LexUZ шарҳи
Мазкур қарор Ўзбекистон Республикаси Вазирлар Маҳкамасининг 2006 йил 10 мартдаги 41-сонли «Ўзбекистон Республикаси ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида»ги қарорига асосан ўз кучини йўқотган.
Ўзбекистон Республикаси Президентининг «Ўзбекистоннинг ижтимоий тараққиётида телевидение ва радионинг ролини ошириш чора-тадбирлари тўғрисида»ги Фармонига мувофиқ Вазирлар Маҳкамаси қарор қилади:
1 Ўзбекистон Телерадиокомпаниясида Телерадиокомпания таркибига таркибий бирликлар ҳуқуқлари билан кирган бўлинмаларнинг давлат мулкини тўлиқ хўжалик ҳисоби бўйича юритиш ҳуқуқи сақлаб қолинсин. Ўзбекистон Давлат телерадиоэшиттириш компаниясига ҳамда унга қарашли корхона ва ташкилотларга тегишли асосий фондлар, мол-мулклар ва банк счётларидаги пул маблағлари Ўзбекистон Телерадиокомпанияси тасарруфига ўтказилсин.
Ўзбекистон Телерадиокомпаниясининг ташкилий тузилмаси, бошқарув аппарати ходимлари ва ижодий-ишлаб чиқариш ходимлари сони 1, 2, 2а, 2б, 2в, 2г, 2д, 2е, 2ж-иловаларга мувофиқ;
3. Ўзбекистон Республикаси Молия вазирлиги, Меҳнат вазирлиги Ўзбекистон Телерадиокомпанияси билан биргаликда ҳар йили Телерадиокомпаниянинг бошқарув аппарати ходимлари ва ижодий-ишлаб чиқариш ходимлари сонини Вазирлар Маҳкамасининг 1994 йил 28 мартдаги 167-сон қарори билан тасдиқланган телерадиоэшиттиришларни тайёрлаш ва трансляция қилиш учун харажатлар нормативлари бўйича аниқлаб борсинлар.
Кейинги таҳрирга қаранг.
4. Ўзбекистон Телерадиокомпаниясига раиснинг тўрт нафар ўринбосари, шу жумладан, бир нафар биринчи ўринбосари бўлишига рухсат этилсин.
Компания раисига, унинг ўринбосарларига ва бошқарув аъзоларига Ўзбекистон Республикаси вазирлари ва вазирларнинг ўринбосарлари, вазирликлар ҳайъатлари аъзолари учун белгиланган моддий-маиший таъминот, тиббий ва транспорт хизмати кўрсатиш шарт-шароитлари татбиқ этилсин.
Ўзбекистон Республикаси Молия вазирлиги ва Ташқи ишлар вазирлиги билан биргаликда белгиланган тартибда «Ахборот телерадиоагентлиги»ни ташкил этиш тўғрисида таклиф киритсин.
6. Ўзбекистон Телерадиокомпаниясининг қурилаётган ва реконструкция қилинаётган объектлари рўйхати 5-иловага* мувофиқ тасдиқлансин. «Тошкентуйжойинвестқурилиш» корпорацияси объектлар қурилиши бўйича бош пудратчи этиб белгилансин.
«Ўзистиқболстат» давлат қўмитаси ва Ўзбекистон Республикаси Молия вазирлиги Ўзбекистон Телерадиокомпаниясига ҳар йилги капитал қурилиш прогнозларида 5-иловада* кўрсатиб ўтилган объектлар қурилиши учун маблағлар ажратишни, шу жумладан, 1996 йилда 150 млн. сўм ажратишни назарда тутсинлар.
7. Ўзбекистон Телерадиокомпанияси, Ўзбекистон Республикаси Алоқа вазирлиги, «Ўзистиқболстат» давлат қўмитаси, Ташқи иқтисодий алоқалар вазирлиги, Молия вазирлиги, Ташқи иқтисодий фаолият миллий банки Ўзбекистон Телерадиокомпанияси тизимини «Сименс» (ГФР) компаниясини жалб этган ҳолда комплекс техник қайта жиҳозлаш юзасидан Вазирлар Маҳкамасининг қарори лойиҳасини 20 кун муддатда тайёрласинлар ва тақдим этсинлар.
