Кейинги таҳрирга қаранг.
LexUZ шарҳи
Мазкур қарор Ўзбекистон Республикаси Вазирлар Маҳкамасининг 2017 йил 11 майдаги 270-сонли «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўзбекистон Республикаси Маданият вазирлиги фаолиятини ташкил этиш тўғрисида» 2017 йил 15 февралдаги ПҚ–2778-сон қарори)»ги қарорига асосан ўз кучини йўқотган.
Ўзбекистон Республикаси Президентининг «Ўзбекнаво» гастроль-концерт бирлашмасини ташкил этиш тўғрисида» 1996 йил 5 апрелдаги ПФ-1419-сон Фармонини бажариш юзасидан Вазирлар Маҳкамаси қарор қилади:
1. «Ўзбекнаво» гастроль-концерт бирлашмаси фаолиятининг асосий йўналишлари тўғрисидаги Низом, унинг таркибига кирувчи ижодий жамоалар ва комплекслар рўйхати ҳамда бирлашма дирекцияси тузилмаси 1, 2, 3-иловаларга мувофиқ тасдиқлансин.
ижодий-техник имкониятлардан янада самарали фойдаланиш мақсадида «Туркистон» саройи ва «Баҳор» комплексларининг, шунингдек концерт ташкилотларининг, уларга кирувчи ижодий жамоалар ва алоҳида ижрочиларнинг амалдаги тузилмасини қайта кўриб чиқсин;
Ўзбекистон Республикаси Маданият ишлари вазирлиги, Халқ таълими вазирлиги ва Олий ва ўрта махсус таълим вазирлиги билан биргаликда эстрада-цирк санъати республика студияси негизида коллеж, шунингдек М. Ашрафий номидаги Тошкент давлат консерваториясида эстрада санъати факультети ташкил этиш тўғрисида Вазирлар Маҳкамасига таклифлар киритсин;
Молия вазирлиги ва бошқа манфаатдор вазирликлар, идоралар билан биргаликда «Ўзбекнаво» бирлашмасининг моддий-техника базасини мустаҳкамлаш ҳақидаги таклифларни ишлаб чиқсин ва тасдиқлаш учун Вазирлар Маҳкамасига киритсин;
Адлия вазирлиги билан биргаликда қонунчиликда белгиланган тартибда маданият ва санъат соҳаси фаолият турларини мулкчиликнинг барча шаклларидаги корхоналар (ташкилотлар), шу жумладан хорижий ва қўшма корхоналар фақат махсус рухсатнома (лицензия) асосида шуғулланишга ҳақли бўлган фаолият турлари Рўйхатига киритиш тўғрисида таклиф киритсин.
Кейинги таҳрирга қаранг.
бош директор раҳбарлик қиладиган дирекция «Ўзбекнаво» гастроль-концерт бирлашмаси бошқарувининг ижро этувчи-тасарруф қилувчи органи ҳисобланади. «Ўзбекнаво» бош директори бирлашма Кенгашининг раиси, Ўзбекистон Республикаси Маданият ишлари вазирининг ўринбосари ҳисобланади;
Кенгаш бирлашма бошқарувининг маслаҳатлашув органи ҳисобланади, унинг таркибига қатнашчи ташкилотлар ва ҳудудий бўлимлар раҳбарлари, шунингдек бирлашма бош директори ҳамда унинг ўринбосарлари кирадилар. Бош директор ва унинг ўринбосарлари Ўзбекистон Республикаси Вазирлар Маҳкамаси томонидан тайинланадилар.
Кейинги таҳрирга қаранг.
4. Белгилансинки, Ўзбекистон Республикаси Вазирлар Маҳкамасининг «Ўзбекистонда театр ва мусиқа санъатини янада ривожлантиришни қўллаб-қувватлаш ва рағбатлантириш чора-тадбирлари тўғрисида»ги Фармонни амалга ошириш масалалари ҳақида» 1995 йил 28 октябрдаги 415-сон қарорининг амал қилиши «Ўзбекнаво» гастроль-концерт бирлашмасига ҳам жорий этилади.
Кейинги таҳрирга қаранг.
