий қурол ва унинг ўқ-дориларини, мукофот қилинган қурол ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудуди орқали транзит қилиш учун:

а) транзит қилинаётган қурол ва унинг ўқ-дориларини жўнатувчи давлат ҳудудидан олиб чиқиш ва қабул қилувчи давлат ҳудудига олиб кириш ҳуқуқини берувчи рухсатномалар нусхалари;

б) ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари туркуми ташилаётган йўлда Миллий гвардия, ички ишлар органлари ёки идоравий ҳарбийлаштирилган қўриқлаш хизмати (автомобиль транспортида ташишда), «Ўзбекистон темир йўллари» АЖ ҳарбийлаштирилган қўриқлаш хизматининг (темир йўл транспортида ташишда) қуролли қўриқловида кузатиб борилишини таъминлаш тўғрисида тузилган шартноманинг нусхаси.

6.

Аризани кўриб чиқиш учун тўланадиган йиғим миқдори:

7.

Рухсат этиш хусусиятига эга ҳужжат берилганлиги учун ундириладиган йиғим:

Йиғим ундирилмайди

8.

Аризани кўриб чиқиш муддати:

1. 30 иш куни:

а) фуқаровий қуролни олиш учун;

б) коллекциялаш қуроли ва унинг ўқ-дориларини олиш учун;

в) қурол ва унинг ўқ-дориларини коллекциялаш учун;

г) қурол ва унинг ўқ-дориларини кўргазмага қўйиш учун.

2. 10 иш куни:

а) Ўзбекистон Республикаси ҳудудида вақтинча турган чет эл фуқаролари томонидан фуқаровий қурол ва унинг ўқ-дориларини олиш учун;

б) фуқаровий қуролни, коллекциялаш қуроли ва унинг ўқ-дориларини, мукофот қилинган қурол ва унинг ўқ-дориларини реализация қилиш учун;

в) фуқаровий ва мукофот қилинган қуролни сақлаш ва олиб юриш учун;

г) спорт ўқотар қуролини ва унинг ўқ-дориларини, оғиз қисмидаги қувват 3 жоулдан юқори ва калибри 4,5 миллиметрдан ортиқ бўлган пневматик спорт қуролини, пневматик калта стволли қуролни, ташқи томондан автоматик қурол нусхаларига (репликаларига) ўхшаш пневматик қуролни, тиғли совуқ спорт қуролини, улоқтириш спорт қуролини сақлаш учун;

д) сойли стволли спорт ўқотар қуроли ва унинг ўқ-дориларини, тиғли совуқ спорт қуролини, улоқтириш спорт қуролини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини ташиш учун;

е) фуқаровий қурол ва унинг ўқ-дориларини, мукофот қилинган қурол ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудудига олиб кириш учун;

ж) Ўзбекистон Республикаси ҳудудида вақтинча турган чет эл фуқаролари ва фуқаролиги бўлмаган шахслар томонидан ов қуроли ва унинг ўқ-дориларини, спорт қуроли ва унинг ўқ-дориларини, кўргазмага қўйиш қуроли ва унинг ўқ-дориларини қайтиб олиб чиқиш шарти билан Ўзбекистон Республикаси ҳудудига олиб кириш учун:

з) фуқаровий қурол ва унинг ўқ-дориларини, мукофот қилинган қурол ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудудига олиб чиқиш учун;

и) хорижий давлат ҳудудида ов қилиш, спорт тадбирларида иштирок этиш ёки кўргазмага қўйиш мақсадларида ов, спорт ва кўргазмага қўйиш учун қуролни ҳамда унинг ўқ-дориларини (ов қилиш, спорт тадбирларида — ов ва спорт қуроли ҳамда унинг фойдаланилмаган ўқ-дорилар) қайтиб олиб кириш шарти билан олиб чиқиш учун;

и) Ўзбекистон Республикаси ҳудудида вақтинча турган чет эл фуқаролари томонидан Ўзбекистон Республикаси ҳудудида олинган фуқаровий қурол ва унинг ўқ-дориларини олиб чиқиш учун;

к) фуқаровий қурол ва унинг ўқ-дориларини, мукофот қилинган қурол ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудуди орқали транзит қилиш учун

9.