Вазирлар Маҳкамасининг 1994 йил 28 мартдаги 167-сон қарорига мувофиқ Ўзбекистон Телерадиокомпаниясининг моддий-техника базасини мустаҳкамлаш учун 5,9 млн. АҚШ доллари, шунингдек 1,8 млрд. Россия рубли миқдорида фоизсиз кредит ажратилганлиги маълумот учун қабул қилинсин.
8. Ўзбекистон Республикаси Олий ва ўрта махсус таълим вазирлиги, Маданият ишлари вазирлиги, Алоқа вазирлиги ва Халқ таълими вазирлиги 1996 — 2000 йилларда контракт-шартнома асосида турдош мутахассисликларнинг юқори курсларида ўқиётганлар орасидан «Ўзтелерадио» иш соҳалари бўйича кадрлар тайёрлашни тезлаштириш ва унинг тизимига олий ва ўрта махсус таълим ўқув муассасалари битирувчиларини 6-иловага* мувофиқ юборишни таъминласинлар.
9. Вазирликлар ва идоралар «Ўзтелерадио» тизимида ишловчи хорижий мутахассислардан ва унинг таклифига биноан келадиган хорижий фуқаролардан меҳмонхонада яшаганлиги, транспортдан фойдаланганлиги, виза хизматлари кўрсатилганлиги учун тўловларни миллий валютада ва Ўзбекистон Республикаси фуқаролари учун белгиланган миқдорларда қабул қилсинлар.
11. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари С.С. Саидқосимов зиммасига юклансин.
1. Ўзбекистон Республикаси Президентининг 1996 йил 7 майдаги Фармонига мувофиқ ташкил этилган Ўзбекистон Телерадиокомпанияси (кейинги ўринларда «Ўзтелерадио» деб аталади) конституциявий ривожланишни, қонунчиликка риоя этилишини, инсон ҳуқуқлари ва қадр-қиммати муҳофаза қилинишини таъминловчи демократиянинг муҳим институти, Ўзбекистон Республикасининг давлат, жамоат ва хусусий радиокомпанияларининг ягона тизимида телевизион ҳамда радиоэшиттиришларни амалга оширувчи ташкилот ҳисобланади.
2. «Ўзтелерадио» Ўзбекистонда телерадиоэшиттириш соҳасида мувофиқлаштирувчи орган ҳисобланади ва ўз фаолияти тўғрисида Вазирлар Маҳкамасига ҳисоб беради.
3. «Ўзтелерадио» Ўзбекистон Давлат телерадиоэшиттириш компаниясининг, шу жумладан, чет давлатларнинг ташкилотлари, фирмалари ва корхоналари билан тузилган шартномалар ва битимларнинг ҳуқуқий вориси ҳисобланади.
4. «Ўзтелерадио» юридик шахс ҳисобланади, мустақил балансига эга бўлади, республиканинг бутун ҳудудида, шунингдек, унинг ташқарисида зарур хўжалик-молия операцияларини бажаради, банк муассасаларида ўз ҳисоб-китоб счётларига эга бўлади, қонунчилик билан белгиланган тартибда ташқи иқтисодий фаолиятни амалга оширади.
«Ўзтелерадио» оммавий ахборот воситаларининг муассиси, таҳририяти, тарқатувчиси ва ношири ҳуқуқларига эга бўлади.
5. Ўзбекистон Телерадиокомпаниясининг ҳудудий (минтақавий) бўлинмалари Ўзбекистон Телерадиокомпанияси ва тегишли равишда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан таъсис этилади.
6. «Ўзтелерадио» ўз фаолиятида Ўзбекистон Республикаси Конституциясига, қонунларига, Ўзбекистон Республикаси Олий Мажлисининг қарорлари ва бошқа ҳужжатларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, мазкур Низомга ва ўз фаолиятига тегишли бўлган бошқа норматив ҳужжатларга амал қилади.
7. «Ўзтелерадио» Ўзбекистон Республикаси Давлат герби тасвирланган ва ўз номи ёзилган муҳрга, фирма белгисига, рамзига эга бўлади.
«Ўзтелерадио» ахборотларнинг мафкурадан мутлақо ҳоли бўлишини назарда тутган ҳолда аҳоли ҳамда жамиятнинг холисона, ишончли ва хилма-хил ахборотларга бўлган эҳтиёжларини ўрганиш ва қониқтиришни таъминлайди.