5. «Ўзбекистон» бирлашмаси ҳузурида мақсади мусиқа ва рақс санъатини ривожлантиришдан, ижодий жамоаларни ҳамда алоҳида ижрочиларни моддий ва ижтимоий қўллаб-қувватлашдан, ёш талантларни тайёрлаш ва рағбатлантиришдан иборат бўлган Ривожлантириш жамғармаси белгиланган тартибда ташкил этилсин.
Белгилаб қўйилсинки, давлат, жамоат ташкилотлари ҳамда мулкчилик шаклларидан ва идоравий бўйсунишидан қатъи назар, бошқа ташкилотлар, шу жумладан хорижий ташкилотлар Жамғарма муассислари бўлишлари мумкин.
6. Ўзбекистон Республикаси Адлия вазирлиги бир ой муддатда «Ўзбекнаво» бирлашмаси ҳузуридаги Ривожлантириш жамғармаси тўғрисидаги низомни белгиланган тартибда тасдиқласин.
7. Ўзбекистон Республикаси Маданият ишлари вазирлиги бир ой муддатда бирлашма таркибига кирувчи ижодий мусиқа жамоаларининг асосий фондларини, давлат мулкини Маданият ишлари вазирлиги балансидан «Ўзбекнаво» гастроль-концерт бирлашмаси балансига текин ўтказсин.
«Ўзбекнаво» гастроль-концерт бирлашмаси таркибига кирувчи ташкилотларни тўлиқ хўжалик ҳисобига ўтадиган 1999 йилгача (алоҳида сатр билан ажратган ҳолда) бюджетдан маблағ билан таъминлашни сақлаб қолсин;
«Ўзбекнаво» гастроль-концерт бирлашмасининг бошқарув аппаратига хизмат кўрсатиш учун иккита енгил автомобилга лимит ажратсин.
9. «Тошшаҳарйўловчитранс» давлат уюшмаси «Ўзбекнаво» гастроль-концерт бирлашмасига ажратилган лимит ва дирекция буюртманомаларига мувофиқ транспорт хизмати кўрсатишни таъминласин.
Кейинги таҳрирга қаранг.
10. Ўзбекистон Республикаси Алоқа вазирлиги «Ўзбекнаво» гастроль-концерт бирлашмаси учун ҳукумат ва шаҳар телефон алоқаси ўрнатишни таъминласин.
Кейинги таҳрирга қаранг.
11. Қорақалпоғистон Республикаси Вазирлар Кенгаши ва вилоятлар ҳокимликлари маҳаллий филармония, эстрада, рақс, фольклор ва бошқа концерт ташкилотлари негизида «Ўзбекнаво» гастроль-концерт бирлашмаси бўлимлари ташкил этилишига кўмаклашсинлар.
12. Ўзбекистон Республикаси Адлия вазирлиги бир ой муддатда «Ўзбекнаво» гастроль-концерт бирлашмаси Уставини рўйхатдан ўтказсин.
13. «Ўзбекнаво» гастроль-концерт бирлашмаси дирекцияси Тошкент шаҳар, Навоий кўчаси, 2-уйдаги «Туркистон» саройига жойлаштирилсин.
14. Ўзбекистон Республикаси Вазирлар Маҳкамасининг 1993 йил 30 мартдаги 161-сон қарори ўз кучини йўқотган деб ҳисоблансин.
15. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари С. Саидқосимов зиммасига юклансин.
Кейинги таҳрирга қаранг.
1. «Ўзбекнаво» гастроль-концерт бирлашмаси (бундан буён матнда «Ўзбекнаво» деб аталади) қўшма фаолиятни амалга оширувчи ижодий концерт жамоалари ва алоҳида ижрочиларни ихтиёрийлик асосида бирлаштирувчи мустақил ижодий-ишлаб чиқариш комплекси ҳисобланади.
2. «Ўзбекнаво» таркибига давлат республика ва вилоят концерт ташкилотлари билан бир қаторда, қайси идорага қарашлилигидан ва мулкчилик шаклларидан қатъи назар, ижодий жамоалар ва алоҳида ижрочилар киришлари мумкин.
3. «Ўзбекнаво» Ўзбекистон Республикаси Конституциясига, Президент Фармонларига, Вазирлар Маҳкамасининг қарорлари ва фармойишларига, шунингдек, Ўзбекистон Республикаси қонун ҳужжатларига ва мазкур Низомга мувофиқ фаолият кўрсатади.
Олдинги таҳрирга қаранг.