Рухсат беришга оид талаб ва шартлар:

1. Қурол ва унинг ўқ-дорилари муомаласи соҳасида ҳаракатларни бажариш ва (ёки) фаолиятни амалга ошириш учун рухсат беришга доир умумий талаблар ва шартлар:

а) қурол ва унинг ўқ-дорилари муомаласи соҳасидаги қонун ҳужжатларига риоя қилиш;

б) қурол ва унинг ўқ-дорилари бут сақланишини, сақлаш хавфсизлиги ва мақсадли фойдаланилишини таъминлаш ҳамда уларга бегона шахслар эгалик қилишни истисно этишга қаратилган чораларни кўриш;

в) қуйидагилар муомаласи соҳасида ҳаракатларни бажаришга ва (ёки) фаолиятни амалга оширишга йўл қўймаслик:

«Қурол тўғрисида»ги Ўзбекистон Республикаси Қонунининг 9 ва 19-моддаларига мувофиқ Ўзбекистон Республикаси ҳудудида муомаласи тақиқланган фуқаровий ва мукофот қилинган қурол ва унинг ўқ-дорилари;

шикастловчи таъсири радиоактив нурланиш, кимёвий ва биологик (бактериологик) омиллардан фойдаланишга ёки электромагнит, нур, иссиқлик, инфратовуш, ультратовуш нурланишдан фойдаланишга асосланган коллекциялаш ва кўргазмага қўйиш қуроли ҳамда унинг ўқ-дорилари;

г) рухсатномада кўрсатилган қурол ва унинг ўқ-дорилари доирасида ҳамда уларга оид ҳаракатларни шахсан бажариш ва (ёки) фаолиятни шахсан амалга ошириш, шунингдек, қурол ва унинг ўқ-дориларини фақат шахсий эҳтиёжлар учун олиш;

д) ариза берувчининг йигирма беш ёшга (фуқаровий ов, коллекциялаш ва кўргазмага қўйиш қуроли ҳамда унинг ўқ-дориларига эгалик қилиш учун) ва ўн саккиз ёшга (фуқаровий спорт қуроли ва унинг ўқ-дорилари, ўзини ўзи ҳимоя қилиш қуролига эгалик қилиш учун) етган бўлиши;

е) «Қурол тўғрисида»ги Ўзбекистон Республикаси Қонунининг 13-моддаси ўнинчи қисмининг учинчи, бешинчи — ўн учинчи ҳамда ўн бешинчи хатбошиларида назарда тутилган асосларнинг мавжуд эмаслиги (Ўзбекистон Республикаси ҳудудида вақтинча турган чет эл фуқаролари ва фуқаролиги бўлмаган шахслар томонидан Ўзбекистон Республикаси ҳудудида ов қилиш, спорт тадбирларида иштирок этиш ёки кўргазмага қўйиш мақсадида ов, спорт ва кўргазмага қўйиш қуроли ҳамда унинг ўқ-дориларини олиб кириш, Ўзбекистон Республикаси ҳудудида олинган фуқаровий қурол ва унинг ўқ-дориларини олиб чиқиш, фуқаровий, мукофот қилинган, коллекциялаш, кўргазмага қўйиш қуроли ва унинг ўқ-дориларини Ўзбекистон Республикаси ҳудуди орқали транзит қилиш ҳолларидан ташқари);

ж) фуқаровий қуролни биринчи марта олаётган жисмоний шахсларнинг овчилар жамоат бирлашмасида (ов қуроли учун) ва отиш спорти соҳасидаги фаолият билан шуғулланувчи юридик шахсларда (спорт қуроли учун) қуролдан хавфсиз фойдаланиш қоидаларини билиши юзасидан текширувдан, шунингдек, қуролни биринчи марта олаётган ҳамда уни сақлашга ва олиб юришга, коллекциялашга ёки кўргазмага қўйишга доир рухсатномаларнинг амал қилиш муддатларини узайтираётган фуқароларнинг давлат соғлиқни сақлаш органларининг тиббиёт муассасаларида қуролга эгалик қилишга қарши кўрсатмалар мавжуд эмаслиги юзасидан даврий тиббий текширувдан ўтиши, уларнинг доимий яшаш жойи бўйича биргаликда яшовчи яқин қариндошлари ҳамда бошқа шахслар доимий яшаш жойи бўйича руҳий касалликлар ва наркология диспансерларида ҳисобда туриши бўйича текширилиши (қурол билан мукофотлаш ҳоллари ҳамда Ўзбекистон Республикаси ҳудудида вақтинча турган чет эл фуқаролари бундан мустасно);

