LexUZ шарҳи
Ушбу қарор Ўзбекистон Республикаси Вазирлар Маҳкамасининг 1998 йил 31 мартдаги 137-сонли «Ўзбекистон Республикасида ташқи савдо фаолиятини эркинлаштириш бўйича қўшимча чора-тадбирлар тўғрисида»ги қарори билан ўз кучини йўқотган.
Ўзбекистон Республикаси Президентининг «Ўзбекистон Республикасида ташқи иқтисодий фаолиятни рағбатлантириш, чет эл инвестицияларини жалб этиш ва уларни ҳимоя қилиш чора-тадбирлари тўғрисида»ги Фармонга биноан, республикаси ижтимоий-иқтисодий ривожлантириш учун зарур шарт-шароитларни яратиш ва ташқи иқтисодий фаолиятни кучайтириш мақсадида Вазирлар Маҳкамаси қарор қилади:
1. Истиқболни белгилаш ва статистика давлат қўмитаси Ташқи иқтисодий алоқалар вазирлиги, Молия вазирлиги, Фан ва техника давлат қўмитаси, Ўзбекистон Республикаси Ташқи иқтисодий фаолият миллий банки билан биргаликда инвестициялар йўналтириладиган республика ҳаётининг энг долзарб муаммоларини ҳал этишни, унинг иқтисодий қудратини ва экспорт имкониятларини жадал ривожлантиришни таъминлайдиган ўта аҳамиятли лойиҳаларнинг рўйхати ва техникавий-иқтисодий тавсифини ўз ичига олган Ўзбекистон Республикасининг инвестиция дастурини бир ой муддатда ишлаб чиқсин ва Вазирлар Маҳкамасига тақдим этсин.
2. Ўзбекистон Республикаси Ташқи ишлар вазирлиги ва Ташқи иқтисодий алоқалар вазирлиги бир ой муддатда Ўзбекистон Республикасининг чет эл инвестицияларини ҳимоя қилишни кўзда тутувчи ва шу масалалар бўйича низоларни ҳакамлик судида кўриб чиқиш тартибини белгиловчи тегишли халқаро-ҳуқуқий битим ва аҳдлашувларга қўшилиши ҳақидаги таклифларни Вазирлар Маҳкамасига киритсинлар.
3. Молия вазирлиги, Ташқи иқтисодий алоқалар вазирлиги Ўзбекистон Республикаси Марказий банки, Ташқи иқтисодий фаолият миллий банки билан биргаликда бир ой муддат ичида чет эл инвестицияларини ҳимоя қилиш миллий суғурта жамғармаси ҳақидаги низом лойиҳасини, чет эл капитали иштирок этадиган суғурта компанияларини рўйхатдан ўтказиш тартиби ва чет эл инвестицияларини суғурта қилиш бўйича аъмоллар ўтказган пайтда мазкур компаниялардан солиқ олишда уларга бериладиган қўшимча имтиёзлар ҳақидаги таклифларни ишлаб чиқсинлар ва Вазирлар Маҳкамасига тақдим этсинлар.
Ташқи иқтисодий алоқалар вазирлигининг розилиги билан ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан ҳамкорликда сўм ва валютага чет эл товарлари сотадиган хорижий юридик ва жисмоний шахсларни ва фуқароларни жалб этувчи савдо корхоналари тармоғини барпо этиш учун зарур бўлган объект (бино, хона)лар рўйхатини аниқласин, чет эл фирмалари билан Ўзбекистон Республикасида савдо уйлари, фирма дўконлари очиш юзасидан тегишли иш олиб борсин;
Ўзбекистон Республикаси Молия вазирлиги, Марказий банки, Давлат божхона қўмитаси билан биргаликда 10 кун муддат ичида Ўзбекистон Республикаси ҳудудида чет эл валютасига товар сотиш ва хизмат кўрсатиш тартиби тўғрисидаги Низомни ишлаб чиқсин ва тасдиқласин.