4. «Ўзбекнаво» юридик шахс ҳисобланади, банк муассасаларида ҳисоб-китоб, валюта ва бошқа счётларга эга бўлади, алоҳида мулкка эгалик қилади, ўз номидан ҳар хил турдаги шартномалар, битишувлар, шу жумладан хорижий шериклар билан ҳам шартномалар, битишувлар тузиши, мулкий ва шахсий, мулкий бўлмаган ҳуқуқлар ва мажбуриятлар олиши, хўжалик судида, суд ёки ҳакамлик судида даъвогар ва жавобгар бўлиши мумкин.
(4-банд Ўзбекистон Республикаси Вазирлар Маҳкамасининг 1997 йил 7 августдаги 392-сонли қарори таҳририда)
1. «Ўзбекнаво» республика аҳолисининг маданий савиясини кўтаришда концерт ташкилотлари ва алоҳида ижрочиларнинг ижодий имкониятларини кенгайтириш, театр ва эстрада майдонларидан фойдаланишни яхшилаш, маданий, ишлаб чиқариш, илмий, иқтисодий ва ижтимоий ривожланиш учун куч ва маблағларни бирлаштириш мақсадида ташкил этилади.
мусиқа санъатида янги номларнинг туғилиши, ижодий жамоалар ва алоҳида ижрочилар репертуарларини доимий равишда янгилаш ҳамда мукаммаллаштириш учун илғор иқтисодий ва ижодий замин ҳамда механизмлар яратиш;
Ўзбекистон халқларининг мумтоз ва замонавий мусиқа ва рақс санъатининг энг яхши ютуқларини асраш ва тарғиб қилиш;
иқтисодий-ижтимоий ривожланишнинг истиқболли режаларини, мақсадли маданий, илмий-техник, иқтисодий ва ижтимоий дастурлар мажмуини ишлаб чиқиш ва рўёбга чиқариш;
маданий, илмий ва ишлаб чиқариш имкониятларини хизмат кўрсатишнинг янги илғор турларини ишлаб чиқиш ва жорий этишга йўналтириш;
қатнашчи ташкилотлар моддий-ишлаб чиқариш базасини ривожлантириш, кенгайтириш, реконструкция қилиш ва техникавий қайта жиҳозлаш борасидаги умумий масалаларни ҳал этиш учун инвестициялар соҳасида ягона стратегияни амалга ошириш;
хорижий фирмалар билан маданий, савдо-иқтисодий ва илмий-техник ҳамкорлик қилиш юзасидан ўзаро манфаатли ташқи иқтисодий алоқаларнинг янги шаклларини ривожлантириш;
«Ўзбекнаво»нинг ижодий мусиқа ва рақс жамоалари ҳамда алоҳида ижрочиларини бошқариш ва уларга раҳбарлик қилишнинг самарали тизимини яратиш, ишлашнинг ташаббусни ва моддий рағбатлантиришни ривожлантиришга йўналтирилган замонавий иқтисодий шакллари ва услубларини жорий этиш.
гастроль-концерт фаолиятининг халқаро дастурларини ишлаб чиқади ва амалга оширади, шоу-дастурлар, дам олиш кечалари, фестиваллар, кўриклар, конкурслар, байрамлар ва бошқаларни ўтказади;
мусиқа-рақс санъатини ривожлантиришга, ижодий жамоаларни ва айрим ижрочиларни моддий ва ижтимоий қўллаб-қувватлаш, ёш талантларни тайёрлаш ва уларни рағбатлантиришга қаратилган ривожлантириш жамғармасини ташкил этади;
янги мусиқий ва шеърий асарларни сотиб олади. Давлат буюртмаси шартларида янги концерт дастурлари яратади;
маданият ва мусиқа санъати соҳасида ахборотлар базасини яратади, хорижий ташкилотлар, вакилликлар ва фирмаларни республика бозори ҳақида хабардор қилади;
ижодий делегацияларни, ихтисослаштирилган туризм ташкилотларини айирбошлайди, товарлар ва хизматларни экспорт, импорт ва қайта экспорт қилади.