з) доимий яшаш жойи ўзгарган тақдирда, янги доимий яшаш жойи бўйича рўйхатга қўйилган кундан эътиборан ўн кун муддат ичида тегишли ваколатли органга ўзига тегишли қуролни қайта рўйхатдан ўтказиш чораларини кўриш;

и) фуқаровий қуролни сақлаш ва олиб юришга, спорт ўқотар қуролини, оғиз қисмидаги қувват 3 жоулдан юқори ва калибри 4,5 миллиметрдан ортиқ бўлган пневматик спорт қуролини, пневматик калта стволли қуролни, ташқи томондан автоматик қурол нусхаларига (репликаларига) ўхшаш пневматик қуролни, тиғли совуқ спорт қуролини, улоқтириш спорт қуролини сақлашга, қурол ва унинг ўқ-дориларини коллекциялаш ёки кўргазмага қўйишга доир рухсатномаларнинг амал қилиш муддатларини узайтириш учун зарур бўлган ҳужжатларни рухсатноманинг амал қилиш муддати тугашидан камида ўттиз иш кунидан олдин, бошқа турдаги рухсатномаларнинг амал қилиш муддатини узайтириш учун зарур бўлган ҳужжатларни эса уларнинг амал қилиш муддатлари тугашидан камида ўн иш кунидан олдин ваколатли органга тақдим этиш;

к) ваколатли орган ёки суднинг рухсатнома амал қилишини тугатиш ёки уни бекор қилиш тўғрисидаги қарори олинган кундан эътиборан ўн кун ичида қурол ва унинг ўқ-дорилари муомаласи соҳасидаги рухсатномаларни ваколатли органга қайтариш;

л) қурол тўғрисидаги қонун ҳужжатларининг талабларига риоя этилишини текшириш учун ваколатли органлар ходимларининг қурол ва унинг ўқ-дорилари сақланадиган жойларга соат 6-00 дан 22-00 гача монеликсиз киришини таъминлаш, танишиб чиқиш учун уларга зарур ҳужжатларни тақдим этиш.

2. Фуқаровий қурол, коллекциялаш қуроли ва унинг ўқ-дориларини олиш учун қўшимча рухсат беришга доир талаблар ва шартлар:

а) Ўзбекистон Республикаси ҳудудида қурол ва унинг ўқ-дориларини фуқаровий ва хизмат қуролини ҳамда унинг ўқ-дориларини, реализация қилиш бўйича фаолиятни амалга ошириш учун лицензияга эга бўлган юридик шахслар орқали сотиб олиш;

б) қурол ва унинг ўқ-дорилари олинган кундан эътиборан ўн кун муддатда уларни сақлаш ва олиб юриш, коллекциялаш ёки кўргазмага қўйишга доир рухсатномаларни расмийлаштириш (қурол ва унинг ўқ-дориларини рўйхатдан ўтказиш) учун зарур бўлган ҳужжатларни ваколатли органга тақдим этиш;

в) биттадан ортиқ олинган ҳар бир сойли стволли ўқотар ов қуролига, пневматик ов қуролига ва силлиқ стволли ўқотар ов қуроли учун ҳар йили ушбу Низом 141-бандининг иккинчи хатбошисида белгиланган тартибда базавий ҳисоблаш миқдорининг бир баравари миқдорида йиғим тўлаб бориш, мазкур қурол турлари коллекциялаш ёки кўргазмага қўйиш объектлари бўлган ҳоллар бундан мустасно.

3. Фуқаровий қуролни, коллекциялаш ва мукофот қилинган қурол ҳамда унинг ўқ-дориларини реализация қилиш учун қўшимча рухсат беришга доир талаблар ва шартлар:

а) Ўзбекистон Республикаси ҳудудида қурол ва унинг ўқ-дориларини, фуқаровий ва хизмат қуролини ҳамда унинг ўқ-дориларини реализация қилиш бўйича фаолиятни амалга ошириш учун лицензияга эга бўлган юридик шахслар орқали реализация қилиш;

б) қурол ва унинг ўқ-дорилари реализация қилинган кундан эътиборан ўн кун муддатда уларни сақлаш ва олиб юриш, коллекциялаш ёки кўргазмага қўйишга доир рухсатномага ўзгартиришлар киритиш учун тегишли ҳужжатларни (қисман реализация қилинганда), шунингдек, қурол ва унинг ўқ-дориларини сақлаш ва олиб юриш, коллекциялаш ёки кўргазмага қўйишга доир рухсатноманинг аслини (тўлиқ реализация қилинганда) ваколатли органга тақдим этиш.