5. Истиқболни белгилаш ва статистика Давлат қўмитаси «Ўзшартномасавдо» давлат уюшмаси билан биргаликда бир ой муддат ичида Вазирлар Маҳкамасига лицензияланадиган товарлар, (ишлар, хизматлар)ни биржалар орқали сотиш квоталарини белгилаш тартиби ҳақида таклифлар тақдим этсин.
*1-илова рус тилида берилган.
Ўзбекистон Республикаси Ташқи иқтисодий алоқалар вазирлиги икки ҳафта муддат ичида лицензиялари кимошди савдосида сотилиши мўлжалланган товарлар (ишлар, хизматлар)ни лицензиялаш тартибини ишлаб чиқсин ва тасдиқласин.
7. Ўзбекистон Республикаси Олий Кенгашининг «Корхоналар (ташкилотлар) махсус рухсатномалар (лицензиялар) асосидагина шуғулланишга ҳақли бўлган фаолият турларининг рўйхати ҳақида» 1992 йил 14 январдаги қарори» тўғрисида Вазирлар Маҳкамасининг 1992 йил 21 майдаги 240-сон қарорига қўшимча равишда белгилаб қўйилсинки, маҳаллий ҳамда чет эллик юридик ва жисмоний шахсларга ташқи иқтисодий алоқалар соҳасида савдо-сотиқ ва савдо-воситачилик фаолияти билан шуғулланиш учун лицензия Ўзбекистон Республикаси Ташқи иқтисодий алоқалар вазирлиги томонидан белгиланган тартибда берилади.
Кейинги таҳрирга қаранг.
манфаатдор вазирликлар, идоралар ва ташкилотлар билан биргаликда хорижий компаниялар ва халқаро молия ташкилотларини жалб қилган ҳолда Ўзбекистонда халқаро пахта биржасини ташкил этиш масаласини ўрганиб чиқсин. Вазирлар Маҳкамасига уч ой муддат ичида тегишли таклифларни тақдим этсин;
Ташқи савдо аъмолларига хизмат кўрсатишни такомиллаштириш мақсадида Ўрта Осиё темир йўл бошқармаси, Ўзбекистон Республикаси Автомобиль транспорти вазирлиги, Ўзбекистоннинг «Ўзбекистон ҳаво йўллари» миллий авиакомпанияси ва бошқа манфаатдор ташкилотлар билан биргаликда бир ой муддат ичида транспорт-экспедиторлик акционерлик компаниясини тузсин ва унинг халқаро транспорт-экспедиторлик муассасалари ва ташкилотлари тизимига киришига доир чора-тадбирларни кўрсин.
2-иловага* мувофиқ айрим товарлар, материаллар экспорти ва импорти учун божхона тўловларининг вақтинчалик ставкалари;
*2-илова рус тилида берилган.
3-иловага* мувофиқ экспорт ва импорт қилинадиган айрим товарга бож ҳақларини ҳисоблаш ва ундириш тартиби;
*3-илова рус тилида берилган.
4-иловага* мувофиқ Ўзбекистон Республикасидан олиб чиқиб кетиш ва унга олиб кириш тақиқланган буюмлар ва халқ истеъмол моллари рўйхати;
Кейинги таҳрирга қаранг.
*4-илова рус тилида берилган.
*5-илова рус тилида берилган.
10. Белгилаб қўйилсинки, Ўзбекистон Республикасидан олиб чиқиб кетиш чеклаб қўйилган халқ истеъмол моллари рўйхати Ташқи иқтисодий алоқалар вазирлиги, «Ўзшартномасавдо» давлат уюшмаси, Давлат божхона қўмитаси билан биргаликда Истиқболни белгилаш ва статистика давлат қўмитаси томонидан, савдодан ташқари оборотда қўлланиладиган божхона тўловлари ставкалари, божхона ишлари учун ҳақ эса — Ўзбекистон Республикаси Молия вазирлиги билан биргаликда Давлат божхона қўмитаси томонидан тасдиқланади.