2. «Ўзбекнаво» ўзига тегишли мол-мулк ва маблағлардан ўз қатнашчилари манфаатлари йўлида фойдаланади, республикада ҳам, унинг ташқарисида ҳам ҳар қандай кўчар ва кўчмас мулкни қуриши ва реконструкция қилиши, сотиб олиши, ажратиши, ижарага олиши ва ижарага бериши, қонунга хилоф бўлмаган бошқа ишларни амалга ошириши мумкин.
3. «Ўзбекнаво» мустақил ва йиғма балансларга эга бўлади. Бирлашманинг мол-мулки мустақил балансда акс эттирилади.
4. «Ўзбекнаво» давлат корхоналари учун белгиланадиган қоидалар бўйича бухгалтерлик ҳисобини ташкил этади.
1. Юридик ва жисмоний шахслар ҳисобланувчи, мазкур Низом, бошқа таъсис ҳужжатлари талабларини тан олувчи ва бажарувчи, бирлашма вазифаларига мувофиқ ва бошқа қатнашчиларнинг манфаатлари йўлида маданий, ишлаб чиқариш-хўжалик ҳамда фаолиятнинг бошқа турларини амалга оширувчи маданият ва санъат ташкилотлари ва муассасалари, корхоналар ва бирлашмалар «Ўзбекнаво» қатнашчилари бўлишлари мумкин.
бирлашма ва бирлашма томонидан ташкил этилган корхоналар томонидан кўрсатиладиган хизматлардан шартнома асосида фойдаланиш;
ўз ривожланиши манфаатлари йўлида бирлашма ижодий, илмий-техник ишланмаларидан ва маҳсулотларидан устувор даражада фойдаланиш;
тузилган шартномаларга мувофиқ бирлашма олдидаги мажбуриятларни сақлаган ҳолда камида олти ой олдин Бирлашма кенгашини хабардор қилиб бирлашмадан чиқиш ҳуқуқига эгадирлар.
«Ўзбекнаво» ёки унинг ҳар қандай қатнашчиси билан тузилган шартномаларни бажармаганлик учун ушбу шартномалар ва Ўзбекистон Республикасининг қонун ҳужжатлари билан белгиланган тартибда жавоб беради.
Бирлашма тўғрисидаги Низомни бажармаганлик учун қатнашчи ташкилот бирлашма таркибидан чиқарилиши мумкин.
Кейинги таҳрирга қаранг.
1. Бош директор бошчилигидаги Дирекция бошқарувнинг ижро этувчи-тасарруф қилувчи органи ҳисобланади.
2. Кенгаш бирлашма бошқарувининг маслаҳатлашув органи ҳисобланади. Унга қатнашувчи ташкилотлар ва ҳудудий бўлинмаларнинг раҳбарлари, шунингдек, бирлашманинг бош директори ва унинг ўринбосарлари киради. Бош директор ва унинг ўринбосарлари Ўзбекистон Республикаси Вазирлар Маҳкамаси томонидан тайинланади.
«Ўзбекнаво» гастроль-концерт бирлашмасининг бош директори бирлашма Кенгашининг раиси, Ўзбекистон Республикаси Маданият ишлари вазирининг ўринбосари ва Маданият ишлари вазирлиги ҳайъати аъзоси ҳисобланади.
4. Бош директорнинг қарорлари буйруқлар билан расмийлаштирилади. Бирлашма томонидан ташкил этилган корхоналар ва ташкилотлар, шунингдек, ишчи аппарати учун, қатнашчи ташкилотлар учун эса уларга берилган ҳуқуқлар доирасида уларни бажариш мажбурийдир.
Кейинги таҳрирга қаранг.
Олдинги таҳрирга қаранг.
(2-илова Ўзбекистон Республикаси Вазирлар Маҳкамасининг 1997 йил 21 февралдаги 101-сонли қарори таҳририда)
Кейинги таҳрирга қаранг.
Номи | Сони |
Бош директор | 1 |
Бош директор ўринбосари | 2 |
Ижодкор ёшлар билан ишлаш бўйича бадиий раҳбар | 1 |
Иқтисодий прогноз, бухгалтерия ҳисоби ва ҳисоботи бўлими | 5 |
Ахборот-тижорат бўлими | 3 |
Моддий-техника таъминоти бўлими | 2 |
Кадрлар бўлими | 2 |
Гастроль-концерт фаолияти ва халқаро алоқалар бўлими | 4 |
Репертуар бўлими | 2 |
Жами: | 22 |
Кейинги таҳрирга қаранг.