4. Қурол ва унинг ўқ-дориларини сақлаш ва коллекциялаш учун қўшимча рухсат беришга доир талаблар ва шартлар:

а) ўқотар ов қуролини ва унинг ўқ-дориларини, пневматик ов қуролини, сигнал берувчи ов қуроли ва унинг ўқ-дориларини, тиғли совуқ ов қуролини, коллекциялаш қуроли ва унинг ўқ-дориларини, мукофот қилинган қурол ва унинг ўқ-дориларини доимий яшаш жойида қулфланадиган сейфларда ёки металл шкафларда сақлаш;

б) коллекциялаш қуроли ва унинг ўқ-дорилари сақланадиган хоналарга ўрнатилган қўриқлаш-ёнғин сигнализацияси воситаларининг Ўзбекистон Республикаси Миллий гвардияси органларининг техник қўриқлаш марказига уланишини таъминлаш;

в) спорт ўқотар қуролини ва унинг ўқ-дориларини, шу жумладан сойли стволли спорт қуролини, оғиз қисмидаги қувват 3 жоулдан юқори ва калибри 4,5 миллиметрдан ортиқ бўлган пневматик спорт қуролини, пневматик калта стволли қуролни, ташқи томондан автоматик қурол нусха (реплика)ларига ўхшаш пневматик қуролни, тиғли совуқ спорт ва улоқтириш спорт қуролини спорт ўқ отиш объектлари ҳудудида жиҳозланган қуролхоналардаги қулфланадиган сейфларда ёки металл шкафларда сақлаш;

г) қуролни сейфларда ёки металл шкафларда, унинг ўқ-дориларини эса ушбу сейфлар ёки шкафлар ичидаги қулфланадиган алоҳида қисмида (бўлинмасида) ёки алоҳида қулфланадиган сейфларда ёхуд металл шкафларда сақлаш.

5. Сойли стволли спорт ўқотар қуроли ва унинг ўқ-дориларини, тиғли совуқ спорт, улоқтириш спорт қуролини, коллекциялаш ва кўргазмага қўйиш қуроли ҳамда унинг ўқ-дориларини ташиш учун қўшимча рухсат беришга доир талаблар ва шартлар:

а) қуролни ташиш жилдларда, қинларда ёки махсус ғилофларда, ўқсизлантирилган ҳолатда ўқ-дориларидан алоҳида ташиш;

б) бегона шахсларнинг кўриши ва уларни эркин олиши имкониятини истисно этадиган шароитларда ташиш;

в) ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари ташилаётганда уларни Миллий гвардия, ички ишлар органлари ёки идоравий ҳарбийлаштирилган қўриқлаш хизмати бўлинмалари (автомобиль транспортида ташишда), «Ўзбекистон темир йўллари» АЖ ҳарбийлаштирилган қўриқлаш хизмати бўлинмалари (темир йўл транспортида ташишда) қуролли қўриқлови остида кузатиб борилишини таъминлаш.

6. Қурол ва унинг ўқ-дориларини кўргазмага қўйиш учун қўшимча рухсат беришга доир талаблар ва шартлар:

а) қурол ва унинг ўқ-дориларини кўргазмага қўйиш учун бинолар (хоналар)ни ижарага олиш (ўз эгалигида бундай хоналар бўлмаганда), қуролни ва унинг ўқ-дориларини кўргазмага қўйиш тартиби, уларнинг бут сақланишини таъминлаш бўйича шартномалар тузиш;

б) кўргазмани қўриқлашнинг муҳандислик-техник ҳамда видеокузатув воситалари билан жиҳозланган ва ўрнатилган қўриқлаш-ёнғин сигнализацияси воситалари Миллий гвардия органларининг техник қўриқлаш марказига уланган стационар турдаги бинолар (хоналар)да ўтказиш;