Жамоатчилик фикрининг хилма-хиллигини акс эттиради, инсоннинг Ўзбекистон Республикаси Конституциясида мустаҳкамланган эътиқодлари ва қадр-қиммати, унинг ҳуқуқ ва эркинликларининг ҳурмат қилинишини таъминлайди.
Қарашлар тенглигини таъминлайди, материаллар мазмунининг мустақиллиги ва холислигини, Ўзбекистон ҳудудида Ўзбекистон Республикаси қонун ҳужжатларига мувофиқ ўз фаолиятини амалга оширувчи партия ва ҳаракатларнинг концепциялари ва дастурий қоидаларини эфирда бир хилда тақдим этилишини кафолатлайди.
Репортажлар, шарҳлар ва бошқа ахборот эшиттиришлари журналистик этиканинг умумий эътироф этилган қоидаларига монанд бўлиши лозим. Янгиликлар эфирга узатилишигача тегишли тарзда мазмуни, ишончлилиги ва келиб чиқиши нуқтаи назаридан батафсил текширилиши зарур. Шарҳлар ахборотларнинг ўзидан аниқ ажралиб туриши лозим ва шундай эканлиги сифатида белгиланиши зарур.
Аҳолини демократик жамият қурилишига фаол жалб этишга, фуқароларни умуминсоний қадриятларга, бой миллий меросга ҳурмат руҳида тарбиялашга, ўсиб келаётган авлодда юксак маънавий фазилатлар, миллий ўз-ўзини англаш, Ватанга меҳр-муҳаббат ва садоқатни шакллантиришга ёрдам беради.
Миллатлараро сабр-бардош, тотувлик ва тинчлик принципларини тасдиқлайди. Ўзбекистон халқининг жипслигига ҳамда халқаро ҳамфикрликка ёрдам беради.
Мамлакатдаги конституцион нормалар ва қонунчиликнинг тушунтирилишини, уларнинг ҳаётга татбиқ этилиши ҳамда ҳуқуқий жамият шаклланишида ҳар томонлама ёрдамни; мамлакат аҳолисини, шунингдек чет эл жамоатчилигини Ўзбекистоннинг сиёсий, иқтисодий ва ижтимоий-маданий ҳаётида содир бўлаётган ўзгаришлар тўғрисида кенг хабардор қилинишини таъминлайди.
амалдаги давлат тузумини ўзгартиришнинг ноконституциявий шаклларига чақирса (Ўзбекистон ЖКнинг 159-моддаси);
инсониятнинг қадр-қимматини оёқости қиладиган, унинг устидан шафқатсизларча зўравонликни акс эттирса (Ўзбекистон ЖКнинг 140-моддаси);
шарм-ҳаёсиз бўлса (ЖКнинг 130-моддаси, Ўзбекистон оммавий ахборот воситалари тўғрисидаги Қонуннинг 4-моддаси);
аҳоли айрим қатламларининг, уларнинг диний, миллий ва маданий келиб чиқиши билан боғлиқ манфаатларини чекласа;
болалар ва ўсмирларнинг жисмоний, ахлоқий ёки руҳий саломатлигига зарар келтирса уларнинг тарқатилишига йўл қўйилмайди.
