Бошқарув ва расмий ҳукумат делегациялари ва чет эллик меҳмонларга хизмат кўрсатишнинг ягона тузилмасини ташкил этиш мақсадида Вазирлар Маҳкамаси қарор қилади:
1. Ўзбекистон Республикаси Президенти Аппарати Ишлар Бошқармасининг шаҳар ташқарисидаги «Қайнарсой» қароргоҳи ва «Дўрмон» қароргоҳи базасида «Дўрмон — Қайнарсой» комплексларининг хўжалик ҳисобидаги бирлашган дирекцияси ташкил этилсин.
LexUZ шарҳи
1-банд Ўзбекистон Республикаси Вазирлар Маҳкамасининг 1999 йил 1 декабрдаги 516-сонли «Дўрмон –– Қайнарсой» комплекслари бирлашган дирекцияси фаолиятини такомиллаштириш тўғрисида»ги қарорига мувофиқ қисман ўзгартирилган.
2. Ўзбекистон Республикаси Молия вазирлиги 1996 йилда республика бюджетидан «Дўрмон — Қайнарсой» комплексларининг хўжалик ҳисобидаги бирлашган дирекциясига унинг ўз даромадларидан қопланмаган харажатларини қоплаш учун тақдим этилган ҳисоб-китобларга мувофиқ бир марталик маблағ ажратсин.
«Дўрмон — Қайнарсой» комплексларининг хўжалик ҳисобидаги бирлашган дирекцияси ишга туширилган вақтдан бошлаб беш йилга солиқларнинг барча турларини тўлашдан озод қилинсин.
3. «Қайнарсой» қароргоҳи ходимларининг иш ҳақига 1996 йил 1 январдан бошлаб баланд тоғ шароитида ишлаганлик учун 1,15 коэффициент белгилансин.
Кейинги таҳрирга қаранг.
4. Ўзбекистон Республикаси Президенти Аппарати Ишлар Бошқармаси бир ой муддатда «Дўрмон — Қайнарсой» комплекслари хўжалик ҳисобидаги бирлашган дирекциясининг янги функциялари ва фаолияти йўналишларини ҳисобга олган ҳолда у ҳақдаги низомни ишлаб чиқсин ва тасдиқласин.
5. Ҳарбийлаштирилган ёнғиндан муҳофаза қилиш бўлинмаси ташкил этиш учун Ўзбекистон Республикаси Ички ишлар вазирлигига қўшимча равишда 45 штат бирлиги ажратилсин.
Олдинги таҳрирга қаранг.
6. Молия вазирлиги 1996 йилдан бошлаб Ўзбекистон Республикаси Ички ишлар вазирлигининг харажатлари сметасида «Қайнарсой» комплексининг ҳарбийлаштирилган ёнғиндан муҳофаза қилиш бўлинмаси харажатлари учун бюджетдан зарур маблағ ажратилишини назарда тутсин.
(6-банд Ўзбекистон Республикаси Вазирлар Маҳкамасининг 2016 йил 26 апрелдаги 122-сонли қарори таҳририда — ЎР ҚҲТ, 2016 й., 17-сон, 176-модда)