в) кўргазмага қўйилган (шу жумладан, чет эллик иштирокчилар томонидан) қурол ва унинг ўқ-дорилари бут сақланиши ва сақлаш хавфсизлигини таъминлаш, қурол ва унинг ўқ-дорилари жойлаштирилган ва сақланадиган жойларга кираётган шахсларни бевосита кузатиш, назорат қилиш ҳамда бегона шахсларнинг рухсатсиз киришига йўл қўймасликка қаратилган чораларни кўриш;

г) кўргазмага қўйиш режаларини ва экспозиция (кўргазма объект)ларини жойлаштириш схемаларини ишлаб чиқиш ҳамда кўргазма ўтказиладиган жойдаги ваколатли органларга келишиб олиш учун тақдим этиш;

д) қурол ва унинг ўқ-дориларини бошқа предметлар билан бирга кўргазмага қўйилишини истисно этиш (қуролни ишлаб чиқариш, унга техник хизмат кўрсатиш ва таъмирлаш учун мўлжалланган қурилмалар ва асбоблар, спорт, ов ва балиқ овлаш ашёлари ҳамда қуролнинг эҳтиёт қисмлари, шунингдек тарихий-маданий кўргазмалар экспонатлари бундан мустасно);

е) қуролни музей бинолари ташқарисида кўргазмага қўйишни фақат Миллий гвардия органларининг техник қўриқлаш марказига ёки ички қўриқлаш постига уланган қўриқлаш-ёнғин сигнализацияси воситалари билан жиҳозланган ёпиқ (қулфланадиган) витриналар ва стендларда амалга ошириш;

ж) қурол ва унинг ўқ-дорилари экспозициялари очиқ витриналар ва стендларда жойлаштирилган тақдирда, қурол ва унинг ўқ-дориларини ҳар куни кўргазма иши тугагач, Миллий гвардия органларининг техник қўриқлаш марказига уланган юридик шахсларнинг қуролхоналарида сақлаш учун топшириш;

з) қуролнинг ўқ-дориларини ўқсизлантирилган ҳолатда кўргазмага қўйиш;

и) кўргазманинг чет эллик иштирокчилари учун уларга тегишли қурол ва унинг ўқ-дориларини Ўзбекистон Республикаси ҳудудига олиб кириш, Ўзбекистон Республикаси ҳудуди бўйлаб ташишга доир ваколатли органнинг рухсатномаларини олиш, уларни ташиш, кўргазма ўтказилаётган объект ҳудудида қабул қилиш ва жойлаштириш бўйича чораларни кўриш (чет эллик иштирокчиларнинг олиб кирилаётган қурол ва унинг ўқ-дориларини кўргазмага қўйишда).

7. Фуқаровий, мукофот қилинган, коллекциялаш ва кўргазмага қўйиш қуроли ҳамда унинг ўқ-дориларини Ўзбекистон Республикаси ҳудудига олиб кириш ва уларни Ўзбекистон Республикаси ҳудудидан олиб чиқиш учун қўшимча рухсат беришга доир талаблар ва шартлар:

а) қуролни ташиш жилдларда, қинларда ёки махсус ғилофларда, ўқсизлантирилган ҳолатда ўқ-дориларидан алоҳида ташиш;

б) бегона шахсларнинг кўриши ва уларни эркин олиши имкониятини истисно этадиган шароитларда ташиш;

в) ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари ташилаётганда уларни Миллий гвардия, ички ишлар органлари ёки идоравий ҳарбийлаштирилган қўриқлаш хизмати бўлинмалари (автомобиль транспортида ташишда), «Ўзбекистон темир йўллари» АЖ ҳарбийлаштирилган қўриқлаш хизмати бўлинмалари (темир йўл транспортида ташишда) қуролли қўриқлови остида кузатиб борилишини таъминлаш;

г) Ўзбекистон Республикаси ҳудудига олиб кирилган ов ва спорт қуроли ҳамда унинг фойдаланилмаган ўқ-дориларини, кўргазмага қўйиш қуроли ва унинг ўқ-дориларини ов қилиш тўғрисидаги шартномада, спорт мусобақаларида қатнашиш ёки кўргазмага қўйиш учун таклифномаларда белгиланган муддатларда Ўзбекистон Республикаси ҳудудидан олиб чиқиш (Ўзбекистон Республикаси ҳудудида вақтинча турган чет эл фуқаролари ва фуқаролиги бўлмаган шахслар учун);

д) Ўзбекистон Республикасида олинган фуқаровий қурол ва унинг ўқ-дориларини улар олинган кундан эътиборан беш кундан кечиктирмай Ўзбекистон Республикаси ҳудудидан олиб чиқиш (Ўзбекистон Республикаси ҳудудида вақтинча турган чет эл фуқаролари учун).