2. «Ўзтелерадио» ўзига юкланган вазифаларга мувофиқ холислик, тезкорлик ва ўз ахборотларининг мутлақо янги бўлиши принципларига асосланиб:
Ўзбекистон Республикаси, унинг ички ва ташқи сиёсати тўғрисида, республикада рўй бераётган жараёнлар, шу воқеаларга нисбатан унинг ташқарисидаги муносабатлар ҳақида, шунингдек, хориждаги воқеалар ва жараёнлар тўғрисида ҳар томонлама ахборот беради;
Ўзбекистон Республикаси давлат ҳокимияти ва бошқарув органлари фаолияти тўғрисидаги расмий хабарларни тарқатади, улар томонидан қабул қилинадиган қарорларни тушунтиради, улар юзасидан билдирилаётган фикр-мулоҳазаларни таҳлил қилади;
ўз нашрларини эълон қилади, халқаро кўргазмалар, симпозиумлар, телебозорлар, конференциялар ва фестиваллар ташкил этади ва уларда қатнашади;
телекўрсатувлар ва радиоэшиттиришлар учун телерадио дастурлари, телефильмлар, адабий ва мусиқий асарлар, саҳна асарлари яратишнинг ижодий-ишлаб чиқариш жараёнларини таъминлайди;
компания барча тузилмалари ва бўлинмалари учун мажбурий норматив ҳужжат ҳисобланувчи истиқболдаги (камида 3 ойлик) эшиттиришлар сеткасини («Ўзтелерадио» бошқаруви) тасдиқлайди. Оммавий ахборот воситалари орқали эълон қилинган кўрсатув ва эшиттиришлар дастури фақат умумдавлат аҳамиятига эга бўлган фавқулодда ҳолатларда «Ўзтелерадио» раисининг кўрсатмаси билан ўзгартирилади. Қолган барча ҳолларда ўзгартиришлар компания бошқаруви томонидан тасдиқланади;
телефильмларни ишлаб чиқаришга тушириш, уларни кўпайтириш тартибини белгилайди, теле, радио ва кино маҳсулотлари ишлаб чиқариш учун моддий харажатларнинг нормативларини ишлаб чиқади ва тасдиқлайди;
ижодий-ишлаб чиқариш ва ижтимоий ривожлантириш фондларини зарур валюта ва ўз фаолиятини амалга ошириш учун зарур бўлган бошқа фондларни мустақил шакллантиради ва улардан фойдаланади. Кўрсатув ва эшиттиришларнинг амалдаги ҳажми, сифати, жанри ва рейтингига қараб уларни тайёрлаш ва трансляция қилиш харажатлари нормативларига асосан телерадиокомпаниянинг барча ходимлари меҳнатини нормалашнинг ва улар меҳнатига ҳақ тўлашнинг ривожланган шаклларини жорий этади. Мукофотлар ва рағбатлантирувчи тусдаги бошқа тўловлар, шу жумладан раҳбарлар ва аппарат ходимларига ҳам, миқдорларини, шунингдек турли тоифалар ходимлари сони нисбатларини ҳисобга олмаган ҳолда, кўрсатилган мақсадларга ажратилган маблағлар доирасида штат ва тузилмани белгилайди;
телевидение ва радио учун барча турдаги асарларни яратганлик учун муаллифлик, саҳнага қўйганлик ҳамда ижрочилик тўловлари тўланиши тартиби ва улар миқдорини, шунингдек, адабий-бадиий асарлар, сценарийлар, телефильмларга, телевизион кўрсатувларга ва радиоэшиттиришларга мусиқа яратганлик учун ставкаларни белгилайди;
халқнинг миллий маънавий бойлиги ва маданий меросининг бир қисми сифатида телекўрсатув ва радио асарлари «Олтин фонди»ни танлаш, бутлаш ҳамда сақлаш вазифасини амалга оширади;
меҳнат муносабатларининг танлов-шартнома тизими асосида кадрларни танлайди ҳамда жой-жойига қўйиш ишларини олиб боради, «Ўзтелерадио» ходимларини Республика ва хорижий олий ўқув юртлари базасида тайёрлаш ва қайта тайёрлашни амалга оширади;
телерадио дастурларининг рейтингини аниқлаш ҳамда уни ошириш мақсадида телетомошабинлар ва радиоэшитувчиларнинг фикр-мулоҳазаларини социологик ўрганишни амалга оширади;
телекўрсатув ҳамда радиоэшиттиришларнинг мақсадли эфир вақтини вазирликлар, идоралар, корхоналар, ташкилотлар ва жисмоний шахсларга ҳамда жамоат бирлашмаларига ва хорижий ташкилотларга тижорат асосида ажратади;
