Ўзбекистон Республикаси Вазирлар Маҳкамасининг «Бюджетдан ташқари Пенсия жамғармасини бошқаришни янада такомиллаштириш тўғрисида» 2004 йил 21 октябрдаги 490-сон қарорига мувофиқ Вазирлар Маҳкамаси қарор қилади:
Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.
1. Ўзбекистон Республикаси Олий Совети Президиуми ҳамда Ўзбекистон Республикаси Вазирлар Маҳкамасининг «Чернобиль ҳалокатидан зиён кўрган Ўзбекистон Республикасида истиқомат қилувчи фуқароларни ижтимоий ҳимоялаш ҳақида» 1992 йил 6 апрелдаги 170-сон қарори (Ўзбекистон Республикаси ҚТ, 1992 й., 4-сон, 13-модда) 2-банди «бюджетдан ташқари Пенсия жамғармаси» сўзларидан олдин «Молия вазирлиги ҳузуридаги» сўзлари билан тўлдирилсин.
2. Вазирлар Маҳкамасининг 1994 йил 1 февралдаги 48-сон қарори (Ўзбекистон Республикаси ҚТ, 1994 й., 2-сон, 7-модда) билан тасдиқланган Ходимларга уларнинг меҳнат вазифаларини бажариш билан боғлиқ ҳолда жароҳатланиши, касб касалликларига чалиниши ёки саломатликнинг бошқа хил шикастланиши туфайли етказилган зарарни иш берувчилар томонидан тўлаш қоидалари 28-бандининг иккинчи хатбоши «бюджетдан ташқари Пенсия жамғармасига» ҳамда «бюджетдан ташқари Пенсия жамғармаси» сўзларидан олдин «Молия вазирлиги ҳузуридаги» сўзлари билан тўлдирилсин.
3. Вазирлар Маҳкамасининг «Фуқароларнинг давлат пенсия таъминоти тўғрисида» Ўзбекистон Республикасининг Қонунини рўёбга чиқариш учун зарур бўлган норматив ҳужжатларни тасдиқлаш ҳақида» 1994 йил 11 майдаги 249-сон қарорида:
а) 1-банднинг ўн иккинчи хатбошидаги «Пенсия жамғармасига» сўзлари «Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига» сўзлари билан алмаштирилсин;
б) Учувчилар ва синовчи-учувчилар таркибига кирувчи ходимларга пенсия тайинлаш учун белгиланган хизмат муддатларини ҳисоблаш тартиби 7-бандининг учинчи хатбоши «бюджетдан ташқари Пенсия жамғармаси» сўзларидан олдин «Молия вазирлиги ҳузуридаги» сўзлари билан тўлдирилсин;
в) 8-илованинг номидаги «Пенсия жамғармасига» сўзлари «Ўзбекистон Республикаси Молия вазирлиги ҳузуридаги Пенсия жамғармасига» сўзлари билан алмаштирилсин;
г) Пенсия тайинлаш учун меҳнат стажини тасдиқлаш тартиби тўғрисидаги низом 1-бандининг иккинчи хатбоши, 5-банд, 6-банднинг биринчи хатбоши, 20-банднинг иккинчи хатбоши, 24-банд ва Низомга 1-илова «бюджетдан ташқари Пенсия жамғармаси» сўзларидан олдин «Молия вазирлиги ҳузуридаги» сўзлари билан тўлдирилсин.
Кейинги таҳрирга қаранг.
4. Вазирлар Маҳкамасининг 1994 йил 23 июндаги 317-сон қарори (Ўзбекистон Республикаси ҚТ, 1994 й., 6-сон, 32-модда) билан тасдиқланган Меҳнатда майибланганлик ёки касб касаллиги туфайли тайинланган пенсияларни бошқа давлатларга ўтказиш тартиби тўғрисидаги низомнинг 3-банди «бюджетдан ташқари Пенсия жамғармаси» сўзларидан олдин «Молия вазирлиги ҳузуридаги» сўзлари билан тўлдирилсин.
Кейинги таҳрирга қаранг.
Олдинги таҳрирга қаранг.
(5-банд Ўзбекистон Республикаси Вазирлар Маҳкамасининг 2011 йил 7 апрелдаги 107-сонли қарорига асосан ўз кучини йўқотган — ЎР ҚҲТ, 2011 й., 14-сон, 142-модда)
6. Вазирлар Маҳкамасининг «Ишлаб чиқаришдаги бахтсиз ҳодисаларни ва ходимлар саломатлигининг бошқа хил зарарланишини текшириш ва ҳисобга олиш тўғрисидаги низомни тасдиқлаш ҳақида» 1997 йил 6 июндаги 286-сон қарорига (Ўзбекистон Республикаси ҚТ, 1994 й., 6-сон, 21-модда) илованинг II бўлими 5-бандидаги «вилоят (Қорақалпоғистон Республикаси, Тошкент шаҳар) пенсия жамғармаси бўлимига» сўзлари «туман (шаҳар) ижтимоий таъминот бўлимига» сўзлари билан алмаштирилсин.
7. Вазирлар Маҳкамасининг «Ижтимоий суғурталарга бадаллар миқдорлари тўғрисида» 1999 йил 30 июлдаги 372-сон қарорининг муқаддимасидаги ва 4-бандидаги «Пенсия жамғармаси» ва «Пенсия жамғармасига» сўзлари тегишли равишда «Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси» ва «Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига» сўзлари билан алмаштирилсин.
8. Вазирлар Маҳкамасининг «Капитал қурилишда иқтисодий ислоҳотларни чуқурлаштиришга доир қўшимча чора-тадбирлар тўғрисида» 2000 йил 5 августдаги 305-сон қарорининг (Ўзбекистон Республикаси ҚТ, 2000 й., 8-сон, 48-модда) 7-бандидаги «Пенсия жамғармасига ва Республика йўл жамғармасига» сўзлари «Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига ва Республика йўл жамғармасига» сўзлари билан алмаштирилсин.
9. Вазирлар Маҳкамасининг «Ички бозорни дори-дармон воситалари ва тиббиёт буюмлари билан таъминлашга доир қўшимча чора-тадбирлар тўғрисида» 2000 йил 5 августдаги 307-сон қарори (Ўзбекистон Республикаси ҚТ, 2000 й., 8-сон, 49-модда) 1-бандининг учинчи хатбошидаги «Пенсия ва Республика йўл жамғармасига» сўзлари «Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига ва Республика йўл жамғармасига» сўзлари билан алмаштирилсин.
10. Вазирлар Маҳкамасининг «SOS—Ўзбекистон болалар маҳаллалари» уюшмасининг хайрия фаолиятини рағбатлантириш чора-тадбирлари тўғрисида» 2001 йил 26 июндаги 271-сон қарорининг 1-банди «бюджетдан ташқари Пенсия жамғармасига» сўзларидан олдин «Молия вазирлиги ҳузуридаги» сўзлари билан тўлдирилсин.