8. Қурол ва унинг ўқ-дориларини Ўзбекистон Республикаси ҳудуди орқали транзит қилиш учун қўшимча рухсат беришга доир талаблар ва шартлар:

а) транзит қилинаётган қурол ва унинг ўқ-дориларини жўнатувчи давлат ҳудудидан олиб чиқишга ва қабул қилувчи давлат ҳудудига олиб киришга доир рухсатномаларни тақдим этиш;

б) қуролни ташиш жилдларда, қинларда ёки махсус ғилофларда, ўқсизлантирилган ҳолатда ўқ-дориларидан алоҳида ташиш;

в) бегона шахсларнинг кўриши ва уларни эркин олиши имкониятини истисно этадиган шароитларда ташиш;

г) ўн донадан кўп миқдордаги ўқотар қурол ёки унинг беш юз донадан ортиқ миқдордаги ўқ-дорилари транзитини «Ўзбекистон темир йўллари» АЖ ҳарбийлаштирилган қўриқлаш хизмати қуролли қўриқловининг (темир йўл транспортида ташишда) ёки Давлат йўл ҳаракати хавфсизлиги хизмати бўлинмаларининг (автомобиль транспортида ташишда) кузатувида амалга оширилишини таъминлаш.

10.

Рухсат этиш хусусиятига эга ҳужжатни беришда келишиладиган органлар:

Мавжуд эмас

11.

Рухсат этиш хусусиятига эга ҳужжатнинг амал қилиш муддати:

1. Амал қилиш муддатисиз — мукофот қилинган қуролни сақлаш ва олиб юриш учун.

2. 3 йил:

а) фуқаровий қуролни сақлаш ва олиб юриш учун;

б) спорт ўқотар қуролини ва унинг ўқ-дориларини, оғиз қисмидаги қувват 3 жоулдан юқори ва калибри 4,5 миллиметрдан ортиқ бўлган пневматик спорт қуролини, пневматик калта стволли қуролни, ташқи томондан автоматик қурол нусха (реплика)ларига ўхшаш пневматик қуролни, тиғли совуқ спорт қуролини, улоқтириш спорт қуролини сақлаш учун;

в) қурол ва унинг ўқ-дориларини коллекциялаш учун.

3. 90 кун:

а) фуқаровий қуролни, коллекциялаш қуроли ва унинг ўқ-дориларини олиш учун;

б) фуқаровий қуролни, коллекциялаш қуроли ва унинг ўқ-дориларини, мукофот қилинган қурол ва унинг ўқ-дориларини реализация қилиш учун;

в) коллекциялаш қуроли ва унинг ўқ-дориларини ташиш учун;

г) фуқаровий қурол ва унинг ўқ-дориларини, мукофот қилинган қурол ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудудига олиб кириш учун (Ўзбекистон Республикаси ҳудудига ов қилиш, спорт тадбирларида иштирок этиш ёки кўргазмага қўйиш учун қайтиб олиб чиқиб кетиш шарти билан ов, спорт ва кўргазмага қўйиш қуроли ҳамда унинг ўқ-дорилари бундан мустасно);

д) доимий яшашга чиқиб кетаётган шахслар томонидан фуқаровий қурол ва унинг ўқ-дориларини, мукофот қилинган қурол ва унинг ўқ-дориларини, коллекциялаш қуроли ва унинг ўқ-дориларини олиб чиқиш учун;

е) Ўзбекистон Республикаси ҳудудида вақтинча турган чет эл фуқаролари томонидан Ўзбекистон Республикаси ҳудудида олинган фуқаровий қурол ва унинг ўқ-дориларини Ўзбекистон Республикаси ҳудудидан олиб чиқиш учун;

ж) фуқаровий қурол ва унинг ўқ-дориларини, мукофот қилинган қурол ва унинг ўқ-дориларини, коллекциялаш қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудуди орқали транзит қилиш учун.

4. Ўзбекистон Республикаси ҳудудида вақтинча яшаш даврида, бироқ 30 кундан ошмаган муддатда — Ўзбекистон Республикаси ҳудудида вақтинча турган чет эл фуқаролари томонидан фуқаровий қурол ва унинг ўқ-дориларини олиш учун.