телекўрсатув ва радиоэшиттиришларнинг халқаро ва хусусий органлари билан телерадио дастурлари, илмий-услубий, ҳуқуқий, техникавий, тижорат ва бошқа ахборотларни ўзаро алмашиш масалалари юзасидан икки томонлама ҳамда кўп томонлама шартномалар тузади;
Ўзбекистон Республикаси Алоқа вазирлиги корхоналари ва органлари билан биргаликда телекўрсатув ва радиоэшиттиришлар дастурларини республика ҳудудида ва унинг ташқарисида шакллантириш ҳамда тарқатиш ягона тармоқларининг фаолият кўрсатишларини таъминловчи техник воситаларни оқилона жойлаштириш ва самарали ривожлантиришни амалга оширади;
давлат алоқа органларининг ўзлаштирилган радиочастоталар, частота каналлари билан телекўрсатув ва радиоэшиттиришларнинг техника воситаларидан самарали фойдаланишини таъминлайди;
бюджетдан ажратилган маблағлар ва ўз маблағлари доирасида буюртмаларни жойлаштиради, телекўрсатув ҳамда радиоэшиттириш учун техника, технология ҳамда асбоб-ускуналарнинг янги турларини ишлаб чиқишни маблағ билан таъминлайди, хусусий технологик инфраструктурани яратиш учун телекўрсатув ва радиоэшиттиришларга асбоб-ускуналар ишлаб чиқарувчи корхоналар ва фирмалар, илмий-тадқиқот ташкилотлари билан бевосита алоқалар ўрнатади;
телекўрсатув ва радиоэшиттиришлар дастурларини намойиш қилишнинг техник шартларига мувофиқ келувчи бинолар ҳамда иншоотлар қуриш учун техник вазифаларнинг лойиҳаларини келишиб олади;
Ўзбекистон Республикасида телекўрсатув ва радиоэшиттиришларни ташкил этиш ва бошқаришнинг ҳуқуқий асосларини ишлаб чиқишда қатнашади;
белгиланган тартибда тегишли республика ҳамда халқаро ҳуқуқий ташкилотларда «Ўзтелерадио» манфаатларини ҳимоя қилади;
Ўзбекистон Республикасининг телекўрсатув ва радиоэшиттиришлар соҳасидаги халқаро алоқаларини амалга оширади;
чет мамлакатларнинг телерадиокомпаниялари ва ташкилотлари билан ҳамкорлик тўғрисида битимлар, протоколлар ва бошқа ҳужжатларни ишлаб чиқади, ташқи иқтисодий фаолият соҳасида шартномалар тузади, телекўрсатув ва радиоэшиттиришлар соҳасида экспорт-импорт операцияларини, вакилликни, воситачилик фаолиятини амалга оширади;
чет эллик шериклар билан қўшма корхоналар ташкил этади, аудио ва видео кассеталарга ёзилган дастурларни, кино маҳсулотларини ишлаб чиқаради, кўпайтиради ва сотади, шунингдек унинг моддий-техника базасини ривожлантиришга, молиявий-иқтисодий аҳволини мустаҳкамлашга ёрдам берувчи фаолиятнинг бошқа турларини амалга оширади;
мулкчиликнинг турли шаклларидаги эфирга узатиш тузилмаларини тузишга оид лойиҳаларни ишлаб чиқади ва сотади.
телекўрсатувлар ва радиоэшиттиришлар тайёрлаш учун давлат органлари, жамоат бирлашмалари ва мансабдор шахслардан зарур ахборотлар олиш;
«Ўзтелерадио» ходимларининг хизмат вазифасини бажаришлари учун талаб этилган вақтда давлат органлари ва жамоат ташкилотларидан ёрдам олиш;
ходимларни оммавий тадбирларга, шунингдек, табиий офатлар, ҳалокатлар бўлган, ҳарбий ўқишлар ва жанговар ҳаракатлар, космик тадқиқотлар ўтказилаётган, экологик офатлар ва жиноятлар бўлган, озодликдан маҳрум этиш жойларига (тегишли органлар билан келишган ҳолда) телекўрсатувлар ва радиоэшиттиришлар ташкил этиш учун юбориш;
Ўзбекистон Республикаси қонунлари асосида, республика телерадиоэшиттиришлар тизимида ягона давлат сиёсатини амалга ошириш билан боғлиқ масалалар бўйича, телекўрсатув ва радиоэшиттиришларнинг барча органлари ҳамда ташкилотлари учун, уларнинг идоравий мансублигидан ва мулкчилик шаклларидан қатъи назар, мажбурий норматив ҳужжатлар нашр этиш;
тегишли органларга телекўрсатувлар ва радиоэшиттиришларни трансляция қилишнинг техник талабларига риоя қилинмаган ҳолда амалга оширилаётган бинолар ва иншоотлар қурилишини тўхтатиб қўйиш тўғрисида таклифлар юбориш;