11. Ўзбекистон Республикаси Ташқи иқтисодий алоқалар вазирлиги Ўзбекистон Республикаси Молия вазирлиги ва Давлат божхона қўмитаси билан келишиб, зарур ҳолларда Ўзбекистон Республикаси билан ягона божхона иттифоқи тузган ёки эркин савдо зонасига кирадиган давлатлардан чиқадиган товарларга нисбатан импорт учун бож тўловлари бўйича уларни бундай тўловдан озод қилиш шаклидаги имтиёзлар жорий этиш тўғрисида, ставкаларни ўзгартириш ёки имтиёзли олиб кириш учун квоталар белгилаш ҳақида Вазирлар Маҳкамасига таклифлар киритсин.
12. Белгилаб қўйилсинки, мазкур қарорнинг 6, 9, 10-бандлари, агар Ўзбекистон Республикасининг халқаро битимларида бу ҳақда бошқача келишилмаган бўлса, Ўзбекистон Республикаси билан ягона Бож иттифоқига кирган давлатлараро бўладиган савдо-иқтисодий муносабатларга жорий қилинмайди.
Кейинги таҳрирга қаранг.
13. Дунё жамоатчилигини, хорижий ишбилармонлар доираларини республикада жамиятни янгилаш, уни ижтимоий-иқтисодий ислоҳ қилиш, савдо, ташқи иқтисодий ва инвестициявий ҳамкорликни кўзда тутувчи ҳуқуқий асосларни яратиш, Ўзбекистоннинг халқаро ташкилотлар билан техникавий ҳамкорлигини ахборот хизмати билан таьминлаш борасида амалга оширилаётган тадбирлар билан кенг миқёсда таништириш мақсадида, шунингдек, маҳаллий ва хорижий шериклар ўртасидаги самарали ҳамкорликни таъминлайдиган консультациявий ва бошқа хизматлар кўрсатувчи, Ўзбекистон Республикасининг халқаро алоқаларини ахборот билан таъминловчи хўжалик ҳисобидаги идоралараро Марказ тузиш мақсадга мувофиқ деб топилсин.
Ташқи иқтисодий алоқалар вазирлигига, Адлия вазирлигига, Ташқи иқтисодий фаолият миллий банкига, Истиқболни белгилаш ва статистика давлат қўмитасига, Матбуот давлат қўмитасига, Давлат телерадиоэшиттириш компаниясига, Миллий ахборот агентлигига бошқа манфаатдор республика ва чет эл ташкилотлари билан биргаликда Ўзбекистон Республикасининг халқаро алоқаларини ахборот билан таьминловчи Марказ ташкил қилишда ҳисса қўшиш асосида иштирок этиш тавсия қилинсин.
Мазкур Марказга ноширлик фаолияти билан шуғулланиш ҳуқуқи берилсин, унга республикада ва чет элларда тарқатиш мақсадида махсус даврий нашрлар, ахборот ва реклама маҳсулотлари чиқаришга рухсат этилсин.
Ўзбекистон Республикасининг халқаро алоқаларини ахборот билан таъминлаш Марказининг манзили қилиб мазкур комплекснинг объекти ҳуқуқлари билан Республика халқаро савдо обьектлари комплекси белгилансин.
Ўзбекистон Республикаси Алоқа вазирлиги Ўзбекистон Республикасининг халқаро алоқаларини ахборот билан таьминлаш Марказини керакли телекоммуникация алоқаси жиҳозлари билан шартнома асосида таьминласин.
Вазирликлар, идоралар, концернлар, уршмалар, иттифоқлар, маҳаллий бошқарув органлари Марказга унинг уставида кўрсатилган фаолиятни амалга ошириш учун зарур ахборотларни олишида ёрдам кўрсатсинлар.