5. Спорт тадбири давомида, бироқ 90 кундан ортиқ бўлмаган муддатга — сойли стволли спорт ўқотар қуроли ва унинг ўқ-дориларини, тиғли совуқ спорт қуролини, улоқтириш спорт қуролини ташиш учун.

6. Кўргазма давомида, бироқ 90 кундан ортиқ бўлмаган муддатга:

а) кўргазмага қўйиш қуроли ва унинг ўқ-дориларини ташиш учун;

б) қурол ва унинг ўқ-дориларини кўргазмага қўйиш учун.

7. Ов қилиш, спорт тадбири ёки кўргазма давомида, бироқ 30 кундан ортиқ бўлмаган муддатга:

а) Ўзбекистон Республикаси ҳудудида вақтинча турган чет эл фуқаролари ва фуқаролиги бўлмаган шахслар томонидан ов қуроли ва унинг ўқ-дориларини, спорт қуроли ва унинг ўқ-дориларини, кўргазмага қўйиш қуроли ва унинг ўқ-дориларини Ўзбекистон Республикаси ҳудудига вақтинча олиб кириш учун;

б) хорижий давлат ҳудудида ов қилиш, спорт тадбирларида иштирок этиш ёки кўргазмага қўйиш мақсадларида ов, спорт ва кўргазмага қўйиш учун қуролни ҳамда унинг ўқ-дориларини Ўзбекистон Республикаси ҳудудидан вақтинча олиб чиқиш учун.

12.

Изоҳ:

1. Коллекциялаш қуроли ва унинг ўқ-дорилари — коллекциялаш объектлари ҳисобланган ўқотар, пневматик, газли, сигнал берувчи, совуқ ва бошқа қурол ҳамда унинг ўқ-дорилари.

2. Кўргазмага қўйиш қуроли ва унинг ўқ-дорилари — кўргазма объектлари ҳисобланган ўқотар, пневматик, газли, сигнал берувчи, совуқ ва бошқа қурол ҳамда унинг ўқ-дорилари.

3. Тиғли совуқ ов қуролини, ўқотар ов қуролининг ва пневматик қуролнинг ўқ-дориларини олиш Ўзбекистон Республикасининг ов қилиш ҳуқуқи берилган фуқаролари томонидан олиш ваколатли органларнинг рухсатномаларисиз амалга оширилади.

4. Тиғли совуқ ов ва сигнал берувчи ов қуролини олиш, реализация қилиш, сақлаш, олиб юриш ва ташиш ваколатли органларнинг рухсатномаларисиз, овчилар жамоат бирлашмаси томонидан берилган овчилик гувоҳномаси асосида амалга оширилади.

5. Ўқотар ов қуролининг ўқ-дориларини олиш, реализация қилиш, сақлаш, олиб юриш ва ташиш ваколатли органлар томонидан ўқ-дориларнинг тури ва калибрига мос ов қуролини сақлаш ва олиб юришга доир берилган рухсатнома ва овчилар жамоат бирлашмаси томонидан берилган овчилик гувоҳномаси асосида амалга оширилади.

6. Шахсий фойдаланиш мақсадида силлиқ стволли ўқотар ов қуролига патронларни аслаҳалаш учун фойдаланиладиган иницияланадиган ва оловланадиган модда ва материалларни (ов порохи ва пистонлар) олиш, реализация қилиш, сақлаш, ташиш ваколатли органлар томонидан силлиқ стволли ўқотар ов қуролини сақлаш ва олиб юришга доир берилган рухсатнома ва овчилар жамоат бирлашмаси томонидан берилган овчилик гувоҳномаси асосида амалга оширилади.

7. Ўқотар ов қуролини, пневматик ов қуролини, силлиқ стволли спорт қуролини ва унинг ўқ-дориларини, пневматик спорт қуролини, шунингдек, мукофот қилинган қурол ва унинг ўқ-дориларини, ўзини ўзи ҳимоя қилиш қуролини ташиш ваколатли органларнинг қуролни сақлаш ва олиб юришга ёки сақлашга доир рухсатномаси асосида амалга оширилади.