«Ўзтелерадио» дастурларини тарқатиш ва намойиш қилиш мақсадида фойдаланиладиган «Ўзтелерадио»га бириктириб қўйилган телекўрсатув ва радиоэшиттиришларнинг барча техник воситаларининг улар ўзлаштирган радиочастоталар, частота каналлари, сим орқали (кабель орқали) узатиш ва алоқа каналлари билан фаолият кўрсатиши (кўрсатувлар ва эшиттиришлар ҳажми ва тартиби) режимини белгилаш;
эшиттиришлар сеткасини мустақил шакллантириш ва мақсадга мувофиқлигига амал қилган ҳолда эфир вақтидан фойдаланиш шаклларини моделлаштириш;
оммавий ахборот воситалари муассиси, таҳририяти, тарқатувчиси ва ношири ҳуқуқларига эга бўлиш, умумреспублика телекўрсатувлари ва радиоэшиттиришлари ташкилотлари ҳамда матбуот органларини таъсис этиш, таъсис этиладиган органларнинг дастурлари, уставлари (низомлари)ни тасдиқлаш, уларга молиявий ва моддий-техника ёрдами бериш;
Алоқа вазирлиги билан келишган ҳолда умумреспублика телерадио дастурларини Ўзбекистон Республикасининг барча ҳудудига ва унинг ташқарисига тарқатиш тартибини белгилаш;
телерадио маҳсулотлари тайёрлаш учун бюджет, жалб этилган ва ўз маблағлари ҳисобидан юридик ва жисмоний шахсларда техникалар харид қилиш ва хизматлар олиш бўйича, шунингдек телерадио маҳсулотларини сотиш ҳамда эфир вақтини ажратиш бўйича контрактлар тузиш;
бадиий қадр-қиммати, касбий даражаси ва телерадио дастурларининг рейтингига қараб барча тоифа ходимларига якка тартибдаги устамалар, қўшимча ҳақлар, мукофотлар ва рағбатлантириш тусидаги бошқа тўловларни аниқлаш ва белгилаш;
буюртма асосида яратиладиган телерадио маҳсулотларига баҳоларни, кўрсатилган хизматлар учун сўмда ва чет эл валютасида тарифларни мустақил белгилаш;
«Ўзтелерадио»нинг фаолият кўрсатаётган ижодий-ишлаб чиқариш тузилмаларини ўзини-ўзи маблағ билан таъминлаш асосида, шу жумладан хорижий шерикларни жалб этган ҳолда, ишлашга ўтказиш ҳамда ана шундай тартибда ишлайдиган янги тузилмаларни ташкил этиш;
республика ҳудудида ва унинг ташқарисида белгиланган тартибда фирмалар, ташкилотлар, ваколатхоналар, бўлимлар, агентликлар, мухбирлик пунктлари ва уларнинг филиалларини таъсис этиш, қайта ташкил қилиш ва тугатиш;
мавжуд маблағлар доирасида ахборот, маданият, хайрия, инсонпарварлик ҳамда бошқа хил фондлар, телерадиолотереялар таъсис этиш, банклар ташкил қилиш, мамлакатимизда ва хорижда фаолият кўрсатаётган шунга ўхшаш фондлар таркибига кириш; энг яхши асарлар ва ахборот материаллари учун муаллифларни рағбатлантириш мақсадида махсус мукофотлар таъсис этиш;
телекўрсатувлар, радиоэшиттиришлар, фильмлар яратиш соҳасидаги муаммоларни таҳлил қилиш ва уларни ҳал этишнинг оқилона йўлларини топиш мақсадида юқори малакали мутахассислар ва экспертларни, шу жумладан уларни республика ташқарисидан ҳам жалб қилиш;
танловлар, фестиваллар, викториналар ўтказиш, делегацияларни, мамлакатимизнинг ва чет эллар телерадио ташкилотлари вакилларини қабул қилиш, шунингдек, «Ўзтелерадио» фаолияти билан боғлиқ тадбирларни ўтказиш учун сарф-харажатлар нормасини ишлаб чиқиш ва тасдиқлаш;
республика раҳбариятининг қарорлари ва фармойишларини республика вазирликлари ва давлат бошқа бошқарув органлари учун белгиланган тартибда олиш.
2. «Ўзтелерадио» зиммасига юкланган вазифалар ва ишларни бажаришда у республика бирлашмаларига ҳамда Ўзбекистон Республикасининг давлат бошқарув органларига берилган бошқа ҳуқуқлардан ҳам фойдаланади.
3. «Ўзтелерадио» ваколати доирасига кирувчи ёки унинг манфаатларига дахлдор масалалар қонунда назарда тутилган ҳолларда давлат органлари ва хўжалик ташкилотлари томонидан «Ўзтелерадио» иштирокида ҳал этилади.
2. Ўзбекистон Телерадиокомпанияси раиси компания фаолиятига раҳбарлик қилади, «Ўзтелерадио»га юкланган вазифалар ва функцияларнинг бажарилиши учун шахсан жавоб беради, раис ўринбосарларининг, таркибий бўлинмалар раҳбарларининг, шунингдек, ўз таркибига кирувчи бирлашмалар, корхоналар ҳамда ташкилотлар раҳбарларининг жавобгарлик даражаларини белгилайди.
3. Ўзбекистон Телерадиокомпаниясида раис, унинг ўринбосарлари ва «Ўзтелерадио»нинг бошқа ходимлари таркибида 15 кишидан иборат бошқарув тузилади.
Бошқарувга Ўзбекистон Телерадиокомпанияси раиси бошчилик қилади. Бошқарув аъзолари Ўзбекистон Республикаси Вазирлар Маҳкамаси томонидан тасдиқланади.
1. Ўзбекистон Республикасининг тугатилган Давлат телерадиоэшиттириш компаниясининг ва унга қарашли маҳаллий телерадиокомпаниялар ҳамда ташкилотлар ихтиёрида бўлган асосий фондлар ва бошқа давлат мол-мулки Ўзбекистон Телерадиокомпаниясининг мол-мулкини ташкил қилади. «Ўзтелерадио» кўрсатилган давлат мулкини бошқариш учун ваколатли бўлган давлат органи функциясини бажаради. Ўзбекистон Телерадиокомпанияси мол-мулкининг қиймати унинг мустақил балансида акс этади.
2. Ўзбекистон Телерадиокомпаниясининг пул маблағлари техника воситаларидан фойдаланиш, техникавий базани мустаҳкамлаш, мақсадли дастурларни амалга ошириш, республика ташқарисидаги вакилликларни маблағ билан таъминлаш ва бошқа ишлаб чиқариш эҳтиёжлари учун белгиланган нормативлар ҳамда ҳисоб-китобларга мувофиқ давлат буюртмасини бажариш учун давлат бюджетидан ажратилади.
Тижорат фаолиятидан, пулли хизматлар кўрсатиш, вазирликлар, идоралар, корхоналар ва ташкилотлар, айрим фуқаролар билан тузилган шартномалар бўйича кўрсатилган хизматлар ва бажарилган ишлардан, ҳомийлардан, ташқи иқтисодий фаолиятдан, шунингдек, корхоналар, муассасалар, ташкилотлар ва фуқаролар ўтказган беғараз ва хайрия бадалларидан, акциялар ва қимматли қоғозлар, Ўзбекистон Республикаси қонунчилиги билан ман этилмаган бошқа манбалардан олинадиган маблағлар Ўзбекистон Телерадиокомпаниясини молиявий таъминлашнинг қўшимча манбалари ҳисобланади.
3. Ўзбекистон Телерадиокомпанияси телерадиокомпанияни ривожлантириш фондини, шунингдек, меҳнатга ҳақ тўлаш, ижодий-ишлаб чиқариш ва ижтимоий ривожлантириш фондларини, компания вазифаларини амалга ошириш учун зарур бўлган валюта ҳамда бошқа фондларни ташкил этади.
4. Ўзбекистон Телерадиокомпанияси ўз мажбуриятлари бўйича қонунчиликка мувофиқ ундириб олиниши мумкин бўлган ўзига бириктириб қўйилган мол-мулк учун жавоб беради.
5. Ўзбекистон Телерадиокомпанияси бухгалтерия, тезкорлик ва статистика ҳисобини юритади, белгиланган тартибда ишлаб чиқариш-хўжалик фаолиятининг барча турлари бўйича ҳисобот тайёрлайди ва тақдим этади, ҳисоботлар ва балансларнинг ишончлилигини таъминлайди.
6. Ўзбекистон Телерадиокомпанияси ўзига бўйсунувчи маҳаллий телерадиокомпаниялар, корхоналар ва ташкилотлар молия-хўжалик фаолиятларининг қонунчиликка мувофиқ тематик текширишлардан ва комплекс тафтишлардан ўтказилишини таъминлайди.
7. Ўзбекистон Телерадиокомпаниясини қайта ташкил этиш ва тугатиш белгиланган тартибда амалга оширилади.