8. Ҳужжатлар Ўзбекистон Республикасининг биринчи марта қурол ва унинг ўқ-дориларини олаётган, шунингдек, қуролни сақлашга ва олиб юришга, коллекциялашга ёки кўргазмага қўйишга доир рухсатномаларнинг амал қилиш муддатларини узайтириш учун берилган тақдирда, ваколатли ички ишлар органи томонидан қабул қилинган ҳужжатлар рўйхати билан бирга қуролга эгалик қилишга қарши кўрсатмалар мавжуд эмаслиги юзасидан даврий тиббий текширувлардан ўтишга доир йўлланма юборилади (топширилади).

Йўлланмада тиббий текширув ўтказувчи давлат соғлиқни сақлаш органларининг тиббиёт муассасаси номи ва манзили, мурожаат учун телефон рақамлари, мавжуд бўлса — электрон почта манзили, иш режими, тиббий текширувга юборилаётган Ўзбекистон Республикаси фуқаросининг фамилияси, исми, отасининг исми, паспорт (идентификацияловчи ID-картаси, шахсни тасдиқловчи бошқа ҳужжат) серияси, рақами ва уни берган орган ёки жисмоний шахснинг шахсий идентификация рақами (ЖШШИР), туғилган санаси ва жойи, доимий яшаш жой манзили, шунингдек, тиббий хулоса юбориладиган ваколатли ички ишлар органи номи, почта ёки электрон манзили, ички ишлар органи масъул ходимининг лавозими, унвони, фамилияси, исми ва отасининг исми кўрсатилади.

9. Ваколатли орган томонидан биттадан ортиқ ҳар бир сойли стволли ўқотар ов қуролини, пневматик ов қуролини ва силлиқ стволли ўқотар ов қуролига эгалик қилганлик учун базавий ҳисоблаш миқдорининг бир баравари миқдорида йиғим ундирилади, мазкур қурол турлари коллекциялаш ёки кўргазмага қўйиш объектлари бўлган ҳоллар бундан мустасно.

Йиғим қурол эгаси томонидан ҳар йили қуйидаги тартибда тўланади:

қуролни сақлаш ва олиб юришга доир рухсатнома амал қилишининг биринчи ва иккинчи йилларида — рухсатнома берилган кундан бир ва икки йил ўтган санадан кечиктирмасдан;

сойли стволли ўқотар ов қуролини, пневматик ов қуролини ва силлиқ стволли ўқотар ов қуролини сақлаш ва олиб юришга доир рухсатнома амал қилишининг учинчи йилида — рухсатноманинг амал қилиш муддати тугашидан камида ўттиз иш кунидан олдин.

10. Қўпол равишда бузиш деб ҳисобланадиган рухсат беришга доир талаб ва шартларга қуйидагилар киради:

а) рухсат беришга доир талаблар ва шартларга риоя этилиши юзасидан ваколатли орган томонидан белгиланган тартибда ўтказиладиган текширувлардан бош тортиш;

б) рухсатномада кўрсатилган ҳаракатларни бажариш ва (ёки) фаолиятни амалга ошириш фуқароларнинг ҳаёти ва соғлиғига, жамоат хавфсизлигига зиён ҳамда атроф-муҳитга зарар етказилишига олиб келган бўлса;

в) қурол ва унинг ўқ-дорилари бут сақланишини таъминлаш чоралари кўрилмаслиги уларнинг йўқолиши ёки талон-торож қилиниши хавфини туғдирса;

г) рухсатномада кўрсатилган ҳаракатларни шахсан бажармаслик ва (ёки) фаолиятни шахсан амалга оширмаслик;

д) тури, хили, модели, калибри ва сони рухсатномада кўрсатилмаган қурол ва унинг ўқ-дорилари билан ҳаракатларни бажариш ва (ёки) фаолиятни амалга ошириш;

е) қурол ва унинг ўқ-дориларини сақлаш, коллекциялаш ва кўргазмага қўйишга доир рухсатномада белгиланмаган жойда (манзилда) қурол ва унинг ўқ-дориларини сақлашни, коллекциялашни ва кўргазмага қўйишни амалга ошириш;

ж) Ўзбекистон Республикаси ҳудудида вақтинча турган чет эл фуқаролари ва фуқаролиги бўлмаган шахсларнинг қурол ва унинг ўқ-дориларини Ўзбекистон Республикаси ҳудудидан олиб чиқиш муддатларини, шунингдек Ўзбекистон Республикаси ҳудудига олиб кириш ва Ўзбекистон Республикаси ҳудудида фойдаланиш тартибини бузиши.

».